॥ ಶ್ರೀಹನೂಮತ್ ಪಂಚ ಚಾಮರಮ್ Kannada Lyrics ॥
ನಮೋಽಸ್ತು ತೇ ಹನೂಮತೇ ದಯಾವತೇ ಮನೋಗತೇ
ಸುವರ್ಣಪರ್ವತಾಕೃತೇ ನಭಸ್ಸ್ವತಃ ಸುತಾಯ ತೇ ।
ನ ಚಾಂಜನೇಯ ತೇ ಸಮೋ ಜಗತ್ತ್ರಯೇ ಮಹಾಮತೇ
ಪರಾಕ್ರಮೇ ವಚಃಕಮೇ ಸಮಸ್ತಸಿದ್ಧಿಸಂಕ್ರಮೇ ॥ 1॥
ರವಿಂ ಗ್ರಸಿಷ್ಣುರುತ್ಪತನ್ ಫಲೇಚ್ಛಯಾ ಶಿಶುರ್ಭವಾನ್
ರವೇರ್ಗೃಹೀತವಾನಹೋ ಸಮಸ್ತವೇದಶಾಸ್ತ್ರ್ಕಮ್ ।
ಭವನ್ಮನೋಜ್ಞಭಾಷಣಂ ಬಭೂವ ಕರ್ಣಭೂಷಣಂ
ರಘೂತ್ತಮಸ್ಯ ಮಾನಸಾಂಬುಜಸ್ಯ ಪೂರ್ಣತೋಷಣಮ್ ॥ 2॥
ಧರಾತ್ಮಜಾಪತಿಂ ಭವಾನ್ ವಿಭಾವಯನ್ ಜಗತ್ಪತಿಂ
ಜಗಾಮ ರಾಮದಾಸತಾಂ ಸಮಸ್ತಲೋಕವಿಶ್ರುತಾಮ್ ।
ವಿಲಂಘ್ಯ ವಾರಿಧಿಂ ಜವಾತ್ ವಿಲೋಕ್ಯ ದೀನಜಾನಕೀಂ
ದಶಾನನಸ್ಯ ಮಾನಸಂ ದದಾಹ ಲಂಕಯಾ ಸಮಮ್ ॥ 3॥
ವಿಲೋಕ್ಯ ಮಾತರಂ ಕೃಶಾಂ ದಶಾನನಸ್ಯ ತದ್ವನೇ
ಭವಾನಭಾಷತ ಪ್ರಿಯಂ ಮನೋಹರಂ ಚ ಸಂಸ್ಕೃತಮ್ ।
ಸಮಸ್ತದುಷ್ಟರಕ್ಷಸಾಂ ವಿನಾಶಕಾಲಸೂಚನಂ
ಚಕಾರ ರಾವಣಾಗ್ರತಃ ನಯೇನ ವಾ ಭಯೇನ ವಾ ॥ 4॥
ಮಹಾಬಲೋ ಮಹಾಚಲಂ ಸಮುಹ್ಯ ಚೌಷಧಿಪ್ರಭಂ
ಭವಾನ್ ರರಕ್ಷ ಲಕ್ಷ್ಮಣಂ ಭಯಾವಹೇ ಮಹಾವಹೇ ।
ಮಹೋಪಕಾರಿಣಂ ತದಾ ಭವನ್ತಮಾತ್ಮಬಾನ್ಧವಂ
ಸಮಸ್ತಲೋಕಬಾನ್ಧವೋಽಪ್ಯಮನ್ಯತ ಸ್ವಯಂ ವಿಭುಃ ॥ 5॥
ಭವಾಂಶ್ಚ ಯತ್ರ ಯತ್ರ ತತ್ ಶೃಣೋತಿ ರಾಮಕೀರ್ತನಂ
ಕರೋತಿ ತತ್ರ ತತ್ರ ಭೋಃ ಸಭಾಷ್ಪಮಸ್ತಕಾಂಜಲಿಂ ।
ಪ್ರದೇಹಿ ಮೇಽಂಜನಾಸುತ ತ್ವದೀಯಭಕ್ತಿವೈಭವಂ
ವಿದೇಹಿ ಮೇ ನಿರಂಜನಂ ಚ ರಾಮದಾಸದಾಸತಾಮ್ ॥ 6॥
ಅಗಣ್ಯಪುಣ್ಯವಾನ್ ಭವಾನ್ ಅನನ್ಯಧನ್ಯಜೀವನಃ
ವಿಮುಚ್ಯ ಮೌಕ್ತಿಕಸ್ರಜಂ ದದೌ ಧರಾತ್ಮಜಾ ಮುದಾ ।
ಭವನ್ತಮಾಲಿಲಿಂಗ ಯದ್ ರಘೂತ್ತಮಃ ಸ್ವಯಂ ವದನ್
ಇದಂ ಹಿ ಮೇ ಹನೂಮತಃ ಪ್ರದೇಯಸರ್ವಮಿತ್ಯಹೋ ॥ 7॥
ವಿದೇಹರಾಜನನ್ದಿನೀಮನೋಹರೇ ವರೇ ಪರೇ
ವಿದೇಹಮುಕ್ತಿದಾಯಕೇ ವಿಧೇಹಿ ಮೇ ಮನೋ ಹರೇ ।
ಕ್ಷಣಂ ಕ್ಷಣಂ ನಿರೀಕ್ಷಣಂ ಭವೇದ್ ಯಥಾ ಮಯಿ ಪ್ರಭೋಃ
ತಥಾ ನಿವೇದಯಸ್ವ ಮದ್ದಶಾಂ ದಶಾನನಾನ್ತಕೇ ॥ 8॥
ಇದಂ ಚ ಪಂಚಚಾಮರಂ ಗೃಹಾಣ ದಾಸಕಲ್ಪಿತಂ
ಸಮೀರಣಾತ್ಮಸಂಭವ ಪ್ರಮೋದಮಾನಚೇತಸಾ ।
ರಿಪೂನ್ ಷಡಾನ್ತರಾನ್ ವಿನಾಶಯಾಶು ದುರ್ದಮಾನ್
ಪುನರ್ಭವಾಖ್ಯಕರ್ದಮಾತ್ ವಿಮುಚ್ಯ ಪಾಹಿ ಪಾಹಿ ಮಾಮ್ ॥ 9॥