॥ Sri Angarakashtottara Shatanama Stotram Telugu Lyrics ॥
॥ శ్రీఅఙ్గారకాష్టోత్తరశతనామస్తోత్రమ్ ॥
మఙ్గల బీజ మన్త్ర – ఓం క్రాఁ క్రీం క్రౌం సః భౌమాయ నమః ॥
మహీసుతో మహాభాగో మంగళో మంగళప్రదః ।
మహావీరో మహాశూరో మహాబలపరాక్రమః ॥ ౧ ॥
మహారౌద్రో మహాభద్రో మాననీయో దయాకరః ।
మానజోఽమర్షణః క్రూరః తాపపాపవివర్జితః ॥ ౨ ॥
సుప్రతీపః సుతామ్రాక్షః సుబ్రహ్మణ్యః సుఖప్రదః ।
వక్రస్తమ్భాదిగమనో వరేణ్యో వరదః సుఖీ ॥ ౩ ॥
వీరభద్రో విరూపాక్షో విదూరస్థో విభావసుః ।
నక్షత్రచక్రసఞ్చారీ క్షత్రపః క్షాత్రవర్జితః ॥ ౪ ॥
క్షయవృద్ధివినిర్ముక్తః క్షమాయుక్తో విచక్షణః ।
అక్షీణఫలదః చక్షుర్గోచరష్షుభలక్షణః ॥ ౫ ॥
వీతరాగో వీతభయో విజ్వరో విశ్వకారణః ।
నక్షత్రరాశిసఞ్చారో నానాభయనికృన్తనః ॥ ౬ ॥
కమనీయో దయాసారః కనత్కనకభూషణః ।
భయఘ్నో భవ్యఫలదో భక్తాభయవరప్రదః ॥ ౭ ॥
శత్రుహన్తా శమోపేతః శరణాగతపోషకః ।
సాహసః సద్గుణాధ్యక్షః సాధుః సమరదుర్జయః ॥ ౮ ॥
దుష్టదూరః శిష్టపూజ్యః సర్వకష్టనివారకః ।
దుశ్చేష్టవారకో దుఃఖభఞ్జనో దుర్ధరో హరిః ॥ ౯ ॥
దుఃస్వప్నహన్తా దుర్ధర్షో దుష్టగర్వవిమోచకః ।
భరద్వాజకులోద్భూతో భూసుతో భవ్యభూషణః ॥ ౧౦ ॥
రక్తామ్బరో రక్తవపుర్భక్తపాలనతత్పరః ।
చతుర్భుజో గదాధారీ మేషవాహో మితాశనః ॥ ౧౧ ॥
శక్తిశూలధరశ్శక్తః శస్త్రవిద్యావిశారదః ।
తార్కికః తామసాధారః తపస్వీ తామ్రలోచనః ॥ ౧౨ ॥
తప్తకాఞ్చనసంకాశో రక్తకిఞ్జల్కసన్నిభః ।
గోత్రాధిదేవో గోమధ్యచరో గుణవిభూషణః ॥ ౧౩ ॥
అసృజంగారకోఽవన్తీదేశాధీశో జనార్దనః ।
సూర్యయామ్యప్రదేశస్థో యావనో యామ్యదిఽగ్ముఖః ॥ ౧౪ ॥
త్రికోణమణ్డలగతో త్రిదశాధిపసన్నుతః ।
శుచిః శుచికరః శూరో శుచివశ్యః శుభావహః ॥ ౧౫ ॥
మేషవృశ్చికరాశీశో మేధావీ మితభాషణః ।
సుఖప్రదః సురూపాక్షః సర్వాభీష్టఫలప్రదః ॥ ౧౬ ॥
॥ ఇతి మఙ్గల ఏవం అఙ్గారకాష్టోత్తరశతనామస్తోత్రమ్ సమ్పూర్ణమ్ ॥
– Chant Stotra in Other Languages –
Navagraha Slokam » Sri Angaraka Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil