॥ Sri Vishnu Ashtottara Shatanama Stotram Bengali Lyrics ॥
॥ শ্রীবিষ্ণবষ্টোত্তরশতনামস্তোত্রম্ ॥
নমাম্যহং হৃষীকেশং কেশবং মধুসূদনম্ ।
সূদনং সর্বদৈত্যানাং নারায়ণমনাময়ম্ ॥ ১ ॥
জয়ন্তং বিজয়ং কৃষ্ণং অনন্তং বামনং তথা ।
বিষ্ণুং বিশ্বেশ্বরং পুণ্যং বিশ্বাত্মানং সুরার্চিতম্ ॥ ২ ॥
অনঘং ত্বঘহর্তারং নারসিংহং শ্রিয়ঃ প্রিয়ম্ ।
শ্রীপতিং শ্রীধরং শ্রীদং শ্রীনিবাসং মহোদয়ম্ ॥ ৩ ॥
শ্রীরামং মাধবং মোক্ষক্ষমারূপং জনার্দনম্ ।
সর্বজ্ঞং সর্ববেত্তারং সর্বেশং সর্বদায়কম্ ॥ ৪ ॥
হরিং মুরারিং গোবিন্দং পদ্মনাভং প্রজাপতিম্ ।
আনন্দজ্ঞানসম্পন্নং জ্ঞানদং জ্ঞানদায়কম্ ॥ ৫ ॥
অচ্যুতং সবলং চন্দ্রবক্ত্রং ব্যাপ্তপরাবরম্ ।
য়োগেশ্বরং জগদ্যোনিং ব্রহ্মরূপং মহেশ্বরম্ ॥ ৬ ॥
মুকুন্দং চাপি বৈকুণ্ঠমেকরূপং কবিং ধ্রুবম্ ।
বাসুদেবং মহাদেবং ব্রহ্মণ্যং ব্রাহ্মণপ্রিয়ম্ ॥ ৭ ॥
গোপ্রিয়ং গোহিতং য়জ্ঞং য়জ্ঞাঙ্গং য়জ্ঞবর্ধনম্ ।
য়জ্ঞস্যাপি চ ভোক্তারং বেদবেদাঙ্গপারগম্ ॥ ৮ ॥
বেদজ্ঞং বেদরূপং তং বিদ্যাবাসং সুরেশ্বরম্ ।
প্রত্যক্ষং চ মহাহংসং শঙ্খপাণিং পুরাতনম্ ॥ ৯ ॥
পুষ্করং পুষ্করাক্ষং চ বরাহং ধরণীধরম্ ।
প্রদ্যুম্নং কামপালং চ ব্যাসধ্যাতং মহেশ্বরম্ ॥ ১০ ॥
সর্বসৌখ্যং মহাসৌখ্যং সাঙ্খ্যং চ পুরুষোত্তমম্ ।
য়োগরূপং মহাজ্ঞানং য়োগীশমজিতপ্রিয়ম্ ॥ ১১ ॥
অসুরারিং লোকনাথং পদ্মহস্তং গদাধরম্ ।
গুহাবাসং সর্ববাসং পুণ্যবাসং মহাজনম্ ॥ ১২ ॥
বৃন্দানাথং বৃহত্কায়ং পাবনং পাপনাশনম্ ।
গোপীনাথং গোপসখং গোপালং চ গণাশ্রয়ম্ ॥ ১৩ ॥
পরাত্মানং পরাধীশং কপিলং কার্যমানুষম্ ।
নমামি নিখিলং নিত্যং মনোবাক্কায়কর্মভিঃ ॥ ১৪ ॥
নাম্নাং শতেনাপি তু পুণ্যকর্তা
য়ঃ স্তৌতি বিষ্ণুং মনসা স্থিরেণ ।
স য়াতি লোকং মধুসূদনস্য
বিহায় দোষানিহ পুণ্যভূতঃ ॥ ১৫ ॥
নাম্নাং শতং মহাপুণ্যং সর্বপাতকশোধনম্ ।
অনন্যমনসা ধ্যাজেজ্জপেদ্ধ্যানসমন্বিতঃ ॥ ১৬ ॥
নিত্যমেব নরঃ পুণ্যং গঙ্গাস্নানফলং লভেত্ ।
তস্মাত্তু সুস্থিরো ভূত্বা সমাহিতমনা জপেত্ ॥ ১৭ ॥
ইতি শ্রীবিষ্ণবষ্টোত্তরশতনামস্তোত্রং সম্পূর্ণম্ ।
– Chant Stotra in Other Languages –
Sri Vishnu Slokam » Sri Vishnu Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil