॥ Sri Chandra Ashtottara Shatanama Stotram 2 Malayalam Lyrics ॥
॥ ശ്രീചന്ദ്രാഷ്ടോത്തരശതനാമസ്തോത്രം 2 ॥
അഥ ശ്രീചന്ദ്രാഷ്ടോത്തരശതനാമസ്തോത്രം ।
അഥ വക്ഷ്യേ ശശിസ്തോത്രം തച്ഛൃണുഷ്വ മുദാന്വിതഃ ॥ 1 ॥
ചന്ദ്രോഽമൃതമയഃ ശ്വേതോ വിധുര്‍വിമലരൂപവാന്‍ ।
വിശാലമണ്ഡലഃ ശ്രീമാന്‍ പീയൂഷകിരണഃ കരീ ॥ 2 ॥
ദ്വിജരാജഃ ശശധരഃ ശശീ ശിവശിരോഗൃഹഃ ।
ക്ഷീരാബ്ധിതനയോ ദിവ്യോ മഹാത്മാഽമൃതവര്‍ഷണഃ ॥ 3 ॥
രാത്രിനാഥോ ധ്വാന്തഹര്‍താ നിര്‍മലോ ലോകലോചനഃ ।
ചക്ഷുരാഹ്ലാദജനകസ്താരാപതിരഖണ്ഡിതഃ ॥ 4 ॥
ഷോഡശാത്മാ കലാനാഥോ മദനഃ കാമവല്ലഭഃ ।
ഹംസഃസ്വാമീ ക്ഷീണവൃദ്ധോ ഗൌരഃ സതതസുന്ദരഃ ॥ 5 ॥
മനോഹരോ ദേവഭോഗ്യോ ബ്രഹ്മകര്‍മവിവര്‍ധനഃ ।
വേദപ്രിയോ വേദകര്‍മകര്‍താ ഹര്‍താ ഹരോ ഹരിഃ ॥ 6 ॥
ഊര്‍ദ്ധ്വവാസീ നിശാനാഥഃ ശൃങ്ഗാരഭാവകര്‍ഷണഃ ।
മുക്തിദ്വാരം ശിവാത്മാ ച തിഥികര്‍താ കലാനിധിഃ ॥ 7 ॥
ഓഷധീപതിരബ്ജശ്ച സോമോ ജൈവാതൃകഃ ശുചിഃ ।
മൃഗാങ്കോ ഗ്ലൌഃ പുണ്യനാമാ ചിത്രകര്‍മാ സുരാര്‍ചിതഃ ॥ 8 ॥
രോഹിണീശോ ബുധപിതാ ആത്രേയഃ പുണ്യകീര്‍തകഃ ।
നിരാമയോ മന്ത്രരൂപഃ സത്യോ രാജാ ധനപ്രദഃ ॥ 9 ॥
സൌന്ദര്യദായകോ ദാതാ രാഹുഗ്രാസപരാങ്മുഖഃ ।
ശരണ്യഃ പാര്‍വതീഭാലഭൂഷണം ഭഗവാനപി ॥ 10 ॥
പുണ്യാരണ്യപ്രിയഃ പൂര്‍ണഃ പൂര്‍ണമണ്ഡലമണ്ഡിതഃ ।
ഹാസ്യരൂപോ ഹാസ്യകര്‍താ ശുദ്ധഃ ശുദ്ധസ്വരൂപകഃ ॥ 11 ॥
ശരത്കാലപരിപ്രീതഃ ശാരദഃ കുമുദപ്രിയഃ ।
ദ്യുമണിര്‍ദക്ഷജാമാതാ യക്ഷ്മാരിഃ പാപമോചനഃ ॥ 12 ॥
ഇന്ദുഃ കലങ്കനാശീ ച സൂര്യസങ്ഗമപണ്ഡിതഃ ।
സൂര്യോദ്ഭൂതഃ സൂര്യഗതഃ സൂര്യപ്രിയപരഃപരഃ ॥ 13 ॥
സ്നിഗ്ധരൂപഃ പ്രസന്നശ്ച മുക്താകര്‍പൂരസുന്ദരഃ ।
ജഗദാഹ്ലാദസന്ദര്‍ശോ ജ്യോതിഃ ശാസ്ത്രപ്രമാണകഃ ॥ 14 ॥
സൂര്യാഭാവദുഃഖഹര്‍താ വനസ്പതിഗതഃ കൃതീ ।
യജ്ഞരൂപോ യജ്ഞഭാഗീ വൈദ്യോ വിദ്യാവിശാരദഃ ॥ 15 ॥
രശ്മികോടിര്‍ദീപ്തികാരീ ഗൌരഭാനുരിതി ദ്വിജ ।
നാംനാമഷ്ടോത്തരശതം ചന്ദ്രസ്യ പാപനാശനം ॥ 16 ॥
ചന്ദ്രോദയേ പഠേദ്യസ്തു സ തു സൌന്ദര്യവാന്‍ ഭവേത് ।
പൌര്‍ണമാസ്യാം പഠേദേതം സ്തവം ദിവ്യം വിശേഷതഃ ॥ 17 ॥
സ്തവസ്യാസ്യ പ്രസാദേന ത്രിസന്ധ്യാപഠിതസ്യ ച ।
സദാപ്രസാദാസ്തിഷ്ഠന്തി ബ്രാഹ്മണാശ്ച ദ്വിജോത്തമ ॥ 18 ॥
ശ്രാദ്ധേ ചാപി പഠേദേതം സ്തവം പീയൂഷരൂപിണം ।
തത്തു ശ്രാദ്ധമനന്തഞ്ച കലാനാഥപ്രസാദതഃ ॥ 19 ॥
ദുഃസ്വപ്നനാശനം പുണ്യം ദാഹജ്വരവിനാശനം ।
ബ്രാഹ്മണാദ്യാഃ പഠേയുസ്തു സ്ത്രീശൂദ്രാഃ ശൃണുയുസ്തഥാ ॥ 20 ॥
ഇതി ബൃഹദ്ധര്‍മപുരാണാന്തര്‍ഗതം ശ്രീചന്ദ്രാഷ്ടോത്തരശതനാമസ്തോത്രം സമ്പൂര്‍ണം ।
– Chant Stotra in Other Languages –
Chandra Slokam » Sri Chandra Ashtottara Shatanama Stotram 2 Lyrics in Sanskrit » English » Bengali » Gujarati » Kannada » Malayalam » Odia » Telugu » Tamil