॥ Nataraja Kunchita Paada Sahasranama Stotram Bengali Lyrics ॥
॥ শ্রীনটরাজকুঞ্চিতপাদসহস্রনামস্তোত্রম্ ॥
॥ শ্রীগুরুভ্যো নমঃ ॥
॥ শ্রীশিবকামসুন্দরীসমেত শ্রীনটরাজঃ শরণম্ ॥
য়স্মাত্সর্বং সমুত্পন্নং চরাচরমিদং জগত্ ।
ইদং নমোনটেশায় তস্মৈ কারুপয়র্দ্ধ্বয়ে ॥ ১ ॥
কৈলাসশিখরে রম্যে রত্নসিংহাসনে স্থিতম্ ।
শঙ্করং করুণামূর্তিং প্রণম্য পরয়া মুদা ॥ ২ ॥
বিনয়াবনতা ভূত্বা পপ্রচ্ছ পরমেশ্বরী ।
ভগবন্! ভব! সর্বজ্ঞ! ভবতাপহরাব্যয় ॥ ৩ ॥
ত্বত্তঃ শ্রুতং ময়া দেব! সর্বং নামসহস্রকম্ ।
নটেশস্যাপি নামানি সুশ্রুতানি ময়া প্রভো! ॥ ৪ ॥
ত্বত্তঃ শ্রেষ্ঠতমঃ পাদঃ কুঞ্চিতঃ পদ্মসন্নিভঃ ।
তস্মাত্তন্নাম সাহস্রং শ্রোতুমিচ্ছামি শঙ্কর! ॥ ৫ ॥
অসকৃত্প্রার্থিতোঽপি ত্বং ন তত্কথিতবানসি ।
ইদানীং কৃপয়া শম্ভো! বদ বাঞ্ছাভিপূর্তয়ে ॥ ৬ ॥
শ্রীশিব উবাচ
সাধু সাধু মহাদেবি! পৃষ্টং সর্বজগদ্ধিতম্ ।
পুরা নারায়ণঃ শ্রীমান্ লোকরক্ষাপরায়ণঃ ॥ ৭ ॥
ক্ষীরাব্ধৌ সুচিরং কালং সাম্বমূর্তিধরং শিবম্ ।
মামেকাগ্রেণ চিত্তেন ধ্যায়ন্ ন্যবসদচ্যুতঃ ॥ ৮ ॥
তপসা তস্য সন্তুষ্টঃ প্রসন্নোঽহং কৃপাবশাত্ ।
ধ্যানাত্সমুত্থিতো বিষ্ণুর্লক্ষ্ম্যা মাং পর্যপূজয়ত্ ॥ ৯ ॥
তুষ্টাব বিবিধৈস্ত্বতোত্রৈর্বেদবেদান্তসম্মিতৈঃ ।
বরং বরয় হে বত্স! য়দিষ্টং মনসি স্থিতম্ ॥ ১০ ॥
তত্তে দাস্যামি ন চিরাদিত্যুক্তঃ কমলেক্ষণঃ ।
প্রাহ মাং পরয়া ভক্ত্যা বরং দাস্যসি চেত্প্রভো ॥ ১১ ॥
রক্ষার্থং সর্বজগতামসুরাণা ক্ষয়ায় চ ।
সার্বাত্ম্যয়োগসিদ্ধ্যর্থং মন্ত্রমেকং মমাদিশ ॥ ১২ ॥
ইতি সম্প্রার্থিতস্তেন মাধবেনাহমম্বিকে ।
সঞ্চিন্ত্যানুত্তম স্তোত্রং সর্বেষাং সর্বসিদ্ধিদম্ ॥ ১৩ ॥
নটেশকুঞ্চিতাঙ্ঘ্রেস্তু নামসাহস্রমুত্তমম্ ।
লক্ষমীকান্তায় ভক্তায় উক্তবানস্মি শঙ্করি! ॥ ১৪ ॥
তেন জিত্বাঽসুরান্ সর্বান্ ররক্ষ সকলং জগত্ ।
সার্বাত্ম্যয়োগসিদ্ধিং চ প্রাপ্তবানম্বুজেক্ষণঃ ॥ ১৫ ॥
তদেব প্রার্থয়স্যদ্য নামসাহস্রমম্বিকে ।
পঠনান্মননাদ্যস্য নৃত্তং দর্শয়তি প্রভুঃ ॥ ১৬ ॥
সর্বপাপহরং পুণ্যং সর্বরক্ষাকরং নৃণাম্ ।
সর্বৈশ্বর্যপ্রদং সর্বসিদ্ধিদং মুক্তিদং পরম্ ॥ ১৭ ॥
বক্ষ্যামি শৃণু হে দেবি! নামসাহস্রমুত্তমম্ ।
অস্য শ্রী শিবকামসুন্দরীসমেত শ্রী নটরাজরাজকুঞ্চিতপাদসহস্রনামস্তোত্র
মহামন্ত্রস্য সদাশিব ঋষিঃ, মহাবিরাট্ ছন্দঃ,
শ্রীশিবকামসুন্দরীসমেতশ্রীনটরাজরাজো দেবতা । বীজং, শক্তিঃ,কলিকং,
অঙ্গন্যাসকরন্যাসৌ চ চিন্তামণি মন্ত্রবত্ ॥
ওঁ শ্রীশিবায় নমঃ ইতি বীজম্ । ওঁ অনন্তশক্তয়ে নমঃ ইতি শক্তিঃ ।
মহেশ্বরায় নমঃ ইতি কীলকম্ । শ্রীনটেশ্বরপ্রসাদসিদ্ধ্যর্থে নামপরায়ণে
অর্চনে বিনিয়োগঃ ।
ওঁ নম্যায় নমঃ অঙ্গুষ্ঠাভ্যাং নমঃ । স্বাহা নমঃ -তর্জনীভ্যাং স্বাহা
(নমঃ) ওঁ বষট্কারায় নমঃ -মধ্যমাভ্যাং বষট্ (নমঃ) । ওঁ হুঙ্কারায়
নমঃ -অনামিকাভ্যাং হুং (নমঃ) ওঁ বৌষট্কারায় নমঃ । কনিষ্ঠিকষ্ঠয়া
বৌষট্ (নমঃ) ওঁ ফট্কারায় নমঃ – করতলকরপৃষ্ঠাভ্যাং ফট্ (নমঃ)
। ওঁ নম্যায় নমঃ – হৃদয়ায় নমঃ । ওঁ স্বাহা নমঃ শিরসে স্বাহা ।
ওঁ বষট্কারায় নমঃ – শিখায়ৈ বষট্ । ওঁ হুঙ্কারায় নমঃ – কবচায়
হুম্ । ওঁ বৌষট্কারায় নমঃ – নেত্রত্রয়ায় বৌষট্ । ওঁ ফট্করায় নমঃ –
অস্ত্রায় ফট্ । ওঁ ভৃর্ভুবস্সুবরোং ইতি দিগ্বন্ধঃ ।
ধ্যানম্
ধ্যায়েত্কোটিরবিপ্রভং ত্রিনয়নং শীতাংশুগঙ্গাধরং
দক্ষাঙ্ঘ্রিস্থিতবামকুঞ্চিতপদং শার্দূলচর্মাম্বরম্ ।
বহ্নিং ডোলকরাভয়ং ডমরুকং বামে শিবাং শ্যামলাং
কল্হারাং জপস্রক্ষুকাং কটিকরাং দেবীং সভেশং ভণে ॥ ১ ॥
ফালে রত্নত্রিপুণ্ড্রং ফণিনমপি গলে পাদপীঠে চ ভূতং
বাহ্বোর্বহ্নিং চ ঢক্কং বদনসরসিজে সূর্যচন্দ্রৌ শিখীন্দ্রম্ ।
ওঙ্কারাখ্যপ্রভায়াং সুরভুবনগণং পার্শ্বয়োর্বাদ্যকারৌ য়ঃ
কৃত্বাঽঽনন্দনৃত্তং স্বসদসি কুরুতে কুঞ্চিতাঙ্ঘ্রিং ভজেঽহম্ ॥ ২ ॥
ঊরুন্যাসসুডোল – বহ্রি – শুকভৃদ্বামং করাম্ভোরুহং
ঢক্কাচ্ছাক্ষস্রগুত্পলাভয়করং বামং পদং কুঞ্চিতম্ ।
উদ্ধৃত্যাধরভূত পৃষ্ঠবিলসদ্দক্ষাঙ্ঘ্রিমর্ধাম্বিকং
সামীবস্ত্রসুবেণিদৃক্কুচভরং ধ্যায়েন্নটং মেলনম্ ॥ ৩ ॥
ধ্যায়েদাত্মবিমোহসংস্থিতপদং রক্তাংশুকং শঙ্করং
কিঞ্চিত্কুঞ্চিতবামপাদমতুলং ব্যালম্ববাহুং ত্রিভিঃ ।
বামে পৌণ্ড্র ধনুশ্চ পাশদহনৌ দক্ষে করে চাভয়ং
পৌষ্পং মার্গণমঙ্কুশং ডমরুকং বিভ্রাণমচ্ছচ্ছবিম্ ॥ ৪ ॥
॥ অথ সহস্রনামস্তোত্রম্ ॥
অখণ্ডবোধোঽখণ্ডাত্মা ঘণ্টামণ্ডলমণ্ডিতঃ ।
অখণ্ডানন্দচিদ্রূপঃ পরমানন্দতাণ্ডবঃ ॥ ১ ॥
অগম্যমহিমাম্ভোধিঃ অনৌপম্যয়শোনিধিঃ ।
অগ্রেবধোঽগ্রেসম্পূজ্যো হন্তা তারো ময়োভবঃ ॥ ২ ॥
অঘোরোঽদ্বুতচারিত্র আনন্দবপুরগ্রণীঃ ।
অজীর্ণস্সুকুমারোঽন্যঃ পারদর্শী পুরন্দরঃ ॥ ৩ ॥
অতর্ক্যস্সুকরস্সারঃ সত্তামাত্রস্সদাশিবঃ ।
অনন্তরূপ একাত্মা স্বস্তরুর্ব্যাহৃতিঃ স্বধা ॥
অনন্তশক্তিরাচার্যঃ পুষ্কলস্সর্বপূরণঃ ।
অনর্ঘরত্নখচিতকিরীটো নিকটেস্থিতঃ ॥ ৫ ॥
অনহঙ্কৃতিরচ্ছেদ্যস্স্বানন্দৈকঘনাকৃতিঃ ।
অনাবরণবিজ্ঞানো নির্বিভাগো বিভাবসুঃ ॥ ৬ ॥
অনির্দেশ্যোঽনিলোঽগম্যোঽবিক্রিয়োঽমোঘবৈভবঃ ।
অনুত্তমঃ পরোদাসো মুক্তিদো মুদিতাননঃ ॥ ৭ ॥
অন্নানাং পতিরত্যুগ্রো হরিধ্যেয়োঽদ্বয়াকৃতিঃ ।
অপরোক্ষোঽব্রণোঽলিঙ্গোঽপ্যদ্বেষ্টা প্রেমসাগরঃ ॥ ৮ ॥
অপর্যন্তোঽপরিচ্ছেদ্যোঽগোচরো রুগ্বিমোচকঃ ।
অপস্মৃতিন্যস্তপাদঃ কৃত্তিবাসাঃ কৃপাকরঃ ॥ ৯ ॥
অপ্রমেয়োঽপ্রতিরথঃ প্রদ্যুম্নঃ প্রমথেশ্বরঃ ।
অমানী মদনোঽমন্যুরমানো মানদো মনুঃ ॥ ১০ ॥
অমূল্যমণিসভাস্বত্ফণীন্দ্রকরকঙ্কণঃ ।
অরুণঃ শরণঃ শর্বঃ শরণ্য শর্মদঃ শিবঃ ॥ ১১ ॥
অবশস্স্ববশস্স্থাস্নুরন্তর্যামী শতক্রতুঃ ।
অশুভক্ষয়কৃজ্জ্যোতিরনাকাশস্ত্বলেপকঃ ॥ ১২ ॥
অস্নেহস্সঙ্গনির্মুক্তোঽহ্রস্বোঽদীর্ঘোঽবিশেষকঃ
অক্ষরস্ত্র্যক্ষরস্ত্রয়ক্ষঃ পক্ষপাতবিবর্জিতঃ ॥ ১৩ ॥
আততাবী মহারুদ্রঃ ক্ষেত্রাণামধিপোঽক্ষদঃ ।
আতন্বানশ্শতানন্দো গৃত্সো গৃত্সপতিস্মৃরঃ ॥ ১৪ ॥
আদিত্যবর্ণস্সঞ্জ্যোতিস্সম্যগ্দর্শনতত্পরঃ ।
আদিভূতো মহাভূতস্স্বেচ্ছাকলিতবিগ্রহঃ ॥ ১৫ ॥
আপ্তকামোঽনুমন্তাঽঽত্মকামোঽভিন্নোঽনণুর্হরঃ ।
আভাস্বরঃ পরন্তত্বমাদিমঃ পেশলঃ পবিঃ ॥ ১৬ ॥
আব্যাধিপতিরাদিত্যঃ ককুভঃ কালকোবিদঃ ।
ইচ্ছানিচ্ছাবিরহিতো বিহারী বীর্যবর্ধনঃ ॥ ১৭ ॥
উদ্দণ্ডতাণ্ডবশ্চণ্ড ঊর্ধ্বতাণ্ডবপণ্ডিতঃ ।
উদাসীনৌপদ্রষ্টা মৌনগম্যো মুনীশ্বরঃ ॥ ১৮ ॥
ঊর্ধ্বপাদূর্ধ্বরেতাশ্চ প্রৌঢনর্তনলম্পটঃ ।
ওষধীশস্সতামীশৌচ্চৈর্ঘোষো বিভীষণঃ ॥ ১৯ ॥
কন্দর্প কোটিসদৃশঃ কপর্দী কমলাননঃ ।
কপালমালাভরণাঃ কঙ্কালঃ কলিনাশনঃ ॥ ২০ ॥
কপালমালালঙ্কারঃ কালান্তকবপুর্ধরঃ ।
কমনীয়ঃ কলানাথশেখরঃ কম্বুকন্ধরঃ ॥ ২১ ॥
কমনীয়নিজানন্দমুদ্রাঞ্চিতকরাম্বুজঃ ।
করাব্জধৃতকালাগ্নিঃ কদম্বকুসুমারুণঃ ॥ ২২ ॥
করিচর্মাম্বরধরঃ কপালী কলুষাপহঃ ।
কল্যাণমূর্তিঃ কল্যাণীরমণঃ কমলেক্ষণঃ ॥ ২৩ ॥
কক্ষপশ্চ ভুবন্তিশ্চ ভবাখ্যো বারিবস্কৃতঃ ।
কালকণ্ঠঃ কালকালঃ কালকূটবিষাশনঃ ॥ ২৪ ॥
কালনেতা কালহন্তা কালচক্রপ্রবর্তকঃ ।
কালজ্ঞঃ কামদঃ কান্তঃ কামারিঃ কামপালকঃ ॥ ২৫ ॥
কালাত্মা কালিকানাথঃ কার্কোটকবিভূষণঃ ।
কালিকানাট্যরসিকো নিশানটননিশ্চলঃ ॥ ২৬ ॥
কালীবাদপ্রিয়ঃ কালঃ কালাতীতঃ কলাধরঃ ।
কুঠারভৃত্কুলাদ্রীশঃ কুঞ্চিতৈকপদাম্বুজঃ ॥ ২৭ ॥
কুলুঞ্চানাং পতিঃ কূপ্যো ধন্বাবী ধনদাধিপঃ ।
কূটস্থঃ কূর্মপীঠস্থঃ কূশ্মাণ্ডগ্রহমোচকঃ ॥ ২৮ ॥
কূলঙ্কষকৃপাসিন্ধুঃ কুশলী কুঙ্কুমেশ্বরঃ ।
কৃতজ্ঞঃ কৃতিসারজ্ঞঃ কৃশানুঃ কৃষ্ণপিঙ্গলঃ ॥ ২৯ ॥
কৃতাকৃতঃ কৃশঃ কৃষ্ণাঃ শান্তিদঃ শরভাকৃতিঃ ।
কৃতান্তকৃত্ক্রিয়াধারঃ কৃতী কৃপণরক্ষকঃ ॥ ৩০ ॥
কেবলঃ কেশবঃ কেলীকরঃ কেবলনায়কঃ ।
কৈলাসবাসী কামেশঃ কবিঃ কপটবর্জিতঃ ॥ ৩১ ॥
কোটিকন্দর্পসৌভাগ্যসুন্দরো মধুরস্মিতঃ ।
গদাধরো গণস্বামী গরিষ্ঠস্তোমরায়ুধঃ ॥ ৩২ ॥
গর্বিতো গগনাবাসো গ্রন্থিত্রয় বিভেদনঃ ।
গহ্বরেষ্ঠো গণাধীশো গণেশো গতিবর্জিতঃ ॥ ৩৩ ॥
গায়কো গরুডারূঢো গজাসুরবিমর্দনঃ ।
গায়ত্রীবল্লভো গার্গ্যো গায়কানুগ্রহোন্মুখঃ ॥ ৩৪ ॥
গুহাশয়ো গুণাতীতো গুরুমূর্তির্গুহপ্রিয়ঃ ।
গূঢো গুহ্যতরো গোপ্যো গোরক্ষী গণসেবিতঃ ॥ ৩৫ ॥
চতুর্ভুজশ্শততনুঃ শমিতাখিল কৌতুকঃ ।
চতুর্বক্ত্রশ্চক্রধরঃ পঞ্চবক্ত্রঃ পরন্তপ ॥ ৩৬ ॥
চিচ্ছক্তিলোচনানন্দকন্দলঃ কুন্দপাণ্ডরঃ ।
চিদানন্দনটাধীশঃ চিত্কেবলবপুর্ধরঃ ॥ ৩৭ ॥
চিদেকরসসম্পূর্ণঃ হ্রীং শিবশ্শ্রীমহেশ্বরঃ ।
চৈতন্যং চিচ্ছিদ্বৈতশ্চিন্মাত্রশ্চিত্সভাধিপঃ ॥ ৩৮ ॥
জটাধরোঽমৃতাধারোঽমৃতাংশুরমৃতোদ্ভবঃ ।
জটিলশ্চটুলাপাঙ্গো মহানটনলম্পটঃ ॥ ৩৯ ॥
জনার্দনো জগত্স্বামী জন্মকর্মনিবারকঃ ।
জবনো জগদাধারো জমদগ্নির্জরাহরঃ ॥ ৪০ ॥
জহ্নুকন্যাধরো জন্মজরামৃত্যুনিবারকঃ ।
ণান্তনাদিনাময়ুক্তবিষ্ণুনম্যপদাম্বুজঃ ॥ ৪১ ॥
তত্বাববোধস্তত্বেশস্তত্বভাবস্তপোনিধিঃ ॥
তরুণস্তারকস্তাম্রস্তরিষ্ণুস্তত্ববোধকঃ ।
ত্রিধামা ত্রিজ্জগদ্ধেতুঃ ত্রিমূর্তিস্তির্যগূর্ধ্বগঃ ॥ ৪২ ॥
ত্রিমাতৃকস্ত্রিবৃদ্রূপঃ তৃতীয়স্ত্রিগুণাধিকঃ ।
দক্ষাধ্বরহরো দক্ষো দহরস্থো দয়ানিধিঃ ॥ ৪৩ ॥
দক্ষিণাগ্নির্গার্হপত্যো দমনো দানবান্তকঃ ।
দীর্ঘপিঙ্গজটাজূটো দীর্ঘবাহুর্দিগম্বরঃ ॥ ৪৪ ॥
দুরারাধ্যো দুরাধর্ষো দুষ্টদূরো দুরাসদঃ ।
দুর্বিজ্ঞেয়ো দুরাচারনাশনো দুর্মদান্তকঃ ॥ ৪৫ ॥
দৈব্যো ভিষক্ প্রমাণজ্ঞো ব্রহ্মণ্যো ব্রাহ্মণাত্মকঃ ।
দ্রষ্টা দর্শয়িতা দান্তো দক্ষিণামূর্তিরূপভৃত্ ॥ ৪৬ ॥
ধন্বী ধনাধিপো ধন্যো ধর্মগোপ্তা ধরাধিপঃ ।
ধূষ্ণুর্দূতস্তীক্ষ্ণদম্ষ্ট্রস্সুধন্বা সুতদঃ সুখী ॥ ৪৭ ॥
ধ্যানগম্যো ধ্যাতৃরূপো ধ্যেয়ো ধর্মবিদাং বরঃ ।
নক্তঞ্চরঃ প্রকৃন্তানাং পতির্গিরিচরো গুরুঃ ॥ ৪৮ ॥
নন্দিনাট্যপ্রিয়ো নন্দী নটেশো নটবেষভৃত্ ।
নমদানন্দদো নম্যো নগরাজনিকেতনঃ ॥ ৪৯ ॥
নারসিংহো নগাধ্যক্ষো নাদান্তো নাদবর্জিতঃ ।
নিচেরুকঃ পরিচরোঽরণ্যানাং পতিরদ্ভুতঃ ॥ ৫০ ॥
নিরঙ্কুশো নিরাধারো নিরপায়ো নিরত্যয়ঃ ।
নিরঞ্জনো নিত্যশুদ্ধো নিত্যবুদ্ধো নিরাশ্রয়ঃ ॥ ৫১ ॥
নিরংশো নিগমানন্দো নিরানন্দো নিদানভূঃ ।
নির্বাণদো নির্বৃতিস্থো নির্বৈরো নিরুপাধিকঃ ॥ ৫২ ॥
নির্বিকল্পো নিরালম্বো নির্বিকারো নিরাময়ঃ ।
নিষঙ্গীষুধিমানিন্দ্রস্তস্করাণামধীশ্বরঃ ॥ ৫৩ ॥
নিস্পন্দঃ প্রত্যয়ানন্দো নির্নিমেষো নিরন্তরঃ ।
নৈষ্কর্ম্যদো নবরসঃ ত্রিস্থস্ত্রিপুরভৈরবঃ ॥ ৫৪ ॥
পঞ্চভূতপ্রভুঃ পঞ্চপূজাসন্তুষ্টমানসঃ ।
পঞ্চয়জ্ঞপ্রিয়ঃ পঞ্চপ্রাণাধিপতিরব্যয়ঃ ॥ ৫৫ ॥
পতঞ্জলিপ্রাণনাশ্চ পরাপরবিবর্জিতঃ ।
পতিঃ পঞ্চত্বনির্মুক্তঃ পঞ্চকৃত্যপরায়ণঃ ॥ ৫৬ ॥
পত্তীনামধিপঃ কৃত্স্নবীতো ধাবংশ্চ সত্ত্বপঃ ।
পরমাত্মা পরং জ্যোতিঃ পরমেষ্ঠী পরাত্পরঃ ॥ ৫৭ ॥
পর্ণশদ্যঃ প্রত্যগাত্মা প্রসন্নঃ পরমোন্নতঃ ।
পবিত্রঃ পার্বতীদারঃ পরমাপন্নিবারকঃ ॥ ৫৮ ॥
পাটলাম্শুঃ পটুতরঃ পারিজাতদ্রুমূলগঃ ।
পাপাটবীবৃহদ্ভানুঃ ভানুমত্কোটিকোটিভঃ ॥ ৫৯ ॥
পাশী পাতকসংহর্তা তীক্ষ্ণেষুস্তিমিরাপহঃ ।
পুণ্যঃ পুমান্পুরিশয়ঃ পূষা পূর্ণঃ পুরাতনঃ ॥ ৬০ ॥
পুরজিত্পূর্বজঃ পুষ্পহাসঃ পুণ্যফলপ্রদঃ ।
পুরুহূতঃ পুরদ্বেষী পুরত্রয়বিহারবান্ ॥ ৬১ ॥
পুলস্ত্যঃ ক্ষয়ণো গৃহ্যো গোষ্ঠ্যো গোপরিপালকঃ ।
পুষ্টানাং পতিরব্যগ্রো ভবহেতির্জগত্পতিঃ ॥ ৬২ ॥
প্রকৃতীশঃ প্রতিষ্ঠাতা প্রভবঃ প্রমথঃ প্রথী ।
প্রপঞ্চোপশমো নামরূপদ্বয়বিবর্জিতঃ ॥ ৬৩ ॥
প্রপঞ্চোল্লাসনির্মুক্তঃ প্রত্যক্ষঃ প্রতিভাত্মকঃ
প্রবুদ্ধঃ পরমোদারঃ পরমানন্দসাগরঃ ॥ ৬৪ ॥
প্রমাণঃ প্রণবঃ প্রাজ্ঞঃ প্রাণদঃ প্রাণনায়কঃ ।
প্রবেগঃ প্রমদার্ধাঙ্গঃ প্রনর্তনপরায়ণঃ ॥ ৬৫ ॥
বভ্রুর্বহুবিধাকারো বলপ্রমথনো বলী ।
বভ্রুশো ভগবান্ভাব্যো বিব্যাধী বিগতজ্বরঃ ॥ ৬৬ ॥
বিল্মী বরূথী দুন্দুভ্যাহনন্যৌ প্রমৃশাভিধঃ ।
ব্রহ্মবিদ্যাগুরুর্গুহ্যো গুহ্যকৈস্সমভিষ্টুতঃ ॥ ৬৭ ॥
ব্রহ্মবিদ্যাপ্রদো ব্রহ্ম বৃহদ্গর্ভো বৃহস্পতিঃ ।
ব্রহ্মাণ্ডকাণ্ডবিস্ফোটমহাপ্রলয়তাণ্ডবঃ ॥ ৬৮ ॥
ব্রহ্মিষ্ঠো ব্রহ্মসূত্রার্থো ব্রহ্মণ্যো ব্রহ্মচেতনঃ ।
ভগনেত্রহরো ভর্গো ভবঘ্নো ভক্তিমন্নিধিঃ ॥ ৬৯ ॥
ভদ্রো ভদ্রপ্রদো ভদ্রবাহনো ভক্তবত্সলঃ ।
ভাবজ্ঞো বন্ধবিচ্ছেত্তা ভাবাতীতোঽভয়ঙ্করঃ ॥ ৭০ ॥
ভাবাভাববিনির্মুক্তো ভারূপো ভাবিতো ভরঃ ।
ভূতমুক্তাবলীতন্তুঃ ভূতপূর্বো ভুজঙ্গভৃত্ ॥ ৭১ ॥
ভূমা ভূতপতির্ভব্যো ভূর্ভুবোব্যাহৃতিপ্রিয়ঃ ।
ভৃঙ্গিনাট্যপ্রমাণজ্ঞো ভ্রমরায়িতনাট্যকৃত্ ॥ ৭২ ॥
ভ্রাজিষ্ণুর্ভাবনাগম্যো ভ্রান্তিজ্ঞানবিনাশনঃ ।
মনীষী মনুজাধীশো মিথ্যাপ্রত্যয়নাশনঃ ॥ ৭৩ ॥
মনোভর্তা মনোগম্যো মননৈকপরায়ণঃ ।
মনোবচোভিরগ্রাহ্যো মহাবিলকৃতালয়ঃ ॥ ৭৪ ॥
ময়স্করো মহাতির্থ্যঃ কূল্যঃ পার্যঃ পদাত্মকঃ ।
মহর্দ্ধির্মহিমাধারো মহাসেনগুরুর্মহঃ ॥ ৭৫ ॥
মহাকর্তা মহাভোক্তা মহাসংবিন্ময়ো মধুঃ ।
মহাতাত্পর্যনিলয়ঃ প্রত্যগ্ব্রহ্মৈক্যনিশ্চয়ঃ ॥ ৭৬ ॥
মহানন্দো মহাস্কন্দো মহেন্দ্রো মহসান্নিধিঃ ।
মহামায়ো মহাগ্রাসো মহাবীর্যো মহাভুজঃ ॥ ৭৭ ॥
মহোগ্রতাণ্ডবাভিজ্ঞঃ পরিভ্রমণতাণ্ডবঃ ।
মাণিভদ্রার্চিতো মান্যো মায়াবী মান্ত্রিকো মহান্ ॥ ৭৮ ॥
মায়ানাটককৃন্মায়ী মায়ায়ন্ত্রবিমোচকঃ ।
মায়ানাট্যবিনোদজ্ঞো মায়ানটনশিক্ষকঃ ॥ ৭৯ ॥
মীঢুষ্টমো মৃগধরো মৃকণ্ডুতনয়প্রিয়ঃ ।
মুনিরাতার্য আলাদ্যঃ সিকত্যশ্চ কিঁশিলঃ ॥ ৮০ ॥
মোচকো মোহবিচ্ছেত্তা মোদনীয়ো মহাপ্রভুঃ ।
য়শস্বী য়জমানাত্মা য়জ্ঞভুগ্যজনপ্রিয়ঃ ॥ ৮১ ॥
য়ক্ষরাড্যজ্ঞফলদো য়জ্ঞমূর্তির্যশস্করঃ ।
য়োগগম্যো য়োগনিষ্ঠো য়োগানন্দো য়ুধিষ্ঠিরঃ ॥ ৮২ ॥
য়োগয়োনির্যথাভূতো য়ক্ষগন্ধর্ববন্দিতঃ ।
রবিমণ্ডলমধ্যস্থো রজোগুণবিবর্জিতঃ ॥ ৮৩ ॥
রাজরাজেশ্বরো রম্যো রাত্রিঞ্চর বিনাশনঃ ।
রাতির্দাতিশ্চতুষ্পাদঃ স্বাত্মবন্ধহরঃ স্বভূঃ ॥ ৮৪ ॥
রুদ্রাক্ষস্রঙ্ময়াকল্পঃ কহ্লারকিরণদ্যুতিঃ ।
রোহিতস্স্থপতির্বৃক্ষপতির্মন্ত্রী চ বাণিজঃ ॥ ৮৫ ॥
লাস্যামৃতাব্ধিলহরীপূর্ণেন্দুঃ পুণ্যগোচরঃ ।
বরদো বামনো বন্দ্যো বরিষ্ঠো বজ্রবর্মভৃত্ ॥ ৮৬ ॥
বরাভয়প্রদো ব্রহ্মপুচ্ছো ব্রহ্মবিদাং বরঃ ।
বশী বরেণ্যো বিততো বজ্রভৃদ্বরুণাত্মকঃ ॥ ৮৭ ॥
বহ্নিমণ্ডলমধ্যস্থো বর্ষীয়ান্ বরুণেশ্বরঃ ।
বাচ্যবাচকনির্মুক্তো বাগীশো বাগগোচরঃ ॥ ৮৮ ॥
বিকাররহিতো বিষ্ণুর্বিরাডীশো বিরাণ্ময়ঃ ।
বিঘ্নেশ্বরো বিঘ্ননেতা শক্তিপাণিঃ শরোদ্ভবঃ ॥ ৮৯ ॥
বিজিঘত্সো বিগতভীর্বিপিপাসো বিভাবনা ।
বিদগ্ধমুগ্ধবেষাড্যো বিশ্বাতীতো বিশোকদঃ ॥ ৯০ ॥
বিদ্যানিধির্বিরূপাক্ষো বিশ্বয়োনির্বৃষধ্বজঃ ।
বিদ্যুত্যো বিবহো মেধ্যো রেষ্মিয়ো বাস্তুপো বাসঃ ॥ ৯১ ॥
বিদ্বত্তমো বিদূরস্থো বিশ্রমো বেদনাময়ঃ ।
বিয়দাদিজগত্স্রষ্টা বিবিধানন্দদায়কঃ ॥ ৯২ ॥
বিরাঠৃদয়পদ্মস্থো বিধির্বিশ্বাধিকো বিভুঃ ।
বিরূপো বিশ্বদিগ্ব্যাপী বীতশোকো বিরোচনঃ ॥ ৯৩ ॥
বিশ্রান্তিভূর্বিবসনো বিঘ্নহন্তা বিনোদকঃ ।
বিশৃঙ্খলো বিয়দ্ধেতুর্বিষমো বিদ্রুমপ্রভঃ ॥ ৯৪ ॥
বিশ্বস্যায়তনো বর্যো বন্দারুজনবত্সল ।
বিজ্ঞানমাত্রো বিরজা বিরামো বিবুধাশ্রয় ॥ ৯৫ ॥
বীরপ্রিয়ো বীতভয়ো বিন্ধ্যদর্পবিনাশন ।
বীরভদ্রো বিশালাক্ষো বিষ্ণুবাণো বিশাং পতিঃ ॥ ৯৬ ॥
বৃদ্ধিক্ষয়বিনির্মুক্তো বিদ্যোতো বিশ্ববঞ্চকঃ ।
বেতালনটনপ্রীতো বেতণ্ডত্বক্কৃতাম্বরঃ ॥ ৯৭ ॥
বেদবেদ্যো বেদরূপো বেদবেদান্তবিত্তমঃ ।
বেদান্তকৃত্তুর্যপাদো বৈদ্যুতঃ সুকৃতোদ্ ভবঃ ॥ ৯৮ ॥
বেদার্থবিদ্বেদয়োনিঃ বেদাঙ্গো বেদসংস্তুতঃ ।
বেলাতিলঙ্ঘিকরুণো বিলাসী বিক্রমোন্নতঃ ॥ ৯৯ ॥
বৈকুণ্ঠবল্লভোঽবর্ষ্যো বৈশ্বানরবিলোচনঃ ।
বৈরাগ্যশেবধির্বিশ্বভোক্তা সর্বোর্ধ্বসংস্থিতঃ ॥ ১০০ ॥
বৌষট্কারো বষট্কারো হুঙ্কারঃ ফট্করঃ পটুঃ ।
ব্যাকৃতো ব্যাপৃতো ব্যাপী ব্যাপ্যসাক্ষী বিশারদঃ ॥ ১০১ ॥
ব্যাঘ্রপাদপ্রিয়ো ব্যাঘ্রচর্মধৃদ্বয়াধিনাশনঃ ।
ব্যামোহনাশনো ব্যাসো ব্যাখ্যামুদ্রালসত্করঃ ॥ ১০২ ॥
ব্যুপ্তকেশোঽথ বিশদো বিষ্বক্সেনো বিশোধকঃ ।
ব্যোমকেশো ব্যোমমূর্তির্ব্যোমাকারোঽব্যয়াকৃতিঃ ॥ ১০৩ ॥
ব্রাতো ব্রাতপতির্বিপ্রো বরীয়ান্ ক্ষুল্লকঃ ক্ষমী ।
শক্তিপাতকরঃ শক্তঃ শাশ্বতঃ শ্রেয়সাং নিধিঃ ॥ ১০৪ ॥
শয়ানঃ শন্তমঃ শান্তঃ শাসকঃ শ্যামলাপ্রিয়ঃ ।
শিবঙ্করঃ শিবতরঃ শিষ্টহৃষ্টঃ শিবাগমঃ ॥ ১০৫ ॥
শীঘ্রিয়শ্শীভ্য আনন্দঃ ক্ষয়দ্বীরশ্শরোঽক্ষরঃ ।
শুদ্ধস্ফটিকসঙ্কাশঃ শ্রুতিপ্রস্তুতবৈভবঃ ॥ ১০৬ ॥
শুষ্ক্যো হরিত্যো লোপ্যশ্চ সূর্ম্যঃ পর্ণ্যোঽণিমাদিভূঃ ।
শূরসেনঃ শুভাকারঃ শুভ্রমূর্তিঃ শুচিস্মিতঃ ॥ ১০৭ ॥
শঙ্গঃ প্রতরণোঽবার্যঃ ফেন্যঃ শষ্প্যঃ প্রবাহজঃ ।
শ্রাব্যঃ শত্রুহরঃ শূলী শ্রুতিস্মৃতিবিধায়কঃ ॥ ১০৮ ॥
শ্রীশিবঃ শ্রীশিবানাথঃ শ্রীমান্ শ্রীপতিপূজিতঃ ।
শ্রুত্যঃ পথ্যস্স্বতন্ত্রস্থঃ কাট্যো নীপ্যঃ করোটিভৃত্ ॥ ১০৯ ॥
ষডাধারগতঃ সাঙ্খ্যঃ ষডক্ষরসমাশ্রয়ঃ ।
ষডূর্মিরহিতঃ স্তব্যঃ ষড্গুণৈশ্বর্যদায়কঃ ॥ ১১০ ॥
সকৃদ্বিভাতঃ সংবেত্তা সদসত্কোটিবর্জিতঃ ।
সত্ত্বসংস্থঃ সুষুপ্তিস্থঃ সুতল্পঃ সত্স্বরূপগঃ ॥ ১১১ ॥
সদ্যোজাতঃ সদারাধ্যঃ সামগঃ সামসংস্তুতঃ ।
সনাতনঃ সমঃ সত্যঃ সত্যবাদী সমৃদ্ধিদঃ ॥ ১১২ ॥
সমদৃষ্টিঃ সত্যকামঃ সনকাদিমুনিস্তুতঃ ।
সমস্তভুবনব্যাপী সমৃদ্ধঃ সততোদিতঃ ॥ ১১৩ ॥
সর্বকৃত্সর্বজিত্সর্বময়ঃ সত্বাবলম্বকঃ ।
সর্বদ্বন্দ্বক্ষয়করঃ সর্বাপদ্বিনিবারকঃ ॥ ১১৪ ॥
সর্বদৃক্ সর্বভৃত্সর্গঃ সর্বহৃত্কোশসংস্থিতঃ ।
সর্বপ্রিয়তমঃ সর্বদারিদ্র্যক্লেশনাশনঃ ॥ ১১৫ ॥
সর্ববিদ্যানামীশান ঈশ্বরাণামধীশ্বরঃ ।
সর্বজ্ঞঃ সর্বদঃ স্থাণুঃ সর্বেশঃ সমরপ্রিয়ঃ ॥ ১১৬ ॥
সর্বাতীতঃ সারতরঃ সাম্বঃ সারস্বতপ্রদঃ ।
সর্বার্থঃ সর্বদা তুষ্টঃ সর্বশাস্ত্রার্থসম্মতঃ ॥ ১১৭ ॥
সর্বেশ্বরঃ সর্বসাক্ষী সর্বাত্মা সাক্ষিবর্জিতঃ ।
সব্যতাণ্ডবসম্পন্নো মহাতাণ্ডববৈভবঃ ॥ ১১৮ ॥
সস্পিঞ্জরঃ পশুপতিস্ত্বিষীমানধ্বনাং পতিঃ ।
সহমানস্সত্যধর্মা নিব্যাধী নিয়মো য়মঃ ॥ ১১৯ ॥
সহস্রাক্ষঃ সহস্রাঙ্ঘ্রিঃ সহস্রবদনাম্বুজঃ ।
সহস্রাক্ষার্চিতঃ সম্রাট্ সন্ধাতা সম্পদালয়ঃ ॥ ১২০ ॥
সিদ্ধেশঃ সিদ্ধিজনকঃ সিদ্ধান্তঃ সিদ্ধবৈভবঃ ।
সুধারূপঃ সুরাধ্যক্ষঃ সুভ্রূঃ সুখঘনঃ সুধীঃ ॥ ১২১ ॥
সুনিশ্চিতার্থো রাদ্ধান্তঃ তত্বমর্থস্তপোময়ঃ ।
সুব্রতঃ সত্যসঙ্কল্পঃ স্বসংবেদ্যঃ সুখাবহঃ ॥ ১২২ ॥
সূতঃ সদস্পতিঃ সূরিরহন্ত্যো বনপো বরঃ ।
সূত্রভূতঃ স্বপ্রকাশঃ সমশীলঃ সদাদয়ঃ ॥ ১২৩ ॥
সূত্রাত্মা সুলভঃ স্বচ্ছঃ সূদরঃ সুন্দরাননঃ ।
সূদ্যস্সরস্যো বৈশন্তো নাদ্যোঽবট্যোটচোঽথ বর্ষকঃ ॥ ১২৪ ॥
সূক্ষ্মাত্সূক্ষ্মতরঃ সূর্যঃ সূক্ষ্মস্থূলত্ববর্জিতঃ ।
সৃকাবী মুষ্ণতাং নাথঃ পঞ্চাশদ্বর্ণরূপভৃত্ ॥ ১২৫ ॥
সোমমণ্ডলমধ্যস্থঃ সোমঃ সৌম্যঃ সুহৃদ্বরঃ ।
সঙ্কল্পোল্লাসনির্মুক্তঃ সমনীরাগচেতনঃ ॥ ১২৬ ॥
সম্পন্নঃ সঙ্ক্রমঃ সত্রী সন্দাতা সকলোর্জিতঃ ।
সম্প্রবৃদ্ধঃ সন্নিকৃষ্টঃ সংবিমৃষ্টঃ সমগ্রদৃক্ ॥ ১২৭ ॥
সম্প্রহৃষ্টঃ সন্নিবিষ্টঃ সংস্পষ্টঃ সম্প্রমর্দনঃ ।
সংয়দ্বামঃ সংয়মীন্দ্রঃ সংশয়চ্ছিত্ সহস্রদৃক্ ॥ ১২৮ ॥
সংয়মস্থঃ সংহৃদিস্থঃ সম্প্রবিষ্টঃ সমুত্সুকঃ ।
সংবত্সরঃ কলাপূর্ণস্সুরাসুরনমস্কৃতঃ ॥ ১২৯ ॥
সংবর্তাগ্ন্যুদরঃ সর্বান্তরস্থস্সর্বদুর্গ্রহঃ ।
সংশান্তসর্বসঙ্কল্পঃ সংসদীশঃ সদোদিতঃ ॥ ১৩০ ॥
স্ফুরঙ্ডমরুনিধ্বাননির্জিতাম্ভোধিনিস্বনঃ ।
স্বচ্ছন্দঃ স্বচ্ছসংবিত্তিরন্বেষ্টব্যোঽশ্রুতোঽমতঃ ॥ ১৩১ ॥
স্বাত্মস্থঃ স্বায়ুধঃ স্বামী স্বানন্যঃ স্বাংশিতাখিলঃ ।
স্বাহারূপো বসুমনাঃ বটুকঃ ক্ষেত্রপালকঃ ॥ ১৩২ ॥
হিতঃ প্রমাতা প্রাগ্বর্তী সর্বোপনিষদাশয়ঃ ।
হিরণ্যবাহুস্সেনানীর্হরিকেশো দিশাম্পতিঃ ॥ ১৩৩ ॥
হেতুদৃষ্টান্তনির্মুক্তো হেতুর্হেরম্বজন্মভূঃ ।
হেয়াদেয়বিনির্মুক্তো হেলাকলিততাণ্ডবঃ ॥ ১৩৪ ॥
হেলাবিনির্মিতজগদ্ধেমশ্বশ্রুর্হিরণ্ময়ঃ ।
জ্ঞানলিঙ্গো গতির্জ্ঞানী জ্ঞানগম্যোঽভাসকঃ ॥ ১৩৫ ॥
উত্তর পীঠিকা ।
ইতি কুঞ্চিতপাদস্য নটরাজস্য সুন্দরম্ ।
নাম্নাং সহস্রং সম্প্রোক্তং ময়া দেবি ত্বদাদরাত্ ॥ ১ ॥
সর্বমন্ত্রময়ং হ্যেতত্ ন প্রকাশ্যং কদাচন ।
সচ্ছিষ্যায় বিনীতায় ভক্তায় নটনায়কে ॥ ২ ॥
করাঙ্গন্যাসসংয়ুক্তং প্রোক্তব্যং ধ্যানসংয়ুতম্ ।
কন্যার্থী লভতে কন্যাং ধনার্থী ধনমাপ্নুয়াত্ ॥ ৩ ॥
বিদ্যার্থী লভতে বিদ্যাং পুত্রার্থী পুত্রমাপ্নুয়াত্ ।
য়দ্যত্ প্রার্থয়তে মর্ত্যঃ তত্সর্বং লভতে ধুবম্ ॥ ৪ ॥
সর্বসিদ্ধিকরং পুণ্যং সর্ববিদ্যাবিবর্দ্ধনম্ ।
সর্বসম্পত্প্রদমিদং সর্বাপদ্ঘ্নমঘাপহম্ ॥ ৫ ॥
আভিচারপ্রয়োগাদিমহাকৃত্যানিবারণম্ ।
অপস্মারমহাব্যাধিজ্বরকুষ্ঠাদিনাশনম্ ॥ ৬ ॥
অত্যুত্পাতভয়ক্ষোভক্ষুদ্রবারণকারণম্ ।
কূশ্মাণ্ডরুদ্রবেতালশাকিন্যাদিভয়াপহম্ ॥ ৭ ॥
স্মরণাদেব জন্তূনাং ব্রহ্মহত্যাদিনাশনম্ ।
অস্মাত্পরতরং স্তোত্রং নাস্তি লোকত্রয়েঽম্বিকে ॥ ৮ ॥
এতন্নামসহস্রস্য পঠনাত্সকৃদেব হি ।
মহাপাতকয়ুক্তোঽপি শিবসায়ুজ্যমাপ্নুয়াত্ ॥ ৯ ॥
প্রয়োগলক্ষণং বক্ষ্যে শৃণু শৈলসুতেঽধুনা ।
পঞ্চম্যামথবাষ্টম্যাং দশম্যাং বা বিশেষতঃ ॥ ১০ ॥
স্নাত্বা শুভাসনে স্থিত্বা ধ্যায়ন্ শ্রীনটনায়কম্ ।
প্রজপেত্দ্বাদশাবৃত্যা সর্বান্কামানবাপ্নুয়াত্ ॥ ১১ ॥
আর্দ্রায়াং প্রাতরারভ্য নটনাথস্য সন্নিধৌ ।
আসায়ং প্রজপেদেতত্ এবং সংবত্সরত্রয়ম্ ॥ ১২ ॥
তস্য ভক্তস্য দেবেশঃ নটনং দর্শয়েত্প্রভুঃ ।
বিল্ববৃক্ষস্য নিকটে প্রদোষে প্রজপেদিদম্ ॥ ১৩ ॥
ষড্ভির্মাসৈমহৈশ্বর্যং লভতে নচিরান্নরঃ ।
অনেন স্তোত্ররাজেন মন্ত্রিতং ভস্ম ধারয়েত্ ॥ ১৪ ॥
ভস্মাবলোকনান্মৃত্যুর্বশ্যো ভবতি তত্ক্ষণাত্ ।
সলিলং প্রাশয়েদ্ধীমান্মন্ত্রেণানেন মন্ত্রিতম্ ॥ ১৫ ॥
সর্ববিদ্যাময়ো ভূত্বা ব্যাকরোত্যশ্রুতাদিকম্ ।
নাটকাদিমহাগ্রন্থং কুরুতে নাত্র সংশয়ঃ ॥ ১৬ ॥
চতুর্থ্যন্তং সমুচ্চার্য নামৈকং তু ততো জপেত্ ।
পঞ্চাক্ষরং তথা নাম্রা সহস্রং প্রজপেত্ক্রমাত্ ॥ ১৭ ॥
এবং ত্রিবারং মাসানাং অষ্টাবিংশতিকে গতে ।
নিগ্রহানুগ্রহৌ কর্তুং শক্তিরস্যোপজায়তে ॥ ১৮ ॥
নাম্নামাদৌ তথান্তে চ পঞ্চাক্ষরমহামনুম্ ।
জপ্ত্বা মধ্যস্থিতং নাম নির্নমোন্তং সদাঽসকৃত্ ॥ ১৯ ॥
চতুর্থ্যন্তং জপেদ্ধীমান্ ত্রিবর্ষং চ ত্রিবারকৈঃ ।
অণিমাদিমহাসিদ্ধিমচিরাত্প্রাপ্নুয়াদ্ধ্রুবম্ ॥ ২০ ॥
সর্বেষ্বপি চ লোকেষু সিদ্ধস্সন্নাচরেন্নরঃ ।
লক্ষ্মীবীজদ্বয়ক্ষিপ্তমাদ্যন্তে নাম য়শ্শিবে ॥ ২১ ॥
বাঞ্ছিতাং শ্রিয়মাপ্নোতি সত্যমুক্তং বরাননে ।
হৃল্লেখামন্ত্রসংয়ুক্তং পূর্ববত্সংয়ুতং জপেত্ ॥ ২২ ॥
য়োগসিদ্ধির্ভবেত্তস্য ত্রিচতুঃ পঞ্চবত্সরৈঃ ।
কিমত্র বহুনোক্তেন য়া য়া সিদ্ধিরভীপ্সিতা ॥ ২৩ ॥
সা সা সিদ্ধির্ভবেদস্য সত্যমেব ময়োদিতম্ ।
কণ্ঠদঘ্নজলে স্থিত্বা ত্রিবারং প্রজপেদিদম্ ॥ ২৪ ॥
রিপূনুচ্চাটয়েচ্ছীঘ্রমেকেনৈব দিনেন সঃ ।
দক্ষিণাভিমুখো ভূত্বা ধৃত্বার্দ্রবসনং শুচিঃ ॥ ২৫ ॥
শত্রুনাম সমুচ্চার্য মারয়েতি পদাঙ্কিতম্ ।
পঠেদিমং স্তবং ক্রোধাত্সপ্তকৃত্বঃ ত্রিভির্দিনৈঃ ॥ ২৬ ॥
স রিপুর্মৃত্যুগেহস্য ধুবমাতিথ্যভাগ্ভবেত্ ।
হরিদ্রয়া নটাধীশং কৃত্বা প্রাণান্প্রতিষ্ঠিপেত্ ॥ ২৭ ॥
পীতপুষ্পৈস্সমভ্যর্চ্য স্তোত্রমেতজ্জপেন্নরঃ ।
স্তম্ভয়েত্সকলান্ লোকান্ কিমিহ ক্ষুদ্রমানুষান্ ॥ ২৮ ॥
আকর্ষণায় সর্বেষামুত্তরাভিমুখো জপেত্ ।
বাঞ্ছিতাঃ য়োষিতস্সর্বাস্তথা লোকান্তরস্থিতাঃ ॥ ২৯ ॥
য়ক্ষাশ্চ কিন্নরাশ্চাপি রাজানো বশমাপ্নুয়ুঃ ।
কুম্ভস্থিতং জলং স্পৃষ্ট্বা ত্রিবারং প্রজপেদিদম্ ॥ ৩০ ॥
মহাগ্রহগণগ্রস্তানভিষেকং তু কারয়েত্ ।
জলদর্শনমাত্রেণ মুচ্যতে চ গ্রহাদিভিঃ ॥ ৩১ ॥
অকারাদিজ্ঞকারান্তনামগ্রথিতমুত্তমম্ ।
স্তোত্রমেতজ্জপিত্বা চ পঠিত্বা শ্রিয়মাপ্নুয়াত্ ॥ ৩২ ॥
পূজয়িত্বা নামভিশ্চ নটেশপ্রীতিভাগ্ভবেত্ ।
কিমত্র বহুনোক্তেন সিদ্ধ্যন্ত্যখিলসিদ্ধয়ঃ ॥ ৩৩ ॥
সাক্ষান্নটেশ্বরো দেবো বশ্যো ভবতি শৈলজে ।
অস্মাত্পরতরা সিদ্ধিঃ কা বাস্তি কথয় প্রিয়ে ॥ ৩৪ ॥
নিষ্কামস্ত্বচিরাদেব ব্রহ্মজ্ঞানমবাপ্নুয়াত্ ।
তস্মাত্সর্বপ্রয়ত্নেন য়তিভির্ব্রহ্মচারিভিঃ ॥ ৩৫ ॥
বনস্থৈশ্চ গৃহস্থৈশ্চ সর্বৈর্জপ্যং প্রয়ত্নতঃ ।
নিত্যকর্মবদেবেদং স্তোত্রং জপ্যং সদাদরাত্ ॥ ৩৬ ॥
ব্রহ্মাদয়োঽপি য়ন্নামপাঠস্যৈব প্রসাদতঃ ।
সৃষ্টিস্থিত্যন্তকর্তারো জগতাং চিরজীবিনঃ ॥ ৩৭ ॥
অন্যে চ মুনয়স্সর্বে হয়গ্রীবাদয়ঃ পুরা ।
পঠিত্বা পরমাং সিদ্ধিং পুনরাবৃত্তিবর্জিতাম্ ॥ ৩৮ ॥
লেভিরে তদিদং স্তোত্রং পঠ ত্বমপি শৈলজে ।
অস্মাত্পরতরং বেদ্যং নাস্তি সত্যং ময়োদিতম্ ॥ ৩৯ ॥
॥ শ্রীভৃঙ্গিরিটি সংহিতায়াং শ্রীশিবকামসুন্দরীসমেত শ্রী
নটরাজরাজ কুঞ্চিতপাদসহস্রনামস্তোত্রং সম্পূর্ণম্ ॥
॥ শিবম্ ॥
ততঃ চিন্তামণিমন্ত্রেণ অঙ্গন্যাসং, ধ্যায়েত্কোটি রবিপ্রভমিতি
ফালেরত্নত্রিপুণ্ড্রং ইতি ধ্যানং লং পৃথিব্যাত্মন
ইতি পঞ্চ পূজাং চ কুর্যাত্ ।
ভূর্ভুবস্সুবরোমিতি দিক্বিমোকঃ ইতি তু বিশেষঃ ।
চিন্তামণি মন্ত্রঃ সনিয়মং গুরূপদেশাত্ জ্ঞেয়ঃ ॥
য়ঃ শিবো নামরূপাভ্যাং য়া দেবী সর্বমঙ্গলা ।
তয়োঃ সংস্মরণান্নিত্যং সর্বতো জয়মঙ্গলম্ ॥
॥ মহোত্সবয়াত্রাক্রমঃ ॥
মঞ্চে চন্দ্রার্কভূতেষ্বপি বৃষগজরাড্রাজতাদ্রিষ্বথাশ্বৈঃ
সোমাস্কন্দস্বরূপস্স্বয়মুরুনয়নে গোরথে মার্গণো য়ঃ ।
স্থিত্বা ব্রহ্মোত্সবেষু ত্রিষু চ নটপতিঃ প্রত্যহং বীথিয়াত্রাং
কৃত্বা স্নাত্বা সহ স্বং প্রবিশতি শিবয়া কুঞ্চিতাঙ্ঘ্রিং ভজ্যেঽহম্ ॥
মঙ্গলং চিত্সভেশায় মহনীয়গুণাত্মনে ।
চক্রবর্তিনুতায় শ্রীনটরাজায় মঙ্গলম্ ॥
॥ নটরাজরাজঃ শুভমাতনোতু ॥
– Chant Stotra in Other Languages –
1000 Names of Sri Nataraja Kunchithapadam in Sanskrit – English – Bengali – Gujarati – – Kannada – Malayalam – Odia – Telugu – Tamil