॥ Sri Lila Shatanama Stotra Odia Lyrics ॥
॥ ଲୀଲାଶତନାମସ୍ତୋତ୍ରମ୍ ॥
କୃଷ୍ଣଲୀଲାଶତନାମସ୍ତୋତ୍ରମ୍
ଶାଣ୍ଡିଲ୍ୟ ଉଵାଚ ।
ଅଥ ଲୀଲାଶତଂ ସ୍ତୋତ୍ରଂ ପ୍ରଵକ୍ଷ୍ୟାମି ହରେଃ ପ୍ରିୟମ୍ ।
ୟସ୍ୟାଭ୍ୟସନତଃ ସଦ୍ୟଃ ପ୍ରୀୟତେ ପୁରୁଷୋତ୍ତମଃ ॥ ୧ ॥
ୟଦୁକ୍ତଂ ଶ୍ରୀମତା ପୂର୍ଵଂ ପ୍ରିୟାୟୈ ପ୍ରୀତିପୂର୍ଵକମ୍ ।
ଲଲିତାୟୈ ୟଥାପ୍ରୋକ୍ତଂ ସା ମହ୍ୟଂ କୃପୟା ଜଗୌ ॥ ୨ ॥
ଶ୍ରୁତିଭିର୍ୟତ୍ପୁରା ପ୍ରୋକ୍ତଂ ମୁନିଭିର୍ୟତ୍ପୁରୋଦିତମ୍ ।
ତଦହଂ ଵୋ ଵର୍ଣୟିଷ୍ୟେ ଶ୍ରଦ୍ଧାଲୂନ୍ ସଂମତାନ୍ ଶୁଚୀନ୍ ॥ ୩ ॥
ଲୀଲାନାମଶତସ୍ୟାସ୍ୟ ଋଷୟୋଽଗ୍ନିସମୁଦ୍ଭଵାଃ ।
ଦେଵତା ଶୀପତିର୍ନିତ୍ୟଲୀଲାନୁଗ୍ରହଵିଗ୍ରହଃ ॥ ୪ ॥
ଛନ୍ଦାଂସ୍ୟନୁଷ୍ଟୁପ୍ ରୂପାଣି କୀର୍ତିତାନି ମୁନୀଶ୍ଵରାଃ ।
ବୀଜଂ ଭକ୍ତାନୁଗ୍ରହକୃତ୍ ଶକ୍ତିଲୀଲାପ୍ରିୟଃ ପ୍ରଭୁଃ ॥ ୫ ॥
ଶ୍ରୀକୃଷ୍ଣଭଗଵତ୍ପ୍ରୀତିଦ୍ଵାରା ସ୍ଵାର୍ଥେ ନିୟୋଜନମ୍ ।
ସର୍ଵେଶ୍ଵରଶ୍ଚ ସର୍ଵାତ୍ମା ସର୍ଵତୋଽସ୍ରେଣ ରକ୍ଷତୁ ॥ ୬ ॥
ଶ୍ରୀକୃଷ୍ଣଃ ସଚ୍ଚିଦାନନ୍ଦଃ ସ୍ଵତନ୍ତ୍ରପରମାଵଧିଃ ।
ଲୀଲାକର୍ତା ବାଲଲୀଲୋ ନିଜାନନ୍ଦୈକଵିଗ୍ରହଃ ॥ ୭ ॥
ଲୀଲାଶକ୍ତିର୍ନିଜଲୀଲାସୃଷ୍ଟିଦେହୋ ଵିନୋଦକୃତ୍ ।
ଵୃନ୍ଦାଵନେ ଗୋପିଗୋପଗୋଦ୍ଵିଜାଦିସଚିନ୍ମୟଃ ॥ ୮ ॥
ଵାକ୍ସୃଷ୍ଟିକର୍ତା ନାଦାତ୍ମା ପ୍ରଣଵୋ ଵର୍ଣରୂପଧୃକ୍ ॥ ୯ ॥
ପ୍ରକୃତିଃ ପ୍ରତ୍ୟୟୋ ଵାକ୍ୟୋ ଵେଦୋ ଵେଦାଙ୍ଗଜଃ କଵିଃ ।
ମାୟୋଦ୍ଭଵୋଦ୍ଭଵୋଽଚିନ୍ତ୍ୟକାର୍ୟୋ ଜୀଵପ୍ରଵର୍ତକଃ ॥ ୧୦ ॥
ନାନାତତ୍ତ୍ଵାନୁରୂପଶ୍ଚ କାଲକର୍ମସ୍ଵଭାଵକଃ ।
ଵେଦାନୁଗୋ ଵେଦଵେତ୍ତା ନିୟତୋ ମୁକ୍ତବନ୍ଧନଃ ॥ ୧୧ ॥
ଅସୁରକ୍ଲେଶଦୋ କ୍ଲିଷ୍ଟଜନନିଦ୍ରାରତିପ୍ରଦଃ ।
ନାରାୟଣୋ ହୃଷୀକେଶୋ ଦେଵଦେଵୋ ଜନାର୍ଦନଃ ॥ ୧୨ ॥
ସ୍ଵଵର୍ଣାଶ୍ରମଧର୍ମାତ୍ମା ସଂସ୍କୃତଃ ଶୁଦ୍ଧମାନସଃ ।
ଅଗ୍ନିହୋତ୍ରାଦିପଞ୍ଚାତ୍ମା ସ୍ଵର୍ଗଲୋକଫଲପ୍ରଦଃ ॥ ୧୩ ॥
ଶୁଦ୍ଧାତ୍ମଜ୍ଞାନଦୋ ଜ୍ଞାନଗମ୍ୟଃସ୍ଵାନନ୍ଦଦାୟକଃ ।
ଦେଵାନନ୍ଦକରୋ ମେଘଶ୍ୟାମଲଃ ସତ୍ତ୍ଵଵିଗ୍ରହଃ । ୧୪ ॥
ଗମ୍ଭୀରୋଽନଵଗାହ୍ୟଶ୍ରୀଦ୍ଵିଭୁଜୋ ମୁରଲୀଧରଃ ।
ପୂର୍ଣାନନ୍ଦଘନଃ ସାକ୍ଷାତ୍ କୋଟିମନ୍ମଥମନ୍ମଥଃ ॥ ୧୫ ॥
ଶ୍ରୁତିଗମ୍ୟୋ ଭକ୍ତିଗମ୍ୟୋ ମୁନିଗମ୍ୟୋ ଵ୍ରଜେଶ୍ଵରଃ ।
ଶ୍ରୀୟଶୋଦାସୁତୋ ନନ୍ଦଭାଗ୍ୟଚିନ୍ତାମଣିଃ ପ୍ରଭୁଃ ॥ ୧୬ ॥
ଅଵିଦ୍ୟାହରଣଃ ସର୍ଵଦୋଷସଙ୍ଘଵିନାଶକଃ ।
ନିଃସାଧନୋଦ୍ଧାରଦକ୍ଷୋ ଭକ୍ତାନୁଗ୍ରହକାତରଃ ॥ ୧୭ ॥
ସର୍ଵସାମର୍ଥ୍ୟସହିତୋ ଦୈଵଦୋଷନିଵାରକଃ ।
କୁମାରିକାନୁଗ୍ରହକୃଦ୍ ୟୋଗମାୟାପ୍ରସାଦକୃତ୍ ॥ ୧୮ ॥
ବ୍ରହ୍ମାନନ୍ଦପରାନନ୍ଦଭଜନାନନ୍ଦଦାୟକଃ ।
ଲୋକଵ୍ୟାମୋହକୃତ୍ସ୍ଵୀୟାନୁଗ୍ରହୋ ଵେଣୁଵାଦତଃ ॥ ୧୯ ॥
ନିତ୍ୟଲୀଲାରାସରତୋ ନିତ୍ୟଲୀଲାଫଲପ୍ରଦଃ ।
ମୂଢୋଦ୍ଧାରକରୋ ରାଜଲୀଲାସନ୍ତୋଷିତାମରଃ ॥ ୨୦ ॥
ସତାଂ ଲୋକଦ୍ଵୟାନନ୍ଦଦଶ୍ଚୈଶ୍ଵର୍ୟାଦିଭୂଷିତଃ ।
ନିରୋଧଲୀଲାସମ୍ପତ୍ତିର୍ଦଶଲୀଲାପରାୟଣଃ ॥ ୨୧ ॥
ଦ୍ଵାଦଶାଙ୍ଗଵପୁଃ ଶ୍ରୀମାଁଶ୍ଚତୃର୍ଵ୍ୟୂହଶ୍ଚତୁର୍ମୟଃ ।
ଗୋକୁଲାନନ୍ଦଦଃ ଶ୍ରୀମଦ୍ ଗୋଵର୍ଧନକୃତାଶ୍ରୟଃ ॥ ୨୨ ॥
ଚରାଚରାନୁଗ୍ରହକୃଦ୍ଵଂଶୀଵାଦ୍ୟଵିଶାରଦଃ ।
ଦେଵକୀନନ୍ଦନୋ ଦ୍ଵାରାପତିର୍ଗୋଵର୍ଧନାଦ୍ରିଭୃତ୍ ॥ ୨୩ ॥
ଶ୍ରୀଗୋକୁଲସୁଧାନାଥଃ ଶ୍ରୀମୁକୁନ୍ଦୋଽତିସୁନ୍ଦରଃ ।
ବାଲଲୀଲାରତୋ ହୈୟଙ୍ଗଵୀନରସତତ୍ପରଃ ॥ ୨୪ ॥
ନୃତ୍ୟପ୍ରିୟୋ ୟୁଗ୍ମଲୀଲୋ ତ୍ରିଭଙ୍ଗଲଲିତାକୃତିଃ ।
ଆଚାର୍ୟାନୁଗୃହୀତାତ୍ମା କରୁଣାଵରୁଣାଲୟଃ ॥ ୨୫ ॥
ଶ୍ରୀରାଧିକାପ୍ରେମମୂର୍ତିଃ ଶ୍ରୀଚନ୍ଦ୍ରାଵଲିଵଲ୍ଲଭଃ ।
ଲଲିତାପ୍ରାଣନାଥଃ ଶ୍ରୀକଲିନ୍ଦଗିରିଜାପ୍ରିୟଃ ॥ ୨୬ ॥
ଅପ୍ରାକୃତଗୁଣୋଦାରୋ ବ୍ରହ୍ମେଶେନ୍ଦ୍ରାଦିଵନ୍ଦିତଃ ।
ପଵିତ୍ରକୀର୍ତିଃଶ୍ରୀନାଥୋ ଵୃନ୍ଦାରଣ୍ୟପୁରନ୍ଦରଃ ॥ ୨୭ ॥
ଇତି ଲୀଲାଶତଂ ନାମ୍ନାଂ ନିଜାତ୍ମକସମନ୍ଵିତମ୍ ।
ୟଃ ପଠେତ୍ପ୍ରତ୍ୟହଂ ପ୍ରୀତ୍ୟା ତଂ ପ୍ରୀଣାତି ସ ମାଧଵଃ ॥ ୨୮ ॥
ଈଷଣାତ୍ରୟନିର୍ମୁକ୍ତୋ ୟା ପଠେଦ୍ଧରିସନ୍ନିଧୌ ।
ସୋଽଚଲାଂ ଭକ୍ତିମାପ୍ନୋତି ଇତି ସତ୍ୟଂ ମୁନୀଶ୍ଵରାଃ ॥ ୨୯ ॥
ଈଷଣାତ୍ରୟସମ୍ପନ୍ନଂ ୟସ୍ୟ ଚିତ୍ତ ପ୍ରଖିଦ୍ୟତି ।
ତେନାତ୍ର ଧ୍ୟାନଗମ୍ୟେନ ପ୍ରକାରେଣ ସମାପ୍ୟତେ ॥ ୩୦ ॥
ପୁତ୍ରେଷଣାସୁ ସର୍ଵାସୁ ଧ୍ୟାୟେତ୍ପୁତ୍ରପ୍ରଦଂ ହରିମ୍ ।
ବ୍ରହ୍ମାଣଂ ମୋହୟତ୍ତେନ ଵରାଵାପ୍ତିଃ ପ୍ରଜାୟତେ ॥ ୩୧ ॥
ଵିତ୍ତେଷଣାସ୍ସୁ ଵାସାଂସି ଭୂଷଣାନି ଶିଖାମଣିମ୍ ।
ଵଦନ୍ତଂ ଵିଷୟୀକୁର୍ଵଂଲ୍ଲଭତେ ତତ୍ ସ୍ଥିରଞ୍ଚ ୟତ୍ ॥ ୩୨ ॥
ଲୋକେଷଣାସୁ ନନ୍ଦସ୍ୟ ସାଧୟନ୍ପରତନ୍ତ୍ରତାମ୍ ।
ଧ୍ୟାତ୍ଵା ହୃଦି ମହାଭାଗ୍ୟୋ ଭଵେଲ୍ଲୋକଦ୍ଵୟେ ପୁମାନ୍ ॥ ୩୩ ॥
ସମର୍ଚ୍ୟ ଭଗଵନ୍ତଂ ତଂ ଶାଲଗ୍ରାମସ୍ୟ ମନ୍ଦିରେ ।
ନମୋଽନ୍ତୈର୍ନାମସନ୍ମନ୍ତ୍ରୈର୍ଦଦ୍ୟାଦ୍ଵୃନ୍ଦାଦଲାନ୍ୟସୌ ॥ ୩୪ ॥
ନିଵେଦୟେତ୍ତତଃ ସ୍ଵାର୍ଥଂ ମଧ୍ୟାହ୍ନେ ପରରାତ୍ରକେ ।
ତେନ ସର୍ଵମଵାପ୍ନୋତି ପ୍ରସୀଦତି ତତସ୍ତ୍ଵମୁମ୍ ॥ ୩୫ ॥
ସର୍ଵାପରାଧହରଣଂ ସର୍ଵଦୋଷନିଵାରଣମ୍ ।
ସର୍ଵଭକ୍ତିପ୍ରଜନନଂ ଭାଵସ୍ୟ ସଦୃଶଂ ପରମ୍ ॥ ୩୬ ॥
ଏତସ୍ୟୈଵ ସମାସାଦ୍ୟ ଗାୟତ୍ର୍ୟାଖ୍ୟଂ ମହାମନୁମ୍ ।
ପଠେନ୍ନାମ୍ନା ସହସ୍ରଂ ଚ ସୁଦାମାଦିସମୋ ଭଵେତ୍ ॥ ୩୭ ॥
ଅନୟୋଃ ସଦୃଶଂ ନାସ୍ତି ପ୍ରକାରୋଽତ୍ରାପରଃ ପରଃ ।
କାମଵ୍ୟାକୁଲଚିତସ୍ୟ ଶୋଧନାୟ ସତାଂ ମତଃ ॥ ୩୮ ॥
ନ ସୌଷଧୀ ମତା ପୁଂସା ୟା ଗଦାନ୍ତରମର୍ପୟେତ୍ ।
ପ୍ରକୃତଂ ସନ୍ନିଵର୍ତ୍ୟାଘଂ ଵାସନାଂ ୟା ନ ସଂହରେତ୍ ॥ ୩୯ ॥
ଵିଷୟାକ୍ରାନ୍ତଚିତ୍ତାନାଂ ନାଵେଶଃ କର୍ହିଚିଦ୍ଧରେଃ ।
ତତୋ ନିଵୃତ୍ତିଃ କାର୍ୟେଭ୍ୟ ଇତ୍ୟାହ ତନୟଂ ଵିଧିଃ ॥ ୪୦ ॥
ଶ୍ରୀକୃଷ୍ଣେତି ମହାମନ୍ତ୍ରଂ ଶ୍ରୀକୃଷ୍ଣେତି ମହୌଷଧୀ ।
ୟେ ଭଜନ୍ତି ମହାଭାଗାସ୍ତେଷାଂ କିଂ କିଂ ନ ସିଦ୍ଧୟତି ॥ ୪୧ ॥
ଇତି ଲୀଲାଶତନାମସ୍ତୋତ୍ରଂ ସମ୍ପୂର୍ଣମ୍ ।
ଇତି ଶ୍ରୀଶାଣ୍ଡିଲ୍ୟସଂହିତାୟାଂ ପଞ୍ଚମେ ଭକ୍ତିଖଣ୍ଡେ ଦ୍ଵିତୀୟଭାଗେ
ତୃତୀୟୋ ଅଷ୍ଟାଦଶୋଽଧ୍ୟାୟଃ ॥ ୧୮ ॥
– Chant Stotra in Other Languages –
Sri Lila Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil