॥ Sri Surya Mandala Ashtakam 3 Gujarati Lyrics ॥
॥ સૂર્યાષ્ટકમ્ ૩ ॥
યસ્યોદયેનાબ્જવનં પ્રસન્નં પ્રીતો ભવત્યાશુ રથાઙ્ગવર્ગઃ ।
ગાવો મૃગાસ્સમ્મુદિતાશ્ચરન્તિ માર્તણ્ડમાકાશમણિં તમીડે ॥ ૧ ॥
આશાઃ સમસ્તા મુદિતા ભવન્તિ ગાઢં તમો દ્યૌર્વિજહાતિ વિષ્વક્ ।
ગ્રામ્યા જનાઃ કર્મણિ સંપ્રવૃત્તાઃ માર્ત્તણ્ડમાકાશમણિં તમીડે ॥ ૨ ॥
સ્વાહા-સ્વધાકારર્રવં દ્વિજેન્દ્રાઃ કુર્વન્તિ કુત્રાપિ ચ વેદપાઠમ્ ।
પાન્થા મુદા સર્વદિશો વ્રજન્તિ માર્ત્તણ્ડમાકાશમણિં તમીડે ॥ ૩ ॥
દેવાલયે ક્વાપિ નરાશ્ચ નાર્યઃ પુષ્પાદિભિર્દેવવરં યજન્તિ ।
ગાયન્તિ નૃત્યન્તિ નમન્તિ ભક્ત્યા માર્ત્તણ્ડમાકાશમણિં તમીડે ॥ ૪ ॥
છાત્રાઃ સતીર્થ્યૈરથવા વયસ્યૈઃ સાર્ધં હસન્તો નિકટં ગુરૂણામ્ ।
ગચ્છન્તિ વિદ્યાધ્યયનાય શીઘ્રં માર્ત્તણ્ડમાકાશમણિં તમીડે ॥ ૫ ॥
શીતાર્તદેહા મનુજાઃ પ્રસન્નાઃ કુર્વન્તિ કાર્યાણિ સમીહિતાનિ ।
વિદ્યાં યથા પ્રાપ્ય વિદઃ પ્રભગ્ના માર્ત્તાણ્ડમાકાશમણિં તમીડે ॥ ૬ ॥
યેનૈહિકામુષ્મિક -કાર્યજાતં દેવાદિસન્તોષકરં વિભાતિ ।
યોઽસૌ વિવસ્વાન્ સકલાર્થદાતા માર્ત્તાણ્ડમાકાશમણિં તમીડે ॥ ૭ ॥
બ્રહ્મેશ-હર્યાદિ-સમસ્તદવાઃ શ્રુતા હિ નો ચાક્ષુષગોચરાસ્તે ।
સાક્ષાદસૌ દૃષ્ટિપુરાગતો યો માર્ત્તાણ્ડમાકાશમણિં તમીડે ॥ ૮ ॥
સૂર્યાષ્ટકમિદં પુણ્યં ધ્યાત્વા સૂર્યં પઠેદ્યદિ ।
રોગાઃ સર્વે વિનશ્યન્તિ નૂનં સૂર્યપ્રસાદતઃ ॥ ૯ ॥
ઇતિ શ્રીમદનન્તાનન્દસરસ્વતીવિરચિતં શ્રીસૂર્યાષ્ટકં સમ્પૂર્ણમ્ ।
– Chant Stotra in Other Languages –
Surya Bhagavan Slokam » Surya Mandala Ashtakam 3 Lyrics in Sanskrit » English » Bengali » Kannada » Malayalam » Odia » Telugu » Tamil