॥ శ్రీహనూమత్ పఞ్చ చామరమ్ Telugu Lyrics ॥
నమోఽస్తు తే హనూమతే దయావతే మనోగతే
సువర్ణపర్వతాకృతే నభస్స్వతః సుతాయ తే ।
న చాఞ్జనేయ తే సమో జగత్త్రయే మహామతే
పరాక్రమే వచఃకమే సమస్తసిద్ధిసఙ్క్రమే ॥ ౧॥
రవిం గ్రసిష్ణురుత్పతన్ ఫలేచ్ఛయా శిశుర్భవాన్
రవేర్గృహీతవానహో సమస్తవేదశాస్త్ర్కమ్ ।
భవన్మనోజ్ఞభాషణం బభూవ కర్ణభూషణం
రఘూత్తమస్య మానసాంబుజస్య పూర్ణతోషణమ్ ॥ ౨॥
ధరాత్మజాపతిం భవాన్ విభావయన్ జగత్పతిం
జగామ రామదాసతాం సమస్తలోకవిశ్రుతామ్ ।
విలఙ్ఘ్య వారిధిం జవాత్ విలోక్య దీనజానకీం
దశాననస్య మానసం దదాహ లఙ్కయా సమమ్ ॥ ౩॥
విలోక్య మాతరం కృశాం దశాననస్య తద్వనే
భవానభాషత ప్రియం మనోహరం చ సంస్కృతమ్ ।
సమస్తదుష్టరక్షసాం వినాశకాలసూచనం
చకార రావణాగ్రతః నయేన వా భయేన వా ॥ ౪॥
మహాబలో మహాచలం సముహ్య చౌషధిప్రభం
భవాన్ రరక్ష లక్ష్మణం భయావహే మహావహే ।
మహోపకారిణం తదా భవన్తమాత్మబాన్ధవం
సమస్తలోకబాన్ధవోఽప్యమన్యత స్వయం విభుః ॥ ౫॥
భవాంశ్చ యత్ర యత్ర తత్ శృణోతి రామకీర్తనం
కరోతి తత్ర తత్ర భోః సభాష్పమస్తకాఞ్జలిం ।
ప్రదేహి మేఽఞ్జనాసుత త్వదీయభక్తివైభవం
విదేహి మే నిరఞ్జనం చ రామదాసదాసతామ్ ॥ ౬॥
అగణ్యపుణ్యవాన్ భవాన్ అనన్యధన్యజీవనః
విముచ్య మౌక్తికస్రజం దదౌ ధరాత్మజా ముదా ।
భవన్తమాలిలిఙ్గ యద్ రఘూత్తమః స్వయం వదన్
ఇదం హి మే హనూమతః ప్రదేయసర్వమిత్యహో ॥ ౭॥
విదేహరాజనన్దినీమనోహరే వరే పరే
విదేహముక్తిదాయకే విధేహి మే మనో హరే ।
క్షణం క్షణం నిరీక్షణం భవేద్ యథా మయి ప్రభోః
తథా నివేదయస్వ మద్దశాం దశాననాన్తకే ॥ ౮॥
ఇదం చ పఞ్చచామరం గృహాణ దాసకల్పితం
సమీరణాత్మసంభవ ప్రమోదమానచేతసా ।
రిపూన్ షడాన్తరాన్ వినాశయాశు దుర్దమాన్
పునర్భవాఖ్యకర్దమాత్ విముచ్య పాహి పాహి మామ్ ॥ ౯॥