॥ About Sri Parasara Battar’s Sri Rangaraja Stavam ॥
One of the dear most disciples of Sri Kurathazhwan was Pillaipillaiazhwan. He was living in Srirangam when the temple was administered by Sri Parasara Battar (more affectionately called Battar). The king who was ruling the province at that time was Veerasundaran. He was in the process of repairing the ramports of the Srirangam temple. At that stage, he noticed that the house of Pillai Pillai Azhwan was obstructing the reparing of the ramport. Hence he ordered to evict Pillai Pillai Azhwan. On hearing this, Battar intervened in vain. After this incident, friction developed between Battar and the king. The king gave constant troubles to Battar. One day Battar left Srirangam without informing anyone. He moved to Thirukoshtiyuur.
When Battar was residing at Thirukoshtiyuur, suffering due to the separation of Periyaperumal, Pillai pillai azhwan came to him. He carried a very happy message for Battar – king eerasundavan passed away. Battar immediately left Thirukoshtiyuur and came to Srirangam. When he returned, he describes the temple city starting from Cauvery, each of the streets, and finally falls at the lotus-feet of Sri Ranganatha. Thus the sloka beautifully describes Srirangam.
This sloka has two parts – poorva (first)and the uttara (concluding ) part. The poorva part has 147 slokas while the uttara part has 105 slokas. This sloka is said to explain the meaning of the dwaya mantra. The poorva part explains the first line of the dwayam while the uttara part explains the second line of the dwayam.
॥ Sri Rangaraja Stavam Malayalam Lyrics ॥
ശ്രീരങ്ഗരാജസ്തവം
ശ്രീരങ്ഗരാജസ്തവം ॥
ശ്രീമതേ രാമാനുജായ നമഃ ।
ശ്രീപരാശരഭട്ടാര്യഃ ശ്രീരങ്ഗേശപുരോഹിതഃ ।
ശ്രീവത്സാങ്കസുതഃ ശ്രീമാന്‍ശ്രേയസേ മേഽസ്തു ഭൂയസേ ।
അഥ ശ്രീരങ്ഗരാജസ്തവേ പൂര്‍വശതകം ।
ശ്രീവത്സചിഹ്നമിശ്രേഭ്യോ നമ ഉക്തിമധീമഹേ ।
യദുക്തയസ്ത്രയീകണ്ഠേ യാന്തി മങ്ഗലസൂത്രതാം ॥ 1 ॥
രാമാനുജപദച്ഛായാ ഗോവിന്ദാഹ്വാഽനപായിനീ ।
തദായത്തസ്വരൂപാ സാ ജീയാന്‍മദ്വിശ്രമസ്ഥലീ ॥ 2 ॥
രാമാനുജമുനിര്‍ജീയാദ്യോ ഹരേര്‍ഭക്തിയന്ത്രതഃ ।
കലികോലാഹലക്രീഡാമുധാഗ്രഹമപാഹരത് ॥ 3 ॥
വിധായ വൈദികമ്മാര്‍ഗമകൌതസ്കുതകണ്ടകം ।
നേതാരം ഭഗവദ്ഭക്തേര്യാമുനം മനവാമഹൈ ॥ 4 ॥
നൌമി നാഥമുനിം നാമ ജീമൂതം ഭക്ത്യവഗ്രഹേ ।
വൈരാഗ്യഭഗവത്തത്ത്വജ്ഞാനഭക്ത്യഭിവര്‍ഷുകം ॥ 5 ॥
ഋഷിം ജുഷാമഹേ കൃഷ്ണതൃഷ്ണാതത്ത്വമിവോദിതം
സഹസ്രശാഖാം യോഽദ്രാക്ഷീദ്ദ്രാവിഡീം ബ്രഹ്മസംഹിതാം ॥ 6 ॥
നമഃ ശ്രീരങ്ഗനായക്യൈ യദ്ഭ്രൂവിഭ്രമഭേദതഃ ।
ഈശേശിതവ്യവൈഷംയനിംനോന്നതമിദം ജഗത് ॥ 7 ॥
ശ്രീസ്തനാഭരണം തേജഃ ശ്രീരങ്ഗേശയമാശ്രയേ ।
ചിന്താമണിമിവോദ്വാന്തമുത്സങ്ഗേഽനന്തഭോഗിനഃ ॥ 8 ॥
അസ്തി വസ്ത്വിദമിത്ഥം ത്വപ്രസങ്ഖ്യാനപരാങ്മുഖം ।
ശ്രീമത്യായതനേ ലക്ഷ്മീപദലാക്ഷൈകലക്ഷണം ॥ 9 ॥
ലക്ഷ്മീകല്‍പലതോത്തുങ്ഗസ്തനസ്തബകചഞ്ചലഃ ।
ശ്രീരങ്ഗരാജഭൃങ്ഗോ മേ രമതാം മാനസാംബുജേ ॥ 10 ॥
സ്വസ്തി ശ്രീസ്തനകസ്തൂരീമകരീമുദ്രിതോരസഃ ।
ശ്രീരങ്ഗരാജാച്ഛരദശ്ശതമാശാസ്മഹേതമാം ॥ 11 ॥
പാതു പ്രണതരക്ഷായാം വിലംബമസഹന്നിവ ॥
സദാ പഞ്ചായുധീം ബിഭ്രത്സ നഃ ശ്രീരങ്ഗനായകഃ ॥ 12 ॥
അമതം മതം മതമഥാമതം സ്തുതം
പരിനിന്ദിതം ഭവതി നിന്ദിതം സ്തുതം ।
ഇതി രങ്ഗരാജമുദജൂഘുഷത്ത്രയീ
സ്തുമഹേ വയംകിമിതി തന്ന ശക്നുമഃ ॥ 13 ॥
യദി മേ സഹസ്രവദനാദിവൈഭവം
നിജമര്‍പയേത്സ കില രങ്ഗചന്ദ്രമാഃ ।
അഥ ശേഷവന്‍മമ ച തദ്വദേവ വാ
സ്തുതിശക്ത്യഭാവവിഭവേഽപി ഭാഗിതാ ॥ 14 ॥
സോ അങ്ഗ വേദ യദി വാ ന കിലേതി വേദഃ
സന്ദേഗ്ധ്യനര്‍ഘവിദമാത്മനി രങ്ഗനാഥം ।
സ്ഥാനേ തദേഷ ഖലു ദോഷമലീമസാഭിഃ
മദ്വാഗ്ഭിരൈശമതിശായനമാവൃണോതി ॥ 15 ॥
സ്വം സംസ്കൃതദ്രാവിഡവേദസൂക്തൈഃ
ഭാന്തം മദുക്തൈര്‍മലിനീകരോതി ।
ശ്രീരങ്ഗകംരഃ കലഭം ക ഏവ
സ്നാത്വാഽപി ധൂലീരസികം നിഷേദ്ധാ ॥ 16 ॥
കിന്തു പ്രപത്തിബലതാരിതവിഷ്ണുമായ-
മദ്വംശ്യരാജകുലദുര്ലലിതം കിലൈവം ।
ശ്രീരങ്ഗരാജകമലാപദലാലിതത്വം
യദ്വാഽപരാധ്യതി മമ സ്തുതിസാഹസേഽസ്മിന്‍ ॥ 17 ॥
നാഥസ്യ ച സ്വമഹിമാര്‍ണവപാരദൃശ്വ-
വിജ്ഞാനവാഗ്വിലസിതം സഹതേ ന വേദഃ ।
ആപേക്ഷികം യദി തദസ്തി മമാപി തേന
ശ്രീരങ്ഗിണഃ സ്തുതിവിധാവഹമധ്യകാര്‍ഷം ॥ 18 ॥
അന്യത്രാതദ്ഗുണോക്തിര്‍ഭഗവതി ന തദുത്കര്‍ഷചൌര്യൈഃ പരേഷാം
സ്തുത്യത്വാദ്യാവദര്‍ഥാ ഫണിതിരപി തഥാ തസ്യ നിസ്സീമകത്വാത് ।
ആംനായാനാമസീംനാമപി ഹരിവിഭവേ വര്‍ഷബിന്ദോരിവാഽബ്ധൌ
സം ബന്ധാത്സ്വാത്മലാഭോ ന തു കബലനതഃ സ്തോതുരേവം ന കിം മേ ॥ 19 ॥
കാവേരീമവഗാഹിഷീയ ഭഗവദ്ഭോഗാന്തരായീ ഭവത്
കര്‍മക്ലേശഫലാശയപ്രശമനോദ്വേലാമലസ്രോതസം ।
ജന്തോസ്സംസരതോഽര്‍ചിരാദിസരണിവ്യാസങ്ഗഭങ്ഗായ യാ
ലോകേഽസ്മിണ്‍ വിരജേവ വേല്ലിതജലാ ശ്രീരങ്ഗമാലിങ്ഗതി ॥ 20 ॥
ദുഗ്ധാബ്ധിര്‍ജനകോ ജനന്യഹമിയം ശ്രീരേവ പുത്രീ വരഃ
ശ്രീരങ്ഗേശ്വര ഏതദര്‍ഹമിഹ കിം കുര്യാമിതീവാകുലാ ।
ചഞ്ചച്ചാമരചന്ദ്രചന്ദനമഹാമാണിക്യമുക്തോത്കരാന്‍
കാവേരീ ലഹരീകരൈര്‍വിദധതീ പര്യേതി സാ സേവ്യതാം ॥ 21 ॥
തീര്‍ഥം ശുന്ധതി പാതി നന്ദനതരൂന്‍ രഥ്യാങ്ഗണാന്യുക്ഷതി
സ്നാനീയാര്‍ഹണപാനവാരി വഹതി സ്നാതഃ പുനീതേ ജനാന്‍ ।
ശ്യാമം വേദരഹോ വ്യനക്തി പുലിനേ ഫേനൈര്‍ഹസന്തീവ തത്
ഗങ്ഗാം വിഷ്ണുപദീത്വമാത്രമുഖരാം ഹേമാപഗാ ഹന്ത്വഘം ॥ 22 ॥
അഗണിതഗുണാവദ്യം സര്‍വം സ്ഥിരത്രസമപ്രതി-
ക്രിയമപി പയഃ പൂരൈരാപ്യായയന്ത്യനുജാഗ്രതീ ।
പ്രവഹതി ജഗദ്ധാത്രീ ഭൂത്വേവ രങ്ഗപതേര്‍ദയാ
ശിശിരമധുരാഽഗാധാ സാ നഃ പുനാതു മരുദ്വൃധാ ॥ 23 ॥
തരളതനുതരങ്ഗൈര്‍മന്ദമാന്ദോല്യമാന-
സ്വതടവിടപിരാജീമഞ്ജരീസുപ്തഭൃങ്ഗാ ।
ക്ഷിപതു കനകനാംനീ നിംനഗാ നാരികേല-
ക്രമുകജമകരന്ദൈര്‍മാംസലാപാ മദംഹഃ ॥ 24 ॥
കദലവകുലജംബൂപൂഗമാകന്ദകണ്ഠ-
ദ്വയസസരസനീരാമന്തരാ സഹ്യകന്യാം ।
പ്രബലജലപിപാസാലംബമാനാംബുദൌഘ-
ഭ്രമകരതരുവൃന്ദം വന്ദ്യതാമന്തരീപം ॥ 25 ॥
യദ്വിഷ്ണോഃ പദമതമഃ പരോരജോഽഗ്ര്യം
മുക്താനാമനുവിരജം വിദീപ്രമാഹുഃ ।
തത്പുണ്യം പുലിനമിദന്തയാഽദ്യ മധ്യേ
കാവേരി സ്ഫുരതി തദീക്ഷിഷീയ നിത്യം ॥ 26 ॥
ത്രയ്യന്തപ്രഹതിമതീഷു വൈഷ്ണവാനാം
പ്രാപ്യാസു പ്രചുരഭവശ്രമാപഹാസു ।
കാവേരീപരിചരിതാസു പാവനീഷു
ശ്രീരങ്ഗോപവനതടീഷു വര്‍തിഷീയ ॥ 27 ॥
സ്ഫുരിതശഫരദീര്യന്നാലികേരീഗുലുച്ഛ-
പ്രസൃമരമധുകുല്യാവര്‍ധിതാനോകഹാനി ।
രതിമവിരതി രങ്ഗാരാമരംയസ്ഥലാനി
ക്രമുകപദസമോചാമേചകാനി ക്രിയാസുഃ ॥ 28 ॥
അധിപരമപദം പുരീമയോധ്യാം
അമൃതവൃതാമപരാജിതാമുശന്തി ।
പുലിനമുപരി രങ്ഗരാജധാനീ
പിശിതദൃശാമപി സാ പുരശ്ചകാസ്തി ॥ 29 ॥
ഭവപദമപി ദിവ്യധാമ കര്‍തും
തദുഭയതന്ത്രിതഹര്‍ംയമാലികേവ ।
ഭവനമണിതലൈര്‍വിജൃംഭമാണാ
ജയതിതരാമിഹ രങ്ഗരാജധാനീ ॥ 30 ॥
മണിമകരരുചീര്‍വിതത്യ പാശാന്‍
വിസൃമരകേതുകരൈര്‍മൃഗം ഹിമാംശോഃ ।
ശ്രിയ ഇവ നവകേലയേ ജിഘൃക്ഷുഃ
സുഖയതു രങ്ഗപുരീ ചകാസതീ നഃ ॥ 31 ॥
ജനപദസരിദന്തരീപപുഷ്യത്
പുരപരിപാലനനിത്യജാഗരൂകാന്‍ ।
പ്രഹരണപരിവാരവാഹനാഢ്യാന്‍
കുമുദമുഖാണ്‍ ഗണനായകാന്‍ നമാമി ॥ 32 ॥
അഹൃതസഹജദാസ്യാഃ സൂരയസ്സ്രസ്തബന്ധാ
വിമലചരമദേഹാ ഇത്യമീ രങ്ഗധാമ ।
മഹിതമനുജയതിര്യക്സ്ഥാവരത്വാഃ ശ്രയന്തേ
സുനിയതമിതി ഹ സ്മ പ്രാഹുരേഭ്യോ നമഃ സ്താത് ॥ 33 ॥
ശ്രീരങ്ഗദിവ്യഭവനംഭുവി ഗോപുരാണാം
പ്രാകാരിതേന നികരേണ ഗുരുത്മതേവ ।
പാര്‍ശ്വപ്രസാരിതപതത്ത്രപുടേന ഭക്ത്യാ
നാനാതനൂഭിരൂപഗൂഢമുപഘ്നയാമഃ ॥ 34 ॥
പ്രാകാരമധ്യാജിരമണ്ഡപോക്ത്യാ
സദ്വീപരത്നാകരരത്നശൈലാ ।
സര്‍വംസഹാ രങ്ഗവിമാനസേവാം
പ്രാപ്തേവ തന്‍മന്ദിരമാവിരസ്തി ॥ 35 ॥
ജിതബാഹ്യജിനാദിമണിപ്രതിമാ
അപി വൈദികയന്നിവ രങ്ഗപുരേ ।
മണിമണ്ഡപവപഗണന്‍ വിദധേ
പരകാലകവിഃ പ്രനമേമഹി താന്‍ ॥ 36 ॥
സ്മേരാനനാക്ഷികമലൈര്‍നമതഃ പുനാനാന്‍
ദംഷ്ട്രാഗദാഭ്രുകുടിഭിര്‍ദ്വിഷതോ ധുനാനാന്‍ ।
ചന്ദ്രപ്രചണ്ഡമുഖതഃ പ്രണമാമി രങ്ഗ-
ദ്വാരാവലീഷു ചതസൃഷ്വധികാരഭാജഃ ॥ 37 ॥
സര്‍വാത്മസാധാരണനാഥഗോഷ്ഠീ-
പൂരേഽപി ദുഷ്പൂരമഹാവകാശം ।
ആസ്ഥാനമാനന്ദമയം സഹസ്ര-
സ്ഥൂണാദിനാഽഽംനാതമവാപ്നവാനി ॥ 38 ॥
വിഹരതി ഹരൌ ലക്ഷ്ംയാ ലീലാതപത്രപരിഷ്ക്രിയാ-
വിനിമയവിധാസൂനാസൂനിക്രിയാസഫലോത്പലാം ।
അഥ മുനിമനഃ പദ്മേഷ്വബ്ജാസഹായവിഹാരജ-
ശ്രമഹരതടീം യാമസ്താമൈന്ദവീമരവിന്ദിനീം ॥ 39 ॥
താപത്രയീമൈന്ദവപുഷ്കരിണ്യാം
നിമജ്ജ്യ നിര്‍വാപയിതാഽസ്മി യസ്യാഃ ।
അഭ്യാസതോഽപാമഘമര്‍ഷണീനാം
ചന്ദ്രഃ സുധാദീധിതിതാമവാപ ॥ 40 ॥
പൂര്‍വേണ താം തദ്വദുദാരനിംന-
പ്രസന്നശീതാശയമഗ്നനാഥാഃ ।
പരാങ്കുശാദ്യാഃ പ്രഥമേ പുമാംസോ
നിഷേദിവാംസോ ദശ മാം ദയേരന്‍ ॥ 41 ॥
ആധാരശക്തിമുപരി പ്രകൃതിം പരേണ
താം കൂര്‍മമത്ര ഫണിനം പൃഥിവീം ഫണാസു ।
പൃഥ്വ്യാം പയോധിമധി തന്നലിനം നിധായ
ശ്രീരങ്ഗധാമ സുനിവിഷ്ടമഭിഷ്ടവാനി ॥ 42 ॥
പരേണ നാകം പുരി ഹേമമയ്യാം
യോ ബ്രഹ്മകോശോഽസ്ത്യപരാജിതാഖ്യഃ ।
ശ്രീരങ്ഗനാംനാ തമപൌരുഷേയം
വിമാനരാജം ഭുവി ഭാവയാനി ॥ 43 ॥
അനാദ്യാംനാതത്വാത്പുരുഷരചനാദോഷരഹിതം
ജനേ താംസ്താന്‍ കാമാണ്‍ വിദധദപി സായുജ്യഹൃദയം ।
അസന്ദേഹാധ്യാസം ഭഗവദുപലംഭസ്ഥലമമീ
പ്രതീമഃ ശ്രീരങ്ഗം ശ്രുതിശതസമാനര്‍ദ്ധി ശരണം ॥ 44 ॥
അപി ഫണിപതിഭാവാച്ഛുഭ്രമന്തഃ ശയാലോഃ
മരകതസുകുമാരൈഃ രങ്ഗഭര്‍തുര്‍മയൂഖൈഃ ।
സകലജലധിപാനശ്യാമജീമൂതജൈത്രം
പുലകയതി വിമാനം പാവനം ലോചനേ നഃ ॥ 45 ॥
വ്യാപി രൂപമപി ഗോഷ്പദയിത്വാ
ഭക്തവത്സലതയോജ്ഝിതവേലം ।
തദ്വിഷന്തപനൃകേസരിരൂപം
ഗോപുരോപരി വിജൃംഭിതമീഡേ ॥ 46 ॥
അഹമലമവലംബഃ സീദതാമിത്യജസ്രം
നിവസദുപരിഭാഗേ ഗോപുരം രങ്ഗധാംനഃ ।
ക്വചന നൃപരിപാടീവാസിതം ക്വാപി സിംഹ-
ക്രമസുരഭിതമേകം ജ്യോതിരഗ്രേ ചകാസ്തി ॥ 47 ॥
സംശോധ്യ പാവനമനോഹരദൃഷ്ടിപാതൈഃ
ദേവായ മാമപി നിവേദയതാം ഗുരൂണാം ।
സവ്യോത്തരേ ഭഗവതോഽസ്യ കടാക്ഷവീക്ഷാ-
പങ്ക്തിം പ്രപദ്യ പരിതഃ പരിതോ ഭവേയം ॥ 48 ॥
ശ്രീരങ്ഗരാജകരനംരിതശാഖികാഭ്യോ
ലക്ഷ്ംയാ സ്വഹസ്തകലിതശ്രവണവതംസം ।
പുന്നാഗതല്ലജമജസ്രസഹസ്രഗീതി-
സേകോത്ഥദിവ്യനിജസൌരഭമാമനാമഃ ॥ 49 ॥
ശ്രീരങ്ഗചന്ദ്രമസമിന്ദിരയാ വിഹര്‍തും
വിന്യസ്യ വിശ്വചിദചിന്നയനാധികാരം ।
യോ നിര്‍വഹത്യനിശമങ്ഗുലിമുദ്രയൈവ
സേനാന്യമന്യവിമുഖാസ്തമശിശ്രിയാമ ॥ 50 ॥
സൈന്യധുരീണപ്രാണസഹായാം സൂത്രവതീമാശിശ്രിയമംബാം ।
ശ്രീപദലാക്ഷാലാഞ്ഛിതസേവാപ്രോതലസദ്ദോര്‍വല്ലിവിലാസാം ॥ 51 ॥
വിദധതു സുഖം വിഷ്വക്സേനസ്യ തേ പ്രഥമേ ഭടാഃ
കരിമുഖജയത്സേനൌ കാലാഹ്വസിംഹമുഖൌ ച നഃ ।
ജഗതി ഭജതാം തത്തത്പ്രത്യൂഹതൂലദവാനലാഃ
ദിശി ദിശി ദിവാരാത്രം ശ്രീരങ്ഗപാലനകര്‍മഠാഃ ॥ 52 ॥
ശ്രുതിമയമതിഹര്‍ഷപ്രശ്രയസ്മേരവക്ത്രം
മണിമുകുരമിവാഗ്രേ മങ്ഗലം രങ്ഗധാംനഃ ।
ശരണമഭിഗതാഃ സ്മോ യത്ര രൂപസ്വരൂപ-
സ്വഗുണമഹിമദര്‍ശീ മോദതേ രങ്ഗശായീ ॥ 53 ॥
താര്‍ക്ഷ്യപക്ഷതിവദസ്യ വല്ലഭാം
രുദ്രയാ സഹ സുകീര്‍തിമര്‍ചയേ ।
ഹര്‍ഷബാഷ്പമപി കീര്‍തിമര്‍ഥിനാം
യന്‍മുഖേന കമലാ കടാക്ഷയേത് ॥ 54 ॥
സ്വാസ്ത്രരൂപസ്ഫുരന്‍മൌലി മാ ശബ്ദ ഇതി
ഉദ്ധുനാനാം സുരാസ്തര്‍ജനീമുദ്രയാ ।
നാഥനിദ്രോചിതോന്നിദ്രതാംരേക്ഷണാം
സഞ്ചരന്തീം സ്തുമസ്താം ച പഞ്ചായുധീം ॥ 55 ॥
അസ്ത്രഗ്രാമാഗ്രേസരം നാഥവീക്ഷാ-
ശീധുക്ഷീബോദ്വേലനൃത്താഭിരാമം ।
ചക്രം ദൈത്യച്ഛേദകല്‍മാഷിതാങ്ഗം
ഭ്രാംയജ്ജ്വാലാമാലഭാരി പ്രപദ്യേ ॥ 56 ॥
ഹനുഭൂഷവിഭീഷണയോഃ സ്യാം യതമാവിഹ മോക്ഷമുപേക്ഷ്യ ।
രഘുനായകനിഷ്ക്രയഭൂതം ഭുവി രങ്ഗധനം രമയേതേ ॥ 57 ॥
ഇതോ ബഹിഃ പഞ്ച പരാഞ്ചി ഖാനി പ്രത്യഞ്ചി താനി സ്യുരിതോഽന്തരിത്ഥം ।
ഔപാധികേഭ്യോ നിരുപാധിഭോഗ്യേ പ്രത്യാഹരദ്വേത്രധരം നമാമി ॥ 58 ॥
ശേഷശയലോചനാമൃതനദീരയാകുലിതലോലമാനാനാം ।
ആലംബമിവാമോദസ്തംഭദ്വയമന്തരങ്ഗമഭിയാമഃ ॥ 59 ॥
ശ്രീരങ്ഗാന്തര്‍മന്ദിരം ദീപ്രശേഷം ശ്രീഭൂമീതദ്രംയജാമാതൃഗര്‍ഭം ।
പശ്യേമ ശ്രീദിവ്യമാണിക്യഭൂഷാമഞ്ജൂഷായാസ്തുല്യമുന്‍മീലിതായാഃ ॥ 60 ॥
ലീലാലതാകൃപാണീഭൃങ്ഗാരപതദ്ഗ്രഹാര്‍പിതകരാഗ്രാഃ ।
പ്രോതാവതംസിതകുചാഃ പദാബ്ജസംവാഹിനീര്‍വയം സ്തുമഹേ ॥ 61 ॥
മുകുലിതനലിനാഃ സകൌമുദീകാ
ഇവ സുനിശാ വിമലാദികാ നവാപി ।
ശിരസി കൃതനമസ്യദേകഹസ്താ
ഇതരകരോച്ചലചാമരാഃ ശ്രയേയം ॥ 62 ॥
ഉത്ഫുല്ലപങ്കജതടാകമിവാഭിയാനി
ശ്രീരങ്ഗരാജമിഹ ദക്ഷിണസവ്യസീംനോഃ ।
ലക്ഷ്മീം വിഹാരരസികാമിവ രാജഹംസീം
ഛായാമിവാഭ്യുദയിനീമവനീം ച തസ്യാഃ ॥ 63 ॥
പിബ നയന പുരസ്തേ രങ്ഗധുര്യാഭിധാനം
സ്ഥിതമിവ പരിഫുല്ലത്പുണ്ഡരീകം തടാകം ।
ശ്രിയമപി വിഹരന്തീം രാജഹംസീമിവാസ്മിന്‍
പ്രതിഫലനമിവാസ്യാഃ പശ്യ വിശ്വംഭരാം ച ॥ 64 ॥
സൌശീല്യശീതലമവേലകൃപാതരങ്ഗ-
സമ്പ്ലാവിതാഖിലമകൃത്രിമഭൂമ നിംനം ।
ലക്ഷ്ംയാ ച വാസിതമഭൂമ വിഗാഹമാനാഃ
ശ്രീരങ്ഗരാജമിഷപദ്മസരഃ പ്രസന്നം ॥ 65 ॥
സിംഹാസനേ കമലയാ ക്ഷമയാ ച വിശ്വം
ഏകാതപത്രയിതുമസ്മദസൂന്നിഷണ്ണം ।
ലക്ഷ്മീസ്വയംവരസനാഥിതയൌവനശ്രീ-
സൌന്ദര്യ സമ്പദവലിപ്തമിവാലിഹീയ ॥ 66 ॥
ആപാദമൂലമണിമൌലിസമുല്ലസന്ത്യാ
സ്വാതന്ത്ര്യസൌഹൃദതരങ്ഗിതയാഽങ്ഗഭങ്ഗ്യാ ।
സഖ്യം സമസ്തജനചേതസി സന്ദധാനം
ശ്രീരങ്ഗരാജമനിമേഷമനുസ്രിയാസ്മ ॥ 67 ॥
ക്ഷിതികമലനിവാസാകല്‍പവല്ലീസലീലോ-
ല്ലുഠനദശദിശോദ്യദ്യൌവനാരംഭജൃംഭഃ ।
ശ്രമമപഹരതാം മേ രങ്ഗധാമേതി തത്തദ്-
വരമയഫലനംരഃ പത്രലഃ പാരിജാതഃ ॥ 68 ॥
സംഭാഷമാണമിവ സര്‍വവശംവദേന
മന്ദസ്മിതേന മധുരേണ ച വീക്ഷണേന ।
ദിവ്യാസ്ത്രപുഷ്പിതചതുര്‍ഭുജമത്യുദാരം
രങ്ഗാസ്പദം മമ ശുഭാശ്രയമാശ്രയാണി ॥ 69 ॥
ഏതേ ശങ്ഖഗദാസുദര്‍ശനഭൃതഃ ക്ഷേമാങ്കരാ ബാഹവഃ
പാദദ്വന്ദ്വമിദം ശരണ്യമഭയം ഭദ്രം ച വോ ഹേ ജനാഃ ।
ഇത്യൂചിഷ്യഭയങ്കരേ കരതലേ സ്മേരേണ വക്ത്രേണ തദ്-
വ്യാകുര്‍വന്നിവ നിര്‍വഹേന്‍മമ ധുരം ശ്രീരങ്ഗസര്‍വംസഹഃ ॥ 70 ॥
അങ്ഗൈരഹമ്പ്രഥമികാചരിതാത്മദാനൈഃ
ആമോദമാനനവയൌവനസാവലേപൈഃ ।
ഹൈ പാരിജാതമിവ നൂതനതായമാന-
ശാഖാശതം ഹൃദി ദധീമഹി രങ്ഗധുര്യം ॥ 71 ॥ വര്‍। കഥമധീമഹി
ആലോകാ ഹൃദയാലവോ രസവശാദീശാനമീഷത്സ്മിതം
പ്രച്ഛായാനി വചാംസി പദ്മനിലയാ ചേതഃ ശരവ്യം വപുഃ ।
ചക്ഷുഷ്മന്തി ഗതാഗതാനി ത ഇമേ ശ്രീരങ്ഗശൃങ്ഗാര തേ
ഭാവാ യൌവനഗന്ധിനഃ കിമപരം സിഞ്ചന്തി ചേതാംസി നഃ ॥ 72 ॥
ആയത്കിരീടമലികോല്ലസദൂര്‍ധ്വപുണ്ഡ്രം
ആകര്‍ണലോചനമനങ്കുശകര്‍ണപാശം ।
ഉത്ഫുല്ലവക്ഷസമുദായുധബാഹുമര്‍ഹ-
ന്നീവിം ച രങ്ഗപദമബ്ജപദം ഭജാമഃ ॥ 73 ॥ വര്‍। പതി
അബ്ജന്യസ്തപദാബ്ജമഞ്ചിതകടീസംവാദികൌശേയകം
കിഞ്ചിത്താണ്ഡവഗന്ധിസംഹനനകം നിര്‍വ്യാജമന്ദസ്മിതം ।
ചൂഡാചുംബിമുഖാംബുജം നിജഭുജാവിശ്രാന്തദിവ്യായുധം
ശ്രീരങ്ഗേ ശരദഃ ശതം തത ഇതഃ പശ്യേമ ലക്ഷ്മീസഖം ॥ 74 ॥
അഗ്രേ താര്‍ക്ഷ്യേണ പശ്ചാദഹിപതിശയനേനാത്മനാ പാര്‍ശ്വയോശ്ച
ശ്രീഭൂമിഭ്യാമതൃപ്ത്യാ നയനചുലകനൈഃ സേവ്യമാനാമൃതൌഘം ।
വക്ത്രേണാവിഃസ്മിതേന സ്ഫുരദഭയഗദാശങ്ഖചക്രൈര്‍ഭുജാഗ്രൈഃ
വിശ്വസ്മൈ തിഷ്ഠമാനം ശരണമശരണാ രങ്ഗരാജം ഭജാമഃ ॥ 75 ॥
ആര്‍താപാശ്രയമാര്‍ഥികല്‍പകമസഹ്യാഗസ്കരക്ഷ്മാതലം
സദ്യഃ സംശ്രിതകാമധേനുമഭിയത്സര്‍വസ്വമസ്മദ്ധനം ।
ശ്രീരങ്ഗേശ്വരമാശ്രയേമ കമലാചക്ഷുര്‍മഹീജീവിതം
ശ്രീരങ്ഗേ സ സുഖാകരോതു സുചിരം ദാസ്യം ച ധത്താം മയി ॥ 76 ॥
സ്വഫണവിതാനദീപ്രമണിമാലിസുദാമരുചി-
ംരദിമസുഗന്ധിഭോഗസുഖശായിതരങ്ഗധനം ।
മദഭരമന്ഥരോച്ഛ്വസിതനിഃശ്വസിതോത്തരലം
ഫണിപതിഡോലികാതലിമമാശ്വസിമഃ പ്രണതാഃ ॥ 77 ॥
വടദലദേവകീജഠരവേദശിരഃ കമലാ-
സ്തനശഠകോപവാഗ്വപുഷി രങ്ഗഗൃഹേ ശയിതം ।
വരദമുദാരദീര്‍ഘഭുജലോചനസംഹനനം
പുരുഷമുപാസിഷീയ പരമം പ്രണതാര്‍തിഹരം ॥ 78 ॥
ഉദധിപരമവ്യോംനോര്‍വിസ്മൃത്യ പദ്മവനാലയാ-
വിനിമയമയീം നിദ്രാം ശ്രീരങ്ഗനാമനി ധാമനി ।
ഫണിപരിവൃഢസ്ഫാരപ്രശ്വാസനിഃശ്വസിതക്രമ-
സ്ഖലിതനയനം തന്വന്‍മന്വീത നഃ പരമഃ പുമാന്‍ ॥ 79 ॥
ജലധിമിവ നിപീതം നീരദേനാദ്രിമബ്ധൌ
നിഹിതമിവ ശയാനം കുഞ്ജരം വാദ്രികുഞ്ജേ ।
കമലപദകരാക്ഷം മേചകം ധാംനി നീലേ
ഫണിനമധിശയാനം പൂരുഷം വന്ദിഷീയ ॥ 80 ॥
ശ്രീരങ്ഗേശയ ഇഹ ശര്‍മ നിര്‍മിമീതാമാതാംരാധരപദപാണിവിദ്രുമോ നഃ ।
കാവേരീലഹരികരോപലാല്യമാനോ ഗംഭീരാദ്ഭുത ഇവ തര്‍ണകോഽര്‍ണവസ്യ ॥ 81 ॥
സിഞ്ചേദിമം ച ജനമിന്ദിരയാ തടിത്വാന്‍
ഭൂഷാമണിദ്യുതിഭിരിന്ദ്രധനുര്‍ദധാനഃ ।
ശ്രീരങ്ഗധാമനി ദയാരസനിര്‍ഭരത്വാ-
ദാദ്രൌ ശയാലുരിവ ശീതലകാലമേഘഃ ॥ 82 ॥
ആമൌലിരത്നമകരാത്പുനരാ ച പദ്ഭ്യാം
ധാമക്രമോന്നമദുദാരമനോഹരാങ്ഗം ।
ശ്രീരങ്ഗശേഷശയനം നയനൈഃ പിബാമഃ
പശ്യന്‍മനഃപ്രവണമോഘമിവാമൃതസ്യ ॥ 83 ॥
അരവിന്ദിതമങ്ഘ്രിപാണിപദ്മൈ-
രപി താപിഞ്ഛിതമഞ്ചിതാങ്ഗകാന്ത്യാ ।
അധരേണ സ ബന്ധുജീവിതം ശ്രീഃ
നിയതം നന്ദനയേത രങ്ഗചന്ദ്രം ॥ 84 ॥
അന്യോന്യരഞ്ജകരുചോഽനുപമാനശോഭാഃ
ദിവ്യസ്രഗംബരപരിഷ്കരണാങ്ഗരാഗാഃ ।
സംസ്പര്‍ശതഃ പുലകിതാ ഇവ ചിന്‍മയത്വാത്
രങ്ഗേന്ദുകാന്തിമധികാമുപബൃംഹയന്തി ॥ 85 ॥
ദ്രുതകനകജഗിരിപരിമിലദുദധി-
പ്രചലിതലഹരിവദഹമഹമികയാ ।
സ്നപയതി ജനമിമമപഹരതി തമഃ
ഫണിശയമരകതമണികിരണഗണഃ ॥ 86 ॥
ഭോഗീന്ദ്രനിഃശ്വസിത സൌരഭവര്‍ധിതം ശ്രീ
നിത്യാനുഷക്തപരമേശ്വരഭാവഗന്ധി ।
സൌരഭ്യമാപ്ലുതദിശാവധി രങ്ഗനേതുഃ
ആനന്ദസമ്പദി നിമജ്ജയതേ മനാംസി ॥ 87 ॥
രങ്ഗഭര്‍തുരപി ലോചനചര്‍ചാം സാഹസാവലിഷു ലേഖയമാനം ।
പുഷ്പഹാസ ഇതി നാമ ദുഹാനം സൌകുമാര്യമതിവാങ്മനസം നഃ ॥ 88 ॥
ഏകൈകസ്മിന്‍പരമവയവേഽനന്തസൌന്ദര്യമഗ്നം
സര്‍വം ദ്രക്ഷ്യേ കഥമിതി മുധാ മാമഥാ മന്ദചക്ഷുഃ ।
ത്വാം സൌഭ്രാത്രവ്യതികരകരം രങ്ഗരാജാങ്ഗകാനാം
തല്ലാവണ്യം പരിണമയിതാ വിശ്വപാരീണവൃത്തി ॥ 89 ॥
വപുര്‍മന്ദാരസ്യ പ്രഥമകുസുമോല്ലാസസമയഃ
ക്ഷമാലക്ഷ്മീഭൃങ്ഗീസകലകരണോന്‍മാദനമധു ।
വികാസഃ സൌന്ദര്യസ്രജി രസികതാശീധുചുലകോ
യുവത്വം രങ്ഗേന്ദോഃ സുരഭയതി നിത്യം സുഭഗതാം ॥ 90 ॥
കിരീടചൂഡരത്നരാജിരാധിരാജ്യജല്‍പികാ ।
മുഖേന്ദുകാന്തിരുന്‍മുഖം തരങ്ഗിതേവ രങ്ഗിണഃ ॥ 91 ॥
ശിഖാരത്നോദ്ദീപ്രം ദിശി ദിശി ച മാണിക്യമകരീ-
ലസച്ഛൃങ്ഗം രങ്ഗപ്രഭുമണികിരീടം മനുമഹേ ।
സമുത്തുങ്ഗസ്ഫീതം ചിദചിദധിരാജശ്രിയ ഇവ
പ്രിയാക്രീഡം ചൂഡാമണിമപി നിതംബം തമഭിതഃ ॥ 92 ॥
വിഹരതു മയി രങ്ഗിനശ്ചൂലികാഭ്രമരകതിലകോര്‍ധ്വപുണ്ഡ്രോജ്ജ്വലം ।
മുഖമമൃതതടാകചന്ദ്രാംബുജസ്മയഹരശുചിമുഗ്ധമന്ദസ്മിതം ॥ 93 ॥
മുഖപുണ്ഡരീകമുപരി ത്രികണ്ടകം തിലകാശ്ച കേസരസമാഃ സമൌക്തികാഃ ।
ഇഹ രങ്ഗഭര്‍തുരഭിയന്‍മധുവ്രതപ്രകരശ്രിയം ഭ്രമരകാണി ബിഭ്രതി ॥ 94 ॥
ഹൃദയം പ്രസാദയതി രങ്ഗപതേര്‍മധുരോര്‍ധ്വപുണ്ഡ്രതിലകം ലലിതം ।
അലികാര്‍ധചന്ദ്രദലസംവലിതാമമൃതസ്രുതിം യദഭിശങ്കയതേ ॥ 95 ॥
സരസീരുഹേ സമവനാംയ മദാദുപരി പ്രനൃത്യദലിപങ്ക്തിനിഭേ ।
സ്ഫുരതോ ഭ്രുവാവുപരി ലോചനയോഃ സവിലാസലാസ്യഗതി രങ്ഗഭൃതഃ ॥ 96 ॥
സ്മരശരനലിനഭ്രമാന്നേത്രയോഃ പരിസരനമദിക്ഷുചാപച്ഛവി ।
യുഗമുദയതി രങ്ഗഭര്‍തുര്‍ഭ്രുവോഃ ഗുരുകുലമിവ ശാര്‍ങ്ഗനൃത്തശ്രിയഃ ॥ 97 ॥
കൃപയാ പരയാ കരിഷ്യമാണേ സകലാങ്ഗം കില സര്‍വതോഽക്ഷി നേത്രേ ।
പ്രഥമം ശ്രവസീ സമാസ്തൃണാതേ ഇതി ദൈര്‍ഘ്യേണ വിദന്തി രങ്ഗനേതുഃ ॥ 98 ॥
ശ്രവോനാസാരോധാത്തദവധികഡോലായിതഗതേ
വിശാലസ്ഫീതായദ്രുചിരശിശിരാതാംരധവലേ ।
മിഥോ ബദ്ധസ്പര്‍ധസ്ഫുരിതശഫരദ്വന്ദ്വലലിതേ
ക്രിയാസ്താം ശ്രീരങ്ഗപ്രണയിനയനാബ്ജേ മയി ദയാം ॥ 99 ॥
കരുണാമൃതകൂലമുദ്വഹൈഷ പ്രണമത്സ്വാഗതികീ പ്രസന്നശീതാ ।
മയി രങ്ഗധനോപകര്‍ണികാഽക്ഷ്ണോഃ സരിതോര്‍വീക്ഷണവീചിസന്തതിഃ സ്താത് ॥ 100 ॥
വിലസതി നാസാ കല്‍പകവല്ലീ മുഗ്ധേവ രങ്ഗനിലയസ്യ ।
സ്മിതമപി തന്നവകുസുമം ചുബുകകപോലം ച പല്ലവോല്ലസിതം ॥ 101 ॥
നയനശഫരിവിദ്ധൌ കര്‍ണപാശാവരുദ്ധൌ
രുഷ ഇവ ലുഠതോഽര്‍ചിര്‍മഞ്ജരീരുദ്ഗിരന്തൌ ।
പരിമിലദലകാലീശൈവലാമംസവേലാം
അനുമണിമകരോദ്ധൌ രങ്ഗധുര്യാമൃതാബ്ധേഃ ॥ 102 ॥
അധരമധുരാംഭോജം തത്കര്‍ണപാശമൃണാലികാ-
വലയമഭി മാമാസ്താം രങ്ഗേന്ദുവക്ത്രസരശ്ചിരം ।
നയനശഫരം നാസാശൈവാലവല്ലരി കര്‍ണികാ-
മകരമലകശ്രേണീപര്യന്തനീലവനാവലി ॥ 103 ॥
രമയതു സ മാം കണ്ഠഃ ശ്രീരങ്ഗനേതുരുദഞ്ചിത-
ക്രമുകതരുണഗ്രീവാകംബുപ്രലംബമലിംലുചഃ ।
പ്രണയവിലഗല്ലക്ഷ്മീവിശ്വംഭരാകരകന്ദലീ-
കനകവലയക്രീഡാസങ്ക്രാന്തരേഖ ഇവോല്ലസന്‍ ॥ 104 ॥
അധിഷ്ഠാനസ്തംഭൌ ഭുവനപൃഥുയന്ത്രസ്യ കമലാ-
കരേണോരാലാനേ അരികരിഘടോന്‍മാഥമുസലൌ ।
ഫണീന്ദ്രസ്ഫീതസ്രഗ്വ്യതികരിതസന്ദിഗ്ധവിഭവൌ
ഭുജൌ മേ ഭൂയാസ്താമഭയമഭി രങ്ഗപ്രണയിനഃ ॥ 105 ॥
പ്രതിജലധിതോ വേലാശയ്യാം വിഭീഷണകൌതുകാത്
പുനരിവ പുരസ്കര്‍തും ശ്രീരങ്ഗിണഃ ഫണിപുങ്ഗവേ ।
സമുപദധതഃ കഞ്ചിത്കഞ്ചിത്പ്രസാരയതോ ഭുജ-
ദ്വയമപി സദാ ദാനശ്രദ്ധാലു ദീര്‍ഘമുപാസ്മഹേ ॥ 106 ॥
കുസുമഭരാലസൌ സ്ഫടികവേദിശയൌ വിടപാ-
വമരതരോഃ പരം പരിഹസത്പൃഥു രങ്ഗഭുജഃ ।
ബഹുമണിമുദ്രികാകനകകങ്കണദോര്‍വലയൈഃ
കിസലയി ദോര്‍ദ്വയം ഫണിനി നിര്‍ഭരസുപ്തമിമഃ ॥ 107 ॥
മദ്രക്ഷാവ്രതകൌതുകേ സുകടകേ വിക്രാന്തികര്‍ണേജപേ
ശാര്‍ങ്ഗജ്യാകിണകര്‍കശിംനി സുമനസ്സ്രങ്മോഹനേ മാര്‍ദവേ ।
ദോര്‍ദ്വന്ദ്വം ബഹുശഃ പ്രലോഭ്യ കമലാലീലോപധാനം ഭവത്
തച്ചിത്രാലകമുദ്രിതം വിജയതേ ശ്രീരങ്ഗസംസങ്ഗിനഃ ॥ 108 ॥
ഭവാര്‍താനാം വക്ത്രാമൃതസരസി മാര്‍ഗം ദിശദിവ
സ്വയം വക്ത്രേണേദം വരദമിതി സന്ദര്‍ശിതമിവ ।
കരാംഭോജം പങ്കേരുഹവനരുഷാ പാടലമിവ
ശ്രയാമി ശ്രീരങ്ഗേശയിതുരുപധാനീകൃതമഹം ॥ 109 ॥
കിരീടം ശ്രീരങ്ഗേശയിതുരുപധാനീകൃതഭുജഃ
വിധീശാധീശത്വാദ്ധടത ഇതി സംസ്പൃശ്യ വദതി ।
നിഹീനാനാം മുഖ്യം ശരണമിതി ബാഹുസ്തദിതരഃ
സ്ഫുടം ബ്രൂതേ പാദാംബുജയുഗലമാജാനുനിഹിതഃ ॥ 110 ॥
മലയജശശിലിപ്തം മാലതീദാമതല്‍പം
സുമണിസരവിതാനം കൌസ്തുഭസ്വസ്തിദീപം ।
ദനുജവൃഷവിഷാണോല്ലേഖചിത്രം ച ലക്ഷ്മീ-
ലലിതഗൃഹമുപാസേ രങ്ഗസര്‍വംസഹോരഃ ॥ 111 ॥
ഹാരസ്ഫാരിതഫേനമംശുലഹരീമാലര്‍ദ്ധി മുക്താഫല-
ശ്രേണീശീകരദുര്‍ദിനം തത ഇതോ വ്യാകീര്‍ണരത്നോത്കരം ।
ആവിഃകൌസ്തുഭലക്ഷ്മി രങ്ഗവസതേര്‍നിസ്സീമഭൂമാദ്ഭുതം
വക്ഷോ മന്ദരമഥ്യമാനജലധിശ്ലാഘം വിലോകേമഹി ॥ 112 ॥
വക്ഷഃസ്ഥല്യാം തുലസികമലാകൌസ്തുഭൈര്‍വൈജയന്തീ
സര്‍വേശത്വം കഥയതിതരാം രങ്ഗധാംനസ്തദാസ്താം ।
കൂര്‍മവ്യാഘ്രീനഖപരിമിലത്പഞ്ചഹേതീ യശോദാ-
നദ്ധാ മൌഗ്ധ്യാഭരണമധികം നഃ സമാധിം ധിനോതി ॥ 113 ॥
കിയാന്‍ഭരോ മമ ജഗദണ്ഡമണ്ഡലീ-
ത്യതൃപ്തിതഃ കൃശിതമിവോദരം വിഭോഃ ।
രിരക്ഷിഷോചിതജഗതീപരമ്പരാം
പരാമിവ പ്രഥയതി നാഭിപങ്കജം ॥ 114 ॥
ത്രിവിധചിദചിദ്വൃന്ദം തുന്ദാവലംബിവലിത്രയം
വിഗണയദിവൈശ്വര്യം വ്യാഖ്യാതി രങ്ഗമഹേശിതുഃ ।
പ്രണതവശതാം ബ്രൂതേ ദാമോദരത്വകരഃ കിണഃ
തദുഭയഗുണാകൃഷ്ടം പട്ടം കിലോദരബന്ധനം ॥ 115 ॥
ത്രയോ ദേവാസ്തുല്യാസ്ത്രിതയമിദമദ്വൈതമധികം
ത്രികാദസ്മാത്തത്ത്വം പരമിതി വിതര്‍കാന്‍ വിഘടയന്‍ ।
വിഭോര്‍നാഭീപദ്മോ വിധിശിവനിദാനം ഭഗവതഃ
തദന്യദ്ഭ്രൂഭങ്ഗീപരവദിതി സിദ്ധാന്തയതി നഃ ॥ 116 ॥
ഗര്‍ഭേ കൃത്വാ ഗോപ്തുമനന്തം ജഗദന്ത-
ര്‍മജ്ജദ്ഭ്രംയാ വാഞ്ഛതി സാംയം നനു നാഭിഃ ।
ഉത്ക്ഷിപ്യൈതത്പ്രേക്ഷിതുമുദ്യദ്ഭ്രമിഭൂയം
നാഭീപദ്മോ രംഹതി രങ്ഗായതനാബ്ധേഃ ॥ 117 ॥
മദമിവ മധുകൈടഭസ്യ രംഭാകരഭകരീന്ദ്രകരാഭിരൂപ്യദര്‍പം ।
സ്ഫുടമിവ പരിഭൂയ ഗര്‍വഗുര്‍വോഃ കിമുപമിമീമഹി രങ്ഗകുഞ്ജരോര്‍വോഃ ॥ 118 ॥
കടീകാന്തിസംവാദിചാതുര്യനീവീലസദ്രത്നകാഞ്ചീകലാപാനുലേപം ।
മഹാഭ്രം ലിഹന്‍മേരുമാണിക്യസാനൂരിവാഭാതി പീതാംബരം രങ്ഗബന്ധോഃ ॥ 119 ॥
ഭര്‍മസ്ഥലാംശുപരിവേഷ ഇവാംബുരാശേഃ
സന്ധ്യാംബുവാഹനികുരുംബമിവാംബരസ്യ ।
ശമ്പാകദംബകമിവാംബുമുചോ മനാ നഃ
പീതാംബരം പിബതി രങ്ഗധുരന്ധരസ്യ ॥ 120 ॥
വൈഭൂഷണ്യാം കാന്തിരാങ്ഗീ നിമഗ്നാ വിഷ്വദ്രീചീ ക്വാപി സോന്‍മാദവൃത്തിഃ ।
ജാനേ ജാനുദ്വന്ദ്വവാര്‍താവിവര്‍തോ ജാതഃ ശ്രീമദ്രങ്ഗതുങ്ഗാലയസ്യ ॥ 121 ॥
ശ്രീരങ്ഗേശയജങ്ഘേ ശ്രീഭൂംയാമര്‍ശഹര്‍ഷകണ്ടകിതേ ।
തത്കേലിനലിനമാംസലനാലദ്വയലലിതമാചരതഃ ॥ 122 ॥
വന്ദാരുവൃന്ദാരകമൌലിമാലായുഞ്ജാനചേതഃ കമലാകരേഭ്യഃ ।
സങ്ക്രന്തരാഗാവിവ പാദപദ്മൌ ശ്രീരങ്ഗഭര്‍തുര്‍മനവൈ നവൈ ച ॥ 123 ॥
യദ്വൃന്ദാവനപണ്ഡിതം ദധിരവൈര്യത്താണ്ഡവം ശിക്ഷിതം
യല്ലക്ഷ്മീകരസൌഖ്യസാക്ഷി ജലജപ്രസ്പര്‍ധമാനര്‍ദ്ധി യത് ।
യദ്ഭക്തേഷ്വജലസ്ഥലജ്ഞമപി യദ്ദൂത്യപ്രസങ്ഗോത്സുകം
തദ്വിഷ്ണോഃ പരമം പദം വഹതു നഃ ശ്രീരങ്ഗിണോ മങ്ഗലം ॥ 124 ॥
ശിഞ്ജാനശ്രുതിശിഞ്ജിനീമണിരവൈര്‍വജ്രാരവിന്ദധ്വജ-
ച്ഛത്രീകല്‍പകശങ്ഖചക്രമുകുരൈസ്സ്തൈസ്തൈശ്ച രേഖാമയൈഃ ।
ഐശ്വര്യേണ ജയം ത്രിവിക്രമമുഖം ഘുഷ്യദ്ഭിരാംരേഡിതം
ശ്രീരങ്ഗേശയപാദപങ്കജയുഗം വന്ദാമഹേ സുന്ദരം ॥ 125 ॥
പുനാനി ഭുവനാന്യഹം ബഹുമുഖീതി സര്‍വാങ്ഗുലീ
ഝലജ്ഝലിതജാഹ്നവീലഹരിവൃന്ദസന്ദേഹദാഃ ।
ദിവാ നിശി ച രങ്ഗിണശ്ചരണചാരുകല്‍പദ്രുമ-
പ്രവാലനവമഞ്ജരീഃ നഖരുചീര്‍വിഗാഹേമഹി ॥ 126 ॥
ശ്രീരങ്ഗേന്ദോഃ പദകിസലയേ നീലമഞ്ജീരമൈത്ര്യാ
വന്ദേ വൃന്തപ്രണയിമധുപവ്രാതരാജീവജൈത്രേ ।
നിത്യാഭ്യര്‍ചാനതവിധിമുഖസ്തോമസംശയ്യമാനൈഃ
ഹേമാംഭോജൈര്‍നിബിഡനികടേ രാമസീതോപനീതൈഃ ॥ 127 ॥
ഇതി ശ്രീരങ്ഗരാജസ്തവേ പൂര്‍വശതകം സമാപ്തം ।
അഥ ശ്രീരങ്ഗരാജസ്തവേ ഉത്തരശതകം ।
ശ്രീപരാശരഭട്ടാര്യഃ ശ്രീരങ്ഗേശപുരോഹിതഃ ।
ശ്രീവത്സാങ്കസുതഃ ശ്രീമാന്‍ ശ്രേയസേ മേഽസ്തു ഭൂയസേ ॥
ഹര്‍തും തമസ്സദസതീ ച വിവേക്തുമീശോ
മാനം പ്രദീപമിവ കാരുണികോ ദദാതി ।
തേനാവലോക്യ കൃതിനഃ പരിഭുഞ്ജതേ തം
തത്രൈവ കേഽപി ചപലാശ്ശലഭീഭവന്തി ॥ 1 ॥
യാ വേദബാഹ്യാഃ സ്മൃതയോഽര്‍ഹദാദേര്‍വേദേഷു യാഃ കാശ്ച കുദൃഷ്ടയഃ ।
var കുദൃഷ്ടയസ്താഃ?
ആഗസ്കൃതാം രങ്ഗനിധേ ത്വദധ്വന്യന്ധങ്കരണ്യഃ
സ്മൃതവാന്‍ മനുസ്തത് ॥ 2 ॥
പ്രത്യക്ഷപ്രമഥനപശ്യതോഹരത്വാ-
ന്നിര്‍ദോഷശ്രുതിവിമതേശ്ച ബാഹ്യവര്‍ത്മ ।
ദുസ്തര്‍കപ്രഭവതയാ ച വക്തൃദോഷ-
സ്പൃഷ്ട്യാ ച പ്രജഹതി രങ്ഗവിന്ദ വൃദ്ധാഃ ॥ 3 ॥
അവയവിതയേദങ്കുര്‍വാണൈര്‍ബഹിഷ്കരണൈര്‍വപു-
ര്‍നിരവയവകോഽഹങ്കാരാര്‍ഹഃ പുമാന്‍ കരണാതിഗഃ ।
സ്ഫുരതി ഹി ജനാഃ പ്രത്യാസത്തേരിമൌ ന വിവിഞ്ചതേ
തദധികുരുതാം ശാസ്ത്രം രങ്ഗേശ തേ പരലോകിനി ॥ 4 ॥
പ്രത്യക്ഷാ ശ്രുതിരര്‍ഥധീശ്ച ന തഥാ ദോഷസ്തദര്‍ഥഃ
പുനര്‍ധര്‍മാധര്‍മപരാവരേശ്വരമുഖഃ പ്രത്യക്ഷബാധ്യോ ന ച ।
തച്ചാര്‍വാകമതേഽപി രങ്ഗരമണ പ്രത്യക്ഷവത് സാ പ്രമാ
യോഗോന്‍മീലിതധീസ്തദര്‍ഥമഥവാ പ്രത്യക്ഷമീക്ഷേത സഃ ॥ 5 ॥
ന സദസദുഭയം വാ നോഭയസ്മാദ്ബഹിര്‍വാ ജഗദിതി
ന കിലൈകാം കോടിമാടീകതേ തത് ।
ഇതി നിരുപധി സര്‍വം സര്‍വികാതോ നിഷേധന്‍
വരദ സുഗതപാശശ്ചോരലാവം വിലാവ്യഃ ॥ 6 ॥
പ്രതീതിശ്ചേദിഷ്ടാ ന നിഖിലനിഷേധോ യദി ന കോ
നിഷേദ്ധാഽതോ നേഷ്ടോ നിരുപധിനിഷേധസ്സദുപധൌ ।
നിഷേധേഽന്യത്സിധ്യേദ്വരദ ഘടഭങ്ഗേ ശകലവത്
പ്രമാശൂന്യേ പക്ഷേ ശ്രുതിരപി മതേഽസ്മിന്വിജയതാം ॥ 7 ॥
യോഗാചാരോ ജഗദപലപത്യത്ര സൌത്രാന്തികസ്ത-
ദ്ധീവൈചിത്ര്യാദനുമിതിപദം വക്തി വൈഭാഷികസ്തു ।
പ്രത്യക്ഷം തത്ക്ഷണികയതി തേ രങ്ഗനാഥ ത്രയോഽപി
ജ്ഞാനാത്മത്വക്ഷണഭിദുരതേ ചക്ഷതേ താന്‍ ക്ഷിപാമഃ ॥ 8 ॥
ജഗദ്ഭങ്കുരം ഭങ്ഗുരാ ബുദ്ധിരാത്മേത്യസദ്വേത്ത്രഭാവേ
തഥാ വേദ്യവിത്ത്യോഃ ।
ക്ഷണധ്വംസതശ്ച സ്മൃതിപ്രത്യഭിജ്ഞാദരിദ്രം
ജഗത്സ്യാദിദം രങ്ഗചന്ദ്ര ॥ 9 ॥
അഹമിദമഭിവേദ്മീത്യാത്മവിത്ത്യോര്‍വിഭേദേ
സ്ഫുരതി യദി തദൈക്യം ബാഹ്യമപ്യേകമസ്തു ।
പ്രമിതിരപി മൃഷാ സ്യാന്‍മേയമിഥ്യാത്വവാദേ
യദി തദപി സഹേരന്‍ ദീര്‍ഘമസ്മന്‍മതായുഃ ॥ 10 ॥
ഏതദ്രാമാസ്ത്രം ദലയതു കലിര്‍ബ്രഹ്മമീമാംസകാംശ്ച
ജ്ഞപ്തിര്‍ബ്രഹ്മൈതജ്ജ്വലദപി നിജാവിദ്യയാ ബംഭ്രമീതി ।
തസ്യ ഭ്രാന്തിം താം ശ്ലഥയതി ജിതാദ്വൈതവിദ്യസ്തു ജീവോ
യദ്യദ്ദൃശ്യം തദ്വിതഥമിതി യേ ജ്ഞാപയാഞ്ചക്രുരജ്ഞാഃ ॥ 11 ॥
അങ്ഗീകൃത്യ തു സപ്തഭങ്ഗികുസൃതിം സ്യാദസ്തിനാസ്ത്യാത്മികാം
വിശ്വം ത്വദ്വിഭവം ജഗജ്ജിനമതേ നൈകാന്തമാചക്ഷതേ ।
ഭിന്നാഭിന്നമിദം തഥാ ജഗദുഷേ വന്ധ്യാ മമാംബേതിവ-
ന്നൂത്നബ്രഹ്മവിദേ രഹഃ പരമിദം രങ്ഗേന്ദ്ര തേ ചക്ഷതാം ॥ 12 ॥
കണചരചരണാക്ഷൌ ഭിക്ഷമാണൌ കുതര്‍കൈഃ
ശ്രുതിശിരസി സുഭിക്ഷം ത്വജ്ജഗത്കാരണത്വം ।
അണുഷു വിപരിണാംയ വ്യോമപൂര്‍വം ച കാര്യം
തവ ഭവദനപേക്ഷം രങ്ഗഭര്‍തര്‍ബ്രുവാതേ ॥ 13 ॥
വേദേ കര്‍ത്രാദ്യഭാവാദ്ബലവതി ഹി നയൈസ്ത്വന്‍മുഖേ നീയമാനേ
തന്‍മൂലത്വേന മാനം തദിതരദഖിലം ജായതേ രങ്ഗധാമന്‍
തസ്മാത്സാങ്ഖ്യം സയോഗം സപശുപതിമതം കുത്രചിത്പഞ്ചരാത്രം
സര്‍വത്രൈവ പ്രമാണം തദിദമവഗതം പഞ്ചമാദേവ വേദാത് ॥ 14 ॥
സഞ്ചഷ്ടേ നേശ്വരം ത്വാം പുരുഷപരിഷദി ന്യസ്യ യദ്വാഽഽന്യപര്യാത്
സാങ്ഖ്യോ യോഗീ ച കാക്വാ പ്രതിഫലനമിവൈശ്വര്യമൂചേ കയാചിത് ।
ഭിക്ഷൌ ശൈവസ്സുരാജംഭവമഭിമനുതേ രങ്ഗരാജാതിരാഗാത്
ത്വാം ത്വാമേവാഭ്യധാസ്ത്വം നനു പരവിഭവവ്യൂഹനാഢ്യംഭവിഷ്ണും ॥ 15 ॥
ഇതി മോഹനവര്‍ത്മനാ/വര്‍ഷ്മണാ ത്വയാഽപി ഗ്രഥിതം ബാഹ്യമതം തൃണായ മന്യേ ।
അഥ വൈദികവര്‍മവര്‍മിതാനാം മനിതാഹേ കുദൃശാം കിമീശ വര്‍ത്മ ॥ 16 ॥
സംസ്കാരം പ്രതിസഞ്ചരേഷു നിദധത്സര്‍ഗേസു തത്സ്മാരിതം
രൂപം നാമ ച തത്തദര്‍ഹനിവഹേ വ്യാകൃത്യ രങ്ഗാസ്പദ ।
സുപ്തോദ്ബുദ്ധവിരിഞ്ചപൂര്‍വജനതാമധ്യാപ്യ തത്തദ്ധിതം
ശാസന്നസ്മൃതകര്‍തൃകാന്‍ വഹസി യദ്വേദാഃ പ്രമാണം തതഃ ॥ 17 ॥
ശീക്ഷായാം വര്‍ണശിക്ഷാ പദസമധിഗമോ വ്യാക്രിയാനിര്‍വചോഭ്യാം
ഛന്ദശ്ഛന്ദശ്ചിതൌ സ്യാദ്ഗമയതി സമയം ജ്യൌതിഷം രങ്ഗനാഥ ।
കല്‍പേഽനുഷ്ഠാനമുക്തം ഹ്യുചിതഗമിതയോര്‍ന്യായമീമാംസയോസ്സ്യാത്
അര്‍ഥവ്യക്തിഃ പുരാണസ്മൃതിഷു തദനുഗാസ്ത്വാം വിചിന്വന്തി വേദാഃ ॥ 18 ॥
ആദൌ വേദാഃ പ്രമാണം സ്മൃതിരുപകുരുതേ സേതിഹാസൈഃ പുരാണൈഃ
ന്യായൈസ്സാര്‍ധം ത്വദര്‍ചാവിധിമുപരി പരക്ഷീയതേ പൂര്‍വഭാഗഃ ।
ഊര്‍ധ്വോ ഭാഗത്സ്വദീഹാഗുണവിഭവപരിജ്ഞാപനൈസ്ത്വത്പദാപ്തൌ
വേദ്യോ വേദൈശ്ച സര്‍വൈരഹമിതി ഭഗവന്‍ സ്വേന ച വ്യാചകര്‍ഥ ॥ 19 ॥
ക്രിയാ തച്ഛക്തിര്‍വാ കിമപി തദപൂര്‍വം പിതൃസുര-
പ്രസാദോ വാ കര്‍തുഃ ഫലദ ഇതി രങ്ഗേശ കുദൃശഃ ।
ത്വദര്‍ചേഷ്ടാപൂര്‍തേ ഫലമപി ഭവത്പ്രീതിജമിതി
ത്രയീവൃദ്ധാസ്തത്തദ്വിധിരപി ഭവത്പ്രേരണമിതി ॥ 20 ॥
ആജ്ഞാ തേ സനിമിത്തനിത്യവിധയഃ സ്വര്‍ഗാദികാംയദ്വിധിഃ
സോഽനുജ്ഞാ ശഠചിത്തശാസ്ത്രവശതോപായോഽഭിചാരശ്രുതിഃ ।
സര്‍വീയസ്യ സമസ്തശാസിതുരഹോ ശ്രീരങ്ഗസര്‍വസ്വ തേ
രക്ഷാകൂതനിവേദിനീ ശ്രുതിരസൌ ത്വന്നിത്യശാസ്തിസ്തതഃ ॥ 21 ॥
അത്രാസ്തേ നിധിരിതിവത്പുമര്‍ഥഭൂതേ സിദ്ധാര്‍ഥാ അപി ഗുണരൂപവൃത്തവാദാഃ ।
രങ്ഗേശ ത്വയി സകലാസ്സമന്വയന്തേ നോപാസാഫലവിധിഭിര്‍വിശേഷ ഏഷാം ॥ 22 ॥
ദേഹോ ദേഹിനി കാരണേ വികൃതയോ ജാതിര്‍ഗുണാഃ കര്‍മ ച
ദ്രവ്യേ നിഷ്ഠിതരൂപബുദ്ധിവചനാസ്താത്സ്ഥ്യാത് തഥേദം ജഗത് ।
വിശ്വം ത്വയ്യഭിമന്യസേ ജഗദിഷേ തേനാദ്വിതീയസ്തതഃ
മായോപാധിവികാരസങ്കരകഥാ കാ നാമ രങ്ഗേശ്വര ॥ 23 ॥
സ്ഥിത്യുത്പത്തിപ്രവൃത്തിഗ്രസനനിയമനവ്യാപനൈരാത്മനസ്തേ
ശേഷോഽശേഷഃ പ്രപഞ്ചോ വപുരിതി ഭവതസ്തസ്യ ചാഭേദവാദാഃ ।
സര്‍വം ഖല്വൈതദാത്മ്യം സകലമിദമഹം തത്ത്വമസ്യേവമാദ്യാഃ
വ്യാഖ്യാതാ രങ്ഗധാമപ്രവണ വിജയിഭിര്‍വൈദികൈസ്സാര്‍വഭൌമൈഃ ॥ 24 ॥
സരാജകമരാജകം പുനരനേകരാജം തഥാ
യഥാഭിമതരാജകം ജഗദിദം ജജല്‍പുര്‍ജഡാഃ ।
ജഗാവവശചിത്രതാതരതമത്വതര്‍കാങ്ഗികാ
ശ്രുതിശ്ചിദചിതീ ത്വയാ വരദ നിത്യരാജന്വതീ ॥ 25 ॥
ബ്രഹ്മാദ്യാസ്സൃജ്യവര്‍ഗേ ഭ്രുകുടിഭടതയോദ്ഘാടിതാ നാവതാര-
പ്രസ്താവേ തേന ന ത്വം ന ച തവ സദൃശാ വിശ്വമേകാതപത്രം ।
ലക്ഷ്മീനേത്രാ ത്വയേതി ശ്രുതിമുനിവചനൈസ്ത്വത്പരൈരര്‍പയാമഃ
ശ്രീരങ്ഗാംഭോധിചന്ദ്രോദയ ജലമുചിതം വാദികൌതസ്കുതേഭ്യഃ ॥ 26 ॥
ദോഷോപധാവധിസമാതിശയാനസങ്ഖ്യാ
നിര്ലേപമങ്ഗലഗുണൌഘദുഘാഷ്ഷഡേതാഃ ।
ജ്ഞാനൈശ്വരീശകനവീര്യബലാര്‍ചിഷസ്ത്വാം
രങ്ഗേശ ഭാസ ഇവ രത്നമനര്‍ഘയന്തി ॥ 27 ॥
യുഗപദനിശമക്ഷൈഃ സ്വൈഃ സ്വതോ വാഽഽക്ഷകാര്യേ
നിയമമനിയമം വാ പ്രാപ്യ രങ്ഗാധിരാജ ।
കരതലവദശേഷം പശ്യസി സ്വപ്രകാശം
തദവരണമമോഘം ജ്ഞാനമാംനാസിഷുസ്തേ ॥ 28 ॥
നയനശ്രവണോ ദൃശാ ശൃണോഷി അഥ തേ രങ്ഗപതേ മഹേശിതുഃ ।
കരണൈരപി കാമകാരിണഃ ഘടതേ സര്‍വപഥീനമീക്ഷണം ॥ 29 ॥
സാര്‍വജ്ഞ്യേനാജ്ഞമൂലം ജഗദഭിദധതോ വാരിതാസ്സാക്ഷിമാത്രാത്
സാങ്ഖ്യോക്താത്കാരണം ത്വാം പരയതി ഭഗവന്നൈശ്വരീ രങ്ഗശായിന്‍
അപ്രേര്യോഽന്യൈഃ സ്വതന്ത്രോഽപ്രതിഹതി സദസത്കര്‍മചൈത്ര്യാ വിചിത്രം
യത്രേച്ഛാലേശതസ്ത്വം യുഗപദഗണയന്‍ വിശ്വമാവിശ്ചകര്‍ഥ ॥ 30 ॥
കാര്യേഽനന്തേ സ്വതനുമുഖതസ്ത്വാമുപാദാനമാഹുഃ
സാ തേ ശക്തിസ്സുകരമിതരച്ചേതി വേലാം വിലങ്ഘ്യ ।
ഇച്ഛാ യാവദ്വിഹരതി സദാ രങ്ഗരാജാനപേക്ഷാ
സൈവൈശാനാദതിശയകരി സോര്‍ണനാഭൌ വിഭാവ്യാ ॥ 31 ॥
സ്വമഹിമസ്ഥിതിരീശ ഭൃശക്രിയോഽപ്യകലിതശ്രമ ഏവ ബിഭര്‍ഷി യത് ।
വപുരിവ സ്വമശേഷമിദം ബലം തവ പരാശ്രിതകാരണവാരണം ॥ 32 ॥
മൃഗനാഭിഗന്ധ ഇവ യത്സകലാര്‍ഥാന്‍ നിജസന്നിധേരവികൃതോ വികൃണോഷി ।
പ്രിയരങ്ഗ വീര്യമിതി തത്തു വദന്തേ സവികാരകാരണമിതോ വിനിവാര്യം ॥ 33 ॥
സഹകാര്യപേക്ഷമപി ഹാതുമിഹ തദനപേക്ഷകര്‍തൃതാ ।
രങ്ഗധന ജയതി തേജ ഇതി പ്രണതാര്‍തിജിത് പ്രതിഭടാഭിഭാവുകം ॥ 34 ॥
മര്‍ത്യൌത്ഥായം വിരിഞ്ചാവധികമുപരി ചോത്പ്രേക്ഷ്യ മീമാംസമാനാ
രങ്ഗേന്ദ്രാനന്ദവല്ലീ തവ ഗുണനിവഹം യൌവനാനന്ദപൂര്‍വം ।
ന സ്വാര്‍ഥം സ്പ്രഷ്ടുമീഷ്ടേ സ്ഖലതി പഥി പരം മൂകലായം നിലില്യേ
ഹന്തൈവം ത്വദ്ഗുണാനാമവധിഗണനയോഃ കാ കഥാ ചിത്തവാചോഃ ॥ 35 ॥
ന്യധായിഷത യേ ഗുണാ നിധിനിധായമാരണ്യകേഷ്വമീ
ംരദിമചാതുരീപ്രണതചാപലക്ഷാന്തയഃ ।
ദയാവിജയസൌന്ദരീപ്രഭൃതയോഽപി രത്നൌഘവത്
ജഗദ്വ്യവഹൃതിക്ഷമാ വരദ രങ്ഗരത്നാപണേ ॥ 36 ॥
യമാശ്രിത്യൈവാത്മംഭരയ ഇവ തേ സദ്ഗുണഗണാഃ
പ്രഥന്തേ സോഽനന്തസ്വവശഘനശാന്തോദിതദശഃ ।
ത്വമേവ ത്വാം വേത്ഥ സ്തിമിതവിതരങ്ഗം വരദ ഭോഃ
സ്വസംവേദ്യസ്വാത്മദ്വയസബഹുലാനന്ദഭരിതം ॥ 37 ॥
ആഘ്രായേശ്വരഗന്ധമീശസദൃശം മന്യാസ്തവേന്ദ്രാദയോ
മുഹ്യന്തി ത്വമനാവിലോ നിരവധേര്‍ഭൂംനഃ കണേഹത്യ യത് ।
ചിത്രീയേമഹി നാത്ര രങ്ഗരസിക ത്വം ത്വന്‍മഹിംനഃ പരഃ
വൈപുല്യാന്‍മഹിതഃ സ്വഭാവ ഇതി വാ കിന്നാമ സാത്മ്യം ന തേ ॥ 38 ॥
ഷാഡ്ഗുണ്യാദ്വാസുദേവഃ പര ഇതി സ ഭവാന്‍ മുക്തഭോഗ്യോ ബലാഢ്യാത്
ബോധാത് സങ്കര്‍ഷണസ്ത്വം ഹരതി വിതനുഷേ ശാസ്ത്രമൈശ്വര്യവീര്യാത് ।
പ്രദ്യുംനസ്സര്‍ഗധര്‍മൌ നയസി ച ഭഗവഞ്ച്ഛക്തിതേജോഽനിരുദ്ധഃ
ബിഭ്രാണഃ പാസി തത്ത്വം ഗമയസി ച തഥാ വ്യൂഹ്യ രങ്ഗാധിരാജ ॥ 39 ॥
ജാഗ്രത്സ്വപ്നാത്യലസതുരീയപ്രായധ്യാതൃക്രമവദുപാസ്യഃ ।
സ്വാമിംസ്തത്തത്സഹപരിബര്‍ഹഃ ചാതുര്‍വ്യൂഹം വഹസി ചതുര്‍ധാ ॥ 40 ॥
അചിദവിശേഷിതാന്‍ പ്രലയസീമനി സംസരതഃ
കരണകളേബരൈര്‍ഘടയിതും ദയമാനമനാഃ ।
വരദ നിജേച്ഛയൈവ പരവാനകരോഃ പ്രകൃതിം
മഹദഭിമാനഭൂതകരണാവലികോരകിണീം ॥ 41 ॥
നിംനോന്നതം ച കരുണം ച ജഗദ്വിചിത്രം
കര്‍മ വ്യപേക്ഷ്യ സ്ര്‍ജതസ്തവ രങ്ഗശേഷിന്‍ ।
വൈഷംയനിര്‍ഘൃണതയോര്‍ന ഖലു പ്രസക്തിഃ
തദ്ബ്രഹ്മസൂത്രസചിവാഃ ശ്രുതയോ ഗൃണന്തി ॥ 42 ॥
സ്വാധീനേ സഹകാരികാരണഗണേ കര്‍തുശ്ശരീരേഽഥവാ
ഭോക്തുഃ സ്വാനുവിധാപരാധവിധയോഃ രാജ്ഞോ യഥാ ശാസിതുഃ ।
ദാതുര്‍വാഽര്‍ഥിജനേ കടാക്ഷാണമിവ ശ്രീരങ്ഗസര്‍വസ്വ തേ
സ്രഷ്ടുസ്സൃജ്യദശാവ്യപേക്ഷണമപി സ്വാതന്ത്ര്യമേവാവഹേത് ॥ 43 ॥
പ്രലയസമയസുപ്തം സ്വം ശരീരൈകദേശം
വരദ ചിദചിദാഖ്യം സ്വേച്ഛയാ വിസ്തൃണാനഃ ।
ഖചിതമിവ കലാപം ചിത്രമാതത്യ ധൂന്വന്‍
അനുശിഖിനി ശിഖീവ ക്രീഡസി ശ്രീസമക്ഷം ॥ 44 ॥
ഭൂയോ ഭൂയസ്ത്വയി ഹിതപരേഽപ്യുത്പഥാനാത്മനീന-
സ്രോതോമഗ്നാനപി പഥി നയംസ്ത്വം ദുരാശാവശേന ।
രുഗ്ണേ തോകേ സ്വ ഇവ ജനനി തത്കഷായം പിബന്തീ
തത്തദ്വര്‍ണശ്രമവിധിവശഃ ക്ലിശ്യസേ രങ്ഗരാജ ॥ 45 ॥
സാര്‍വ ത്വത്കം സകലചരിതം രങ്ഗധാമന്‍ ദുരാശാ-
പാശേഭ്യസ്സ്യാന്ന യഥി ജഗതാം ജാതു മൂര്‍ഖോത്തരാണാം ।
നിസ്തന്ദ്രാലോസ്തവ നിയമതോ നര്‍തുലിങ്ഗപ്രവാഹാ
സര്‍ഗസ്ഥേമപ്രഭൃതിഷു സദാജാഗരാ ജാഘടീതി ॥ 46 ॥
സുഹൃദിവ നിഗലാദ്യൈരുന്‍മദിഷ്ണും നൃശംസം
ത്വമപി നിരയപൂര്‍വൈര്‍ദണ്‍ദയന്‍ രങ്ഗനേതഃ ।
തദിതരമപി ബാധാത്ത്രായസേ ഭോഗമോക്ഷ-
പ്രദിരപി തവ ദണ്ഡാപൂപികാതസ്സുഹൃത്ത്വം ॥ 47 ॥
ധൃതിനിയമനരക്ഷാവീക്ഷണൈശ്ശാസ്ത്രദാന-
പ്രമൃതിഭിരചികിത്സ്യാന്‍ പ്രാണിനഃ പ്രേക്ഷ്യ ഭൂയഃ ।
സുരമനുജതിരശ്ചാം സര്‍വഥാ തുല്യധര്‍മാ
ത്വമവതരസി ദേവോഽജോഽപി സന്നവ്യയാത്മാ ॥ 48 ॥
അനുജനുരനുരൂപരൂപചേഷ്ടാ ന യദി സമാഗമമിന്ദിരാഽകരിഷ്യത് ।
അസരസമഥവാഽപ്രിയംഭവിഷ്ണു ധ്രുവമകരിഷ്യത രങ്ഗരാജനര്‍മ ॥ 49 ॥
ഗരീയസ്ത്വം പരിജാനന്തി ധീരാഃ പരം ഭാവം മനുജത്വാദിഭൂഷ്ണും ।
അജാനന്തസ്ത്വവജാനന്തി മൂഢാഃ ജനിഘ്നം തേ ഭഗവഞ്ജന്‍മ കര്‍മ ॥ 50 ॥
മധ്യേവിരിഞ്ചഗിരിശം പ്രഥമാവതാരഃ
തത്സാംയതഃ സ്ഥഗയിതും തവ ചേത്സ്വരൂപം ।
കിം തേ പരത്വപിശുനൈരിഹ രങ്ഗധാമന്‍
സത്ത്വപ്രവര്‍തനകൃപാപരിപാലനാദ്യൈഃ ॥ 51 ॥
മധുഃ കൈടഭശ്ചേതി രോധം വിധൂയ ത്രയീദിവ്യചക്ഷുര്‍വിധാതുര്‍വിധായ ।
സ്മരസ്യങ്ഗ രങ്ഗിസ്തുരങ്ഗാവതാരഃ സമസ്തം ജഗജ്ജീവയിഷ്യസ്യകസ്മാത് ॥ 52 ॥
രങ്ഗധേ തിമിരഘസ്മരശീതസ്വച്ഛഹംസതനുരിന്ദുരിവോദ്യന്‍ ।
വേദഭാഭിരനുജഗ്രഹിഥാഽഽര്‍താന്‍ ജ്ഞാനയജ്ഞസുധയൈവ സമൃദ്ധ്യന്‍ ॥ 53 ॥
വടദലമധിശയ്യ രങ്ഗധാമന്‍ ശയിത ഇവാര്‍ണവതര്‍ണകഃ പദാബ്ജം ।
അധിമുഖമുദരേ ജഗന്തി മാതും നിദധിഥ വൈഷ്ണവഭോഗ്യലിപ്സയാ വാ ॥ 54 ॥
ഉന്‍മൂല്യാഹര മന്ദരാദ്രിമഹിനാ തം സംബധാനാമുനാ
ദോര്‍ഭിശ്ചഞ്ചലമാലികൈശ്ച ദധിനിര്‍മാഥം മഥാനാംബുധിം ।
ശ്രീരങ്ഗേശ്വര ചന്ദ്രകൌസ്തുഭസുധാപൂര്‍വം ഗൃഹാണേതി തേ
കുര്‍വാണസ്യ ഫലേഗ്രഹിര്‍ഹി കമലാലാഭേന സര്‍വഃ ശ്രമഃ ॥ 55 ॥
ദേവീഹസ്താംബുജേഭ്യശ്ചരണകിസലയേ സംവഹദ്ഭ്യോഽപഹൃത്യ
പ്രത്യസ്യാനന്തഭോഗം ഝതിതി ചലപുടേ ചക്ഷുഷി വിസ്തൃണാനഃ ।
ആക്ഷിപ്യോരശ്ച ലക്ഷ്ംയാഃ സ്തനകലശകനത്കുങ്കുമസ്തോമപങ്കാ-
ദ്ദേവഃ ശ്രീരങ്ഗധാമാ ഗജപതിഘുഷിതേ വ്യാകുലഃ സ്താത് പുരോ നഃ ॥ 56 ॥
അതന്ത്രിതചമൂപതിപ്രഹിതഹസ്തമസ്വീകൃത
പ്രണീതമണിപാദുകം കിമിതി ചാകുലാന്തഃ പുരം ।
അവാഹനപരിഷ്ക്രിയം പതഗരാജമാരോഹതഃ
കരിപ്രവരബൃംഹിതേ ഭഗവതസ്ത്വരായൈ നമഃ ॥ 57 ॥
യം പശ്യന്വിശ്വധുര്യാം ധിയമസകൃദഥോ മന്ഥരാം മന്യമാനഃ
ഹുങ്കാരാസ്ഫാലനാങ്ഘ്രിപ്രഹതിഭിരപി തം താര്‍ക്ഷ്യമധ്യക്ഷിപസ്ത്വം ।
കിഞ്ചോദഞ്ചന്നുദസ്ഥാസ്തമഥ ഗജപതേര്‍ബൃംഹിതേ ജൃംഭമാണേ
ദേവ ശ്രീരങ്ഗബന്ധോ പ്രണമതി ഹി ജനേ കാന്ദിശീകീ ദശാ തേ ॥ 58 ॥
ശ്രീരങ്ഗേശയ ശരണം മമാസി വാത്യാവ്യാലോലത്കമലതടാകതാണ്ഡവേന ।
സ്രഗ്ഭൂഷാംബരമയഥായഥം ദധാനഃ ധിങ്മാമിത്യനുഗജഗര്‍ജമാജഗന്ഥ ॥ 59 ॥
മീനതനുസ്ത്വം നാവി നിധായ സ്ഥിരചരപരികരമനുമനു ഭഗവന്‍
വേദസനാഭിസ്വോക്തിവിനൌദൈരകലിതലയഭയലവമമുമവഹഃ ॥ 60 ॥
ശ്രീനയനാഭോദ്ഭാസുരദീര്‍ഘപ്രവിപുലസുരുചിരശുചിശിശിരവപുഃ ।
പക്ഷനിഗീര്‍ണോദ്ഗീര്‍ണമഹാബ്ധിസ്ഥലജലവിഹരണരതഗതിരചരഃ ॥ 61 ॥
ചകര്‍ഥ ശ്രീരങ്ഗിന്നിഖിലജഗദാധാരകമഠോ
ഭവന്‍ ധര്‍മാന്‍ കൂര്‍മഃ പുനരമൃതമന്ഥാചലധരഃ ।
ജഗന്ഥ ശ്രേയസ്ത്വം മരകതശിലാപീഠലലിതം
ജലാദുദ്യല്ലക്ഷ്മീപദകിസലയന്യാസസുലഭം ॥ 62 ॥
ഹൃദി സുരരിപോര്‍ദംഷ്ട്രോത്ഖാതേ ക്ഷിപന്‍ പ്രലയാര്‍ണവം
ക്ഷിതികുചതടീമര്‍ചന്‍ ദൈത്യാസ്രകുങ്കുമചര്‍ചയാ ।
സ്ഫുടധുതസടാഭ്രാംയദ്ബ്രഹ്മസ്തവോന്‍മുഖബൃംഹിതഃ
ശരണമസി മേ രങ്ഗിസ്ത്വം മൂലകോലതനുര്‍ഭവന്‍ ॥ 63 ॥
നൃഹരിദശയോഃ പശ്യന്നൌത്പത്തികം ഘടനാദ്ഭുതം
നരമുത ഹരിം ദൃഷ്ട്വൈകൈകം സമുദ്വിജതേ ജനഃ ।
ഇതി കില സിതാക്ഷീരന്യായേന സങ്ഗമിതാങ്ഗകം
സ്ഫുടസടമഹാദംഷ്ട്രം രങ്ഗേന്ദ്രസിംഹമുപാസ്മഹേ ॥ 64 ॥
ദ്വിഷാണദ്വേഷോദ്യന്നയനവനവഹ്നിപ്രശമന
ഭ്രമല്ലക്ഷ്മീവക്ത്രപ്രഹിതമധുഗണ്ഡൂഷസുഷമൈഃ
നഖക്ഷുണ്ണാരാതിക്ഷതജപടലൈരാപ്ലുതസടാ-
ച്ഛടാസ്കന്ധോ രുന്ധേ ദുരിതമിഹ പുംസ്പഞ്ചവദനഃ ॥ 65 ॥
നഖാഗ്രഗ്രസ്തേഽപി ദ്വിഷതി നിജഭക്തദ്രുഹി രൂഷഃ
പ്രകര്‍ഷാദ്വിഷ്ണുത്വദ്വിഗുണപരിണാഹോത്കടതനുഃ ।
വിരുദ്ധേ വൈയഗ്രീസുഘടിതസമാനാധികരണേ
നൃസിംഹത്വേ ബിഭ്രദ്വരദ ബിഭരാമാസിഥ ജഗത് ॥ 66 ॥
ദൈത്യൌദാര്യേന്ദ്രയാച്ഞാവിഹതിമപനയന്‍ വാമനോഽര്‍ഥീ ത്വമാസീഃ
വിക്രാന്തേ പാദപദ്മേ ത്രിജഗദണുസമം പാംസുലീകൃത്യ ലില്യേ ।
നാഭീപദ്മശ്ച മാനക്ഷമമിവ ഭുവനഗ്രാമമന്യം സിസൃക്ഷുഃ
തസ്ഥൌ രങ്ഗേന്ദ്ര വൃത്തേ തവ ജയമുഖരോ ദിണ്ഡിമസ്തത്ര വേദഃ ॥ 67 ॥
ഭവാന്‍ രാമോ ഭൂത്വാ പരശുപരികര്‍മാ ഭൃഗുകുലാ-
ദലാവീദ്ഭൂപാലാന്‍ പിതൃഗണമതാര്‍പ്സീത്തദസൃജാ ।
ഭുവോ ഭാരാക്രാന്തം ലഘു തലമുപാചീക്ലൃപദിതി
ദ്വിഷാമുഗ്രമ്പശ്യോഽപ്യനഘ മമ മാ ജീഗണദഘം ॥ 68 ॥
മനുജസമയം കൃത്വാ നാഥാവതേരിഥ പദ്മയാ
ക്വചന വിപിനേ സാ ചേദന്തര്‍ധിനര്‍മ വിനിര്‍മമേ ।
കിമഥ ജലധിം ബധ്വാ രക്ഷോ വിധീശവരോദ്ധതം
ബലിമുഖകുലോച്ഛിഷ്ടം കുര്‍വന്‍ രിപും നിരപത്രയഃ ॥ 69 ॥ ॥ ॥।ത്രപഃ?
യദ്യൂതേ വിജയാപദാനഗണനാ കാലിങ്ഗദന്താങ്കുരൈഃ
യദ്വിശ്ലേഷലവോഽപി കാലിയഭുവേ കോലാഹലായാഭവത് ।
ദൂത്യേനാപി ച യസ്യ ഗോപവനിതാഃ കൃഷ്ണാഗസാം വ്യസ്മരന്‍
തം ത്വാം ക്ഷേമകൃഷീബലം ഹലധരം രങ്ഗേശ ഭക്താസ്മഹേ ॥ 70 ॥
ആകണ്ഠവാരിഭരമന്ഥരമേഘദേശ്യം
പീതാംബരം കമലലോചനപഞ്ചഹേതി ।
ബ്രഹ്മ സ്തനന്ധയമയാചത ദേവകീ ത്വാം
ശ്രീരങ്ഗകാന്ത സുതകാംയതി കാഽപരൈവം ॥ 71 ॥
ശൈലോഽഗ്നിശ്ച ജലാംബഭൂവ മുനയോ മൂഢാംബഭൂവുര്‍ജഡാഃ
പ്രാജ്ഞാമാസുരഗാസ്സഗോപമമൃതാമാസുര്‍മഹാശീവിഷാഃ ।
ഗോവ്യാഘ്രാസ്സഹജാംബഭൂവുരപരേ ത്വന്യാംബഭൂവുഃ പ്രഭോ
ത്വം തേഷ്വന്യതമാംബഭൂവിഥ ഭവദ്വേണുക്വണോന്‍മാഥനേ ॥ 72 ॥
കല്‍കിതനുര്‍ധരണീം ലഘയിഷ്യന്‍ കലികലുഷാന്‍ വിലുനാസി പുരാ ത്വം ।
രങ്ഗനികേത ലുനീഹി ലുനീഹീത്യഖിലമരുന്തുദമദ്യ ലുനീഹി ॥ 73 ॥
ആസ്താം തേ ഗുണരാശിവദ്ഗുണപരീവാഹാത്മനാം ജന്‍മനാം
സങ്ഖ്യാ ഭൌമനികേതനേഷ്വപി കുടീകുഞ്ജേശൂ രങ്ഗേശ്വര ।
അര്‍ച്യസ്സര്‍വസഹിഷ്ണുരര്‍ചകപരാധീനാഖിലാത്മസ്ഥിതിഃ
പ്രീണീഷേ ഹൃദയാലുഭിസ്തവ തതശ്ശീലാജ്ജഡീഭൂയതേ ॥ 74 ॥
ശ്രീമദ്വ്യോമ നസീമ വാങ്മനസയോസ്സര്‍വേഽവതാരാഃ ക്വചിത്
കാലേ വിശ്വജനീനമേതദിതിധീഃ ശ്രീരങ്ഗധാമന്യഥ ।
ആര്‍തസ്വാഗതികൈഃ കൃപാകലുഷിതൈരാലോകിതൈരാര്‍ദ്രയന്‍
വിശ്വത്രാണവിമര്‍ശനസ്ഖലിതയാ നിദ്രാസി ജാഗര്യയാ ॥ 75 ॥
സര്‍ഗാഭ്യാസവിശാലയാ നിജധിയാ ജാനന്നനന്തേശയം
ഭാരത്യാ സഹധര്‍മചാരരതയാ സ്വാധീനസങ്കീര്‍തനഃ ।
കല്‍പാനേവ ബഹൂന്‍ കമണ്ഡലുഗലദ്ഗങ്ഗാപ്ലുതോഽപൂജയ-
ദ്ബ്രഹ്മാ ത്വാം മുഖലോചനാഞ്ജലിപുടൈഃ പദ്മൈരിവാഽവര്‍ജിതൈഃ ॥ 76 ॥
മനുകുലമഹീപാലവ്യാനംരമൌലിപരമ്പരാ-
മണിമകരികാരോചിര്‍നീരാജിതാങ്ഘ്രിസരോരുഹഃ ।
സ്വയമഥ വിഭോ സ്വേന ശ്രീരങ്ഗധാമനി മൈഥിലീ-
രമണവപുഷാ സ്വാര്‍ഹാണ്യാരാധനാന്യസി ലംഭിതഃ ॥ 77 ॥
മന്വന്വവായേ ദ്രുഹിണേ ച ധന്യേ വിഭീഷണേനൈവ പുരസ്കൃതേന ।
ഗുണൈര്‍ദരിദ്രാണമിമം ജനം ത്വം മധ്യേസരിന്നാഥ സുഖാകരോഷി ॥ 78 ॥
തേജഃ പരം തത്സവിതുര്‍വരേണ്യം ധാംനാ പരേണാപ്രണഖാത്സുവര്‍ണാം ।
ത്വാം പുണ്ഡരീകേക്ഷണമാമനന്തി ശ്രീരങ്ഗനാഥം തമുപാസിഷീയ ॥ 79 ॥
ആത്മാഽസ്യ ഗന്തുഃ പരിതസ്ഥുഷശ്ച മിത്രസ്യ ചക്ഷുര്‍വരുണസ്യ ചാഗ്നേഃ ।
ലക്ഷ്ംയാ സഹൌത്പത്തികഗാഢബന്ധം പശ്യേമ രങ്ഗേ ശരദശ്ശതം ത്വാം ॥ 80 ॥
യസ്യാസ്മി പത്യുര്‍ന തമന്തരേമി ശ്രീരങ്ഗതുങ്ഗായതനേ ശയാനം ।
സ്വഭാവദാസ്യേന ച യോഽഹമസ്മി സ സന്‍ യജേ ജ്ഞാനമയൈര്‍മഖൈസ്തം ॥ 81 ॥
ആയുഃ പ്രജാനാമമൃതം സുരാണാം രങ്ഗേശ്വരം ത്വാം ശരണം പ്രപദ്യേ ।
മാം ബ്രഹ്മണേഽസ്മൈ മഹസേ തദര്‍ഥം പ്രത്യഞ്ചമേനം യുനജൈ പരസ്മൈ ॥ 82 ॥
ആര്‍തിം തിതീര്‍ഷുരഥ രങ്ഗപതേ ധനായന്‍ ആത്മംഭരിര്‍വിവിദിഷുര്‍നിജദാസ്യകാംയന്‍ ।
ജ്ഞാനീത്യമൂന്‍ സമമഥാസ്സമമത്യുദാരാന്‍ ഗീതാസു ദേവ ഭവദാശ്രയണോപകാരാന്‍ ॥ 83 ॥
നിത്യം കാംയം പരമപി കതിചിത്ത്വയ്യധ്യാത്മസ്വമതിഭിരമമാഃ ।
ന്യസ്യാസങ്ഗാ വിദധതി വിഹിതം ശ്രീരങ്ഗേന്ദോ വിദധതി ന ച തേ ॥ 84 ॥
പ്രത്യഞ്ചം സ്വം പഞ്ചവിംശം പരാചസ്സഞ്ചക്ഷാണാസ്തത്ത്വരാശേര്‍വിവിച്യ ।
യുഞ്ജാനാശ്ചര്‍തംഭരായാം സ്വബുദ്ധൌ സ്വം വാ ത്വാം വാ രങ്ഗനാഥാഽപ്നുവന്തി ॥ 85 ॥
അഥ മൃദിതകഷായാഃ കേചിദാജാനദാസ്യ-
ത്വരിതശിഥിലചിത്താഃ കീര്‍തിചിന്താനമസ്യാഃ ।
വിദധതി നനു പാരം ഭക്തിനിഘ്നാ ലഭന്തേ
ത്വയി കില തതമേ ത്വം തേഷു രങ്ഗേന്ദ്ര കിം തത് ॥ 86 ॥
ഉപാദത്തേ സത്താസ്ഥിതിനിയമനാദ്യൈശ്ചിദചിതൌ
സ്വമുദ്ദിശ്യ ശ്രീമാനിതി വദതി വാഗൌപനിഷദീ ।
ഉപായോപേയത്വേ തദിഹ തവ തത്ത്വം ന തു ഗുണാ-
വതസ്ത്വാം ശ്രീരങ്ഗേശയ ശരണമവ്യാജമഭജം ॥ 87 ॥
പടുനൈകവരാടികേവ ക്ലൃപ്താ സ്ഥലയോഃ കാകണികാസുവര്‍ണകോട്യോഃ ।
ഭവമോക്ഷണയോസ്ത്വയൈവ ജന്തുഃ ക്രിയതേ രങ്ഗനിധേ ത്വമേവ പാഹി ॥ 88 ॥
ജ്ഞാനക്രിയാഭജനസമ്പദകിഞ്ചനോഽഹ-
മിച്ഛാധികാരശകനാനുശയാനഭിജ്ഞഃ ।
രങ്ഗേശ പൂര്‍ണവൃനശ്ശരണം ഭവേതി
മൌഖ്യാദ്ബ്രവീമി മനസാ വിഷയാകുലേന ॥ 89 ॥
ത്വയി സതി പുരുസാഹര്‍ഥേ മത്പരേ ചാഹമാത്മ-
ക്ഷയകരകുഹനാര്‍ഥാഞ്ഛ്രദ്ദധദ്രങ്ഗചന്ദ്ര ।
ജനമഖിലമഹംയുര്‍വഞ്ചയാമി ത്വദാത്മ-
പ്രതിമഭവദനന്യജ്ഞാനിവദ്ദേശികസ്സന്‍ ॥ 90 ॥
അതിക്രാമന്നാജ്ഞാം തവ വിധിനിഷേധേഷു ഭവതേഽപി
അഭിദ്രുഹ്യന്വാഗ്ധീകൃതിഭിരപി ഭക്തായ സതതം ।
അജാനന്‍ ജാനന്‍ വാ ഭവദസഹനീയാഗസി രത-
സ്സഹിഷ്ണുത്വാദ്രങ്ഗപ്രവണ തവ മാഭൂവമഭരഃ ॥ 91 ॥
പ്രകുപിതഭുജഗഫണാനാമിവ വിഷയാണമഹം ഛായാം ।
സതി തവ ഭുജസുരവിടപിപ്രച്ഛായേ രങ്ഗജീവിത ഭജാമി ॥ 92 ॥
ത്വത്സര്‍വശക്തേരധികാഽസ്മദാദേഃ കീടസ്യ ശക്തിര്‍ബത രങ്ഗബന്ധോ ।
യത്ത്വത്കൃപാമപ്യതികോശകാരന്യായാദസൌ നശ്യതി ജീവനാശം ॥ 93 ॥
ശ്രീരങ്ഗേശ ത്വദ്ഗുണാനാമിവാസ്മദ്ദോഷാണാം കഃ പാരദൃശ്വാ യതോഽഹം ।
ഓഘേ മോഘോദന്യവത്ത്വദ്ഗുണാനാം തൃഷ്ണാപൂരം വര്‍ഷതാം നാസ്മി പാത്രം ॥ 94 ॥
ത്വം ചേന്‍മനുഷ്യാദിഷു ജായമാനസ്തത്കര്‍മപാകം കൃപയോപഭുങ്ക്ഷേ ।
ശ്രീരങ്ഗശായിന്‍ കുശലേതരാഭ്യാം ഭൂയോഽഭിഭൂയേമഹി കസ്യ ഹേതോഃ ॥ 95 ॥
ക്ഷമാ സാപരധേഽനുതാപിന്യുപേയാ കഥം സാപരാധേഽപി ദൃപ്തേ മയി സ്യാത് ।
തഥാപ്യത്ര രങ്ഗാധിനാഥാനുതാപവ്യപായം ക്ഷമേതാതിവേലാ ക്ഷമാ തേ ॥ 96 ॥
ബലിഭുജി ശിശുപാലേ താദൃഗാഗസ്കരേ വാ
ഗുനലവസഹവാസാത്ത്വത്ക്ഷമാ സങ്കുചന്തീ ।
മയി ഗുണപരമാണൂദന്തചിന്താനഭിജ്ഞേ
വിഹരതു വരദാസൌ സര്‍വദാ സാര്‍വഭൌമീ ॥ 97 ॥
ദയാ പരവ്യസനഹരാ ഭവവ്യഥാ സുഖായതേ മമ തദഹം ദയാതിഗഃ ।
തഥാഽപ്യസൌ സുഖയതി ദുഃഖമിത്യതഃ ദയസ്വ മാം ഗുണമയ രങ്ഗമന്ദിര ॥ 98 ॥
ഗര്‍ഭജന്‍മജരാമൃതിക്ലേശകര്‍മഷഡൂര്‍മിഗഃ ।
ശ്വേവ ദേവവഷട്കൃതം ത്വാം ശ്രിയോഽര്‍ഹമകാമയേ ॥ 99 ॥
അനുകൃത്യ പൂര്‍വപുംസഃ രങ്ഗനിധേ വിനയഡംഭതോഽമുഷ്മാത് ।
ശുന ഇവ മമ വരമൃദ്ധേഃ ഉപഭോഗസ്ത്വദ്വിതീര്‍ണായാഃ ॥ 100 ॥
സകൃത്പ്രപന്നായ തവാഹമസ്മീത്യായാചതേ ചാഭയദീക്ഷമാണം ।
ത്വാമപ്യപാസ്യാഹമഹംഭവാമി രങ്ഗേശ വിസ്രംഭവിവേകരേകാത് ॥ 101 ॥
തവ ഭരോഽഹമകാരിഷി ധാര്‍മികൈശ്ശരണമിത്യപി വാചമുദൈരിരം ।
ഇതി സസാക്ഷികയന്നിദമദ്യ മാം കുരു ഭരം തവ രങ്ഗധുരന്ധര ॥ 102 ॥
ദയാഽന്യേഷാം ദുഃഖാപ്രസഹനമനന്യോഽസി സകലൈഃ
ദയാലുസ്ത്വം നാതഃ പ്രണമദപരാധാനവിദുഷഃ ।
ക്ഷമാ തേ രങ്ഗേന്ദോ ഭവതി ന തരാം നാഥ ന തമാം
തവൌദാര്യം യസ്മാത്തവ വിഭവമര്‍ഥിസ്വമമഥാഃ ॥ 103 ॥
ഗുണതുങ്ഗതയാ തവ രങ്ഗപതേ ഭൃശനിംനമിമം ജനമുന്നമയ ।
യദപേക്ഷ്യമപേക്ഷിതുരസ്യ ഹി തത്പരിപൂരണമീശിതുരീശ്വരതാ ॥ 104 ॥
ത്വം മീനപാനീയനയേന കര്‍മധീഭക്തിവൈരാഗ്യജുഷോ വിഭര്‍ഷി ।
രങ്ഗേശ മാം പാസി മിതമ്പചം യത്പാനീയശാലം മരുഭൂഷു തത്സ്യാത് ॥ 105 ॥
ഇതി ശ്രീ രങ്ഗരാജസ്തവേ ഉത്തരശതകം സമാപ്തം ।
ഇതി ശ്രീപരാശരഭട്ടവിരചിതം ശ്രീരങ്ഗരാജസ്തവം സമ്പൂര്‍ണം ।