॥ Shiva Stuti (Narayana Pandita Krutha) Odia Lyrics ॥
॥ ଶ୍ରୀଶିବସ୍ତୁତୀ ନାରାୟଣପଣ୍ଡିତକୃତ ॥
ଶ୍ରୀଗଣେଶାୟ ନମଃ ॥
ସ୍ଫୁଟଂ ସ୍ଫଟିକସପ୍ରଭଂ ସ୍ଫଟିତହାରକଶ୍ରୀଜଟଂ
ଶଶାଙ୍କଦଲଶେଖରଂ କପିଲଫୁଲ୍ଲନେତ୍ରତ୍ରୟମ୍ ।
ତରକ୍ଷୁବରକୃତ୍ତିମଦ୍ଭୁଜଗଭୂଷଣଂ ଭୂତିମତ୍-
କଦା ନୁ ଶିତିକଣ୍ଠ ତେ ବପୁରବେକ୍ଷତେ ବୀକ୍ଷଣମ୍ ॥ ୧ ॥
ତ୍ରିଲୋଚନ ବିଲୋଚନେ ଲସତି ତେ ଲଲାମାୟିତେ
ସ୍ମରୋ ନିୟମଘସ୍ମରୋ ନିୟମିନାମଭୂଦ୍ଭସ୍ମସାତ୍ ।
ସ୍ୱଭକ୍ତିଲତୟା ବଶୀକୃତବତୀସତୀୟଂ ସତୀ
ସ୍ୱଭକ୍ତବଶତୋ ଭବାନପି ବଶୀ ପ୍ରସୀଦ ପ୍ରଭୋ ॥ ୨ ॥
ମହେଶ ମହିତୋଽସି ତତ୍ପୁରୁଷ ପୂରୁଷାଗ୍ର୍ୟୋ ଭବାନ୍-
ଅଘୋରରିପୁଘୋର ତେଽନବମ ବାମଦେବାଞ୍ଜଲିଃ ।
ନମଃ ସପଦି ଜାତ ତେ ତ୍ୱମିତି ପଞ୍ଚରୂପୋଚିତ-
ପ୍ରପଞ୍ଚଚୟପଞ୍ଚବୃନ୍ମମ ମନସ୍ତମସ୍ତାଡୟ ॥ ୩ ॥
ରସାଘନରସାନଲାନିଲବିୟଦ୍ୱିବସ୍ୱଦ୍ୱିଧୁ-
ପ୍ରୟଷ୍ଟୃଷୁ ନିବିଷ୍ଟମିତ୍ୟଜ ଭଜାମି ମୂର୍ତ୍ୟଷ୍ଟକମ୍ ।
ପ୍ରଶାନ୍ତମୁତ ଭୀଷଣଂ ଭୁବନମୋହନଂ ଚେତ୍ୟହୋ
ବପୂଂଷି ଗୁଣପୂଷିତେଽହମହମାତ୍ମନୋଽହଂଭିଦେ ॥ ୪ ॥
ବିମୁକ୍ତିପରମାଧ୍ୱନାଂ ତବ ପଡଧ୍ୱନାମାସ୍ପଦଂ
ପଦଂ ନିଗମବେଦିନୋ ଜଗତି ବାମଦେବାଦୟଃ ।
କଥଞ୍ଚିଦୁପଶିକ୍ଷିତା ଭଗବତୈବ ସଂବିଦ୍ରତେ
ବୟଂ ତୁ ବିରଲାନ୍ତରାଃ କଥମୁମେଶ ତନ୍ମନ୍ମହେ ॥ ୫ ॥
କଠୋରିତକୁଠାରୟା ଲଲିତଶୂଲୟା ବାହୟା
ରଣଡ୍ଡମରୁଣା ସ୍ଫୁରଦ୍ଧରିଣୟା ସଖଟ୍ୱାଙ୍ଗୟା ।
ଚଲାଭିରଚଲାଭିରପ୍ୟଗଣିତାଭିରୁନ୍ନୃତ୍ୟତଶ୍-
ଚତୁର୍ଦଶ ଜଗନ୍ତି ତେ ଜୟଜୟେତ୍ୟଯୁର୍ୱିସ୍ମୟମ୍ ॥ ୬ ॥
ପୁରା ତ୍ରିପୁରରନ୍ଧନଂ ବିବିଧଦୈତ୍ୟବିଧ୍ୱଂସନଂ
ପରାକ୍ରମପରମ୍ପରା ଅପି ପରା ନ ତେ ବିସ୍ମୟଃ ।
ଅମର୍ଷିବଲହର୍ଷିତକ୍ଷୁଭିତବୃତ୍ତନେତ୍ରୋଜ୍ଜ୍ୱଲଜ୍-
ଜ୍ୱଲଜ୍ଜ୍ୱଲନହେଲୟା ଶଲଭିତଂ ହି ଲୋକତ୍ରୟମ୍ ॥ ୭ ॥
ସହସ୍ରନୟନୋ ଗୁହଃ ସହସହସ୍ରରଶ୍ମିର୍ୱିଧୁର୍-
ବୃହସ୍ପତିରୁତାପ୍ପତିଃ ସସୁରସିଦ୍ଧବିଦ୍ୟାଧରାଃ ।
ଭବତ୍ପଦପରାୟଣାଃ ଶ୍ରିୟମିମାଂ ଯୟୁଃ ପ୍ରାର୍ଥିତାଂ
ଭବାନ୍ ସୁରତରୁର୍ଭୃଶଂ ଶିବ ଶିବାଂ ଶିବାବଲ୍ଲଭ ॥ ୮ ॥
ତବ ପ୍ରିୟତମାଦତିପ୍ରିୟତମଂ ସଦୈବାନ୍ତରଂ
ପୟସ୍ୟୁପହିତଂ ଭୃତଂ ସ୍ୱୟମିବ ଶ୍ରିୟୋ ବଲ୍ଲଭମ୍ ।
ବିବୁଧ୍ୟ ଲଘୁବୁଦ୍ଧୟଃ ସ୍ୱପରପକ୍ଷଲକ୍ଷ୍ୟାୟିତଂ
ପଠନ୍ତି ହି ଲୁଠନ୍ତି ତେ ଶଠହୃଦଃ ଶୁଚା ଶୁଣ୍ଠିତାଃ ॥ ୯ ॥
ନିବାସନିଲୟାଚିତା ତବ ଶିରସ୍ତତିର୍ମାଲିକା
କପାଲମପି ତେ କରେ ତ୍ୱମଶିବୋସ୍ୟନନ୍ତର୍ଧିୟାମ୍ ।
ତଥାପି ଭବତଃ ପଦଂ ଶିବଶିବେତ୍ୟଦୋ ଜଲ୍ପତାଂ
ଅକିଞ୍ଚନ ନ କିଞ୍ଚନ ବୃଜିନମସ୍ତି ଭସ୍ମୀଭବେତ୍ ॥ ୧୦ ॥
ତ୍ୱମେବ କିଲ କାମଧୁକ୍ ସକଲକାମମାପୂରୟନ୍
ସଦା ତ୍ରିନୟନୋ ଭବାନ୍ୱହତି ଚାର୍ଚିନେତ୍ରୋଦ୍ଭବମ୍ ।
ବିଷଂ ବିଷଧରାନ୍ଦଧତ୍ପିବସି ତେନ ଚାନନ୍ଦବାନ୍
ବିରୁଦ୍ଧଚରିତୋଚିତା ଜଗଦଧୀଶ ତେ ଭିକ୍ଷୁତା ॥ ୧୧ ॥
ନମଃ ଶିବଶିବାଶିବାଶିବଶିବାର୍ଥଂ କୃନ୍ତାଶିବଂ
ନମୋ ହରହରାହରାହରହରାନ୍ତରୀଂ ମେ ଦୃଶମ୍ ।
ନମୋ ଭବଭବାଭବପ୍ରଭବଭୂତୟେ ମେ ଭବାନ୍
ନମୋ ମୃଡ ନମୋ ନମୋ ନମ ଉମେଶ ତୁଭ୍ୟଂ ନମଃ ॥ ୧୨ ॥
ସତାଂ ଶ୍ରବଣପଦ୍ଧତିଂ ସରତୁ ସନ୍ନତୋକ୍ତେତ୍ୟସୌ
ଶିବସ୍ୟ କରୁଣାଙ୍କୁରାତ୍ପ୍ରତିକୃତାତ୍ସଦା ସୋଚିତା ।
ଇତି ପ୍ରଥିତମାନସୋ ବ୍ୟଧିତ ନାମ ନାରାୟଣଃ
ଶିବସ୍ତୁତିମିମାଂ ଶିବଂ ଲିକୁଚିସୂରିସୂନୁଃ ସୁଧୀଃ ॥ ୧୩ ॥
ଇତି ଶ୍ରୀମଲ୍ଲିକୁଚିସୂରିସୂନୁନାରାୟଣପଣ୍ଡିତାଚାର୍ୟବିରଚିତା
ଶିବସ୍ତୁତିଃ ସମ୍ପୂର୍ଣା ॥
– Chant Stotra in Other Languages –
Shiva Stuti Narayana Pandita Krita in Sanskrit – English – Marathi – Bengali – Gujarati – Kannada – Malayalam – Odia – Telugu – Tamil