॥ Samba Dasakam Malayalam Lyrics ॥
॥ നിര്വാണ ദസകം ॥
സാംബോ നഃ കുലദൈവതം പശുപതേ സാംബ ത്വദീയാ വയം
സാംബം സ്തൗമി സുരാസുരോരഗഗണാഃ സാംബേന സന്താരിതാഃ ।
സാംബായാസ്തു നമോ മയാ വിരചിതം സാംബാത് പരം നോ ഭജേ
സാംബസ്യാനുചരോഽസ്മ്യഹം മമ രതിഃ സാംബേ പരബ്രഹ്മണി ॥ ൧ ॥
വിഷ്ണ്വാദ്യാശ്ച പുരഞ്ജയം സുരഗണാ ജേതും ന ശക്താ സ്വയം
യം ശംഭും ഭഗവന് വയം തു പശവോഽസ്മാകം ത്വമേവേശ്വരഃ ।
സ്വസ്വസ്ഥാനനിയോജിതാഃ സുമനസഃ സ്വസ്ഥാ ബഭൂവുസ്തത-
സ്തസ്മിന്മേ ഹൃദയം സുഖേന രമതാം സാംബേ പരബ്രഹ്മണി ॥ ൨ ॥
ക്ഷോണീ യസ്യ രതോ രഥാംഗയുഗളം ചന്ദ്രാര്കബിംബദ്വയം
കോദണ്ഡഃ കനകാചലോ ഹരിരഭൂദ്ബാണോ വിധിഃ സാരഥിഃ ।
തൂണീരോജലധിര്ഹയാഃ ശ്രുതിചയോ മൗര്വീ ഭുജംഗാധിപ-
സ്തസ്മിന്മേ ഹൃദയം സുഖേന രമതാം സാംബേ പരബ്രഹ്മണി ॥ ൩ ॥
യേനാപാദിതമംഗജാംഗഭസിതം ദിവ്യാംഗരാഗൈഃ സമം
യേന സ്വീകൃതമബ്ജസംഭവശിരഃ സൗവര്ണപാത്രൈഃ സമം ।
യേനാംഗീകൃതമച്യുതസ്യ നയനം പൂജാരവിന്ദൈഃ സമം
തസ്മിന്മേ ഹൃദയം സുഖേന രമതാം സാംബേ പരബ്രഹ്മണി ॥ ൪ ॥
ഗോവിന്ദാദധികം ന ദൈവതമിതി പ്രോച്ചാര്യ ഹസ്താവുഭാ-
വുദ്ധത്യാഥ ശിവസ്യ സന്നിധിഗതോ വ്യാസോ മുനീനാം വരഃ ।
യസ്യ സ്തംഭിതപാണിരാനതികൃതാ നന്ദീശ്വരേണാഭവ-
ത്തസ്മിന്മേ ഹൃദയം സുഖേന രമതാം സാംബേ പരബ്രഹ്മണി ॥ ൫ ॥
ആകാശശ്ചികുരായതേ ദശദിശാഭോഗോ ദുകൂലായതേ
ശീതംശുഃ പ്രസവായതേ സ്ഥിരതരാനന്ദഃ സ്വരൂപായതേ ।
വേദാന്തോ നിലയായതേ സുവിനയോ യസ്യ സ്വഭാവായതേ
തസ്മിന്മേ ഹൃദയം സുഖേന രമതാം സാംബേ പരബ്രഹ്മണി ॥ ॥ ൬ ॥
വിഷ്ണുര്യസ്യ സഹസ്രനാമനിയമാദംഭോരുഹാണ്യര്ച്ചയന്-
നേകോനോപചിതേപു നേത്രകമലം നൈജം പദാബ്ജദ്വയേ ।
സംപൂജ്യാസുരസംഹതിം വിദലയംസ്ത്രൈലോക്യപാലോഽഭവ-
ത്തസ്മിന്മേ ഹൃദയം സുഖേന രമതാം സാംബേ പരബ്രഹ്മണി ॥ ൭ ॥
സൗരിം സത്യഗിരം വരാഹവപുഷം പാദാംബുജാദര്ശനേ
ചക്രം യോ ദയയാ സമസ്തജഗതാം നാഥം ശിരോദര്ശനേ ।
മിഥ്യാവാചമപൂജ്യമേവ സതതം ഹംസസ്വരൂപം വിധിം
തസ്മിന്മേ ഹൃദയം സുഖേന രമതാം സാംബേ പരബ്രഹ്മണി ॥ ൮ ॥
യസ്യാസന് ധരണീജലാഗ്നിപവനവ്യോമാര്ക്കചന്ദ്രാദയോ
വിഖ്യാതാസ്തനവോഽഷ്ടധാ പരിണതാ നാന്യത്തതോ വര്ത്തതേ ।
ഓങ്കാരാര്ഥവിവേചനീ ശ്രുതിരിയം ചാചഷ്ട തുര്യം ശിവം
തസ്മിന്മേ ഹൃദയം സുഖേന രമതാം സാംബേ പരബ്രഹ്മണി ॥ ൯ ॥
വിഷ്ണുബ്രഹ്മസുരാധിപപ്രഭൃതയഃ സര്വേഽപി ദേവാ യദാ
സംഭൂതാജ്ജലധേര്വിഷാത്പരിഭവം പ്രാപ്താസ്തദാ സത്വരം ।
താനാര്ത്താച്ഛരണാഗതാനിതി സുരാന് യോഽരക്ഷദര്ധക്ഷണാ-
ത്തസ്മിന്മേ ഹൃദയം സുഖേന രമതാം സാംബേ പരബ്രഹ്മണി ॥ ൧൦ ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൗ സാംബദശകം സംപൂര്ണം ॥
– Chant Stotra in Other Languages –
Saambadashakam in Marathi – Gujarati । Bengali – Kannada – Malayalam – Telugu