॥ Goraksha Ashatakam 2 Tamil Lyrics ॥
॥ கோ³ரக்ஷஶதகம் 2 ॥
ஶ்ரீகு³ரும் பரமாநந்த³ம் வந்தே³ ஸ்வாநந்த³விக்³ரஹம் ।
யஸ்ய ஸந்நித்⁴யமாத்ரேண சிதா³நந்தா³யதே தநு: ॥ 1 ॥
அந்தர்நிஶ்சலிதாத்மதீ³பகலிகாஸ்வாதா⁴ரப³ந்தா⁴தி³பி:⁴
யோ யோகீ³ யுக³கல்பகாலகலநாத் த்வம் ஜஜேகீ³யதே ।
ஜ்ஞாநாமோத³மஹோத³தி:⁴ ஸமப⁴வத்³யத்ராதி³நாத:² ஸ்வயம்
வ்யக்தாவ்யக்தகு³ணாதி⁴கம் தமநிஶம் ஶ்ரீமீநநாத²ம் ப⁴ஜே ॥ 2 ॥
நமஸ்க்ருʼத்ய கு³ரும் ப⁴க்த்யா கோ³ரக்ஷோ ஜ்ஞாநமுத்தமம் ।
அபீ⁴ஷ்டம் யோகி³நாம் ப்³ரூதே பரமாநந்த³காரகம் ॥ 3 ॥
கோ³ரக்ஷ: ஶதகம் வக்தி யோகி³நாம் ஹிதகாம்யயா ।
த்⁴ருவம் யஸ்யாவபோ³தே⁴ந ஜாயதே பரமம் பத³ம் ॥ 4 ॥
ஏதத்³விமுக்திஸோபாநமேதத் காலஸ்ய வஞ்சநம் ।
யத்³வ்யாவ்ருʼத்தம் மநோ மோஹாத்³ ஆஸக்தம் பரமாத்மநி ॥ 5 ॥
த்³விஜஸேவிதஶாக²ஸ்ய ஶ்ருதிகல்பதரோ: ப²லம் ।
ஶமநம் ப⁴வதாபஸ்ய யோக³ம் ப⁴ஜதி ஸஜ்ஜந: ॥ 6 ॥
ஆஸநம் ப்ராணஸம்யாம: ப்ரத்யாஹாரோঽத² தா⁴ரணா ।
த்⁴யாநம் ஸமாதி⁴ரேதாநி யோகா³ங்கா³நி ப⁴வந்தி ஷட் ॥ 7 ॥
ஆஸநாநி து தாவந்தி யாவத்யோ ஜீவஜாதய: ।
ஏதேஷாமகி²லாந்பே⁴தா³ந்விஜாநாதி மஹேஶ்வர: ॥ 8 ॥
சதுராஶீதிலக்ஷாணாம் ஏகமேகமுதா³ஹ்ருʼதம் ।
தத: ஶிவேந பீடா²நாம் ஷோடே³ஶாநம் ஶதம் க்ருʼதம் ॥ 9 ॥
ஆஸநேப்⁴ய: ஸமஸ்தேப்⁴யோ த்³வயமேவ விஶிஷ்யதே ।
ஏகம் ஸித்³தா⁴ஸநம் ப்ரோக்தம் த்³விதீயம் கமலாஸநம் ॥ 10 ॥
யோநிஸ்தா²நகமங்க்⁴ரிமூலக⁴டிதம் க்ருʼத்வா த்³ருʼட⁴ம் விந்யஸே
ந்மேட்⁴ரே பாத³மதை²கமேவ நியதம் க்ருʼத்வா ஸமம் விக்³ரஹம் ।
ஸ்தா²ணு: ஸம்யமிதேந்த்³ரியோঽசலத்³ருʼஶா பஶ்யந் ப்⁴ருவோரந்தரம்
ஏதந் மோக்ஷகவாடபே⁴த³ஜநகம் ஸித்³தா⁴ஸநம் ப்ரோச்யதே ॥ 11 ॥
வாமோரூபரி த³க்ஷிணம் ஹி சரணம் ஸம்ஸ்தா²ப்ய வாமம் ததா²
த³க்ஷோரூபரி பஶ்சிமேந விதி⁴நா த்⁴ருʼத்வா கராப்⁴யாம் த்³ருʼட⁴ம் ।
அங்கு³ஷ்டௌ² ஹ்ருʼத³யே நிதா⁴ய சிபு³கம் நாஸாக்³ரமாலோகயே
தே³தத்³வ்யாதி⁴விகாரஹாரி யமிநாம் பத்³மாஸநம் ப்ரோச்யதே ॥ 12 ॥
ஷட்சக்ரம் ஷோட³ஶாதா⁴ரம் த்ரிலக்ஷம் வ்யோமபஞ்சகம் ।
ஸ்வதே³ஹே யே ந ஜாநந்தி கத²ம் ஸித்⁴யந்தி யோகி³ந: ॥ 13 ॥
ஏகஸ்தம்ப⁴ம் நவத்³வாரம் க்³ருʼஹம் பஞ்சாதி⁴தை³வதம் ।
ஸ்வதே³ஹம் யே ந ஜாநந்தி கத²ம் ஸித்⁴யந்தி யோகி³ந: ॥ 14 ॥
சதுர்த³லம் ஸ்யாதா³தா⁴ர: ஸ்வாதி⁴ஷ்டா²நம் ச ஷட்த³லம் ।
நாபௌ⁴ த³ஶத³லம் பத்³மம் ஸூர்யஸங்க்²யத³லம் ஹ்ருʼதி³ ॥ 15 ॥
கண்டே² ஸ்யாத் ஷோட³ஶத³லம் ப்⁴ரூமத்⁴யே த்³வித³லம் ததா² ।
ஸஹஸ்ரத³லமாக்²யாதம் ப்³ரஹ்மரந்த்⁴ரே மஹாபதே² ॥ 16 ॥
ஆதா⁴ர: ப்ரத²மம் சக்ரம் ஸ்வாதி⁴ஷ்டா²நம் த்³விதீயகம் ।
யோநிஸ்தா²நம் த்³வயோர்மத்⁴யே காமரூபம் நிக³த்³யதே ॥ 17 ॥
ஆதா⁴ராக்²யம் கு³த³ஸ்தா²நம் பங்கஜம் ச சதுர்த³லம் ।
தந்மத்⁴யே ப்ரோச்யதே யோநி: காமாக்ஷா ஸித்³த⁴வந்தி³தா ॥ 18 ॥
யோநிமத்⁴யே மஹாலிங்க³ம் பஶ்சிமாபி⁴முக²ம் ஸ்தி²தம் ।
மஸ்தகே மணிவத்³பி³ம்ப³ம் யோ ஜாநாதி ஸ யோக³வித் ॥ 19 ॥
தப்தசாமீகராபா⁴ஸம் தடி³ல்லேகே²வ விஸ்பு²ரத் ।
த்ரிகோணம் தத்புரம் வஹ்நேரதோ⁴மேட்⁴ராத் ப்ரதிஷ்டி²தம் ॥ 20 ॥
யத்ஸமாதௌ⁴ பரம் ஜ்யோதிரநந்தம் விஶ்வதோமுக²ம் ।
தஸ்மிந் த்³ருʼஷ்டே மஹாயோகே³ யாதாயாதம் ந வித்³யதே ॥ 21 ॥
ஸ்வஶப்³தே³ந ப⁴வேத் ப்ராண: ஸ்வாதி⁴ஷ்டா²நம் ததா³ஶ்ரய: ।
ஸ்வாதி⁴ஷ்டா²நாத் பதா³த³ஸ்மாந்மேட்⁴ரமேவாபி⁴தீ⁴யதே ॥ 22 ॥
தந்துநா மணிவத் ப்ரோதோ யத்ர கந்த:³ ஸுஷும்ணயா ।
தந்நாபி⁴மண்ட³லம் சக்ரம் ப்ரோச்யதே மணிபூரகம் ॥ 23 ॥
த்³வாத³ஶாரே மஹாசக்ரே புண்யபாபவிவர்ஜிதே ।
தாவஜ் ஜீவோ ப்⁴ரமத்யேவ யாவத் தத்த்வம் ந விந்த³தி ॥ 24 ॥
ஊர்த்⁴வம் மேட்⁴ராத்³ அதோ⁴ நாபே:⁴ கந்த³யோநி: க²கா³ண்ட³வத் ।
தத்ர நாட்³ய: ஸமுத்பந்நா: ஸஹஸ்ராணாம் த்³விஸப்ததி: ॥ 25 ॥
தேஷு நாடி³ஸஹஸ்ரேஷு த்³விஸப்ததிருதா³ஹ்ருʼதா: ।
ப்ரதா⁴நம் ப்ராணவாஹிந்யோ பூ⁴யஸ்தத்ர த³ஶ ஸ்ம்ருʼதா: ॥ 26 ॥
இடா³ ச பிங்க³லா சைவ ஸுஷும்ணா ச த்ருʼதீயகா ।
கா³ந்தா⁴ரீ ஹஸ்திஜிஹ்வா ச பூஷா சைவ யஶஸ்விநீ ॥ 27 ॥
அலம்பு³ஷா குஹூஶ் சைவ ஶங்கி²நீ த³ஶமீ ஸ்ம்ருʼதா ।
ஏதந் நாடி³மயம் சக்ரம் ஜ்ஞாதவ்யம் யோகி³பி:⁴ ஸதா³ ॥ 28 ॥
இடா³ வாமே ஸ்தி²தா பா⁴கே³ பிங்க³லா த³க்ஷிணே ததா² ।
ஸுஷும்ணா மத்⁴யதே³ஶே து கா³ந்தா⁴ரீ வாமசக்ஷுஷி ॥ 29 ॥
த³க்ஷிணே ஹஸ்திஜிஹ்வா ச பூஷா கர்ணே ச த³க்ஷிணே ।
யஶஸ்விநீ வாமகர்ணே சாஸநே வாப்யலம்பு³ஷா ॥ 30 ॥
குஹூஶ்ச லிங்க³தே³ஶே து மூலஸ்தா²நே ச ஶங்கி²நீ ।
ஏவம் த்³வாரமுபாஶ்ரித்ய திஷ்ட²ந்தி த³ஶநாடி³கா: ॥ 31 ॥
இடா³பிங்க³லாஸுஷும்ணா ச திஸ்ரோ நாட்³யுதா³ஹ்ருʼதா: ।
ஸததம் ப்ராணவாஹிந்ய: ஸோமஸூர்யாக்³நிதே³வதா: ॥ 32 ॥
ப்ராணோঽபாந: ஸமாநஶ் சோதா³நோ வ்யாநௌ ச வாயவ: ।
நாக:³ கூர்மோঽத² க்ருʼகரோ தே³வத³த்தோ த⁴நஞ்ஜய: ॥ 33 ॥
ஹ்ருʼதி³ ப்ராணோ வஸேந் நித்யம் அபாநோ கு³த³மண்ட³லே ।
ஸமாநோ நாபி⁴தே³ஶே ஸ்யாது³தா³ந: கண்ட²மத்⁴யக:³ ॥ 34 ॥
உத்³கா³ரே நாகா³க்²யாத: கூர்ம உந்மீலநே ஸ்ம்ருʼத: ।
க்ருʼகர: க்ஷுதக்ருʼஜ்ஜ்ஞேயோ தே³வத³த்தோ விஜ்ருʼம்ப⁴ணே ॥ 35 ॥
ந ஜஹாதி ம்ருʼதம் சாபி ஸர்வவ்யாபி த⁴நஞ்ஜய: ।
ஏதே ஸர்வாஸு நாடீ³ஷு ப்⁴ரமந்தே ஜீவரூபிண: ॥ 36 ॥
ஆக்ஷிப்தோ பு⁴ஜத³ண்டே³ந யதோ²ச்சலதி கந்து³க: ।
ப்ராணாபாநஸமாக்ஷிப்தஸ்ததா² ஜீவோ ந திஷ்ட²தி ॥ 38 ॥
ப்ராணாபாநவஶோ ஜீவோ ஹ்யத⁴ஶ் சோர்த்⁴வம் ச தா⁴வதி ।
வாமத³க்ஷிணமார்கே³ண சஞ்சலத்வாந் ந த்³ருʼஶ்யதே ॥ 39 ॥
ரஜ்ஜுப³த்³தோ⁴ யதா² ஶ்யேநோ க³தோঽப்யாக்ருʼஷ்யதே ।
கு³ணப³த்³த⁴ஸ்ததா² ஜீவ: ப்ராணாபாநேந க்ருʼஷ்யதே ॥ 40 ॥
அபாந: கர்ஷதி ப்ராண: ப்ராணோঽபாநம் ச கர்ஷதி ।
ஊர்த்⁴வாத:⁴ ஸம்ஸ்தி²தாவேதௌ ஸம்யோஜயதி யோக³வித் ॥ 41 ॥
ஹகாரேண ப³ஹிர்யாதி ஸகாரேண விஶேத்புந: ।
ஹம்ஸஹம்ஸேத்யமும மந்த்ரம் ஜீவோ ஜபதி ஸர்வதா³ ॥ 42 ॥
ஷட்ஶதாநித்வஹோராத்ரே ஸஹஸ்ராண்யேகவிம்ஶதி: ।
ஏதத்ஸங்க்²யாந்விதம் மந்த்ர ஜீவோ ஜபதி ஸர்வதா³ ॥ 43 ॥
அஜபா நாம கா³யத்ரீ யோகி³நாம் மோக்ஷதா³யிநீ ।
அஸ்யா: ஸங்கல்பமாத்ரேண ஸர்வபாபை: ப்ரமுச்யதே ॥ 44 ॥
அநயா ஸத்³ருʼஶீ வித்³யா அநயா ஸத்³ருʼஶோ ஜப: ।
அநயா ஸத்³ருʼஶம் ஜ்ஞாநம் ந பூ⁴தம் ந ப⁴விஷ்யதி ॥ 45 ॥
குந்த³லிந்யா: ஸமுத்³பூ⁴தா கா³யத்ரீ ப்ராணதா⁴ரிணீ ।
ப்ராணவித்³யா மஹாவித்³யா யஸ்தாம் வேத்தி ஸ யோக³வித் ॥ 46 ॥
கந்தோ³ர்த்⁴வம் குண்ட³லீ ஶக்திரஷ்டதா⁴ குண்ட³லாக்ருʼதி ।
ப்³ரஹ்மத்³வாரமுக²ம் நித்யம் முகே²நாச்சா²த்³ய திஷ்ட²தி ॥ 47 ॥
யேந த்³வாரேண க³ந்தவ்யம் ப்³ரஹ்மஸ்தா²நமநாமயம் ।
முகே²நாச்சா²த்³ய தத்³த்³வாரம் ப்ரஸுப்தா பரமேஶ்வரீ ॥ 48 ॥
ப்ரபு³த்³தா⁴ வஹ்நியோகே³ந மநஸா மாருதா ஹதா ।
ஸூசீவத்³ கு³ணமாதா³ய வ்ரஜத்யூர்த்⁴வம் ஸுஷும்ணயா ॥ 49 ॥
ப்ரஸ்பு²ரத்³பு⁴ஜகா³காரா பத்³மதந்துநிபா⁴ ஶுபா⁴ ।
ப்ரபு³த்³தா⁴ வஹ்நியோகே³ந வ்ரஜதி ஊர்த்⁴வம் ஸுஷும்ணயா ॥ 50 ॥
உத்³க⁴டயேத்கபாதம் து யதா² குஞ்சிகயா ஹடா²த் ।
குண்ட³லிந்யா ததா² யோகீ³ மோக்ஷத்³வாரம் ப்ரபே⁴த³யேத் ॥ 51 ॥
க்ருʼத்வா ஸம்புடிதௌ கரௌ த்³ருʼட⁴தரம் ப³த்³த⁴வாது பத்³மாஸநம்
கா³ட⁴ம் வக்ஷஸி ஸந்நிதா⁴ய சிபு³கம் த்⁴யாத்வா தத்ப்ரேக்ஷிதம் ।
வாரம் வாரமபாநமூர்த்⁴வமநிலம் ப்ரோச்சாரயேத்பூரிதம்
முஞ்சந்ப்ராணமுபைதி போ³த⁴மதுலம் ஶக்திப்ரபோ³தா⁴ந்நர: ॥ 52 ॥
அங்கா³நாம் மர்த³நம் குர்யாச்ச்²ரமஜாதேந வாரிணா ।
கட்வாம்லலவணத்யாகீ³ க்ஷீரபோ⁴ஜநமாசரேத் ॥ 53 ॥
ப்³ரஹ்மசாரீ மிதாஹாரீ த்யாகீ³ யோக³பராயண: ।
அப்³தா³து³ர்த்⁴வம் ப⁴வேத்ஸித்³தோ⁴ நாத்ர கார்யா விசாரணா ॥ 54 ॥
ஸுஸ்நிக்³த⁴ம் மது⁴ராஹாரம் சதுர்தா²ம்ஶவிவர்ஜிதம் ।
பு⁴ஜ்யதே ஸுரஸம்ப்ரீத்யை மிதாஹார: ஸ உச்யதே ॥ 55 ॥
கந்தோ³ர்த்⁴வம் குண்ட³லீ ஶக்திரஷ்டதா⁴ குண்ட³லாக்ருʼதி: ।
ப³ந்த⁴நாய ச மூடா⁴நாம் யோகி³நாம் மோக்ஷதா³ ஸ்ம்ருʼதா ॥ 56 ॥
மஹாமுத்³ராம் நமோமுத்³ராமுட்³டி³யாநம் ஜலந்த⁴ரம் ।
மூலப³ந்த⁴ம் ச யோ வேத்தி ஸ யோகீ³ ஸித்³தி⁴பா⁴ஜநம் ॥ 57 ॥
ஶோத⁴நம் நாடி³ஜாலஸ்ய சாலநம் சந்த்³ரஸூர்யயோ: ।
ரஸாநாம் ஶோஷணம் சைவ மஹாமுத்³ராபி⁴தீ⁴யதே ॥ 58 ॥
வக்ஷோந்யஸ்தஹநுர்நிபீட்³ய ஸுசிரம் யோநிம் ச வாமாங்க்⁴ரிணா
ஹஸ்தாப்⁴யாமவதா⁴ரிதம் ப்ரஸரிதம் பாத³ம் ததா² த³க்ஷிணம் ।
ஆபூர்ய ஶ்வஸநேந குக்ஷியுக³ளம் ப³த்³த்⁴வா ஶநை ரேசயேத்³
ஏஷா பாதகநாஶிநீ ஸுமஹதீ முத்³ரா ந்ரூʼணாம் ப்ரோச்யதே ॥ 59 ॥
சந்த்³ராங்கே³ந ஸமப்⁴யஸ்ய ஸூர்யாங்கே³நாப்⁴யஸேத் புந: ।
யாவத் துல்யா ப⁴வேத்ஸங்க்²யா ததோ முத்³ராம் விஸர்ஜயேத் ॥ 60 ॥
ந ஹி பத்²யமபத்²யம் வா ரஸா: ஸர்வேঽபி நீரஸா: ।
அபி முக்தம் விஷம் கோ⁴ரம் பீயூஷமபி ஜீர்யதே ॥ 61 ॥
க்ஷயகுஷ்ட²கு³தா³வர்தகு³ல்மாஜீர்ணபுரோக³மா: ।
ரோகா³ஸ்தஸ்ய க்ஷயம் யாந்தி மஹாமுத்³ராம் து யோঽப்⁴யஸேத் ॥ 62 ॥
கதி²தேயம் மஹாமுத்³ரா மஹாஸித்³தி⁴கரா ந்ரூʼணாம் ।
கோ³பநீயா ப்ரயத்நேந ந தே³யா யஸ்ய கஸ்யசித் ॥ 63 ॥
கபாலகுஹரே ஜிஹ்வா ப்ரவிஷ்டா விபரீதகா³ ।
ப்⁴ருவோரந்தர்க³தா த்³ருʼஷ்டிர்முத்³ரா ப⁴வதி கே²சரீ ॥ 64 ॥
ந ரோகோ³ மரணம் தந்த்³ரா ந நித்³ரா ந க்ஷுதா⁴ த்ருʼஷா ।
ந ச மூர்ச்சா² ப⁴வேத்தஸ்ய யோ முத்³ராம் வேத்தி கே²சரீம் ॥ 65 ॥
பீட்³யதே ந ஸ ரோகே³ண லிப்யதே ந ச கர்மணா ।
பா³த்⁴யதே ந ஸ காலேந யோ முத்³ராம் வேத்தி கே²சரீம் ॥ 66 ॥
சித்தம் சரதி கே² யஸ்மாஜ்ஜிஹ்வா சரதி கே² க³தா ।
தேநைஷா கே²சரீ நாம முத்³ரா ஸித்³தை⁴ர்நிரூபிதா ॥ 67 ॥
பி³ந்து³மூலம் ஶரீரம் து ஶிராஸ்தத்ர ப்ரதிஷ்டி²தா: ।
பா⁴வயந்தி ஶரீரம் யா ஆபாத³தலமஸ்தகம் ॥ 68 ॥
கே²சர்யா முத்³ரிதம் யேந விவரம் லம்பி³கோர்த்⁴வத: ।
ந தஸ்ய க்ஷரதே பி³ந்து:³ காமிந்யாலிங்கி³தஸ்ய ச ॥ 69 ॥
யாவத்³பி³ந்து:³ ஸ்தி²தோ தே³ஹே தாவத்காலப⁴யம் குத: ।
யாவத்³ப³த்³தா⁴ நபோ⁴முத்³ரா தாவத்³பி³ந்து³ர்ந க³ச்ச²தி ॥ 70 ॥
சலிதோঽபி யதா³ பி³ந்து:³ ஸம்ப்ராப்தஶ்ச ஹுதாஶநம் ।
வ்ரஜத்யூர்த்⁴வம் ஹ்ருʼத: ஶக்த்யா நிருத்³தோ⁴ யோநிமுத்³ரயா ॥ 71 ॥
ஸ புநர்த்³விவிதோ⁴ பி³ந்து:³ பண்டு³ரோ லோஹிதஸ்ததா² ।
பாண்டு³ரம் ஶுக்ரமித்யாஹுர்லோஹிதம் து மஹாராஜ: ॥ 72 ॥
ஸிந்தூ³ரத்³ரவஸங்காஶம் ரவிஸ்தா²நே ஸ்தி²தம் ரஜ: ।
ஶஶிஸ்தா²நே ஸ்தி²தோ பி³ந்து³ஸ்தயோரைக்யம் ஸுது³ர்லப⁴ம் ॥ 73 ॥
பி³ந்து:³ ஶிவோ ரஜ: ஶக்திர்பி³ந்து³மிந்தூ³ ரஜோ ரவி: ।
உப⁴யோ: ஸங்க³மாதே³வ ப்ராப்யதே பரமம் பத³ம் ॥ 74 ॥
வாயுநா ஶக்திசாரேண ப்ரேரிதம் து மஹாரஜ: ।
பி³ந்து³நைதி ஸஹைகத்வம் ப⁴வேத்³தி³வ்யம் வபுஸ்ததா³ ॥ 75 ॥
ஶுக்ரம் சந்த்³ரேண ஸம்யுக்தம் ரஜ: ஸூர்யேண ஸம்யுதம் ।
தயோ: ஸமரஸைகத்வம் யோஜாநாதி ஸ யோக³வித் ॥ 76 ॥
உட்³டீ³நம் குருதே யஸ்மாத³விஶ்ராந்தம் மஹாக²க:³ ।
உட்³டீ³யாநம் ததே³வ ஸ்யாத்தவ ப³ந்தோ⁴ঽபி⁴தீ⁴யதே ॥ 77 ॥
உத³ராத்பஶ்சிமே பா⁴கே³ ஹ்யதோ⁴ நாபே⁴ர்நிக³த்³யதே ।
உட்³டீ³யாநஸ்ய ப³ந்தோ⁴ঽயம் தத்ர ப³ந்தோ⁴ விதீ⁴யதே ॥ 78 ॥
ப³த்⁴நாதி ஹி ஸிராஜாலமதோ⁴கா³மி ஶிரோஜலம் ।
ததோ ஜாலந்த⁴ரோ ப³ந்த:⁴ கண்ட²து:³கௌ²க⁴நாஶந: ॥ 79 ॥
ஜாலந்த⁴ரே க்ருʼதே ப³ந்தே⁴ கண்ட²ஸங்கோசலக்ஷணே ।
பீயூஷம் ந பதத்யக்³நௌ ந ச வாயு: ப்ரகுப்யதி ॥ 80 ॥
பார்ஷ்ணிபா⁴கே³ந ஸம்பீட்³ய யோநிமாகுஞ்சயேத்³கு³த³ம் ।
அபாநமூர்த்⁴வமாக்ருʼஷ்ய மூலப³ந்தோ⁴ঽபி⁴தீ⁴யதே ॥ 81 ॥
அபாநப்ராணயோரைக்யாத் க்ஷயாந்மூத்ரபுரீஷயோ: ।
யுவா ப⁴வதி வ்ருʼத்³தோ⁴ঽபி ஸததம் மூலப³ந்த⁴நாத் ॥ 82 ॥
பத்³மாஸநம் ஸமாருஹ்ய ஸமகாயஶிரோத⁴ர: ।
நாஸாக்³ரத்³ருʼஷ்டிரேகாந்தே ஜபேதோ³ங்காரமவ்யயம் ॥ 83 ॥
பூ⁴ர்பு⁴வ: ஸ்வரிமே லோகா: ஸோமஸூர்யாக்³நிதே³வதா: ।
யஸ்யா மாத்ராஸு திஷ்ட²ந்தி தத்பரம் ஜ்யோதிரோமிதி ॥ 84 ॥
த்ரய:காலாஸ்த்ரயோ வேதா³ஸ்த்ரயோ லோகாஸ்த்ரய: ஸ்வேரா: ।
த்ரயோதே³வா: ஸ்தி²தா யத்ர தத்பரம் ஜ்யோதிரோமிதி ॥ 85 ॥
க்ரியா சேச்சா² ததா² ஜ்ஞாநாப்³ராஹ்மீரௌத்³ரீஶ்ச வைஷ்ணவீ ।
த்ரிதா⁴ஶக்தி: ஸ்தி²தா யத்ர தத்பரம் ஜ்யோதிரோமிதி ॥ 86 ॥
ஆகாராஶ்ச ததோ²காரோமகாரோ பி³ந்து³ஸம்ஜ்ஞக: ।
திஸ்ரோமாத்ரா: ஸ்தி²தா யத்ர தத்பரம் ஜ்யோதிரோமிதி ॥ 87 ॥
வசஸா தஜ்ஜயேத்³பீ³ஜம் வபுஷா தத்ஸமப்⁴யஸேத் ।
மநஸா தத்ஸ்மரேந்நித்யம் தத்பரம் ஜ்யோதிரோமிதி ॥ 88 ॥
ஶுசிர்வாப்யஶுசிர்வாபி யோ ஜபேத்ப்ரணவம் ஸதா³ ।
லிப்யதே ந ஸ பாபேந பத்³மபத்ரமிவாம்ப⁴ஸா ॥ 89 ॥
சலே வாதே சலோ பி³ந்து³ர்நிஶ்சலே நிஶ்சலோ ப⁴வேத் ।
யோகீ³ ஸ்தா²ணுத்வமாப்நோதி ததோ வாயும் நிரோத⁴யேத் ॥ 90 ॥
யாவத்³வாயு: ஸ்தி²தோ தே³ஹே தாவஜ்ஜீவநமுச்யதே ।
மரணம் தஸ்ய நிஷ்க்ராந்திஸ்ததோ வாயும் நிரோத⁴யேத் ॥ 91 ॥
யாவத்³ப³த்³தோ⁴ மருத்³தே³ஹே யாவச்சித்தம் நிராகுலம் ।
யாவத்³த்³ருʼஷ்டிர்ப்⁴ருவோர்மத்⁴யே தாவத்காலப⁴யம் குத: ॥ 92 ॥
அத: காலப⁴யாத்³ ப்³ரஹ்மா ப்ராணாயாமபராயண: ।
யோகி³நோ முநயஶ்சைவ ததோ வாயும் நிரோத⁴யேத் ॥ 93 ॥
ஷட்த்ரிம்ஶத³ங்கு³லோஹம்ஸ: ப்ரயாணம் குருதே ப³ஹி: ।
வாமத³க்ஷிணமார்கே³ண தத: ப்ராணோঽபி⁴தீ⁴யதே ॥ 94 ॥
ஶுத்³தி⁴மேதி யதா³ ஸர்வம் நாடீ³சக்ரம் மலாகுலம் ।
ததை³வ ஜாயதே யோகீ³ ப்ராணஸங்க்³ரஹணே க்ஷம: ॥ 95 ॥
ப³த்³த⁴பத்³மாஸநோ யோகீ³ ப்ராணம் சந்த்³ரேண பூரயேத் ।
தா⁴ரயித்வா யதா²ஶக்தி பூ⁴ய: ஸூர்யேண ரேசயேத் ॥ 96 ॥
அம்ருʼதம் த³தி⁴ஸங்காஶம் கோ³க்ஷீரரஜதோபமம் ।
த்⁴யாத்வா சந்த்³ரமஸோ பி³ம்ப³ம் ப்ராணாயாமீ ஸுகீ² ப⁴வேத் ॥ 97 ॥
த³க்ஷிணோ ஶ்வாஸமாக்ருʼஷ்ய பூரயேது³த³ரம் ஶநை: ।
கும்ப⁴யித்வா விதா⁴நேந புரஶ்சந்த்³ரேண ரேசயேத் ॥ 98 ॥
ப்ரஜ்வலஜ்ஜ்வலநஜ்வாலாபுஞ்ஜமாதி³த்யமண்ட³லம் ।
த்⁴யாத்வா நாபி⁴ஸ்தி²தம் யோகீ³ ப்ராணாயாமே ஸுகீ² ப⁴வேத் ॥ 99 ॥
ப்ராணம் சோதி³ட³யா பிபே³ந்பரிமிதம் பூ⁴யோঽந்யயா ரேசயேத்
பீத்வா பிங்க³லயா ஸமீரணமதோ² ப³த்³த்⁴வா த்யஜேத்³வாமயா ।
ஸூர்யசந்த்³ரமஸோரநேந விதி⁴நா பி³ம்ப³த்³வயம் த்⁴யாயத:
ஶுத்³தா⁴ நாடி³க³ணா ப⁴வந்தி யமிநோ மாஸத்ரயாதூ³ர்த்⁴வத: ॥ 100 ॥
யதே²ஷ்ட²ம் தா⁴ரணம் வாயோரநலஸ்ய ப்ரதீ³பநம் ।
நாதா³பி⁴வ்யக்திராரோக்³யம் ஜாயதே நாடி³ஶோத⁴நாத் ॥ 101 ॥
॥ இதி ஶ்ரீ கோ³ரக்ஷநாத²ப்ரணீத: கோ³ரக்ஷஶதகம் ஸம்பூர்ணம் ॥