॥ Bodhya Geetaa Malayalam Lyrics ॥
॥ ബോധ്യഗീതാ ॥
ഭീമ ഉവാച ।
അത്രാപ്യുദാഹരന്തീമമിതിഹാസം പുരാതനം ।
ഗീതം വിദേഹരാജേന ജനകേന പ്രശാമ്യതാ ॥ 1 ॥
അനന്തം ബത മേ വിത്തം യസ്യ മേ നാസ്തി കിം ചന ।
മിഥിലായാം പ്രദീപ്തായാം ന മേ ദഹ്യതി കിം ചന ॥ 2 ॥
അത്രൈവോദാഹരന്തീമം ബോധ്യസ്യ പദസഞ്ചയം ।
നിർവേദം പ്രതി വിന്യസ്തം പ്രതിബോധ യുധിഷ്ഠിര ॥ 3 ॥
ബോധ്യം ദാന്തമൃഷിം രാജാ നഹുഷഃ പര്യപൃച്ഛത ।
നിർവേദാച്ഛാന്തിമാപന്നം ശാന്തം പ്രജ്ഞാന തർപിതം ॥ 4 ॥
ഉപദേശം മഹാപ്രാജ്ഞ ശമസ്യോപദിശസ്വ മേ ।
കാം ബുദ്ധിം സമനുധ്യായ ശാന്തശ്ചരസി നിർവൃതഃ ॥ 5 ॥
ബോധ്യ ഉവാച ।
ഉപദേശേന വർതാമി നാനുശാസ്മീഹ കഞ്ചന ।
ലക്ഷണം തസ്യ വക്ഷ്യേഽഹം തത്സ്വയം പരിമൃശ്യതാം ॥ 6 ॥
പിംഗലാ കുരരഃ സർപഃ സാരംഗാന്വേഷണം വനേ ।
ഇഷുകാരഃ കുമാരീ ച ഷഡേതേ ഗുരവോ മമ ॥ 7 ॥
ഭീമ ഉവാച ।
ആശാ ബലവതീ രാജന്നൈരാശ്യം പരമം സുഖം ।
ആശാം നിരാശാം കൃത്വാ തു സുഖം സ്വപിതി പിംഗലാ ॥ 8 ॥
സാമിഷം കുരരം ദൃഷ്ട്വാ വധ്യമാനം നിരാമിഷൈഃ ।
ആമിഷസ്യ പരിത്യാഗാത് കുരരഃ സുഖമേധതേ ॥ 9 ॥
ഗൃഹാരംഭോ ഹി ദുഃഖായ ന സുഖായ കദാചന ।
സർപഃ പരകൃതം വേശ്മ പ്രവിശ്യ സുഖമേധതേ ॥ 10 ॥
സുഖം ജീവന്തി മുനയോ ഭൈക്ഷ്യവൃത്തിം സമാശ്രിതാഃ ।
അദ്രോഹേനൈവ ഭൂതാനാം സാരംഗാ ഇവ പക്ഷിണഃ ॥ 11 ॥
ഇഷുകാരോ നരഃ കശ്ചിദിഷാവാസക്തമാനസഃ ।
സമീപേനാപി ഗച്ഛന്തം രാജാനം നാവബുദ്ധവാൻ ॥ 12 ॥
ബഹൂനാം കലഹോ നിത്യം ദ്വയോഃ സങ്കഥനം ഭവേത് ।
ഏകാകീ വിചരിഷ്യാമി കുമാരീശംഖകോ യഥാ ॥ 13 ॥
ഇതി ബോദ്ധ്യഗീതാ സമാപ്താ ॥
– Chant Stotra in Other Languages –
Bodhya Gita in Sanskrit – English – Bengali – Gujarati – Kannada – Malayalam – Odia – Telugu – Tamil