॥ Shiva Ashtottara Namashtaka Stotram 2 Bengali Lyrics ॥
॥ শিবাষ্টোত্তরনামশতকস্তোত্রম্ ২ ॥
শ্রীগণেশায় নমঃ ।
দেবা ঊচুঃ ।
জয় শম্ভো বিভো রুদ্র স্বয়ম্ভো জয় শঙ্কর ।
জয়েশ্বর জয়েশান জয় সর্বজ্ঞ কামদ ॥ ১ ॥
নীলকণ্ঠ জয় শ্রীদ শ্রীকণ্ঠ জয় ধূর্জটে ।
অষ্টমূর্তেঽনন্তমূর্তে মহামূর্তে জয়ানঘ ॥ ২ ॥
জয় পাপহরানঙ্গনিঃসঙ্গাভঙ্গনাশন ।
জয় ত্বং ত্রিদশাধার ত্রিলোকেশ ত্রিলোচন ॥ ৩ ॥
জয় ত্বং ত্রিপথাধার ত্রিমার্গ ত্রিভিরূর্জিত ।
ত্রিপুরারে ত্রিধামূর্তে জয়ৈকত্রিজটাত্মক ॥ ৪ ॥
শশিশেখর শূলেশ পশুপাল শিবাপ্রিয় ।
শিবাত্মক শিব শ্রীদ সুহৃচ্ছ্রীশতনো জয় ॥ ৫ ॥
সর্ব সর্বেশ ভূতেশ গিরিশ ত্বং গিরীশ্বর ।
জয়োগ্ররূপ মীমেশ ভব ভর্গ জয় প্রভো ॥ ৬ ॥
জয় দক্ষাধ্বরধ্বংসিন্নন্ধকধ্বংসকারক ।
রুণ্ডমালিন্ কপালিংস্থং ভুজঙ্গাজিনভূষণ ॥ ৭ ॥
দিগম্বর দিশাং নাথ ব্যোমকশ চিতাম্পতে ।
জয়াধার নিরাধার ভস্মাধার ধরাধর ॥ ৮ ॥
দেবদেব মহাদেব দেবতেশাদিদৈবত ।
বহ্নিবীর্য জয় স্থাণো জয়ায়োনিজসম্ভব ॥ ৯ ॥
ভব শর্ব মহাকাল ভস্মাঙ্গ সর্পভূষণ ।
ত্র্যম্বক স্থপতে বাচাম্পতে ভো জগতাম্পতে ॥ ১০ ॥
শিপিবিষ্ট বিরূপাক্ষ জয় লিঙ্গ বৃষধ্বজ ।
নীললোহিত পিঙ্গাক্ষ জয় খট্বাঙ্গমণ্ডন ॥ ১১ ॥
কৃত্তিবাস অহির্বুধ্ন্য মৃডানীশ জটাম্বুভৃত্ ।
জগদ্ভ্রাতর্জগন্মাতর্জগত্তাত জগদ্গুরো ॥ ১২ ॥
পঞ্চবক্ত্র মহাবক্ত্র কালবক্ত্র গজাস্যভৃত্ ।
দশবাহো মহাবাহো মহাবীর্য মহাবল ॥ ১৩ ॥
অঘোরঘোরবক্ত্র ত্বং সদ্যোজাত উমাপতে ।
সদানন্দ মহানন্দ নন্দমূর্তে জয়েশ্বর ॥ ১৪ ॥
এবমষ্টোত্তরশতং নাম্নাং দেবকৃতং তু য়ে ।
শম্ভোর্ভক্ত্যা স্মরন্তীহ শৃণ্বন্তি চ পঠন্তি চ ॥ ১৫ ॥
ন তাপাস্ত্রিবিধাস্তেষাং ন শোকো ন রুজাদয়ঃ ।
গ্রহগোচরপীডা চ তেষাং ক্বাপি ন বিদ্যতে ॥ ১৬ ॥
শ্রীঃ প্রজ্ঞাঽঽরোগ্যমায়ুষ্যং সৌভাগ্যং ভাগ্যমুন্নতিম্ ।
বিদ্যা ধর্মে মতিঃ শম্ভোর্ভক্তিস্তেষাং ন সংশয়ঃ ॥ ১৭ ॥
ইতি শ্রীস্কন্দপুরাণে সহ্যাদ্রিখণ্ডে
শিবাষ্টোত্তরনামশতকস্তোত্রং সম্পূর্ণম্ ॥
– Chant Stotra in Other Languages –
Sri Shiva Slokam » Lord Shiva Ashtottara Namashtaka Stotram 2 Lyrics in Sanskrit » English » Gujarati » Kannada » Malayalam » Odia » Telugu » Tamil