॥ Saravana Bhava Devasenesha Shatkam Kannada Lyrics ॥
॥ ಶರವಣಭವ ದೇವಸೇನೇಶ ಷಟ್ಕಂ ॥
ಕರತಲರಾಜಚ್ಛಕ್ತೇ ಸ್ವರದಪರಾಭೂತಕುಂದಸುಮಗರ್ವ ।
ಸುರವರನಿಷೇವಿತಾಂಘ್ರೇ ಶರವಣಭವ ಪಾಹಿ ದೇವಸೇನೇಶ ॥ ೧ ॥
ತಟಿದಾಭದೇಹಕಾಂತೇ ಕಟಿವಿಲಸತ್ಪೀತವರ್ಣಕೌಶೇಯ ।
ಪಾಟಿತಶೂರಾಸುರ ಭೋ ಶರವಣಭವ ಪಾಹಿ ದೇವಸೇನೇಶ ॥ ೨ ॥
ನೀಲಗ್ರೀವತನೂದ್ಭವ ಬಾಲದಿನೇಶಾನಕೋಟಿನಿಭದೇಹ ।
ಕಾಲಪ್ರತಿಭಟಮೋದದ ಶರವಣಭವ ಪಾಹಿ ದೇವಸೇನೇಶ ॥ ೩ ॥
ಪದಜಿತಪಂಕಜ ಪಂಕಜಭವಪಂಕಜನೇತ್ರಮುಖ್ಯಸುರವಂದ್ಯ ।
ಪದವೀಂ ಪ್ರಾಪಯ ಮಹತೀಂ ಶರವಣಭವ ಪಾಹಿ ದೇವಸೇನೇಶ ॥ ೪ ॥
ತಾರಕದೈತ್ಯನಿವಾರಕ ತಾರಾಪತಿಗರ್ವಹಾರಿಷಡ್ವಕ್ತ್ರ ।
ತಾರಕ ಭವಾಂಬುರಾಶೇಃ ಶರವಣಭವ ಪಾಹಿ ದೇವಸೇನೇಶ ॥ ೫ ॥
ಪರ್ವತಸುತಾಮನೋಽಂಬುಜಸದ್ಯಃಸಂಜಾತವಾಸರೇಶತತೇ ।
ಸರ್ವಶ್ರುತಿಗೀತವಿಭೋ ಶರವಣಭವ ಪಾಹಿ ದೇವಸೇನೇಶ ॥ ೬ ॥
ಇತಿ ಶೃಂಗೇರಿಜಗದ್ಗುರು ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹಭಾರತೀ ಸ್ವಾಮಿಭಿಃ ವಿರಚಿತಂ ಶ್ರೀ ಶರವಣಭವ ದೇವಸೇನೇಶ ಷಟ್ಕಮ್ ।
– Chant Stotra in Other Languages –
Sri Subrahmanya / Kartikeya / Muruga Stotram » Saravana Bhava Devasenesha Shatkam in Lyrics in Sanskrit » English » Telugu » Tamil