॥ Sri Shukra Ashtottara Shatanama Stotram Gujarati Lyrics ॥
॥ શ્રીશુક્રાષ્ટોત્તરશતનામસ્તોત્રમ્ ॥
શુક્ર બીજ મન્ત્ર – ૐ દ્રાઁ દ્રીં દ્રૌં સઃ શુક્રાય નમઃ ॥
શુક્રઃ શુચિઃ શુભગુણઃ શુભદઃ શુભલક્ષણઃ ।
શોભનાક્ષઃ શુભ્રરૂપઃ શુદ્ધસ્ફટિકભાસ્વરઃ ॥ ૧ ॥
દીનાર્તિહારકો દૈત્યગુરુઃ દેવાભિવન્દિતઃ ।
કાવ્યાસક્તઃ કામપાલઃ કવિઃ કળ્યાણદાયકઃ ॥ ૨ ॥
ભદ્રમૂર્તિર્ભદ્રગુણો ભાર્ગવો ભક્તપાલનઃ ।
ભોગદો ભુવનાધ્યક્ષો ભુક્તિમુક્તિફલપ્રદઃ ॥ ૩ ॥
ચારુશીલશ્ચારુરૂપશ્ચારુચન્દ્રનિભાનનઃ ।
નિધિર્નિખિલશાસ્ત્રજ્ઞો નીતિવિદ્યાધુરન્ધરઃ ॥ ૪ ॥
સર્વલક્ષણસમ્પન્નઃ સર્વાપદ્ગુણવર્જિતઃ ।
સમાનાધિકનિર્મુક્તઃ સકલાગમપારગઃ ॥ ૫ ॥
ભૃગુર્ભોગકરો ભૂમિસુરપાલનતત્પરઃ ।
મનસ્વી માનદો માન્યો માયાતીતો મહાષયઃ ॥ ૬ ॥
બલિપ્રસન્નોઽભયદો બલી બલપરાક્રમઃ ।
ભવપાશપરિત્યાગો બલિબન્ધવિમોચકઃ ॥ ૭ ॥
ઘનાશયો ઘનાધ્યક્ષો કમ્બુગ્રીવઃ કળાધરઃ ।
કારુણ્યરસસમ્પૂર્ણઃ કળ્યાણગુણવર્ધનઃ ॥ ૮ ॥
શ્વેતામ્બરઃ શ્વેતવપુઃ ચતુર્ભુજસમન્વિતઃ ।
અક્ષમાલાધરોઽચિન્ત્યઃ અક્ષીણગુણભાસુરઃ ॥ ૯ ॥
નક્ષત્રગણસઞ્ચારો નયદો નીતિમાર્ગદઃ ।
વર્ષપ્રદો હૃષીકેશઃ ક્લેશનાશકરઃ કવિઃ ॥ ૧૦ ॥
ચિન્તિતાર્થપ્રદઃ શાન્તમતિઃ ચિત્તસમાધિકૃત્ ।
આધિવ્યાધિહરો ભૂરિવિક્રમઃ પુણ્યદાયકઃ ॥ ૧૧ ॥
પુરાણપુરુષઃ પૂજ્યઃ પુરુહૂતાદિસન્નુતઃ ।
અજેયો વિજિતારાતિર્વિવિધાભરણોજ્જ્વલઃ ॥ ૧૨ ॥
કુન્દપુષ્પપ્રતીકાશો મન્દહાસો મહામતિઃ ।
મુક્તાફલસમાનાભો મુક્તિદો મુનિસન્નુતઃ ॥ ૧૩ ॥
રત્નસિંહાસનારૂઢો રથસ્થો રજતપ્રભઃ ।
સૂર્યપ્રાગ્દેશસઞ્ચારઃ સુરશત્રુસુહૃત્ કવિઃ ॥ ૧૪ ॥
તુલાવૃષભરાશીશો દુર્ધરો ધર્મપાલકઃ ।
ભાગ્યદો ભવ્યચારિત્રો ભવપાશવિમોચકઃ ॥ ૧૫ ॥
ગૌડદેશેશ્વરો ગોપ્તા ગુણી ગુણવિભૂષણઃ ।
જ્યેષ્ઠાનક્ષત્રસમ્ભૂતો જ્યેષ્ઠઃ શ્રેષ્ઠઃ શુચિસ્મિતઃ ॥ ૧૬ ॥
અપવર્ગપ્રદોઽનન્તઃ સન્તાનફલદાયકઃ ।
સર્વૈશ્વર્યપ્રદઃ સર્વગીર્વાણગણસન્નુતઃ ॥ ૧૭ ॥
એવં શુક્રગ્રહસ્યૈવ ક્રમાદષ્ટોત્તરં શતમ્ ।
સર્વપાપપ્રશમનમ્ સર્વપુણ્યફલપ્રદમ્ ॥ ૧૮ ॥
યઃ પઠેચ્છ્રુણુયાદ્વાપિ સર્વાન્કામાનવાપ્નુયાત્ ॥ ૧૯ ॥
– Chant Stotra in Other Languages –
Sri Navagraha Slokam » Sri Shukra Ashtottara Shatanama Stotram Lyrics in Sanskrit » English » Bengali » Kannada » Malayalam » Odia » Telugu » Tamil