॥ ശ്രീരങ്ഗനാഥപഞ്ചകം സ്തോത്രം Malayalam Lyrics ॥
കദാഹം കാവേരീതടപരിസരേ രങ്ഗനഗരേ
ശയാനം ഭോഗീന്ദ്രേ ശതമഖമണിശ്ശ്യാമലരുചിം ।
ഉപാസീനഃ ക്രോശന്‍മധുമഥനനാരായണ ഹരേ
മുരാരേ ഗോവിന്ദേത്യനിശമനുനേഷ്യമി ദിവസാന്‍ ॥ 1॥
കദാഹം കാവേരീവിമലസലിലേ വീതകലുഷോ
ഭവേയം തത്തീരേ ശ്രമമുഷി വസേയം ഘനവനേ ।
കദാ വാ തത്പുണ്യേ മഹതി പുലിനേ മങ്ഗലഗുണം
ഭജേയം രങ്ഗേശം കമലനയനം ശേഷശയനം ॥ 2॥
പൂഗീകണ്ഠദ്വയസസരസസ്നിഗ്ധനീരോപകണ്ഠാ-
മാവിര്‍മോദാസ്തിമിതിശകുനാനൂദിതബ്രഹ്മഘോഷാം ।
മാര്‍ഗേ മാര്‍ഗേ പഥികനിവഹൈരുധ്യമാനാപവര്‍ഗാം
പശ്യേയം താം പുനരപി പുരീം ശ്രീമതീം രങ്ഗധാംനഃ ॥ 3॥
കസ്തൂരീകലിതോര്‍ദ്ധ്വപുണ്ഡ്രതിലകം കര്‍ണാന്തലോലേക്ഷണം
മുഗ്ധസ്മേരമനോഹരാധരദലം മുക്താകിരീടോജ്ജ്വലം ।
പശ്യന്‍മാനസ പശ്യതോഹരതരം പര്യായപങ്കേരുഹം
ശ്രീരങ്ഗാധിപതേഃ കദാനുവദനം സേവേയ ഭൂയോപ്യഹം ॥ 4॥
ന ജാതു പീതാമൃതമൂര്‍ച്ഛിതാനാം നാകൌകസാം നന്ദനവാടികാസു ।
രങ്ഗേശ്വര ത്വത്പുരമാശ്രിതാനാം രഥ്യാസുനാമന്യതമോ ഭവേയം ॥ 5॥
ഇതി ശ്രീരങ്ഗനാഥപഞ്ചകം സ്തോത്രം സമ്പൂര്‍ണം ॥
ശ്രീരാധാകൃഷ്ണാര്‍പണമസ്തു ॥