॥ Sri Hari Ashtakam Malayalam Lyrics ॥
॥ ശ്രീഹര്യഷ്ടകം ॥
പ്രഹ്ലാദകൃതം
ഹരിര്‍ഹരതി പാപാനി ദുഷ്ടചിത്തൈരപി സ്മൃതഃ ।
അനിച്ഛയാഽപി സംസ്പൃഷ്ടോ ദഹത്യേവ ഹി പാവകഃ ॥ 1 ॥
സ ഗങ്ഗാ സ ഗയാ സേതുഃ സ കാശീ സ ച പുഷ്കരം ।
ജിഹ്വാഗ്രേ വര്‍തതേ യസ്യ ഹരിരിത്യക്ഷരദ്വയം ॥ 2 ॥
വാരാണസ്യാം കുരുക്ഷേത്രേ നൈമിശാരണ്യ ഏവ ച ।
യത്കൃതം തേന യേനോക്തം ഹരിരിത്യക്ഷരദ്വയം ॥ 3 ॥
പൃഥിവ്യാം യാനി തീര്‍ഥാനി പുണ്യാന്യായതനാനി ച ।
താനി സര്‍വാണ്യശേഷാണി ഹരിരിത്യക്ഷരദ്വയം ॥ 4 ॥
ഗവാം കോടിസഹസ്രാണി ഹേമകന്യാസഹസ്രകം ।
ദത്തം സ്യാത്തേന യേനോക്തം ഹരിരിത്യക്ഷരദ്വയം ॥ 5 ॥
ഋഗ്വേദോഽഥ യജുര്‍വേദഃ സാമവേദോഽപ്യഥര്‍വണഃ ।
അധീതസ്തേന യേനോക്തം ഹരിരിത്യക്ഷരദ്വയം ॥ 6 ॥
അശ്വമേധൈര്‍മഹായജ്ഞൈര്‍നരമേധൈസ്തഥൈവ ച ।
ഇഷ്ടം സ്യാത്തേന യേനോക്തം ഹരിരിത്യക്ഷരദ്വയം ॥ 7 ॥
പ്രാണഃ പ്രയാണപാഥേയം സംസാരവ്യാധിനാശനം ।
ദുഃഖാത്യന്തപരിത്രാണം ഹരിരിത്യക്ഷരദ്വയം ॥ 8 ॥
ബദ്ധഃ പരികരസ്തേന മോക്ഷായ ഗമനം പ്രതി ।
സകൃദുച്ചാരിതം യേന ഹരിരിത്യക്ഷരദ്വയം ॥ 9 ॥
ഹര്യഷ്ടകമിദം പുണ്യം പ്രാതരുത്ഥായ യഃ പഠേത് ।
ആയുഷ്യം ബലമാരോഗ്യം യശോ വൃദ്ധിശ്ശ്രിയാവഹം ॥ 10 ॥
പ്രഹ്ലാദേന കൃതം സ്തോത്രം ദുഃഖസാഗരശോഷണം ।
യഃ പഠേത്സ നരോ യാതി തദ്വിഷ്ണോഃ പരമം പദം ॥ 11 ॥
ഇതി പ്രഹ്ലാദകൃതം ശ്രീഹര്യഷ്ടകം സമ്പൂര്‍ണം ।
– Chant Stotra in Other Languages –
Sri Vishnu Slokam » Sri Hari Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil