॥ Sri Bhuvaneshwari Shatanama Stotram Gujarati Lyrics ॥
॥ શ્રીભુવનેશ્વરીશતનામસ્તોત્રમ્ ॥
કૈલાસશિખરે રમ્યે નાનારત્નોપશોભિતે ।
નરનારીહિતાર્થાય શિવં પપ્રચ્છ પાર્વતી ॥ ૧ ॥
દેવ્યુવાચ –
ભુવનેશીમહાવિદ્યાનામ્નામષ્ટોત્તરં શતમ્ ।
કથયસ્વ મહાદેવ યદ્યહં તવ વલ્લભા ॥ ૨ ॥
ઈશ્વર ઉવાચ –
શૃણુ દેવિ મહાભાગે સ્તવરાજમિદં શુભમ્ ।
સહસ્રનામ્નામધિકં સિદ્ધિદં મોક્ષહેતુકમ્ ॥ ૩ ॥
શુચિભિઃ પ્રાતરુત્થાય પઠિતવ્યં સમાહિતૈઃ ।
ત્રિકાલં શ્રદ્ધયા યુક્તૈઃ સર્વકામફલપ્રદમ્ ॥ ૪ ॥
અસ્ય શ્રીભુવનેશ્વર્યષ્ટોત્તરશતનામસ્તોત્રસ્ય શક્તિરૃષિઃ
ગાયત્રી છન્દઃભુવનેશ્વરી દેવતા ચતુર્વર્ગસાધને જપે વિનિયોગઃ ।
ૐ મહામાયા મહાવિદ્યા મહાભોગા મહોત્કટા ।
માહેશ્વરી કુમારી ચ બ્રહ્માણી બ્રહ્મરૂપિણી ॥ ૫ ॥
વાગીશ્વરી યોગરૂપા યોગિનીકોટિસેવિતા ।
જયા ચ વિજયા ચૈવ કૌમારી સર્વમઙ્ગલા ॥ ૬ ॥
હિઙ્ગુલા ચ વિલાસી ચ જ્વાલિની જ્વાલરૂપિણી ।
ઈશ્વરી ક્રૂરસંહારી કુલમાર્ગપ્રદાયિની ॥ ૭ ॥
વૈષ્ણવી સુભગાકારા સુકુલ્યા કુલપૂજિતા ।
વામાઙ્ગા વામચારા ચ વામદેવપ્રિયા તથા ॥ ૮ ॥
ડાકિની યોગિનીરૂપા ભૂતેશી ભૂતનાયિકા ।
પદ્માવતી પદ્મનેત્રા પ્રબુદ્ધા ચ સરસ્વતી ॥ ૯ ॥
ભૂચરી ખેચરી માયા માતઙ્ગી ભુવનેશ્વરી ।
કાન્તા પતિવ્રતા સાક્ષી સુચક્ષુઃ કુણ્ડવાસિની ॥ ૧૦ ॥
ઉમા કુમારી લોકેશી સુકેશી પદ્મરાગિણી ।
ઇન્દ્રાણી બ્રહ્મ ચાણ્ડાલી ચણ્ડિકા વાયુવલ્લભા ॥ ૧૧ ॥
સર્વધાતુમયીમૂર્તિર્જલરૂપા જલોદરી ।
આકાશી રણગા ચૈવ નૃકપાલવિભૂષણા ॥ ૧૨ ॥
નર્મદા મોક્ષદા ચૈવ ધર્મકામાર્થદાયિની ।
ગાયત્રી ચાથ સાવિત્રી ત્રિસન્ધ્યા તીર્થગામિની ॥ ૧૩ ॥
અષ્ટમી નવમી ચૈવ દશમ્યેકાદશી તથા ।
પૌર્ણમાસી કુહૂરૂપા તિથિમૂર્તિસ્વરૂપિણી ॥ ૧૪ ॥
સુરારિનાશકારી ચ ઉગ્રરૂપા ચ વત્સલા ।
અનલા અર્ધમાત્રા ચ અરુણા પીતલોચના ॥ ૧૫ ॥
લજ્જા સરસ્વતી વિદ્યા ભવાની પાપનાશિની ।
નાગપાશધરા મૂર્તિરગાધા ધૃતકુણ્ડલા ॥ ૧૬ ॥
ક્ષત્રરૂપા ક્ષયકરી તેજસ્વિની શુચિસ્મિતા ।
અવ્યક્તા વ્યક્તલોકા ચ શમ્ભુરૂપા મનસ્વિની ॥ ૧૭ ॥
માતઙ્ગી મત્તમાતઙ્ગી મહાદેવપ્રિયા સદા ।
દૈત્યહા ચૈવ વારાહી સર્વશાસ્ત્રમયી શુભા ॥ ૧૮ ॥
ય ઇદં પઠતે ભક્ત્યા શૃણુયાદ્વા સમાહિતઃ ।
અપુત્રો લભતે પુત્રં નિર્ધનો ધનવાન્ ભવેત્ ॥ ૧૯ ॥
મૂર્ખોઽપિ લભતે શાસ્ત્રં ચોરોઽપિ લભતે ગતિમ્ ।
વેદાનાં પાઠકો વિપ્રઃ ક્ષત્રિયો વિજયી ભવેત્ ॥ ૨૦ ॥
વૈશ્યસ્તુ ધનવાન્ભૂયાચ્છૂદ્રસ્તુ સુખમેધતે ।
અષ્ટમ્યાઞ્ચ ચતુર્દશ્યાં નવમ્યાં ચૈકચેતસઃ ॥ ૨૧ ॥
યે પઠન્તિ સદા ભક્ત્યા ન તે વૈ દુઃખભાગિનઃ ।
એકકાલં દ્વિકાલં વા ત્રિકાલં વા ચતુર્થકમ્ ॥ ૨૨ ॥
યે પઠન્તિ સદા ભક્ત્યા સ્વર્ગલોકે ચ પૂજિતાઃ ।
રુદ્રં દૃષ્ટ્વા યથા દેવાઃ પન્નગા ગરુડં યથા ॥
શત્રવઃ પ્રપલાયન્તે તસ્ય વક્ત્રવિલોકનાત્ ॥ ૨૩ ॥
ઇતિ શ્રીરુદ્રયામલે દેવીશઙ્કરસંવાદે ભુવનેશ્વર્યષ્ટોત્તરશતનામસ્તોત્રમ્ ॥
– Chant Stotra in Other Languages –
Sri Durga Slokam » Sri Bhuvaneshwari Devi Shatanama Stotram Lyrics in Sanskrit » English » Bengali » Kannada » Malayalam » Odia » Telugu » Tamil