॥ Sri Lakshmya Ashtottara Shatanama Stotram Kannada Lyrics ॥
॥ ಶ್ರೀಲಕ್ಷ್ಮ್ಯಷ್ಟೋತ್ತರಶತನಾಮಸ್ತೋತ್ರಮ್ ॥
ಶ್ರೀಗಣೇಶಾಯ ನಮಃ ।
ದೇವ್ಯುವಾಚ
ದೇವದೇವ ಮಹಾದೇವ ತ್ರಿಕಾಲಜ್ಞ ಮಹೇಶ್ವರ ।
ಕರುಣಾಕರ ದೇವೇಶ ಭಕ್ತಾನುಗ್ರಹಕಾರಕ ॥ 1 ॥
ಅಷ್ಟೋತ್ತರಶತಂ ಲಕ್ಷ್ಮ್ಯಾಃ ಶ್ರೋತುಮಿಚ್ಛಾಮಿ ತತ್ತ್ವತಃ ।
ಈಶ್ವರ ಉವಾಚ
ದೇವಿ ಸಾಧು ಮಹಾಭಾಗೇ ಮಹಾಭಾಗ್ಯಪ್ರದಾಯಕಮ್ ।
ಸರ್ವೈಶ್ವರ್ಯಕರಂ ಪುಣ್ಯಂ ಸರ್ವಪಾಪಪ್ರಣಾಶನಮ್ ॥ 2 ॥
ಸರ್ವದಾರಿದ್ರ್ಯಶಮನಂ ಶ್ರವಣಾದ್ಭುಕ್ತಿಮುಕ್ತಿದಮ್ ।
ರಾಜವಶ್ಯಕರಂ ದಿವ್ಯಂ ಗುಹ್ಯಾದ್ಗುಹ್ಯತಮಂ ಪರಮ್ ॥ 3 ॥
ದುರ್ಲಭಂ ಸರ್ವದೇವಾನಾಂ ಚತುಃಷಷ್ಟಿಕಲಾಸ್ಪದಮ್ ।
ಪದ್ಮಾದೀನಾಂ ವರಾನ್ತಾನಾಂ ವಿಧೀನಾಂ ನಿತ್ಯದಾಯಕಮ್ ॥ 4 ॥
ಸಮಸ್ತದೇವಸಂಸೇವ್ಯಮಣಿಮಾದ್ಯಷ್ಟಸಿದ್ಧಿದಮ್ ।
ಕಿಮತ್ರ ಬಹುನೋಕ್ತೇನ ದೇವೀ ಪ್ರತ್ಯಕ್ಷದಾಯಕಮ್ ॥ 5 ॥
ತವ ಪ್ರೀತ್ಯಾದ್ಯ ವಕ್ಷ್ಯಾಮಿ ಸಮಾಹಿತಮನಾಃ ಶೃಣುಂ ।
ಅಷ್ಟೋತ್ತರಶತಸ್ಯಾಸ್ಯ ಮಹಾಲಕ್ಷ್ಮೀಸ್ತು ದೇವತಾ ॥ 6 ॥
ಕ್ಲೀಂಬೀಜಪದಮಿತ್ಯುಕ್ತಂ ಶಕ್ತಿಸ್ತು ಭುವನೇಶ್ವರೀ ।
ಅಂಗನ್ಯಾಸಃ ಕರನ್ಯಾಸ ಸ ಇತ್ಯಾದಿಃ ಪ್ರಕೀರ್ತಿತಃ ॥ 7 ॥
ಧ್ಯಾನಮ್
ವನ್ದೇ ಪದ್ಮಕರಾಂ ಪ್ರಸನ್ನವದನಾಂ ಸೌಭಾಗ್ಯದಾಂ ಭಾಗ್ಯದಾಂ
ಹಸ್ತಾಭ್ಯಾಮಭಯಪ್ರದಾಂ ಮಣಿಗಣೈರ್ನಾನಾವಿಧೈರ್ಭೂಷಿತಾಮ್ ।
ಭಕ್ತಾಭೀಷ್ಟಫಲಪ್ರದಾಂ ಹರಿಹರಬ್ರಹ್ಮಾದಿಭಿಃ ಸೇವಿತಾಂ
ಪಾರ್ಶ್ವೇ ಪಂಕಜಶಂಖಪದ್ಮನಿಧಿಭಿರ್ಯುಕ್ತಾಂ ಸದಾ ಶಕ್ತಿಭಿಃ ॥ 8 ॥
ಸರಸಿಜನಯನೇ ಸರೋಜಹಸ್ತೇ ಧವಲತರಾಂಶುಕಗನ್ಧಮಾಲ್ಯಶೋಭೇ ।
ಭಗವತಿ ಹರಿವಲ್ಲಭೇ ಮನೋಜ್ಞೇ ತ್ರಿಭುವನಭೂತಿಕರಿ ಪ್ರಸೀದ ಮಹ್ಯಮ್ ॥ 9 ॥
ಪ್ರಕೃತಿಂ ವಿಕೃತಿಂ ವಿದ್ಯಾಂ ಸರ್ವಭೂತಹಿತಪ್ರದಾಮ್ ।
ಶ್ರದ್ಧಾಂ ವಿಭೂತಿಂ ಸುರಭಿಂ ನಮಾಮಿ ಪರಮಾತ್ಮಿಕಾಮ್ ॥ 10 ॥
ವಾಚಂ ಪದ್ಮಾಲಯಾಂ ಪದ್ಮಾಂ ಶುಚಿಂ ಸ್ವಾಹಾಂ ಸ್ವಧಾಂ ಸುಧಾಮ್ ।
ಧನ್ಯಾಂ ಹಿರಣ್ಮಯೀಂ ಲಕ್ಷ್ಮೀಂ ನಿತ್ಯಪುಷ್ಟಾಂ ವಿಭಾವರೀಮ್ ॥ 11 ॥
ಅದಿತಿಂ ಚ ದಿತಿಂ ದೀಪ್ತಾಂ ವಸುಧಾಂ ವಸುಧಾರಿಣೀಮ್ ।
ನಮಾಮಿ ಕಮಲಾಂ ಕಾನ್ತಾಂ ಕಾಮಾಕ್ಷೀಂ ಕ್ರೋಧಸಮ್ಭವಾಮ್ ॥ 12 ॥ var ಕಾಮಾ ಕ್ಷೀರೋದಸಮ್ಭವಾಮ್
ಅನುಗ್ರಹಪದಾಂ ಬುದ್ಧಿಮನಘಾಂ ಹರಿವಲ್ಲಭಾಮ್ ।
ಅಶೋಕಾಮಮೃತಾಂ ದೀಪ್ತಾಂ ಲೋಕಶೋಕವಿನಾಶಿನೀಮ್ ॥ 13 ॥
ನಮಾಮಿ ಧರ್ಮನಿಲಯಾಂ ಕರುಣಾಂ ಲೋಕಮಾತರಮ್ ।
ಪದ್ಮಪ್ರಿಯಾಂ ಪದ್ಮಹಸ್ತಾಂ ಪದ್ಮಾಕ್ಷೀಂ ಪದ್ಮಸುನ್ದರೀಮ್ ॥ 14 ॥
ಪದ್ಮೋದ್ಭವಾಂ ಪದ್ಮಮುಖೀಂ ಪದ್ಮನಾಭಪ್ರಿಯಾಂ ರಮಾಮ್ ।
ಪದ್ಮಮಾಲಾಧರಾಂ ದೇವೀಂ ಪದ್ಮಿನೀಂ ಪದ್ಮಗನ್ಧಿನೀಮ್ ॥ 15 ॥
ಪುಣ್ಯಗನ್ಧಾಂ ಸುಪ್ರಸನ್ನಾಂ ಪ್ರಸಾದಾಭಿಮುಖೀಂ ಪ್ರಭಾಮ್ ।
ನಮಾಮಿ ಚನ್ದ್ರವದನಾಂ ಚನ್ದ್ರಾಂ ಚನ್ದ್ರಸಹೋದರೀಮ್ ॥ 16 ॥
ಚತುರ್ಭುಜಾಂ ಚನ್ದ್ರರೂಪಾಮಿನ್ದಿರಾಮಿನ್ದುಶೀತಲಾಮ್ ।
ಆಹ್ಲಾದಜನನೀಂ ಪುಷ್ಟಿಂ ಶಿವಾಂ ಶಿವಕರೀಂ ಸತೀಮ್ ॥ 17 ॥
ವಿಮಲಾಂ ವಿಶ್ವಜನನೀಂ ತುಷ್ಟಿಂ ದಾರಿದ್ರ್ಯನಾಶಿನೀಮ್ ।
ಪ್ರೀತಿಪುಷ್ಕರಿಣೀಂ ಶಾನ್ತಾಂ ಶುಕ್ಲಮಾಲ್ಯಾಮ್ಬರಾಂ ಶ್ರಿಯಮ್ ॥ 18 ॥
ಭಾಸ್ಕರೀಂ ಬಿಲ್ವನಿಲಯಾಂ ವರಾರೋಹಾಂ ಯಶಸ್ವಿನೀಮ್ ।
ವಸುನ್ಧರಾಮುದಾರಾಂಗೀಂ ಹರಿಣೀಂ ಹೇಮಮಾಲಿನೀಮ್ ॥ 19 ॥
ಧನಧಾನ್ಯಕರೀಂ ಸಿದ್ಧಿಂ ಸದಾ ಸೌಮ್ಯಾಂ ಶುಭಪ್ರದಾಮ್ ।
ನೃಪವೇಶ್ಮಗತಾನನ್ದಾಂ ವರಲಕ್ಷ್ಮೀಂ ವಸುಪ್ರದಾಮ್ ॥ 20 ॥
ಶುಭಾಂ ಹಿರಣ್ಯಪ್ರಾಕಾರಾಂ ಸಮುದ್ರತನಯಾಂ ಜಯಾಮ್ ।
ನಮಾಮಿ ಮಂಗಲಾಂ ದೇವೀಂ ವಿಷ್ಣುವಕ್ಷಃಸ್ಥಲಸ್ಥಿತಾಮ್ ॥ 21 ॥
ವಿಷ್ಣುಪತ್ನೀಂ ಪ್ರಸನ್ನಾಕ್ಷೀಂ ನಾರಾಯಣಸಮಾಶ್ರಿತಾಮ್ ।
ದಾರಿದ್ರ್ಯಧ್ವಂಸಿನೀಂ ದೇವೀಂ ಸರ್ವೋಪದ್ರವಹಾರಿಣೀಮ್ ॥ 22 ॥
ನವದುರ್ಗಾಂ ಮಹಾಕಾಲೀಂ ಬ್ರಹ್ಮವಿಷ್ಣುಶಿವಾತ್ಮಿಕಾಮ್ ।
ತ್ರಿಕಾಲಜ್ಞಾನಸಮ್ಪನ್ನಾಂ ನಮಾಮಿ ಭುವನೇಶ್ವರೀಮ್ ॥ 23 ॥
ಲಕ್ಷ್ಮೀಂ ಕ್ಷೀರಸಮುದ್ರರಾಜತನಯಾಂ ಶ್ರೀರಂಗಧಾಮೇಶ್ವರೀಂ
ದಾಸೀಭೂತಸಮಸ್ತದೇವವನಿತಾಂ ಲೋಕೈಕದೀಪಾಂಕುರಾಮ್ ।
ಶ್ರೀಮನ್ಮನ್ದಕಟಾಕ್ಷಲಬ್ಧವಿಭವಬ್ರಹ್ಮೇನ್ದ್ರಗಂಗಾಧರಾಂ ತ್ವಾಂ
ತ್ರೈಲೋಕ್ಯಕುಟುಮ್ಬಿನೀಂ ಸರಸಿಜಾಂ ವನ್ದೇ ಮುಕುನ್ದಪ್ರಿಯಾಮ್ ॥ 24 ॥
ಮಾತರ್ನಮಾಮಿ ಕಮಲೇ ಕಮಲಾಯತಾಕ್ಷಿ
ಶ್ರೀವಿಷ್ಣುಹೃತ್ಕಮಲವಾಸಿನಿ ವಿಶ್ವಮಾತಃ ।
ಕ್ಷೀರೋದಜೇ ಕಮಲಕೋಮಲಗರ್ಭಗೌರಿ ಲಕ್ಷ್ಮಿ
ಪ್ರಸೀದ ಸತತಂ ನಮತಾಂ ಶರಣ್ಯೇ ॥ 25 ॥
ತ್ರಿಕಾಲಂ ಯೋ ಜಪೇದ್ವಿದ್ವಾನ್ ಷಣ್ಮಾಸಂ ವಿಜಿತೇನ್ದ್ರಿಯಃ ।
ದಾರಿದ್ರ್ಯಧ್ವಂಸನಂ ಕೃತ್ವಾ ಸರ್ವಮಾಪ್ನೋತ್ಯಯತ್ನತಃ ॥ 26 ॥
ದೇವೀನಾಮಸಹಸ್ರೇಷು ಪುಣ್ಯಮಷ್ಟೋತ್ತರಂ ಶತಮ್ ।
ಯೇನ ಶ್ರಿಯಮವಾಪ್ನೋತಿ ಕೋಟಿಜನ್ಮದರಿದ್ರತಃ ॥ 27 ॥
ಭೃಗುವಾರೇ ಶತಂ ಧೀಮಾನ್ ಪಠೇದ್ವತ್ಸರಮಾತ್ರಕಮ್ ।
ಅಷ್ಟೈಶ್ವರ್ಯಮವಾಪ್ನೋತಿ ಕುಬೇರ ಇವ ಭೂತಲೇ ॥ 28 ॥
ದಾರಿದ್ರ್ಯಮೋಚನಂ ನಾಮ ಸ್ತೋತ್ರಮಮ್ಬಾಪರಂ ಶತಮ್ ।
ಯೇನ ಶ್ರಿಯಮವಾಪ್ನೋತಿ ಕೋಟಿಜನ್ಮದರಿದ್ರಿತಃ ॥ 29 ॥
ಭುಕ್ತ್ವಾ ತು ವಿಪುಲಾನ್ ಭೋಗಾನಸ್ಯಾಃ ಸಾಯುಜ್ಯಮಾಪ್ನುಯಾತ್ ।
ಪ್ರಾತಃಕಾಲೇ ಪಠೇನ್ನಿತ್ಯಂ ಸರ್ವದುಃಖೋಪಶಾನ್ತಯೇ ।
ಪಠಂಸ್ತು ಚಿನ್ತಯೇದ್ದೇವೀಂ ಸರ್ವಾಭರಣಭೂಷಿತಾಮ್ ॥ 30 ॥
॥ ಇತಿ ಶ್ರೀಲಕ್ಷ್ಮ್ಯಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Laxmi Slokam » Sri Lakshmi Ashtottara Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil