॥ 108 Names of Bilva Patra Odia Lyrics ॥
॥ ବିଲ୍ଵାଷ୍ଟୋତ୍ତରଶତନାମସ୍ତୋତ୍ରମ୍ ॥
ଅଥ ବିଲ୍ଵାଷ୍ଟୋତ୍ତରଶତନାମସ୍ତୋତ୍ରମ୍ ॥
ତ୍ରିଦଲଂ ତ୍ରିଗୁଣାକାରଂ ତ୍ରିନେତ୍ରଂ ଚ ତ୍ରିୟାୟୁଧମ୍ ।
ତ୍ରିଜନ୍ମ ପାପସଂହାରଂ ଏକବିଲ୍ଵଂ ଶିଵାର୍ପଣମ୍ ॥ ୧ ॥
ତ୍ରିଶାଖୈଃ ବିଲ୍ଵପତ୍ରୈଶ୍ଚ ଅଚ୍ଛିଦ୍ରୈଃ କୋମଲୈଃ ଶୁଭୈଃ ।
ତଵ ପୂଜାଂ କରିଷ୍ୟାମି ଏକବିଲ୍ଵଂ ଶିଵାର୍ପଣମ୍ ॥ ୨ ॥
ସର୍ଵତ୍ରୈଲୋକ୍ୟକର୍ତାରଂ ସର୍ଵତ୍ରୈଲୋକ୍ୟପାଲନମ୍ ।
ସର୍ଵତ୍ରୈଲୋକ୍ୟହର୍ତାରଂ ଏକବିଲ୍ଵଂ ଶିଵାର୍ପଣମ୍ ॥ ୩ ॥
ନାଗାଧିରାଜଵଲୟଂ ନାଗହାରେଣ ଭୂଷିତମ୍ ।
ନାଗକୁଣ୍ଡଲସଂୟୁକ୍ତଂ ଏକବିଲ୍ଵଂ ଶିଵାର୍ପଣମ୍ ॥ ୪ ॥
ଅକ୍ଷମାଲାଧରଂ ରୁଦ୍ରଂ ପାର୍ଵତୀପ୍ରିୟଵଲ୍ଲଭମ୍ ।
ଚନ୍ଦ୍ରଶେଖରମୀଶାନଂ ଏକବିଲ୍ଵଂ ଶିଵାର୍ପଣମ୍ ॥ ୫ ॥
ତ୍ରିଲୋଚନଂ ଦଶଭୁଜଂ ଦୁର୍ଗାଦେହାର୍ଧଧାରିଣମ୍ ।
ଵିଭୂତ୍ୟଭ୍ୟର୍ଚିତଂ ଦେଵଂ ଏକବିଲ୍ଵଂ ଶିଵାର୍ପଣମ୍ ॥ ୬ ॥
ତ୍ରିଶୂଲଧାରିଣଂ ଦେଵଂ ନାଗାଭରଣସୁନ୍ଦରମ୍ ।
ଚନ୍ଦ୍ରଶେଖରମୀଶାନଂ ଏକବିଲ୍ଵଂ ଶିଵାର୍ପଣମ୍ ॥ ୭ ॥
ଗଙ୍ଗାଧରାମ୍ବିକାନାଥଂ ଫଣିକୁଣ୍ଡଲମଣ୍ଡିତମ୍ ।
କାଲକାଲଂ ଗିରୀଶଂ ଚ ଏକବିଲ୍ଵଂ ଶିଵାର୍ପଣମ୍ ॥ ୮ ॥
ଶୁଦ୍ଧସ୍ଫଟିକ ସଙ୍କାଶଂ ଶିତିକଣ୍ଠଂ କୃପାନିଧିମ୍ ।
ସର୍ଵେଶ୍ଵରଂ ସଦାଶାନ୍ତଂ ଏକବିଲ୍ଵଂ ଶିଵାର୍ପଣମ୍ ॥ ୯ ॥
ସଚ୍ଚିଦାନନ୍ଦରୂପଂ ଚ ପରାନନ୍ଦମୟଂ ଶିଵମ୍ ।
ଵାଗୀଶ୍ଵରଂ ଚିଦାକାଶଂ ଏକବିଲ୍ଵଂ ଶିଵାର୍ପଣମ୍ ॥ ୧୦ ॥
ଶିପିଵିଷ୍ଟଂ ସହସ୍ରାକ୍ଷଂ କୈଲାସାଚଲଵାସିନମ୍ ।
ହିରଣ୍ୟବାହୁଂ ସେନାନ୍ୟଂ ଏକବିଲ୍ଵଂ ଶିଵାର୍ପଣମ୍ ॥ ୧୧ ॥
ଅରୁଣଂ ଵାମନଂ ତାରଂ ଵାସ୍ତଵ୍ୟଂ ଚୈଵ ଵାସ୍ତଵମ୍ ।
ଜ୍ୟେଷ୍ଟଂ କନିଷ୍ଠଂ ଗୌରୀଶଂ ଏକବିଲ୍ଵଂ ଶିଵାର୍ପଣମ୍ ॥ ୧୨ ॥
ହରିକେଶଂ ସନନ୍ଦୀଶଂ ଉଚ୍ଚୈର୍ଘୋଷଂ ସନାତନମ୍ ।
ଅଘୋରରୂପକଂ କୁମ୍ଭଂ ଏକବିଲ୍ଵଂ ଶିଵାର୍ପଣମ୍ ॥ ୧୩ ॥
ପୂର୍ଵଜାଵରଜଂ ୟାମ୍ୟଂ ସୂକ୍ଷ୍ମଂ ତସ୍କରନାୟକମ୍ ।
ନୀଲକଣ୍ଠଂ ଜଘନ୍ୟଂ ଚ ଏକବିଲ୍ଵଂ ଶିଵାର୍ପଣମ୍ ॥ ୧୪ ॥
ସୁରାଶ୍ରୟଂ ଵିଷହରଂ ଵର୍ମିଣଂ ଚ ଵରୂଧିନମ୍
ମହାସେନଂ ମହାଵୀରଂ ଏକବିଲ୍ଵଂ ଶିଵାର୍ପଣମ୍ ॥ ୧୫ ॥
କୁମାରଂ କୁଶଲଂ କୂପ୍ୟଂ ଵଦାନ୍ୟଞ୍ଚ ମହାରଥମ୍ ।
ତୌର୍ୟାତୌର୍ୟଂ ଚ ଦେଵ୍ୟଂ ଚ ଏକବିଲ୍ଵଂ ଶିଵାର୍ପଣମ୍ ॥ ୧୬ ॥
ଦଶକର୍ଣଂ ଲଲାଟାକ୍ଷଂ ପଞ୍ଚଵକ୍ତ୍ରଂ ସଦାଶିଵମ୍ ।
ଅଶେଷପାପସଂହାରଂ ଏକବିଲ୍ଵଂ ଶିଵାର୍ପଣମ୍ ॥ ୧୭ ॥
ନୀଲକଣ୍ଠଂ ଜଗଦ୍ଵନ୍ଦ୍ୟଂ ଦୀନନାଥଂ ମହେଶ୍ଵରମ୍ ।
ମହାପାପସଂହାରଂ ଏକବିଲ୍ଵଂ ଶିଵାର୍ପଣମ୍ ॥ ୧୮ ॥
ଚୂଡାମଣୀକୃତଵିଭୁଂ ଵଲୟୀକୃତଵାସୁକିମ୍ ।
କୈଲାସଵାସିନଂ ଭୀମଂ ଏକବିଲ୍ଵଂ ଶିଵାର୍ପଣମ୍ ॥ ୧୯ ॥
କର୍ପୂରକୁନ୍ଦଧଵଲଂ ନରକାର୍ଣଵତାରକମ୍ ।
କରୁଣାମୃତସିନ୍ଧୁଂ ଚ ଏକବିଲ୍ଵଂ ଶିଵାର୍ପଣମ୍ ॥ ୨୦ ॥
ମହାଦେଵଂ ମହାତ୍ମାନଂ ଭୁଜଙ୍ଗାଧିପକଙ୍କଣମ୍ ।
ମହାପାପହରଂ ଦେଵଂ ଏକବିଲ୍ଵଂ ଶିଵାର୍ପଣମ୍ ॥ ୨୧ ॥
ଭୂତେଶଂ ଖଣ୍ଡପରଶୁଂ ଵାମଦେଵଂ ପିନାକିନମ୍ ।
ଵାମେ ଶକ୍ତିଧରଂ ଶ୍ରେଷ୍ଠଂ ଏକବିଲ୍ଵଂ ଶିଵାର୍ପଣମ୍ ॥ ୨୨ ॥
ଫାଲେକ୍ଷଣଂ ଵିରୂପାକ୍ଷଂ ଶ୍ରୀକଣ୍ଠଂ ଭକ୍ତଵତ୍ସଲମ୍ ।
ନୀଲଲୋହିତଖଟ୍ଵାଙ୍ଗଂ ଏକବିଲ୍ଵଂ ଶିଵାର୍ପଣମ୍ ॥ ୨୩ ॥
କୈଲାସଵାସିନଂ ଭୀମଂ କଠୋରଂ ତ୍ରିପୁରାନ୍ତକମ୍ ।
ଵୃଷାଙ୍କଂ ଵୃଷଭାରୂଢଂ ଏକବିଲ୍ଵଂ ଶିଵାର୍ପଣମ୍ ॥ ୨୪ ॥
ସାମପ୍ରିୟଂ ସର୍ଵମୟଂ ଭସ୍ମୋଦ୍ଧୂଲିତଵିଗ୍ରହମ୍ ।
ମୃତ୍ୟୁଞ୍ଜୟଂ ଲୋକନାଥଂ ଏକବିଲ୍ଵଂ ଶିଵାର୍ପଣମ୍ ॥ ୨୫ ॥
ଦାରିଦ୍ର୍ୟଦୁଃଖହରଣଂ ରଵିଚନ୍ଦ୍ରାନଲେକ୍ଷଣମ୍ ।
ମୃଗପାଣିଂ ଚନ୍ଦ୍ରମୌଳିଂ ଏକବିଲ୍ଵଂ ଶିଵାର୍ପଣମ୍ ॥ ୨୬ ॥
ସର୍ଵଲୋକଭୟାକାରଂ ସର୍ଵଲୋକୈକସାକ୍ଷିଣମ୍ ।
ନିର୍ମଲଂ ନିର୍ଗୁଣାକାରଂ ଏକବିଲ୍ଵଂ ଶିଵାର୍ପଣମ୍ ॥ ୨୭ ॥
ସର୍ଵତତ୍ତ୍ଵାତ୍ମକଂ ସାମ୍ବଂ ସର୍ଵତତ୍ତ୍ଵଵିଦୂରକମ୍ ।
ସର୍ଵତତ୍ତ୍ଵସ୍ଵରୂପଂ ଚ ଏକବିଲ୍ଵଂ ଶିଵାର୍ପଣମ୍ ॥ ୨୮ ॥
ସର୍ଵଲୋକଗୁରୁଂ ସ୍ଥାଣୁଂ ସର୍ଵଲୋକଵରପ୍ରଦମ୍ ।
ସର୍ଵଲୋକୈକନେତ୍ରଂ ଚ ଏକବିଲ୍ଵଂ ଶିଵାର୍ପଣମ୍ ॥ ୨୯ ॥
ମନ୍ମଥୋଦ୍ଧରଣଂ ଶୈଵଂ ଭଵଭର୍ଗଂ ପରାତ୍ମକମ୍ ।
କମଲାପ୍ରିୟପୂଜ୍ୟଂ ଚ ଏକବିଲ୍ଵଂ ଶିଵାର୍ପଣମ୍ ॥ ୩୦ ॥
ତେଜୋମୟଂ ମହାଭୀମଂ ଉମେଶଂ ଭସ୍ମଲେପନମ୍ ।
ଭଵରୋଗଵିନାଶଂ ଚ ଏକବିଲ୍ଵଂ ଶିଵାର୍ପଣମ୍ ॥ ୩୧ ॥
ସ୍ଵର୍ଗାପଵର୍ଗଫଲଦଂ ରଘୁନାଥଵରପ୍ରଦମ୍ ।
ନଗରାଜସୁତାକାନ୍ତଂ ଏକବିଲ୍ଵଂ ଶିଵାର୍ପଣମ୍ ॥ ୩୨ ॥
ମଞ୍ଜୀରପାଦୟୁଗଲଂ ଶୁଭଲକ୍ଷଣଲକ୍ଷିତମ୍ ।
ଫଣିରାଜଵିରାଜଂ ଚ ଏକବିଲ୍ଵଂ ଶିଵାର୍ପଣମ୍ ॥ ୩୩ ॥
ନିରାମୟଂ ନିରାଧାରଂ ନିସ୍ସଙ୍ଗଂ ନିଷ୍ପ୍ରପଞ୍ଚକମ୍ ।
ତେଜୋରୂପଂ ମହାରୌଦ୍ରଂ ଏକବିଲ୍ଵଂ ଶିଵାର୍ପଣମ୍ ॥ ୩୪ ॥
ସର୍ଵଲୋକୈକପିତରଂ ସର୍ଵଲୋକୈକମାତରମ୍ ।
ସର୍ଵଲୋକୈକନାଥଂ ଚ ଏକବିଲ୍ଵଂ ଶିଵାର୍ପଣମ୍ ॥ ୩୫ ॥
ଚିତ୍ରାମ୍ବରଂ ନିରାଭାସଂ ଵୃଷଭେଶ୍ଵରଵାହନମ୍ ।
ନୀଲଗ୍ରୀଵଂ ଚତୁର୍ଵକ୍ତ୍ରଂ ଏକବିଲ୍ଵଂ ଶିଵାର୍ପଣମ୍ ॥ ୩୬ ॥
ରତ୍ନକଞ୍ଚୁକରତ୍ନେଶଂ ରତ୍ନକୁଣ୍ଡଲମଣ୍ଡିତମ୍ ।
ନଵରତ୍ନକିରୀଟଂ ଚ ଏକବିଲ୍ଵଂ ଶିଵାର୍ପଣମ୍ ॥ ୩୭ ॥
ଦିଵ୍ୟରତ୍ନାଙ୍ଗୁଲୀସ୍ଵର୍ଣଂ କଣ୍ଠାଭରଣଭୂଷିତମ୍ ।
ନାନାରତ୍ନମଣିମୟଂ ଏକବିଲ୍ଵଂ ଶିଵାର୍ପଣମ୍ ॥ ୩୮ ॥
ରତ୍ନାଙ୍ଗୁଲୀୟଵିଲସତ୍କରଶାଖାନଖପ୍ରଭମ୍ ।
ଭକ୍ତମାନସଗେହଂ ଚ ଏକବିଲ୍ଵଂ ଶିଵାର୍ପଣମ୍ ॥ ୩୯ ॥
ଵାମାଙ୍ଗଭାଗଵିଲସଦମ୍ବିକାଵୀକ୍ଷଣପ୍ରିୟମ୍ ।
ପୁଣ୍ଡରୀକନିଭାକ୍ଷଂ ଚ ଏକବିଲ୍ଵଂ ଶିଵାର୍ପଣମ୍ ॥ ୪୦ ॥
ସମ୍ପୂର୍ଣକାମଦଂ ସୌଖ୍ୟଂ ଭକ୍ତେଷ୍ଟଫଲକାରଣମ୍ ।
ସୌଭାଗ୍ୟଦଂ ହିତକରଂ ଏକବିଲ୍ଵଂ ଶିଵାର୍ପଣମ୍ ॥ ୪୧ ॥
ନାନାଶାସ୍ତ୍ରଗୁଣୋପେତଂ ସ୍ଫୁରନ୍ମଙ୍ଗଲ ଵିଗ୍ରହମ୍ ।
ଵିଦ୍ୟାଵିଭେଦରହିତଂ ଏକବିଲ୍ଵଂ ଶିଵାର୍ପଣମ୍ ॥ ୪୨ ॥
ଅପ୍ରମେୟଗୁଣାଧାରଂ ଵେଦକୃଦ୍ରୂପଵିଗ୍ରହମ୍ ।
ଧର୍ମାଧର୍ମପ୍ରଵୃତ୍ତଂ ଚ ଏକବିଲ୍ଵଂ ଶିଵାର୍ପଣମ୍ ॥ ୪୩ ॥
ଗୌରୀଵିଲାସସଦନଂ ଜୀଵଜୀଵପିତାମହମ୍ ।
କଲ୍ପାନ୍ତଭୈରଵଂ ଶୁଭ୍ରଂ ଏକବିଲ୍ଵଂ ଶିଵାର୍ପଣମ୍ ॥ ୪୪ ॥
ସୁଖଦଂ ସୁଖନାଶଂ ଚ ଦୁଃଖଦଂ ଦୁଃଖନାଶନମ୍ ।
ଦୁଃଖାଵତାରଂ ଭଦ୍ରଂ ଚ ଏକବିଲ୍ଵଂ ଶିଵାର୍ପଣମ୍ ॥ ୪୫ ॥
ସୁଖରୂପଂ ରୂପନାଶଂ ସର୍ଵଧର୍ମଫଲପ୍ରଦମ୍ ।
ଅତୀନ୍ଦ୍ରିୟଂ ମହାମାୟଂ ଏକବିଲ୍ଵଂ ଶିଵାର୍ପଣମ୍ ॥ ୪୬ ॥
ସର୍ଵପକ୍ଷିମୃଗାକାରଂ ସର୍ଵପକ୍ଷିମୃଗାଧିପମ୍ ।
ସର୍ଵପକ୍ଷିମୃଗାଧାରଂ ଏକବିଲ୍ଵଂ ଶିଵାର୍ପଣମ୍ ॥ ୪୭ ॥
ଜୀଵାଧ୍ୟକ୍ଷଂ ଜୀଵଵନ୍ଦ୍ୟଂ ଜୀଵଜୀଵନରକ୍ଷକମ୍ ।
ଜୀଵକୃଜ୍ଜୀଵହରଣଂ ଏକବିଲ୍ଵଂ ଶିଵାର୍ପଣମ୍ ॥ ୪୮ ॥
ଵିଶ୍ଵାତ୍ମାନଂ ଵିଶ୍ଵଵନ୍ଦ୍ୟଂ ଵଜ୍ରାତ୍ମାଵଜ୍ରହସ୍ତକମ୍ ।
ଵଜ୍ରେଶଂ ଵଜ୍ରଭୂଷଂ ଚ ଏକବିଲ୍ଵଂ ଶିଵାର୍ପଣମ୍ ॥ ୪୯ ॥
ଗଣାଧିପଂ ଗଣାଧ୍ୟକ୍ଷଂ ପ୍ରଲୟାନଲନାଶକମ୍ ।
ଜିତେନ୍ଦ୍ରିୟଂ ଵୀରଭଦ୍ରଂ ଏକବିଲ୍ଵଂ ଶିଵାର୍ପଣମ୍ ॥ ୫୦ ॥
ତ୍ର୍ୟମ୍ବକଂ ମୃଡଂ ଶୂରଂ ଅରିଷଡ୍ଵର୍ଗନାଶନମ୍ ।
ଦିଗମ୍ବରଂ କ୍ଷୋଭନାଶଂ ଏକବିଲ୍ଵଂ ଶିଵାର୍ପଣମ୍ ॥ ୫୧ ॥
କୁନ୍ଦେନ୍ଦୁଶଙ୍ଖଧଵଲଂ ଭଗନେତ୍ରଭିଦୁଜ୍ଜ୍ଵଲମ୍ ।
କାଲାଗ୍ନିରୁଦ୍ରଂ ସର୍ଵଜ୍ଞଂ ଏକବିଲ୍ଵଂ ଶିଵାର୍ପଣମ୍ ॥ ୫୨ ॥
କମ୍ବୁଗ୍ରୀଵଂ କମ୍ବୁକଣ୍ଠଂ ଧୈର୍ୟଦଂ ଧୈର୍ୟଵର୍ଧକମ୍ ।
ଶାର୍ଦୂଲଚର୍ମଵସନଂ ଏକବିଲ୍ଵଂ ଶିଵାର୍ପଣମ୍ ॥ ୫୩ ॥
ଜଗଦୁତ୍ପତ୍ତିହେତୁଂ ଚ ଜଗତ୍ପ୍ରଲୟକାରଣମ୍ ।
ପୂର୍ଣାନନ୍ଦସ୍ଵରୂପଂ ଚ ଏକବିଲ୍ଵଂ ଶିଵାର୍ପଣମ୍ ॥ ୫୪ ॥
ସର୍ଗକେଶଂ ମହତ୍ତେଜଂ ପୁଣ୍ୟଶ୍ରଵଣକୀର୍ତନମ୍ ।
ବ୍ରହ୍ମାଣ୍ଡନାୟକଂ ତାରଂ ଏକବିଲ୍ଵଂ ଶିଵାର୍ପଣମ୍ ॥ ୫୫ ॥
ମନ୍ଦାରମୂଲନିଲୟଂ ମନ୍ଦାରକୁସୁମପ୍ରିୟମ୍ ।
ବୃନ୍ଦାରକପ୍ରିୟତରଂ ଏକବିଲ୍ଵଂ ଶିଵାର୍ପଣମ୍ ॥ ୫୬ ॥
ମହେନ୍ଦ୍ରିୟଂ ମହାବାହୁଂ ଵିଶ୍ଵାସପରିପୂରକମ୍ ।
ସୁଲଭାସୁଲଭଂ ଲଭ୍ୟଂ ଏକବିଲ୍ଵଂ ଶିଵାର୍ପଣମ୍ ॥ ୫୭ ॥
ବୀଜାଧାରଂ ବୀଜରୂପଂ ନିର୍ବୀଜଂ ବୀଜଵୃଦ୍ଧିଦମ୍ ।
ପରେଶଂ ବୀଜନାଶଂ ଚ ଏକବିଲ୍ଵଂ ଶିଵାର୍ପଣମ୍ ॥ ୫୮ ॥
ୟୁଗାକାରଂ ୟୁଗାଧୀଶଂ ୟୁଗକୃଦ୍ୟୁଗନାଶନମ୍ ।
ପରେଶଂ ବୀଜନାଶଂ ଚ ଏକବିଲ୍ଵଂ ଶିଵାର୍ପଣମ୍ ॥ ୫୯ ॥
ଧୂର୍ଜଟିଂ ପିଙ୍ଗଲଜଟଂ ଜଟାମଣ୍ଡଲମଣ୍ଡିତମ୍ ।
କର୍ପୂରଗୌରଂ ଗୌରୀଶଂ ଏକବିଲ୍ଵଂ ଶିଵାର୍ପଣମ୍ ॥ ୬୦ ॥
ସୁରାଵାସଂ ଜନାଵାସଂ ୟୋଗୀଶଂ ୟୋଗିପୁଙ୍ଗଵମ୍ ।
ୟୋଗଦଂ ୟୋଗିନାଂ ସିଂହଂ ଏକବିଲ୍ଵଂ ଶିଵାର୍ପଣମ୍ ॥ ୬୧ ॥
ଉତ୍ତମାନୁତ୍ତମଂ ତତ୍ତ୍ଵଂ ଅନ୍ଧକାସୁରସୂଦନମ୍ ।
ଭକ୍ତକଲ୍ପଦ୍ରୁମସ୍ତୋମଂ ଏକବିଲ୍ଵଂ ଶିଵାର୍ପଣମ୍ ॥ ୬୨ ॥
ଵିଚିତ୍ରମାଲ୍ୟଵସନଂ ଦିଵ୍ୟଚନ୍ଦନଚର୍ଚିତମ୍ ।
ଵିଷ୍ଣୁବ୍ରହ୍ମାଦି ଵନ୍ଦ୍ୟଂ ଚ ଏକବିଲ୍ଵଂ ଶିଵାର୍ପଣମ୍ ॥ ୬୩ ॥
କୁମାରଂ ପିତରଂ ଦେଵଂ ଶ୍ରିତଚନ୍ଦ୍ରକଲାନିଧିମ୍ ।
ବ୍ରହ୍ମଶତ୍ରୁଂ ଜଗନ୍ମିତ୍ରଂ ଏକବିଲ୍ଵଂ ଶିଵାର୍ପଣମ୍ ॥ ୬୪ ॥
ଲାଵଣ୍ୟମଧୁରାକାରଂ କରୁଣାରସଵାରଧିମ୍ ।
ଭ୍ରୁଵୋର୍ମଧ୍ୟେ ସହସ୍ରାର୍ଚିଂ ଏକବିଲ୍ଵଂ ଶିଵାର୍ପଣମ୍ ॥ ୬୫ ॥
ଜଟାଧରଂ ପାଵକାକ୍ଷଂ ଵୃକ୍ଷେଶଂ ଭୂମିନାୟକମ୍ ।
କାମଦଂ ସର୍ଵଦାଗମ୍ୟଂ ଏକବିଲ୍ଵଂ ଶିଵାର୍ପଣମ୍ ॥ ୬୬ ॥
ଶିଵଂ ଶାନ୍ତଂ ଉମାନାଥଂ ମହାଧ୍ୟାନପରାୟଣମ୍ ।
ଜ୍ଞାନପ୍ରଦଂ କୃତ୍ତିଵାସଂ ଏକବିଲ୍ଵଂ ଶିଵାର୍ପଣମ୍ ॥ ୬୭ ॥
ଵାସୁକ୍ୟୁରଗହାରଂ ଚ ଲୋକାନୁଗ୍ରହକାରଣମ୍ ।
ଜ୍ଞାନପ୍ରଦଂ କୃତ୍ତିଵାସଂ ଏକବିଲ୍ଵଂ ଶିଵାର୍ପଣମ୍ ॥ ୬୮ ॥
ଶଶାଙ୍କଧାରିଣଂ ଭର୍ଗଂ ସର୍ଵଲୋକୈକଶଙ୍କରମ୍ ।
ଶୁଦ୍ଧଂ ଚ ଶାଶ୍ଵତଂ ନିତ୍ୟଂ ଏକବିଲ୍ଵଂ ଶିଵାର୍ପଣମ୍ ॥ ୬୯ ॥
ଶରଣାଗତଦୀନାର୍ତପରିତ୍ରାଣପରାୟଣମ୍ ।
ଗମ୍ଭୀରଂ ଚ ଵଷଟ୍କାରଂ ଏକବିଲ୍ଵଂ ଶିଵାର୍ପଣମ୍ ॥୭୦ ॥
ଭୋକ୍ତାରଂ ଭୋଜନଂ ଭୋଜ୍ୟଂ ଜେତାରଂ ଜିତମାନସମ୍ ।
କରଣଂ କାରଣଂ ଜିଷ୍ଣୁଂ ଏକବିଲ୍ଵଂ ଶିଵାର୍ପଣମ୍ ॥ ୭୧ ॥
କ୍ଷେତ୍ରଜ୍ଞଂ କ୍ଷେତ୍ରପାଲଞ୍ଚ ପରାର୍ଧୈକପ୍ରୟୋଜନମ୍ ।
ଵ୍ୟୋମକେଶଂ ଭୀମଵେଷଂ ଏକବିଲ୍ଵଂ ଶିଵାର୍ପଣମ୍ ॥ ୭୨ ॥
ଭଵଜ୍ଞଂ ତରୁଣୋପେତଂ ଚୋରିଷ୍ଟଂ ୟମନାଶନମ୍ ।
ହିରଣ୍ୟଗର୍ଭଂ ହେମାଙ୍ଗଂ ଏକବିଲ୍ଵଂ ଶିଵାର୍ପଣମ୍ ॥ ୭୩ ॥
ଦକ୍ଷଂ ଚାମୁଣ୍ଡଜନକଂ ମୋକ୍ଷଦଂ ମୋକ୍ଷନାୟକମ୍ ।
ହିରଣ୍ୟଦଂ ହେମରୂପଂ ଏକବିଲ୍ଵଂ ଶିଵାର୍ପଣମ୍ ॥ ୭୪ ॥
ମହାଶ୍ମଶାନନିଲୟଂ ପ୍ରଚ୍ଛନ୍ନସ୍ଫଟିକପ୍ରଭମ୍ ।
ଵେଦାସ୍ୟଂ ଵେଦରୂପଂ ଚ ଏକବିଲ୍ଵଂ ଶିଵାର୍ପଣମ୍ ॥ ୭୫ ॥
ସ୍ଥିରଂ ଧର୍ମଂ ଉମାନାଥଂ ବ୍ରହ୍ମଣ୍ୟଂ ଚାଶ୍ରୟଂ ଵିଭୁମ୍ ।
ଜଗନ୍ନିଵାସଂ ପ୍ରଥମମେକବିଲ୍ଵଂ ଶିଵାର୍ପଣମ୍ ॥ ୭୬ ॥
ରୁଦ୍ରାକ୍ଷମାଲାଭରଣଂ ରୁଦ୍ରାକ୍ଷପ୍ରିୟଵତ୍ସଲମ୍ ।
ରୁଦ୍ରାକ୍ଷଭକ୍ତସଂସ୍ତୋମମେକବିଲ୍ଵଂ ଶିଵାର୍ପଣମ୍ ॥ ୭୭ ॥
ଫଣୀନ୍ଦ୍ରଵିଲସତ୍କଣ୍ଠଂ ଭୁଜଙ୍ଗାଭରଣପ୍ରିୟମ୍ ।
ଦକ୍ଷାଧ୍ଵରଵିନାଶଂ ଚ ଏକବିଲ୍ଵଂ ଶିଵାର୍ପଣମ୍ ॥ ୭୮ ॥
ନାଗେନ୍ଦ୍ରଵିଲସତ୍କର୍ଣଂ ମହୀନ୍ଦ୍ରଵଲୟାଵୃତମ୍ ।
ମୁନିଵନ୍ଦ୍ୟଂ ମୁନିଶ୍ରେଷ୍ଠମେକବିଲ୍ଵଂ ଶିଵାର୍ପଣମ୍ ॥ ୭୯ ॥
ମୃଗେନ୍ଦ୍ରଚର୍ମଵସନଂ ମୁନୀନାମେକଜୀଵନମ୍ ।
ସର୍ଵଦେଵାଦିପୂଜ୍ୟଂ ଚ ଏକବିଲ୍ଵଂ ଶିଵାର୍ପଣମ୍ ॥ ୮୦ ॥
ନିଧନେଶଂ ଧନାଧୀଶଂ ଅପମୃତ୍ୟୁଵିନାଶନମ୍ ।
ଲିଙ୍ଗମୂର୍ତିମଲିଙ୍ଗାତ୍ମଂ ଏକବିଲ୍ଵଂ ଶିଵାର୍ପଣମ୍ ॥ ୮୧ ॥
ଭକ୍ତକଲ୍ୟାଣଦଂ ଵ୍ୟସ୍ତଂ ଵେଦଵେଦାନ୍ତସଂସ୍ତୁତମ୍ ।
କଲ୍ପକୃତ୍କଲ୍ପନାଶଂ ଚ ଏକବିଲ୍ଵଂ ଶିଵାର୍ପଣମ୍ ॥ ୮୨ ॥
ଘୋରପାତକଦାଵାଗ୍ନିଂ ଜନ୍ମକର୍ମଵିଵର୍ଜିତମ୍ ।
କପାଲମାଲାଭରଣଂ ଏକବିଲ୍ଵଂ ଶିଵାର୍ପଣମ୍ ॥ ୮୩ ॥
ମାତଙ୍ଗଚର୍ମଵସନଂ ଵିରାଡ୍ରୂପଵିଦାରକମ୍ ।
ଵିଷ୍ଣୁକ୍ରାନ୍ତମନନ୍ତଂ ଚ ଏକବିଲ୍ଵଂ ଶିଵାର୍ପଣମ୍ ॥ ୮୪ ॥
ୟଜ୍ଞକର୍ମଫଲାଧ୍ୟକ୍ଷଂ ୟଜ୍ଞଵିଘ୍ନଵିନାଶକମ୍ ।
ୟଜ୍ଞେଶଂ ୟଜ୍ଞଭୋକ୍ତାରଂ ଏକବିଲ୍ଵଂ ଶିଵାର୍ପଣମ୍ ॥ ୮୫ ॥
କାଲାଧୀଶଂ ତ୍ରିକାଲଜ୍ଞଂ ଦୁଷ୍ଟନିଗ୍ରହକାରକମ୍ ।
ୟୋଗିମାନସପୂଜ୍ୟଂ ଚ ଏକବିଲ୍ଵଂ ଶିଵାର୍ପଣମ୍ ॥ ୮୬ ॥
ମହୋନ୍ନତମହାକାୟଂ ମହୋଦରମହାଭୁଜମ୍ ।
ମହାଵକ୍ତ୍ରଂ ମହାଵୃଦ୍ଧଂ ଏକବିଲ୍ଵଂ ଶିଵାର୍ପଣମ୍ ॥ ୮୭ ॥
ସୁନେତ୍ରଂ ସୁଲଲାଟଂ ଚ ସର୍ଵଭୀମପରାକ୍ରମମ୍ ।
ମହେଶ୍ଵରଂ ଶିଵତରଂ ଏକବିଲ୍ଵଂ ଶିଵାର୍ପଣମ୍ ॥ ୮୮ ॥
ସମସ୍ତଜଗଦାଧାରଂ ସମସ୍ତଗୁଣସାଗରମ୍ ।
ସତ୍ୟଂ ସତ୍ୟଗୁଣୋପେତଂ ଏକବିଲ୍ଵଂ ଶିଵାର୍ପଣମ୍ ॥ ୮୯ ॥
ମାଘକୃଷ୍ଣଚତୁର୍ଦଶ୍ୟାଂ ପୂଜାର୍ଥଂ ଚ ଜଗଦ୍ଗୁରୋଃ ।
ଦୁର୍ଲଭଂ ସର୍ଵଦେଵାନାଂ ଏକବିଲ୍ଵଂ ଶିଵାର୍ପଣମ୍ ॥ ୯୦ ॥
ତତ୍ରାପି ଦୁର୍ଲଭଂ ମନ୍ୟେତ୍ ନଭୋମାସେନ୍ଦୁଵାସରେ ।
ପ୍ରଦୋଷକାଲେ ପୂଜାୟାଂ ଏକବିଲ୍ଵଂ ଶିଵାର୍ପଣମ୍ ॥ ୯୧ ॥
ତଟାକଂ ଧନନିକ୍ଷେପଂ ବ୍ରହ୍ମସ୍ଥାପ୍ୟଂ ଶିଵାଲୟମ୍
କୋଟିକନ୍ୟାମହାଦାନଂ ଏକବିଲ୍ଵଂ ଶିଵାର୍ପଣମ୍ ॥ ୯୨ ॥
ଦର୍ଶନଂ ବିଲ୍ଵଵୃକ୍ଷସ୍ୟ ସ୍ପର୍ଶନଂ ପାପନାଶନମ୍ ।
ଅଘୋରପାପସଂହାରଂ ଏକବିଲ୍ଵଂ ଶିଵାର୍ପଣମ୍ ॥ ୯୩ ॥
ତୁଲସୀବିଲ୍ଵନିର୍ଗୁଣ୍ଡୀ ଜମ୍ବୀରାମଲକଂ ତଥା ।
ପଞ୍ଚବିଲ୍ଵମିତି ଖ୍ୟାତଂ ଏକବିଲ୍ଵଂ ଶିଵାର୍ପଣମ୍ ॥ ୯୪ ॥
ଅଖଣ୍ଡବିଲ୍ଵପତ୍ରୈଶ୍ଚ ପୂଜୟେନ୍ନନ୍ଦିକେଶ୍ଵରମ୍ ।
ମୁଚ୍ୟତେ ସର୍ଵପାପେଭ୍ୟଃ ଏକବିଲ୍ଵଂ ଶିଵାର୍ପଣମ୍ ॥ ୯୫ ॥
ସାଲଙ୍କୃତା ଶତାଵୃତ୍ତା କନ୍ୟାକୋଟିସହସ୍ରକମ୍ ।
ସାମ୍ରାଜ୍ୟପୃଥ୍ଵୀଦାନଂ ଚ ଏକବିଲ୍ଵଂ ଶିଵାର୍ପଣମ୍ ॥ ୯୬ ॥
ଦନ୍ତ୍ୟଶ୍ଵକୋଟିଦାନାନି ଅଶ୍ଵମେଧସହସ୍ରକମ୍ ।
ସଵତ୍ସଧେନୁଦାନାନି ଏକବିଲ୍ଵଂ ଶିଵାର୍ପଣମ୍ ॥ ୯୭ ॥
ଚତୁର୍ଵେଦସହସ୍ରାଣି ଭାରତାଦିପୁରାଣକମ୍ ।
ସାମ୍ରାଜ୍ୟପୃଥ୍ଵୀଦାନଂ ଚ ଏକବିଲ୍ଵଂ ଶିଵାର୍ପଣମ୍ ॥ ୯୮ ॥
ସର୍ଵରତ୍ନମୟଂ ମେରୁଂ କାଞ୍ଚନଂ ଦିଵ୍ୟଵସ୍ତ୍ରକମ୍ ।
ତୁଲାଭାଗଂ ଶତାଵର୍ତଂ ଏକବିଲ୍ଵଂ ଶିଵାର୍ପଣମ୍ ॥ ୯୯ ॥
ଅଷ୍ଟୋତ୍ତରଶ୍ଶତଂ ବିଲ୍ଵଂ ୟୋଽର୍ଚୟେଲ୍ଲିଙ୍ଗମସ୍ତକେ ।
ଅଧର୍ଵୋକ୍ତଂ ଅଧେଭ୍ୟସ୍ତୁ ଏକବିଲ୍ଵଂ ଶିଵାର୍ପଣମ୍ ॥ ୧୦୦ ॥
କାଶୀକ୍ଷେତ୍ରନିଵାସଂ ଚ କାଲଭୈରଵଦର୍ଶନମ୍ ।
ଅଘୋରପାପସଂହାରଂ ଏକବିଲ୍ଵଂ ଶିଵାର୍ପଣମ୍ ॥ ୧୦୧ ॥
ଅଷ୍ଟୋତ୍ତରଶତଶ୍ଲୋକୈଃ ସ୍ତୋତ୍ରାଦ୍ୟୈଃ ପୂଜୟେଦ୍ୟଥା ।
ତ୍ରିସନ୍ଧ୍ୟଂ ମୋକ୍ଷମାପ୍ନୋତି ଏକବିଲ୍ଵଂ ଶିଵାର୍ପଣମ୍ ॥ ୧୦୨ ॥
ଦନ୍ତିକୋଟିସହସ୍ରାଣାଂ ଭୂଃ ହିରଣ୍ୟସହସ୍ରକମ୍ ।
ସର୍ଵକ୍ରତୁମୟଂ ପୁଣ୍ୟଂ ଏକବିଲ୍ଵଂ ଶିଵାର୍ପଣମ୍ ॥ ୧୦୩ ॥
ପୁତ୍ରପୌତ୍ରାଦିକଂ ଭୋଗଂ ଭୁକ୍ତ୍ଵା ଚାତ୍ର ୟଥେପ୍ସିତମ୍ ।
ଅନ୍ତେ ଚ ଶିଵସାୟୁଜ୍ୟଂ ଏକବିଲ୍ଵଂ ଶିଵାର୍ପଣମ୍ ॥ ୧୦୪ ॥
ଵିପ୍ରକୋଟିସହସ୍ରାଣାଂ ଵିତ୍ତଦାନାଚ୍ଚ ୟତ୍ଫଲମ୍ ।
ତତ୍ଫଲଂ ପ୍ରାପ୍ନୁୟାତ୍ସତ୍ୟଂ ଏକବିଲ୍ଵଂ ଶିଵାର୍ପଣମ୍ ॥ ୧୦୫ ॥
ତ୍ଵନ୍ନାମକୀର୍ତନଂ ତତ୍ତ୍ଵଂ ତଵପାଦାମ୍ବୁ ୟଃ ପିବେତ୍ ।
ଜୀଵନ୍ମୁକ୍ତୋଭଵେନ୍ନିତ୍ୟଂ ଏକବିଲ୍ଵଂ ଶିଵାର୍ପଣମ୍ ॥ ୧୦୬ ॥
ଅନେକଦାନଫଲଦଂ ଅନନ୍ତସୁକୃତାଦିକମ୍ ।
ତୀର୍ଥୟାତ୍ରାଖିଲଂ ପୁଣ୍ୟଂ ଏକବିଲ୍ଵଂ ଶିଵାର୍ପଣମ୍ ॥ ୧୦୭ ॥
ତ୍ଵଂ ମାଂ ପାଲୟ ସର୍ଵତ୍ର ପଦଧ୍ୟାନକୃତଂ ତଵ ।
ଭଵନଂ ଶାଙ୍କରଂ ନିତ୍ୟଂ ଏକବିଲ୍ଵଂ ଶିଵାର୍ପଣମ୍ ॥ ୧୦୮ ॥
ଉମୟାସହିତଂ ଦେଵଂ ସଵାହନଗଣଂ ଶିଵମ୍ ।
ଭସ୍ମାନୁଲିପ୍ତସର୍ଵାଙ୍ଗଂ ଏକବିଲ୍ଵଂ ଶିଵାର୍ପଣମ୍ ॥ ୧୦୯ ॥
ସାଲଗ୍ରାମସହସ୍ରାଣି ଵିପ୍ରାଣାଂ ଶତକୋଟିକମ୍ ।
ୟଜ୍ଞକୋଟିସହସ୍ରାଣି ଏକବିଲ୍ଵଂ ଶିଵାର୍ପଣମ୍ ॥ ୧୧୦ ॥
ଅଜ୍ଞାନେନ କୃତଂ ପାପଂ ଜ୍ଞାନେନାଭିକୃତଂ ଚ ୟତ୍ ।
ତତ୍ସର୍ଵଂ ନାଶମାୟାତୁ ଏକବିଲ୍ଵଂ ଶିଵାର୍ପଣମ୍ ॥ ୧୧୧ ॥
ଅମୃତୋଦ୍ଭଵଵୃକ୍ଷସ୍ୟ ମହାଦେଵପ୍ରିୟସ୍ୟ ଚ ।
ମୁଚ୍ୟନ୍ତେ କଣ୍ଟକାଘାତାତ୍ କଣ୍ଟକେଭ୍ୟୋ ହି ମାନଵାଃ ॥ ୧୧୨ ॥
ଏକୈକବିଲ୍ଵପତ୍ରେଣ କୋଟିୟଜ୍ଞଫଲଂ ଭଵେତ୍ ।
ମହାଦେଵସ୍ୟ ପୂଜାର୍ଥଂ ଏକବିଲ୍ଵଂ ଶିଵାର୍ପଣମ୍ ॥ ୧୧୩ ॥
ଏକକାଲେ ପଠେନ୍ନିତ୍ୟଂ ସର୍ଵଶତ୍ରୁନିଵାରଣମ୍ ।
ଦ୍ଵିକାଲେ ଚ ପଠେନ୍ନିତ୍ୟଂ ମନୋରଥଫଲପ୍ରଦମ୍ ।
ତ୍ରିକାଲେ ଚ ପଠେନ୍ନିତ୍ୟଂ ଆୟୁର୍ଵର୍ଧ୍ୟୋ ଧନପ୍ରଦମ୍ ।
ଅଚିରାତ୍କାର୍ୟସିଦ୍ଧିଂ ଚ ଲଭତେ ନାତ୍ର ସଂଶୟଃ ॥ ୧୧୪ ॥
ଏକକାଲଂ ଦ୍ଵିକାଲଂ ଵା ତ୍ରିକାଲଂ ୟଃ ପଠେନ୍ନରଃ ।
ଲକ୍ଷ୍ମୀପ୍ରାପ୍ତିଶ୍ଶିଵାଵାସଃ ଶିଵେନ ସହ ମୋଦତେ ॥ ୧୧୫ ॥
କୋଟିଜନ୍ମକୃତଂ ପାପଂ ଅର୍ଚନେନ ଵିନଶ୍ୟତି ।
ସପ୍ତଜନ୍ମକୃତଂ ପାପଂ ଶ୍ରଵଣେନ ଵିନଶ୍ୟତି ।
ଜନ୍ମାନ୍ତରକୃତଂ ପାପଂ ପଠନେନ ଵିନଶ୍ୟତି ।
ଦିଵାରାତ୍ରକୃତଂ ପାପଂ ଦର୍ଶନେନ ଵିନଶ୍ୟତି ।
କ୍ଷଣେକ୍ଷଣେକୃତଂ ପାପଂ ସ୍ମରଣେନ ଵିନଶ୍ୟତି ।
ପୁସ୍ତକଂ ଧାରୟେଦ୍ଦେହୀ ଆରୋଗ୍ୟଂ ଭୟନାଶନମ୍ ॥ ୧୧୬ ॥
ଇତି ବିଲ୍ଵାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ॥
– Chant Stotra in Other Languages –
Lord Shiva Slokam » Bilva Patra Ashtottara Shatanamesvali » Bilwa Leaves » Bel » Beal Stotram Lyrics in Sanskrit » English » Bengali » Gujarati » Marathi » Kannada » Malayalam » Telugu » Tamil