॥ Mrutasanjeevana Kavacham Kannada Lyrics ॥
॥ ಮೃತಸಞ್ಜೀವನ ಕವಚಮ್ ॥
ಏವಮಾರಾಧ್ಯ ಗೌರೀಶಂ ದೇವಂ ಮೃತ್ಯುಞ್ಜಯೇಶ್ವರಮ್ ॥
ಮೃತಸಞ್ಜೀವನಂ ನಾಮ್ನಾ ಕವಚಂ ಪ್ರಜಪೇತ್ಸದಾ ॥ ೧ ॥
ಸಾರಾತ್ಸಾರತರಂ ಪುಣ್ಯಂ ಗುಹ್ಯಾದ್ಗುಹ್ಯತರಂ ಶುಭಮ್ ॥
ಮಹಾದೇವಸ್ಯ ಕವಚಂ ಮೃತಸಞ್ಜೀವನಾಭಿಧಮ್ ॥ ೨ ॥
ಸಮಾಹಿತಮನಾ ಭೂತ್ವಾ ಶ್ರೃಣುಷ್ವ ಕವಚಂ ಶುಭಮ್ ॥
ಶ್ರುತ್ವೈತದ್ದಿವ್ಯಕವಚಂ ರಹಸ್ಯಂ ಕುರು ಸರ್ವದಾ ॥ ೩ ॥
ವರಾಭಯಕರೋ ಯಜ್ವಾ ಸರ್ವದೇವನಿಷೇವಿತಃ ॥
ಮೃತ್ಯುಞ್ಜಯೋ ಮಹಾದೇವಃ ಪ್ರಾಚ್ಯಾಂ ಮಾಂ ಪಾತು ಸರ್ವದಾ ॥ ೪ ॥
ದಧಾನಃ ಶಕ್ತಿಮಭಯಾಂ ತ್ರಿಮುಖಃ ಷಡ್ಭುಜಃ ಪ್ರಭುಃ ॥
ಸದಾಶಿವೋಽಗ್ನಿರೂಪೀ ಮಾಮಾಗ್ನೇಯ್ಯಾಂ ಪಾತು ಸರ್ವದಾ ॥ ೫ ॥
ಅಷ್ಟಾದಶಭುಜೋಪೇತೋ ದಣ್ಡಾಭಯಕರೋ ವಿಭುಃ ॥
ಯಮರೂಪೀ ಮಹಾದೇವೋ ದಕ್ಷಿಣಸ್ಯಾಂ ಸದಾಽವತು ॥ ೬ ॥
ಖಡ್ಗಾಭಯಕರೋ ಧೀರೋ ರಕ್ಷೋಗಣನಿಷೇವಿತಃ ॥
ರಕ್ಷೋರೂಪೀ ಮಹೇಶೋ ಮಾಂ ನೈರೃತ್ಯಾಂ ಸರ್ವದಾಽವತು ॥ ೭ ॥
ಪಾಶಾಭಯಭುಜಃ ಸರ್ವರತ್ನಾಕರನಿಷೇವಿತಃ ॥
ವರುಣಾತ್ಮಾ ಮಹಾದೇವಃ ಪಶ್ಚಿಮೇ ಮಾಂ ಸದಾಽವತು ॥ ೮ ॥
ಗದಾಭಯಕರಃ ಪ್ರಾಣನಾಯಕಃ ಸರ್ವದಾಗತಿಃ ॥
ವಾಯವ್ಯಾಂ ಮಾರುತಾತ್ಮಾ ಮಾಂ ಶಙ್ಕರಃ ಪಾತು ಸರ್ವದಾ ॥ ೯ ॥
ಶಙ್ಖಾಭಯಕರಸ್ಥೋ ಮಾಂ ನಾಯಕಃ ಪರಮೇಶ್ವರಃ ॥
ಸರ್ವಾತ್ಮಾನ್ತರದಿಗ್ಭಾಗೇ ಪಾತು ಮಾಂ ಶಙ್ಕರಃ ಪ್ರಭುಃ ॥ ೧೦ ॥
ಶೂಲಾಭಯಕರಃ ಸರ್ವವಿದ್ಯಾನಾಮಧಿನಾಯಕಃ ॥
ಈಶಾನಾತ್ಮಾ ತಥೈಶಾನ್ಯಾಂ ಪಾತು ಮಾಂ ಪರಮೇಶ್ವರಃ ॥ ೧೧ ॥
ಊರ್ಧ್ವಭಾಗೇ ಬ್ರಹ್ಮರೂಪೀ ವಿಶ್ವಾತ್ಮಾಽಧಃ ಸದಾಽವತು ॥
ಶಿರೋ ಮೇ ಶಙ್ಕರಃ ಪಾತು ಲಲಾಟಂ ಚನ್ದ್ರಶೇಖರಃ ॥ ೧೨ ॥
ಭ್ರುಮಧ್ಯಂ ಸರ್ವಲೋಕೇಶಸ್ತ್ರಿನೇತ್ರೋ ಲೋಚನೇಽವತು ॥
ಭ್ರುಯುಗ್ಮಂ ಗಿರಿಶಃ ಪಾತು ಕರ್ಣೌ ಪಾತು ಮಹೇಶ್ವರಃ ॥ ೧೩ ॥
ನಾಸಿಕಾಂ ಮೇ ಮಹಾದೇವ ಓಷ್ಠೌ ಪಾತು ವೃಷಧ್ವಜಃ ॥
ಜಿಹ್ವಾಂ ಮೇ ದಕ್ಷಿಣಾಮೂರ್ತಿರ್ದನ್ತಾನ್ಮೇ ಗಿರಿಶೋಽವತು ॥ ೧೪ ॥
ಮೃತ್ಯುಞ್ಜಯೋ ಮುಖಂ ಪಾತು ಕಣ್ಠಂ ಮೇ ನಾಗಭೂಷಣಃ ॥
ಪಿನಾಕೀ ಮತ್ಕರೌ ಪಾತು ತ್ರಿಶೂಲೀ ಹೃದಯಂ ಮಮ ॥ ೧೫ ॥
ಪಞ್ಚವಕ್ತ್ರಃ ಸ್ತನೌ ಪಾತು ಉದರಂ ಜಗದೀಶ್ವರಃ ॥
ನಾಭಿಂ ಪಾತು ವಿರೂಪಾಕ್ಷಃ ಪಾರ್ಶ್ವೋಉ ಮೇ ಪಾರ್ವತೀಪತಿಃ ॥ ೧೬ ॥
ಕಟಿದ್ವಯಂ ಗಿರೀಶೋ ಮೇ ಪೃಷ್ಠಂ ಮೇ ಪ್ರಮಥಾಧಿಪಃ ॥
ಗುಹ್ಯಂ ಮಹೇಶ್ವರಃ ಪಾತು ಮಮೋರೂ ಪಾತು ಭೈರವಃ ॥ ೧೭ ॥
ಜಾನುನೀ ಮೇ ಜಗದ್ಧರ್ತಾ ಜಙ್ಘೇ ಮೇ ಜಗದಮ್ಬಿಕಾ ॥
ಪಾದೌ ಮೇ ಸತತಂ ಪಾತು ಲೋಕವನ್ದ್ಯಃ ಸದಾಶಿವಃ ॥ ೧೮ ॥
ಗಿರೀಶಃ ಪಾತು ಮೇ ಭಾರ್ಯಾಂ ಭವಃ ಪಾತು ಸುತಾನ್ಮಮ ॥
ಮೃತ್ಯುಞ್ಜಯೋ ಮಮಾಯುಷ್ಯಂ ಚಿತ್ತಂ ಮೇ ಗಣನಾಯಕಃ ॥ ೧೯ ॥
ಸರ್ವಾಙ್ಗಂ ಮೇ ಸದಾ ಪಾತು ಕಾಲಕಾಲಃ ಸದಾಶಿವಃ ॥
ಏತತ್ತೇ ಕವಚಂ ಪುಣ್ಯಂ ದೇವತಾನಾಂ ಚ ದುರ್ಲಭಮ್ ॥ ೨೦ ॥
ಮೃತಸಞ್ಜೀವನಂ ನಾಮ್ನಾ ಮಹಾದೇವೇನ ಕೀರ್ತಿತಮ್ ॥
ಸಹಸ್ರಾವರ್ತನಂ ಚಾಸ್ಯ ಪುರಶ್ಚರಣಮೀರಿತಮ್ ॥ ೨೧ ॥
ಯಃ ಪಠೇಚ್ಛೃಣುಯಾನ್ನಿತ್ಯಂ ಶ್ರಾವಯೇತ್ಸುಸಮಾಹಿತಃ ॥
ಸ ಕಾಲಮೃತ್ಯುಂ ನಿರ್ಜಿತ್ಯ ಸದಾಯುಷ್ಯಂ ಸಮಶ್ನುತೇ ॥ ೨೨ ॥
ಹಸ್ತೇನ ವಾ ಯದಾ ಸ್ಪೃಷ್ಟ್ವಾ ಮೃತಂ ಸಞ್ಜೀವಯತ್ಯಸೌ ॥
ಆಧಯೋ ವ್ಯಾಧಯಸ್ತಸ್ಯ ನ ಭವನ್ತಿ ಕದಾಚನ ॥ ೨೩ ॥
ಕಾಲಮೃತ್ಯುಮಪಿ ಪ್ರಾಪ್ತಮಸೌ ಜಯತಿ ಸರ್ವದಾ ॥
ಅಣಿಮಾದಿಗುಣೈಶ್ವರ್ಯಂ ಲಭತೇ ಮಾನವೋತ್ತಮಃ ॥ ೨೪ ॥
ಯುದ್ಧಾರಮ್ಭೇ ಪಠಿತ್ವೇದಮಷ್ಟಾವಿಂಶತಿವಾರಕಮ್ ॥
ಯುದ್ಧಮಧ್ಯೇ ಸ್ಥಿತಃ ಶತ್ರುಃ ಸದ್ಯಃ ಸರ್ವೈರ್ನ ದೃಶ್ಯತೇ ॥ ೨೫ ॥
ನ ಬ್ರಹ್ಮಾದೀನಿ ಚಾಸ್ತ್ರಾಣಿ ಕ್ಷಯಂ ಕುರ್ವನ್ತಿ ತಸ್ಯ ವೈ ॥
ವಿಜಯಂ ಲಭತೇ ದೇವಯುದ್ಧಮಧ್ಯೇಽಪಿ ಸರ್ವದಾ ॥ ೨೬ ॥
ಪ್ರಾತರುತ್ಥಾಯ ಸತತಂ ಯಃ ಪಠೇತ್ಕವಚಂ ಶುಭಮ್ ॥
ಅಕ್ಷಯ್ಯಂ ಲಭತೇ ಸೌಖ್ಯಮಿಹ ಲೋಕೇ ಪರತ್ರ ಚ ॥ ೨೭ ॥
ಸರ್ವವ್ಯಾಧಿವಿನಿರ್ಮುಕ್ತಃ ಸರ್ವರೋಗವಿವರ್ಜಿತಃ ॥
ಅಜರಾಮರಣೋ ಭೂತ್ವಾ ಸದಾ ಷೋಡಶವಾರ್ಷಿಕಃ ॥ ೨೮ ॥
ವಿಚರತ್ಯಖಿಲಾಂಲ್ಲೋಕಾನ್ಪ್ರಾಪ್ಯ ಭೋಗಾಂಶ್ಚ ದುರ್ಲಭಾನ್ ॥
ತಸ್ಮಾದಿದಂ ಮಹಾಗೋಪ್ಯಂ ಕವಚಂ ಸಮುದಾಹೃತಮ್ ॥ ೨೯ ॥
ಮೃತಸಞ್ಜೀವನಂ ನಾಮ್ನಾ ದೈವತೈರಪಿ ದುರ್ಲಭಮ್ ॥ ೩೦ ॥
ಇತಿ ಶ್ರೀವಸಿಷ್ಠಪ್ರಣೀತಂ ಮೃತಸಞ್ಜೀವನಸ್ತೋತ್ರಂ ಸಮ್ಪೂರ್ಣಮ್ ॥
– Chant Stotra in Other Languages –
Mrutasanjeevana Kavacham in Marathi – Gujarati । Bengali – Kannada – Malayalam – Telugu