॥ Sri Tara Shatanama Stotram Bengali Lyrics ॥
॥ শ্রীতারাশতনামস্তোত্রম্ ॥
শ্রীশিব উবাচ ॥
তারিণী তরলা তন্বী তারা তরুণবল্লরী ।
তীররূপা তরী শ্যামা তনুক্ষীণপয়োধরা ॥ ১ ॥
তুরীয়া তরলা তীব্রগমনা নীলবাহিনী ।
উগ্রতারা জয়া চণ্ডী শ্রীমদেকজটাশিরাঃ ॥ ২ ॥
তরুণী শাম্ভবীছিন্নভালা চ ভদ্রতারিণী ।
উগ্রা চোগ্রপ্রভা নীলা কৃষ্ণা নীলসরস্বতী ॥ ৩ ॥
দ্বিতীয়া শোভনা নিত্যা নবীনা নিত্যনূতনা ।
চণ্ডিকা বিজয়ারাধ্যা দেবী গগনবাহিনী ॥ ৪ ॥
অট্টহাস্যা করালাস্যা চরাস্যা দিতিপূজিতা ।
সগুণা সগুণারাধ্যা হরীন্দ্রদেবপূজিতা ॥ ৫ ॥
রক্তপ্রিয়া চ রক্তাক্ষী রুধিরাস্যবিভূষিতা ।
বলিপ্রিয়া বলিরতা দুর্গা বলবতী বলা ॥ ৬ ॥
বলপ্রিয়া বলরতা বলরামপ্রপূজিতা ।
অর্ধকেশেশ্বরী কেশা কেশবাসবিভূষিতা ॥ ৭ ॥
পদ্মমালা চ পদ্মাক্ষী কামাখ্যা গিরিনন্দিনী ।
দক্ষিণা চৈব দক্ষা চ দক্ষজা দক্ষিণে রতা ॥ ৮ ॥
বজ্রপুষ্পপ্রিয়া রক্তপ্রিয়া কুসুমভূষিতা ।
মাহেশ্বরী মহাদেবপ্রিয়া পঞ্চবিভূষিতা ॥ ৯ ॥
ইডা চ পিঙ্গলা চৈব সুষুম্না প্রাণরূপিণী ।
গান্ধারী পঞ্চমী পঞ্চাননাদি পরিপূজিতা ॥ ১০ ॥
তথ্যবিদ্যা তথ্যরূপা তথ্যমার্গানুসারিণী ।
তত্ত্বপ্রিয়া তত্ত্বরূপা তত্ত্বজ্ঞানাত্মিকাঽনঘা ॥ ১১ ॥
তাণ্ডবাচারসন্তুষ্টা তাণ্ডবপ্রিয়কারিণী ।
তালদানরতা ক্রূরতাপিনী তরণিপ্রভা ॥ ১২ ॥
ত্রপায়ুক্তা ত্রপামুক্তা তর্পিতা তৃপ্তিকারিণী ।
তারুণ্যভাবসন্তুষ্টা শক্তির্ভক্তানুরাগিণী ॥ ১৩ ॥
শিবাসক্তা শিবরতিঃ শিবভক্তিপরায়ণা ।
তাম্রদ্যুতিস্তাম্ররাগা তাম্রপাত্রপ্রভোজিনী ॥ ১৪ ॥
বলভদ্রপ্রেমরতা বলিভুগ্বলিকল্পিনী ।
রামরূপা রামশক্তী রামরূপানুকারিণী ॥ ১৫ ॥
ইত্যেতত্কথিতং দেবি রহস্যং পরমাদ্ভুতম্ ।
শ্রুত্বা মোক্ষমবাপ্নোতি তারাদেব্যাঃ প্রসাদতঃ ॥ ১৬ ॥
য় ইদং পঠতি স্তোত্রং তারাস্তুতিরহস্যকম্ ।
সর্বসিদ্ধিয়ুতো ভূত্বা বিহরেত্ ক্ষিতিমণ্ডলে ॥ ১৭ ॥
তস্যৈব মন্ত্রসিদ্ধিঃ স্যান্মমসিদ্ধিরনুত্তমা ।
ভবত্যেব মহামায়ে সত্যং সত্যং ন সংশয়ঃ ॥ ১৮ ॥
মন্দে মঙ্গলবারে চ য়ঃ পঠেন্নিশি সংয়তঃ ।
তস্যৈব মন্ত্রসিদ্ধিস্স্যাদ্গাণপত্যং লভেত সঃ ॥ ১৯ ॥
শ্রদ্ধয়াঽশ্রদ্ধয়া বাপি পঠেত্তারারহস্যকম্ ।
সোঽচিরেণৈব কালেন জীবন্মুক্তঃ শিবো ভবেত্ ॥ ২০ ॥
সহস্রাবর্তনাদ্দেবি পুরশ্চর্যাফলং লভেত্ ।
এবং সততয়ুক্তা য়ে ধ্যায়ন্তস্ত্বামুপাসতে ।
তে কৃতার্থা মহেশানি মৃত্যুসংসারবর্ত্মনঃ ॥ ২১ ॥
ইতি স্বর্ণমালাতন্ত্রে তারাশতনামস্তোত্রং সমাপ্তম্ ॥
– Chant Stotra in Other Languages –
Goddess Durga / Kali Slokam » Tara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil