॥ Mahamrityunjaya Kavacha Gujarati Lyrics ॥
॥ મહામૃત્યુઞ્જયકવચમ્ ॥
શ્રી ગણેશાય નમઃ ।
ભૈરવ ઉવાચ ।
શૃણુષ્વ પરમેશાનિ કવચં મન્મુખોદિતમ્ ।
મહામૃત્યુઞ્જયસ્યાસ્ય ન દેયં પરમાદ્ભુતમ્ ॥ ૧ ॥
યં ધૃત્વા યં પઠિત્વા ચ શ્રુત્વા ચ કવચોત્તમમ્ ।
ત્રૈલોક્યાધિપતિર્ભૂત્વા સુખિતોઽસ્મિ મહેશ્વરિ ॥ ૨ ॥
તદેવવર્ણયિષ્યામિ તવ પ્રીત્યા વરાનને ।
તથાપિ પરમં તત્વં ન દાતવ્યં દુરાત્મને ॥ ૩ ॥
વિનિયોગઃ
અસ્ય શ્રીમહામૃત્યુઞ્જયકવચસ્ય શ્રીભૈરવ ઋષિઃ,
ગાયત્રીછન્દઃ, શ્રીમહામૃત્યુઞ્જયો મહારુદ્રો દેવતા,
ૐ બીજં, જૂં શક્તિઃ, સઃ કીલકં, હૌમિતિ તત્વં,
ચતુર્વર્ગસાધને મૃત્યુઞ્જયકવચપાઠે વિનિયોગઃ ।
ચન્દ્રમણ્ડલમધ્યસ્થં રુદ્રં ભાલે વિચિન્ત્ય તમ્ ।
તત્રસ્થં ચિન્તયેત્ સાધ્યં મૃત્યું પ્રાપ્તોઽપિ જીવતિ ॥ ૧ ॥
ૐ જૂં સઃ હૌં શિરઃ પાતુ દેવો મૃત્યુઞ્જયો મમ ।
ૐ શ્રીં શિવો લલાટં મે ૐ હૌં ભ્રુવૌ સદાશિવઃ ॥ ૨ ॥
નીલકણ્ઠોઽવતાન્નેત્રે કપર્દી મેઽવતાચ્છ્રુતી ।
ત્રિલોચનોઽવતાદ્ ગણ્ડૌ નાસાં મે ત્રિપુરાન્તકઃ ॥ ૩ ॥
મુખં પીયૂષઘટભૃદોષ્ઠૌ મે કૃત્તિકામ્બરઃ ।
હનું મે હાટકેશનો મુખં બટુકભૈરવઃ ॥ ૪ ॥
કન્ધરાં કાલમથનો ગલં ગણપ્રિયોઽવતુ ।
સ્કન્ધૌ સ્કન્દપિતા પાતુ હસ્તૌ મે ગિરિશોઽવતુ ॥ ૫ ॥
નખાન્ મે ગિરિજાનાથઃ પાયાદઙ્ગુલિસંયુતાન્ ।
સ્તનૌ તારાપતિઃ પાતુ વક્ષઃ પશુપતિર્મમ ॥ ૬ ॥
કુક્ષિં કુબેરવરદઃ પાર્શ્વૌ મે મારશાસનઃ ।
શર્વઃ પાતુ તથા નાભિં શૂલી પૃષ્ઠં મમાવતુ ॥ ૭ ॥
શિશ્ર્નં મે શઙ્કરઃ પાતુ ગુહ્યં ગુહ્યકવલ્લભઃ ।
કટિં કાલાન્તકઃ પાયાદૂરૂ મેઽન્ધકઘાતકઃ ॥ ૮ ॥
જાગરૂકોઽવતાજ્જાનૂ જઙ્ઘે મે કાલભૈરવઃ ।
ગુલ્ફો પાયાજ્જટાધારી પાદૌ મૃત્યુઞ્જયોઽવતુ ॥ ૯ ॥
પાદાદિમૂર્ધપર્યન્તમઘોરઃ પાતુ મે સદા ।
શિરસઃ પાદપર્યન્તં સદ્યોજાતો મમાવતુ ॥ ૧૦ ॥
રક્ષાહીનં નામહીનં વપુઃ પાત્વમૃતેશ્વરઃ ।
પૂર્વે બલવિકરણો દક્ષિણે કાલશાસનઃ ॥ ૧૧ ॥
પશ્ચિમે પાર્વતીનાથો હ્યુત્તરે માં મનોન્મનઃ ।
ઐશાન્યામીશ્વરઃ પાયાદાગ્નેય્યામગ્નિલોચનઃ ॥ ૧૨ ॥
નૈઋત્યાં શમ્ભુરવ્યાન્માં વાયવ્યાં વાયુવાહનઃ ।
ઉર્ધ્વે બલપ્રમથનઃ પાતાલે પરમેશ્વરઃ ॥ ૧૩ ॥
દશદિક્ષુ સદા પાતુ મહામૃત્યુઞ્જયશ્ચ મામ્ ।
રણે રાજકુલે દ્યૂતે વિષમે પ્રાણસંશયે ॥ ૧૪ ॥
પાયાદ્ ઓં જૂં મહારુદ્રો દેવદેવો દશાક્ષરઃ ।
પ્રભાતે પાતુ માં બ્રહ્મા મધ્યાહ્ને ભૈરવોઽવતુ ॥ ૧૫ ॥
સાયં સર્વેશ્વરઃ પાતુ નિશાયાં નિત્યચેતનઃ ।
અર્ધરાત્રે મહાદેવો નિશાન્તે માં મહોમયઃ ॥ ૧૬ ॥
સર્વદા સર્વતઃ પાતુ ૐ જૂં સઃ હૌં મૃત્યુઞ્જયઃ ।
ઇતીદં કવચં પુણ્યં ત્રિષુ લોકેષુ દુર્લભમ્ ॥ ૧૭ ॥
ફલશ્રુતિ
સર્વમન્ત્રમયં ગુહ્યં સર્વતન્ત્રેષુ ગોપિતમ્ ।
પુણ્યં પુણ્યપ્રદં દિવ્યં દેવદેવાધિદૈવતમ્ ॥ ૧૮ ॥
ય ઇદં ચ પઠેન્મન્ત્રી કવચં વાર્ચયેત્ તતઃ ।
તસ્ય હસ્તે મહાદેવિ ત્ર્યમ્બકસ્યાષ્ટ સિદ્ધયઃ ॥ ૧૯ ॥
રણે ધૃત્વા ચરેદ્યુદ્ધં હત્વા શત્રૂઞ્જયં લભેત્ ।
જયં કૃત્વા ગૃહં દેવિ સમ્પ્રાપ્સ્યતિ સુખી પુનઃ ॥ ૨૦ ॥
મહાભયે મહારોગે મહામારીભયે તથા ।
દુર્ભિક્ષે શત્રુસંહારે પઠેત્ કવચમાદરાત્ ॥ ૨૧ ॥
સર્વ તત્ પ્રશમં યાતિ મૃત્યુઞ્જયપ્રસાદતઃ ।
ધનં પુત્રાન્ સુખં લક્ષ્મીમારોગ્યં સર્વસમ્પદઃ ॥ ૨૨ ॥
પ્રાપ્નોતિ સાધકઃ સદ્યો દેવિ સત્યં ન સંશયઃ
ઇતીદં કવચં પુણ્યં મહામૃત્યુઞ્જયસ્ય તુ ।
ગોપ્યં સિદ્ધિપ્રદં ગુહ્યં ગોપનીયં સ્વયોનિવત્ ॥ ૨૩ ॥
। ઇતિ શ્રીરુદ્રયામલે તન્ત્રે શ્રીદેવીરહસ્યે
મૃત્યુઞ્જયકવચં સમ્પૂર્ણમ્ ।
– Chant Stotra in Other Languages –
Maha Mrityunjaya Kavacha in Sanskrit – English – Marathi – Bengali – Gujarati – Kannada – Malayalam – Odia – Telugu – Tamil