॥ Bagalamukhi Ashtottara Shatanamavali Telugu Lyrics ॥
॥ శ్రీ బగలాముఖీ అష్టోత్తరశతనామ స్తోత్రమ్ ॥
నారద ఉవాచ ।
భగవన్ దేవదేవేశ సృష్టిస్థితిలయేశ్వర ।
శతమష్టోత్తరం నామ్నాం బగళాయా వదాధునా ॥ ౧ ॥
శ్రీ భగవానువాచ ।
శృణు వత్స ప్రవక్ష్యామి నామ్నామష్టోత్తరం శతమ్ ।
పీతాంబర్యా మహాదేవ్యాః స్తోత్రం పాపప్రణాశనమ్ ॥ ౨ ॥
యస్య ప్రపఠనాత్సద్యో వాదీ మూకోభవేత్ క్షణాత్ ।
రిపవస్స్తంభనం యాన్తి సత్యం సత్యం వదామ్యహమ్ ॥ ౩ ॥
ఓం అస్య శ్రీపీతాంబర్యష్టోత్తరశతనామస్తోత్రస్య సదాశివ ఋషిః అనుష్టుప్ఛందః శ్రీపీతాంబరీ దేవతా శ్రీపీతాంబరీ ప్రీతయే జపే వినియోగః ।
ఓం బగళా విష్ణువనితా విష్ణుశంకరభామినీ ।
బహుళా దేవమాతా చ మహావిష్ణుప్రసూరపి ॥ ౪ ॥
మహామత్స్యా మహాకూర్మా మహావారాహరూపిణీ ।
నారసింహప్రియా రమ్యా వామనా పటురూపిణీ ॥ ౫ ॥
జామదగ్న్యస్వరూపా చ రామా రామప్రపూజితా ।
కృష్ణా కపర్దినీ కృత్యా కలహా చ వికారిణీ ॥ ౬ ॥
బుద్ధిరూపా బుద్ధభార్యా బౌద్ధపాషండఖండినీ ।
కల్కిరూపా కలిహరా కలిదుర్గతినాశినీ ॥ ౭ ॥
కోటిసూర్యప్రతీకాశా కోటికందర్పమోహినీ ।
కేవలా కఠినా కాళీ కలా కైవల్యదాయినీ ॥ ౮ ॥
కేశవీ కేశవారాధ్యా కిశోరీ కేశవస్తుతా ।
రుద్రరూపా రుద్రమూర్తీ రుద్రాణీ రుద్రదేవతా ॥ ౯ ॥
నక్షత్రరూపా నక్షత్రా నక్షత్రేశప్రపూజితా ।
నక్షత్రేశప్రియా నిత్యా నక్షత్రపతివందితా ॥ ౧౦ ॥
నాగినీ నాగజననీ నాగరాజప్రవందితా ।
నాగేశ్వరీ నాగకన్యా నాగరీ చ నగాత్మజా ॥ ౧౧ ॥
నగాధిరాజతనయా నగరాజప్రపూజితా ।
నవీనా నీరదా పీతా శ్యామా సౌందర్యకారిణీ ॥ ౧౨ ॥
రక్తా నీలా ఘనా శుభ్రా శ్వేతా సౌభాగ్యదాయినీ ।
సుందరీ సౌభగా సౌమ్యా స్వర్ణాభా స్వర్గతిప్రదా ॥ ౧౩ ॥
రిపుత్రాసకరీ రేఖా శత్రుసంహారకారిణీ ।
భామినీ చ తథా మాయా స్తంభినీ మోహినీ శుభా ॥ ౧౪ ॥
రాగద్వేషకరీ రాత్రీ రౌరవధ్వంసకారిణీ ।
యక్షిణీ సిద్ధనివహా సిద్ధేశా సిద్ధిరూపిణీ ॥ ౧౫ ॥
లంకాపతిధ్వంసకరీ లంకేశరిపువందితా ।
లంకానాథకులహరా మహారావణహారిణీ ॥ ౧౬ ॥
దేవదానవసిద్ధౌఘపూజితాపరమేశ్వరీ ।
పరాణురూపా పరమా పరతంత్రవినాశినీ ॥ ౧౭ ॥
వరదా వరదారాధ్యా వరదానపరాయణా ।
వరదేశప్రియా వీరా వీరభూషణభూషితా ॥ ౧౮ ॥
వసుదా బహుదా వాణీ బ్రహ్మరూపా వరాననా ।
బలదా పీతవసనా పీతభూషణభూషితా ॥ ౧౯ ॥
పీతపుష్పప్రియా పీతహారా పీతస్వరూపిణీ ।
ఇతి తే కథితం విప్ర నామ్నామష్టోత్తరం శతమ్ ॥ ౨౦ ॥
యః పఠేత్పాఠయేద్వాపి శృణుయాద్వా సమాహితః ।
తస్య శత్రుః క్షయం సద్యో యాతి నైవాత్ర సంశయః ॥ ౨౧ ॥
ప్రభాతకాలే ప్రయతో మనుష్యః
పఠేత్సుభక్త్యా పరిచింత్య పీతామ్ ।
ధ్రువం భవేత్తస్య సమస్తవృద్ధిః
వినాశమాయాతి చ తస్య శత్రుః ॥ ౨౨ ॥
ఇతి శ్రీవిష్ణుయామలే నారదవిష్ణుసంవాదే శ్రీబగళాష్టోత్తరశతనామస్తోత్రమ్ ।
– Chant Stotra in Other Languages –
Durga Slokam » Sri Bagalamukhi Ashtottara Shatanama Stotram Lyrics in Sanskrit » English » Kannada » Tamil