॥ Sri Dhanvantari Ashtottara Shatanama Stotram Gujarati Lyrics ॥
॥ શ્રીધન્વન્તર્યષ્ટોત્તરશતનામસ્તોત્રમ્ ॥
ધન્વન્તરિઃ સુધાપૂર્ણકલશઢ્યકરો હરિઃ ।
જરામૃતિત્રસ્તદેવપ્રાર્થનાસાધકઃ પ્રભુઃ ॥ ૧ ॥
નિર્વિકલ્પો નિસ્સમાનો મન્દસ્મિતમુખામ્બુજઃ ।
આઞ્જનેયપ્રાપિતાદ્રિઃ પાર્શ્વસ્થવિનતાસુતઃ ॥ ૨ ॥
નિમગ્નમન્દરધરઃ કૂર્મરૂપી બૃહત્તનુઃ ।
નીલકુઞ્ચિતકેશાન્તઃ પરમાદ્ભુતરૂપધૃત્ ॥ ૩ ॥
કટાક્ષવીક્ષણાશ્વસ્તવાસુકિઃ સિંહવિક્રમઃ ।
સ્મર્તૃહૃદ્રોગહરણો મહાવિષ્ણ્વંશસમ્ભવઃ ॥ ૪ ॥
પ્રેક્ષણીયોત્પલશ્યામ આયુર્વેદાધિદૈવતમ્ ।
ભેષજગ્રહણાનેહસ્સ્મરણીયપદામ્બુજઃ ॥ ૫ ॥
નવયૌવનસમ્પન્નઃ કિરીટાન્વિતમસ્તકઃ ।
નક્રકુણ્ડલસંશોભિશ્રવણદ્વયશષ્કુલિઃ ॥ ૬ ॥
દીર્ઘપીવરદોર્દણ્ડઃ કમ્બુગ્રીવોઽમ્બુજેક્ષણઃ ।
ચતુર્ભુજઃ શઙ્ખધરશ્ચક્રહસ્તો વરપ્રદઃ ॥ ૭ ॥
સુધાપાત્રોપરિલસદામ્રપત્રલસત્કરઃ ।
શતપદ્યાઢ્યહસ્તશ્ચ કસ્તૂરીતિલકાઞ્ચિતઃ ॥ ૮ ॥
સુકપોલસ્સુનાસશ્ચ સુન્દરભ્રૂલતાઞ્ચિતઃ ।
સ્વઙ્ગુલીતલશોભાઢ્યો ગૂઢજત્રુર્મહાહનુઃ ॥ ૯ ॥
દિવ્યાઙ્ગદલસદ્બાહુઃ કેયૂરપરિશોભિતઃ ।
વિચિત્રરત્નખચિતવલયદ્વયશોભિતઃ ॥ ૧૦ ॥
સમોલ્લસત્સુજાતાંસશ્ચાઙ્ગુલીયવિભૂષિતઃ ।
સુધાઘન્ધરસાસ્વાદમિલદ્ભૃઙ્ગમનોહરઃ ॥ ૧૧ ॥
લક્ષ્મીસમર્પિતોત્ફુલ્લકઞ્જમાલાલસદ્ગલઃ ।
લક્ષ્મીશોભિતવક્ષસ્કો વનમાલાવિરાજિતઃ ॥ ૧૨ ॥
નવરત્નમણીક્લૃપ્તહારશોભિતકન્ધરઃ ।
હીરનક્ષત્રમાલાદિશોભારઞ્જિતદિઙ્મુખઃ ॥ ૧૩ ॥
વિરજોઽમ્બરસંવીતો વિશાલોરાઃ પૃથુશ્રવાઃ ।
નિમ્નનાભિઃ સૂક્ષ્મમધ્યઃ સ્થૂલજઙ્ઘો નિરઞ્જનઃ ॥ ૧૪ ॥
સુલક્ષણપદાઙ્ગુષ્ઠઃ સર્વસામુદ્રિકાન્વિતઃ ।
અલક્તકારક્તપાદો મૂર્તિમદ્વાધિપૂજિતઃ ॥ ૧૫ ॥
સુધાર્થાન્યોન્યસંયુધ્યદ્દેવદૈતેયસાન્ત્વનઃ ।
કોટિમન્મથસઙ્કાશઃ સર્વાવયવસુન્દરઃ ॥ ૧૬ ॥
અમૃતાસ્વાદનોદ્યુક્તદેવસઙ્ઘપરિષ્ટુતઃ ।
પુષ્પવર્ષણસંયુક્તગન્ધર્વકુલસેવિતઃ ॥ ૧૭ ॥
શઙ્ખતૂર્યમૃદઙ્ગાદિસુવાદિત્રાપ્સરોવૃતઃ ।
વિષ્વક્સેનાદિયુક્પાર્શ્વઃ સનકાદિમુનિસ્તુતઃ ॥ ૧૮ ॥
સાશ્ચર્યસસ્મિતચતુર્મુખનેત્રસમીક્ષિતઃ ।
સાશઙ્કસમ્ભ્રમદિતિદનુવંશ્યસમીડિતઃ ॥ ૧૯ ॥
નમનોન્મુખદેવાદિમૌલીરત્નલસત્પદઃ ।
દિવ્યતેજઃપુઞ્જરૂપઃ સર્વદેવહિતોત્સુકઃ ॥ ૨૦ ॥
સ્વનિર્ગમક્ષુબ્ધદુગ્ધવારાશિર્દુન્દુભિસ્વનઃ ।
ગન્ધર્વગીતાપદાનશ્રવણોત્કમહામનાઃ ॥ ૨૧ ॥
નિષ્કિઞ્ચનજનપ્રીતો ભવસમ્પ્રાપ્તરોગહૃત્ ।
અન્તર્હિતસુધાપાત્રો મહાત્મા માયિકાગ્રણીઃ ॥ ૨૨ ॥
ક્ષણાર્ધમોહિનીરૂપઃ સર્વસ્ત્રીશુભલક્ષણઃ ।
મદમત્તેભગમનઃ સર્વલોકવિમોહનઃ ॥ ૨૩ ॥
સ્રંસન્નીવીગ્રન્થિબન્ધાસક્તદિવ્યકરાઙ્ગુલિઃ ।
રત્નદર્વીલસદ્ધસ્તો દેવદૈત્યવિભાગકૃત્ ॥ ૨૪ ॥
સઙ્ખ્યાતદેવતાન્યાસો દૈત્યદાનવવઞ્ચકઃ ।
દેવામૃતપ્રદાતા ચ પરિવેષણહૃષ્ટધીઃ ॥ ૨૫ ॥
ઉન્મુખોન્મુખદૈત્યેન્દ્રદન્તપઙ્કિતવિભાજકઃ ।
પુષ્પવત્સુવિનિર્દિષ્ટરાહુરક્ષઃશિરોહરઃ ॥ ૨૬ ॥
રાહુકેતુગ્રહસ્થાનપશ્ચાદ્ગતિવિધાયકઃ ।
અમૃતાલાભનિર્વિણ્ણયુધ્યદ્દેવારિસૂદનઃ ॥ ૨૭ ॥
ગરુત્મદ્વાહનારૂઢઃ સર્વેશસ્તોત્રસંયુતઃ ।
સ્વસ્વાધિકારસન્તુષ્ટશક્રવહ્ન્યાદિપૂજિતઃ ॥ ૨૮ ॥
મોહિનીદર્શનાયાતસ્થાણુચિત્તવિમોહકઃ ।
શચીસ્વાહાદિદિક્પાલપત્નીમણ્ડલસન્નુતઃ ॥ ૨૯ ॥
વેદાન્તવેદ્યમહિમા સર્વલૌકૈકરક્ષકઃ ।
રાજરાજપ્રપૂજ્યાઙ્ઘ્રિઃ ચિન્તિતાર્થપ્રદાયકઃ ॥ ૩૦ ॥
ધન્વન્તરેર્ભગવતો નામ્નામષ્ટોત્તરં શતમ્ ।
યઃ પઠેત્સતતં ભક્ત્યા નીરોગસ્સુખભાગ્ભવેત્ ॥ ૩૧ ॥
ઇતિ બૃહદ્બ્રહ્માનન્દોપનિષદાન્તર્ગતં
શ્રીધન્વન્તર્યષ્ટોત્તરશતનામસ્તોત્રં સમ્પૂર્ણમ્ ।
– Chant Stotra in Other Languages –
Sri Dhanvantarya Ashtottara Shatanama Stotram Lyrics in Sanskrit » English » Bengali » Kannada » Malayalam » Odia » Telugu » Tamil