॥ Maha Ganapati Sahasranamastotram 2 Malayalam Lyrics ॥
॥ മഹാഗണപതിസഹസ്രനാമസ്തോത്രം 2 അഥവാ വരദഗണേശസഹസ്രനാമസ്തോത്രം ॥
ശ്രീഗണേശായ നമഃ ।
ശ്രീഭൈരവ ഉവാച –
ശ‍ൃണു ദേവി രഹസ്യം മേ യത്പുരാ സൂചിതം മയാ ।
തവ ഭക്ത്യാ ഗണേശസ്യ വക്ഷ്യേ നാമസഹസ്രകം ॥ 1 ॥
ശ്രീദേവ്യുവാച –
ഭഗവന്‍ ഗണനാഥസ്യ വരദസ്യ മഹാത്മനഃ ।
ശ്രോതും നാമസഹസ്രം മേ ഹൃദയം പ്രോത്സുകായതേ ॥ 2 ॥
ശ്രീഭൈരവ ഉവാച –
പ്രാങ് മേ ത്രിപുരനാശേ തു ജാതാ വിഘ്നകുലാഃ ശിവേ ।
മോഹേന മുഹ്യതേ ചേതസ്തേ സര്‍വേ ബലദര്‍പിതാഃ ॥ 3 ॥
തദാ പ്രഭും ഗണാധ്യക്ഷം സ്തുത്വാ നാമസഹസ്രകൈഃ ।
വിഘ്നാ ദൂരാത് പലായന്ത കാലരുദ്രാദിവ പ്രജാഃ ॥ 4 ॥
തസ്യാനുഗ്രഹതോ ദേവി ജാതോഽഹം ത്രിപുരാന്തകഃ ।
തമദ്യാപി ഗണേശാനം സ്തൌമി നാമസഹസ്രകൈഃ ॥ 5 ॥
തമദ്യ തവ ഭക്ത്യാഹം സാധകാനാം ഹിതായ ച ।
മഹാഗണപതേര്‍വക്ഷ്യേ ദിവ്യം നാമസഹസ്രകം ॥ 6 ॥
(പാഠകാനാം ച ദാതൄണാം സുഖസമ്പത്പ്രദായകം ।
ദുഃഖാപഹം ച ശ്രോതൄണാം മന്ത്രനാമസഹസ്രകം) ॥ 7 ॥
അസ്യ ശ്രീവരദഗണേശസഹസ്രനാമസ്തോത്രമന്ത്രസ്യ ശ്രീഭൈരവ ഋഷിഃ ।
ഗായത്രീ ഛന്ദഃ । ശ്രീമഹാഗണപതിര്‍ദേവതാ । ഗം ബീജം । ഹ്രീം ശക്തിഃ ।
കുരു കുരു കീലകം ।
ധര്‍മാര്‍ഥകാമമോക്ഷാര്‍ഥേ സഹസ്രനാമസ്തവപാഠേ വിനിയോഗഃ ।
ധ്യാനം-
ഓംഹ്രീംശ്രീംക്ലീം-ഗണാധ്യക്ഷോ ഗ്ലൌംഗം-ഗണപതിര്‍ഗുണീ ।
ഗുണാദ്യോ നിര്‍ഗുണോ ഗോപ്താ ഗജവക്ത്രോ വിഭാവസുഃ ॥ 8 ॥
വിശ്വേശ്വരോ വിഭാദീപ്തോ ദീപനോ ധീവരോ ധനീ ।
സദാശാന്തോ ജഗത്താതോ വിഷ്വക്സേനോ വിഭാകരഃ ॥ 9 ॥
വിസ്രംഭീ വിജയീ വൈദ്യോ വാരാന്നിധിരനുത്തമഃ ।
അണീയാന്‍ വിഭവീ ശ്രേഷ്ഠോ ജ്യേഷ്ഠോ ഗാഥാപ്രിയോ ഗുരുഃ ॥ 10 ॥
സൃഷ്ടികര്‍താ ജഗദ്ധര്‍താ വിശ്വഭര്‍താ ജഗന്നിധിഃ ।
പതിഃ പീതവിഭൂഷാങ്ഗോ രക്താക്ഷോ ലോഹിതാംബരഃ ॥ 11 ॥
വിരൂപാക്ഷോ വിമാനസ്ഥോ വിനയഃ സനയഃ സുഖീ ।
സുരൂപഃ സാത്ത്വികഃ സത്യഃ ശുദ്ധഃ ശങ്കരനന്ദനഃ ॥ 12 ॥
നന്ദീശ്വരോ സദാനന്ദീ വന്ദിസ്തുത്യോ വിചക്ഷണഃ ।
ദൈത്യമര്‍ദീ മദാക്ഷീബോ മദിരാരുണലോചനഃ ॥ 11 ॥
സാരാത്മാ വിശ്വസാരശ്ച വിശ്വചാരീ വിലേപനഃ ।
പരം ബ്രഹ്മ പരം ജ്യോതിഃ സാക്ഷീ ത്ര്യക്ഷോ വികത്ഥനഃ ॥ 14 ॥
വീരേശ്വരോ വീരഹര്‍താ സൌഭാഗ്യോ ഭാഗ്യവര്‍ധനഃ ।
ഭൃങ്ഗിരീടീ ഭൃങ്ഗമാലീ ഭൃങ്ഗകൂജിതനാദിതഃ ॥ 15 ॥
വിനര്‍തകോ വിനേതാപി വിനതാനന്ദനോഽര്‍ചിതഃ ।
വൈനതേയോ വിനംരാങ്ഗോ വിശ്വനേതാ വിനായകഃ ॥ 16 ॥
വിരാടകോ വിരാടശ്ച വിദഗ്ധോ വിധിരാത്മഭൂഃ ।
പുഷ്പദന്തഃ പുഷ്പഹാരീ പുഷ്പമാലാവിഭൂഷണഃ ॥ 17 ॥
പുഷ്പേഷുര്‍മഥനഃ പുഷ്ടോ വികര്‍താ കര്‍തരീകരഃ ।
അന്ത്യോഽന്തകശ്ചിത്തഗണശ്ചിത്തചിന്താപഹാരകഃ ॥ 18 ॥
അചിന്ത്യോഽചിന്ത്യരൂപശ്ച ചന്ദനാകുലമുണ്ഡകഃ ।
ലിപിതോ ലോഹിതോ ലുപ്തോ (100) ലോഹിതാക്ഷോ വിലോഭകഃ ॥ 19 ॥
ലുബ്ധാശയോ ലോഭരതോ ലാഭദോഽലങ്ഘ്യഗാത്രകഃ ।
സുന്ദരഃ സുന്ദരീപുത്രഃ സമസ്താസുരഘാതനഃ ॥ 20 ॥
നൂപുരാഢ്യോ വിഭവദോ നരോ നാരായണോ രവിഃ ।
വിചാരീ വാന്തദോ വാഗ്മീ വിതര്‍കീ വിജയേശ്വരഃ ॥ 21 ॥
സുപ്തോ ബുദ്ധഃ സദാരൂപഃ സുഖദഃ സുഖസേവിതഃ ।
വികര്‍തനോ വിയച്ചാരീ വിനടോ നര്‍തകോ നടഃ ॥ 22 ॥
നാട്യോ നാട്യപ്രിയോ നാദോഽനന്തോഽനന്തഗുണാത്മകഃ ।
വിശ്വമൂര്‍വിശ്വഘാതീ ച വിനതാസ്യോ വിനര്‍തകഃ ॥ 23 ॥
കരാലഃ കാമദഃ കാന്തഃ കമനീയഃ കലാധരഃ ।
കാരുണ്യരൂപഃ കുടിലഃ കുലാചാരീ കുലേശ്വരഃ ॥ 24 ॥
വികരാലോ ഗണശ്രേഷ്ഠഃ സംഹാരോ ഹാരഭൂഷണഃ ।
രുരൂ രംയമുഖോ രക്തോ രേവതീദയിതോ രസഃ ॥ 25 ॥
മഹാകാലോ മഹാദംഷ്ട്രോ മഹോരഗഭയാപഹഃ ।
ഉന്‍മത്തരൂപഃ കാലാഗ്നിരഗ്നിസൂര്യേന്ദുലോചനഃ ॥ 26 ॥
സിതാസ്യഃ സിതമാല്യശ്ച സിതദന്തഃ സിതാംശുമാന്‍ ।
അസിതാത്മാ ഭൈരവേശോ ഭാഗ്യവാന്‍ ഭഗവാന്‍ ഭഗഃ ॥
ഭര്‍ഗാത്മജോ ഭഗാവാസോ ഭഗദോ ഭഗവര്‍ധനഃ ।
ശുഭങ്കരഃ ശുചിഃ ശാന്തഃ ശ്രേഷ്യഃ ശ്രവ്യഃ ശചീപതിഃ ॥ 28 ॥
വേദാദ്യോ വേദകര്‍താ ച വേദവേദ്യഃ സനാതനഃ ।
വിദ്യാപ്രദോ വേദസാരോ വൈദികോ വേദപാരഗഃ ॥ 29 ॥
വേദധ്വനിരതോ വീരോ വരോ വേദാഗമാര്‍ഥവിത് ।
തത്ത്വജ്ഞഃ സവര്‍ഗഃ സാധുഃ സദയഃ സദ് (200) അസന്‍മയഃ ॥ 30 ॥
നിരാമയോ നിരാകാരോ നിര്‍ഭയോ നിത്യരൂപഭൃത് । ।
നിര്‍വൈരോ വൈരിവിധ്വംസീ മത്തവാരണസന്നിഭഃ ॥ 31 ॥
ശിവങ്കരഃ ശിവസുതഃ ശിവഃ സുഖവിവര്‍ധനഃ ।
ശ്വൈത്യഃ ശ്വേതഃ ശതമുഖോ മുഗ്ധോ മോദകഭോജനഃ ॥ 32 ॥
ദേവദേവോ ദിനകരോ ധൃതിമാന്‍ ദ്യുതിമാന്‍ ധവഃ ।
ശുദ്ധാത്മാ ശുദ്ധമതിമാഞ്ഛുദ്ധദീപ്തിഃ ശുചിവ്രതഃ ॥ 33 ॥
ശരണ്യഃ ശൌനകഃ ശൂരഃ ശരദംഭോജധാരകഃ ।
ദാരകഃ ശിഖിവാഹേഷ്ടഃ ശീതഃ ശങ്കരവല്ലഭഃ ॥ 34 ॥
ശങ്കരോ നിര്‍ഭവോ നിത്യോ ലയകൃല്ലാസ്യതത്പരഃ । നിര്‍ഭയോ
ലൂതോ ലീലാരസോല്ലാസീ വിലാസീ വിഭ്രമോ ഭ്രമഃ ॥ 35 ॥
ഭ്രമണഃ ശശഭൃത് സൂര്യഃ ശനിര്‍ധരണിനന്ദനഃ ।
ബുദ്ധോ വിബുധസേവ്യശ്ച ബുധരാജോ ബലന്ധരഃ ॥ 36 ॥
ജീവോ ജീവപ്രദോ ജൈത്രഃ സ്തുത്യോ നുത്യോ നതിപ്രിയഃ ।
ജനകോ ജിനമാര്‍ഗജ്ഞോ ജൈനമാര്‍ഗനിവര്‍തകഃ ॥ 37 ॥
ഗൌരീസുതോ ഗുരുരവോ ഗൌരാങ്ഗോ ഗജപൂജിതഃ ।
പരം പദം പരം ധാമ പരമാത്മാ കവിഃ കുജഃ ॥ 38 ॥
രാഹുര്‍ദൈത്യശിരശ്ഛേദീ കേതുഃ കനകകുണ്ഡലഃ ।
ഗ്രഹേന്ദ്രോ ഗ്രാഹിതോ ഗ്രാഹ്യോഽഗ്രണീര്‍ഘുര്‍ഘുരനാദിതഃ ॥ 39 ॥
പര്‍ജന്യഃ പീവരോ പോത്രീ പീനവക്ഷാഃ പരാര്‍ജിതഃ ।
വനേചരോ വനപതിര്‍വനവാസഃ സ്മരോപമഃ ॥ 40 ॥
പുണ്യം പൂതഃ പവിത്രം ച പരാത്മാ പൂര്‍ണവിഗ്രഹഃ ।
പൂര്‍ണേന്ദുശകലാകാരോ മന്യുഃ പൂര്‍ണമനോരഥഃ ॥ 41 ॥
യുഗാത്മാ യുഗഭൃദ് യജ്വാ (300) യാജ്ഞികോ യജ്ഞവത്സലഃ । യോഗഭൃദ്
യശസ്വീ യജമാനേഷ്ടോ വ്രജഭൃദ് വജ്രപഞ്ജരഃ ॥ 42 ॥
മണിഭദ്രോ മണിമയോ മാന്യോ മീനധ്വജാശ്രിതഃ ।
മീനധ്വജോ മനോഹാരീ യോഗിനാം യോഗവര്‍ധനഃ ॥ 43 ॥
ദ്രഷ്ടാ സ്രഷ്ടാ തപസ്വീ ച വിഗ്രഹീ താപസപ്രിയഃ ।
തപോമയസ്തപോമൂര്‍തിസ്തപനശ്ച തപോധനഃ ॥ 44 ॥
രുചകോ മോചകോ രുഷ്ടസ്തുഷ്ടസ്തോമരധാരകഃ ।
ദണ്ഡീ ചണ്ഡാംശുരവ്യക്തഃ കമണ്ഡലുധരോഽനഘഃ ॥ 45 ॥
കാമീ കര്‍മരതഃ കാലഃ കോലഃ ക്രന്ദിതദിക്തടഃ ।
ഭ്രാമകോ ജാതിപൂജ്യശ്ച ജാഡ്യഹാ ജഡസൂദനഃ ॥ 46 ॥
ജാലന്ധരോ ജഗദ്വാസീ ഹാസകൃദ് ഹവനോ ഹവിഃ ।
ഹവിഷ്മാന്‍ ഹവ്യവാഹാക്ഷോ ഹാടകോ ഹാടകാങ്ഗദഃ ॥ 47 ॥
സുമേരുര്‍ഹിമവാന്‍ ഹോതാ ഹരപുത്രോ ഹലങ്കഷഃ ।
ഹാലപ്രിയോ ഹൃദാശാന്തഃ കാന്താഹൃദയപോഷണഃ ॥ 48 ॥
ശോഷണഃ ക്ലേശഹാ ക്രൂരഃ കഠോരഃ കഠിനാകൃതിഃ ।
കൂവരോ ധീമയോ ധ്യാതാ ധ്യേയോ ധീമാന്‍ ദയാനിധിഃ ॥
ദവിഷ്ഠോ ദമനോ ദ്യുസ്ഥോ ദാതാ ത്രാതാ സിതഃ സമഃ ।
നിര്‍ഗതോ നൈഗമീ ഗംയോ നിര്‍ജേയോ ജടിലോഽജരഃ ॥ 50 ॥
ജനജീവോ ജിതാരാതിര്‍ജഗദ്വ്യാപീ ജഗന്‍മയഃ ।
ചാമീകരനിഭോഽനാദ്യോ നലിനായതലോചനഃ ॥ 51 ॥
രോചനോ മോചനോ മന്ത്രീ മന്ത്രകോടിസമാശ്രിതഃ ।
പഞ്ചഭൂതാത്മകഃ പഞ്ചസായകഃ പഞ്ചവക്ത്രകഃ ॥ 52 ॥
പഞ്ചമഃ പശ്ചിമഃ പൂര്‍വഃ ( 400) പൂര്‍ണഃ കീര്‍ണാലകഃ കുണിഃ ।
കഠോരഹൃദയോ ഗ്രീവാലങ്കൃതോ ലലിതാശയഃ ॥ 53 ॥
ലോലചിത്തോ ബൃഹന്നാസോ മാസപക്ഷര്‍തുരൂപവാന്‍ ।
ധ്രുവോ ദ്രുതഗതിര്‍ധര്‍ംയോ ധര്‍മീ നാകിപ്രിയോഽനലഃ ॥ 54 ॥
അഗസ്ത്യോ ഗ്രസ്തഭുവനോ ഭുവനൈകമലാപഹഃ ।
സാഗരഃ സ്വര്‍ഗതിഃ സ്വക്ഷഃ സാനന്ദഃ സാധുപൂജിതഃ ॥ 55 ॥
സതീപതിഃ സമരസഃ സനകഃ സരലഃ സുരഃ ।
സുരാപ്രിയോ വസുപതിര്‍വാസവോ വസുപൂജിതഃ ॥ 56 ॥
വിത്തദോ വിത്തനാഥശ്ച ധനിനാം ധനദായകഃ ।
രാജീ രാജീവനയനഃ സ്മൃതിദഃ കൃത്തികാംബരഃ ॥ 57 ॥
ആശ്വിനോഽശ്വമുഖഃ ശുഭ്രോ ഭരണോ ഭരണീപ്രിയഃ ।
കൃത്തികാസനഗഃ കോലോ രോഹീ രോഹണപാദുകഃ ॥ 58 ॥
ഋഭുവേഷ്ടോഽരിമര്‍ദീ ച രോഹിണീമോഹനോഽമൃതം ।
മൃഗരാജോ മൃഗശിരാ മാധവോ മധുരധ്വനിഃ ॥ 59 ॥
ആര്‍ദ്രാനനോ മഹാബുദ്ധിര്‍മഹോരഗവിഭൂഷണഃ ।
ഭ്രൂക്ഷേപദത്തവിഭവോ ഭ്രൂകരാലഃ പുനര്‍മയഃ ॥ 60 ॥
പുനര്‍ദേവഃ പുനര്‍ജേതാ പുനര്‍ജീവഃ പുനര്‍വസുഃ ।
തിത്തിരിസ്തിമികേതുശ്ച തിമിചാരകഘാതനഃ ॥ 61 ॥
തിഷ്യസ്തുലാധരോ ജംഭ്യോ വിശ്ലേഷോഽശ്ലേഷ ഏണരാട് ।
മാനദോ മാധവോ മാഘോ വാചാലോ മഘവോപമഃ ॥ 62 ॥
മേധ്യോ മഘാപ്രിയോ മേഘോ മഹാമുണ്ഡോ മഹാഭുജഃ ।
പൂര്‍വഫാല്‍ഗുനികഃ സ്ഫീതഃ ഫല്‍ഗുരുത്തരഫാല്‍ഗുനഃ ॥ 63 ॥
ഫേനിലോ ബ്രഹ്മദോ ബ്രഹ്മാ സപ്തതന്തുസമാശ്രയഃ ।
ഘോണാഹസ്തശ്ചതുര്‍ഹസ്തോ ഹസ്തിവക്ത്രോ ഹലായുധഃ ॥ 64 ॥
ചിത്രാംബരോ(500)ഽര്‍ചിതപദഃ സ്വാദിതഃ സ്വാതിവിഗ്രഹഃ ।
വിശാഖഃ ശിഖിസേവ്യശ്ച ശിഖിധ്വജസഹോദരഃ ॥ 65 ॥
അണൂ രേണുഃ കലാസ്ഫാരോഽനൂരൂ രേണുസുതോ നരഃ ।
അനുരാധാപ്രിയോ രാധ്യഃ ശ്രീമാഞ്ഛുക്ലഃ ശുചിസ്മിതഃ ॥ 66 ॥
ജ്യേഷ്ഠഃ ശ്രേഷ്ഠാര്‍ചിതപദോ മൂലം ത്രിജഗതോ ഗുരുഃ ।
ശുചിഃ പൂര്‍വസ്തഥാഷാഢശ്ചോത്തരാഷാഢ ഈശ്വരഃ ॥ 67 ॥
ശ്രവ്യോഽഭിജിദനന്താത്മാ ശ്രവോ വേപിതദാനവഃ ।
ശ്രാവണഃ ശ്രവണഃ ശ്രോതാ ധനീ ധന്യോ ധനിഷ്ഠകഃ ॥ 68 ॥
ശാതാതപഃ ശാതകുംഭഃ ശതംജ്യോതിഃ ശതംഭിഷക് ।
പൂര്‍വാഭാദ്രപദോ ഭദ്രശ്ചോത്തരാഭാദ്രപാദിതഃ ॥ 69 ॥
രേണുകാതനയോ രാമോ രേവതീരമണോ രമീ ।
അശ്വിയുക് കാര്‍തികേയേഷ്ടോ മാര്‍ഗശീര്‍ഷോ മൃഗോത്തമഃ ॥ 70 ॥
പുഷ്യശൌര്യഃ ഫാല്‍ഗുനാത്മാ വസന്തശ്ചിത്രകോ മധുഃ ।
രാജ്യദോഽഭിജിദാത്മീയസ്താരേശസ്താരകദ്യുതിഃ ॥ 71 ॥
പ്രതീതഃ പ്രോജ്ഝിതഃ പ്രീതഃ പരമഃ പാരമോ ഹിതഃ ।
പരഹാ പഞ്ചഭൂഃ പഞ്ചവായുഃ പൂജ്യഃ പരം മഹഃ ॥ 72 ॥
പുരാണാഗമവിദ് യോഗ്യോ മഹിഷോ രാസഭോഽഗ്രഗഃ ।
ഗ്രാഹോ മേഷോ വൃഷോ മന്ദോ മന്‍മഥോ മിഥുനാര്‍ചിതഃ ॥ 73 ॥
കല്‍കഭൃത് കടകോ ദീനോ മര്‍കടഃ കര്‍കടോ ഘൃണീ ।
കുക്കുടോ വനജോ ഹംസഃ പരഹംസഃ ശ‍ൃഗാലകഃ ॥ 74 ॥
സിംഹഃ സിംഹാസനോ മൂഷോ മോഹ്യോ മൂഷകവാഹനഃ (600) ।
പുത്രദോ നരകത്രാതാ കന്യാപ്രീതഃ കുലോദ്വഹഃ ॥ 75 ॥
അതുല്യരൂപോ ബലദസ്തുലാഭൃത് തുല്യസാക്ഷികഃ ।
അലിചാപധരോ ധന്വീ കച്ഛപോ മകരോ മണിഃ ॥ 76 ॥
സ്ഥിരഃ പ്രഭുര്‍മഹാകര്‍മീ മഹാഭോഗീ മഹായശാഃ ।
വസുമൂര്‍തിധരോ വ്യഗ്രോഽസുരഹാരീ യമാന്തകഃ ॥ 77 ॥
ദേവാഗ്രണീര്‍ഗണാധ്യക്ഷോ ഹ്യംബുജാലോ മഹാമതിഃ ।
അങ്ഗദീ കുണ്ഡലീ ഭക്തിപ്രിയോ ഭക്തവിവര്‍ധനഃ ॥ 78 ॥
ഗാണപത്യപ്രദോ മായീ വേദവേദാന്തപാരഗഃ ।
കാത്യായനീസുതോ ബ്രഹ്മപൂജിതോ വിഘ്നനാശനഃ ॥ 79 ॥
സംസാരഭയവിധ്വംസീ മഹോരസ്കോ മഹീധരഃ ।
വിഘ്നാന്തകോ മഹാഗ്രീവോ ഭൃശം മോദകമോദിതഃ ॥ 80 ॥
വാരാണസീപ്രിയോ മാനീ ഗഹന ആഖുവാഹനഃ ।
ഗുഹാശ്രയോ വിഷ്ണുപദീതനയഃ സ്ഥാനദോ ധ്രുവഃ ॥ 81 ॥
പരര്‍ദ്ധിസ്തുഷ്ടോ വിമലോ മൌലിമാന്‍ വല്ലഭാപ്രിയഃ ।
ചതുര്‍ദശീപ്രിയോ മാന്യോ വ്യവസായോ മദാന്വിതഃ ॥ 82 ॥
അചിന്ത്യഃ സിംഹയുഗലനിവിഷ്ടോ ബാലരൂപധൃത് ।
ധീരഃ ശക്തിമതാം ശ്രേഷ്ഠോ മഹാബലസമന്വിതഃ ॥ 83 ॥
സര്‍വാത്മാ ഹിതകൃദ് വൈദ്യോ മഹാകുക്ഷിര്‍മഹാമതിഃ ।
കരണം മൃത്യുഹാരീ ച പാപസങ്ഘനിവര്‍തകഃ ॥ 84 ॥
ഉദ്ഭിദ് വജ്രീ മഹാദൈത്യസൂദനോ ദീനരക്ഷകഃ ।
ഭൂതചാരീ പ്രേതചാരീ ബുദ്ധിരൂപോ മനോമയഃ ॥ 85 ॥
അഹങ്കാരവപുഃ സാങ്ഖ്യപുരുഷസ്ത്രിഗുണാത്മകഃ ।
തന്‍മാത്രരൂപോ ഭൂതാത്മാ ഇന്ദ്രിയാത്മാ വശീകരഃ ॥ 86 ॥
മലത്രയബഹിര്‍ഭൂതോ ഹ്യവസ്ഥാത്രയവര്‍ജിതഃ ।
നീരൂപോ ബഹുരൂപശ്ച കിന്നരോ നാഗവിക്രമഃ ॥ 87 ॥
ഏകദന്തോ മഹാവേഗഃ സേനാനീ സ്ത്രിദശാധിപഃ ।
വിശ്വകര്‍താ വിശ്വബീജം (700) ശ്രീഃ സമ്പദഹ്രീര്‍ധൃതിര്‍മതിഃ ॥ 88 ॥
സര്‍വശോഷകരോ വായുഃ സൂക്ഷ്മരൂപഃ സുനിശ്ചലഃ ।
സംഹര്‍താ സൃഷ്ടികര്‍താ ച സ്ഥിതികര്‍താ ലയാശ്രിതഃ ॥ 89 ॥
സാമാന്യരൂപഃ സാമാസ്യോഽഥര്‍വശീര്‍ഷാ യജുര്‍ഭുജഃ ।
ഋഗീക്ഷണഃ കാവ്യകര്‍താ ശിക്ഷാകാരീ നിരുക്തവിത് ॥ 90 ॥
ശേഷരൂപധരോ മുഖ്യഃ ശബ്ദബ്രഹ്മസ്വരൂപഭാക് ।
വിചാരവാഞ്ശങ്ഖധാരീ സത്യവ്രതപരായണഃ ॥ 91 ॥
മഹാതപാ ഘോരതപാഃ സര്‍വദോ ഭീമവിക്രമഃ ।
സര്‍വസമ്പത്കരോ വ്യാപീ മേഘഗംഭീരനാദഭൃത് ॥ 92 ॥
സമൃദ്ധോ ഭൂതിദോ ഭോഗീ വേശീ ശങ്കരവത്സലഃ ।
ശംഭുഭക്തിരതോ മോക്ഷദാതാ ഭവദവാനലഃ ॥ 93 ॥
സത്യസ്തപാ ധ്യേയമൂര്‍തിഃ കര്‍മമൂര്‍തിര്‍മഹാംസ്തഥാ ।
സമഷ്ടിവ്യഷ്ടിരൂപശ്ച പഞ്ചകോശപരാങ്മുഖഃ ॥ 94 ॥
തേജോനിധിര്‍ജഗന്‍മൂര്‍തിശ്ചരാചരവപുര്‍ധരഃ ।
പ്രാണദോ ജ്ഞാനമൂര്‍തിശ്ച നാദമൂര്‍തിയുതോഽക്ഷരഃ ॥ 95 ॥
ഭൂതാദ്യസ്തൈജസോ ഭാവോ നിഷ്കലശ്ചൈവ നിര്‍മലഃ ।
കൂടസ്ഥശ്ചേതനോ രുദ്രഃ ക്ഷേത്രവിത് പുരുഷോ ബുധഃ ॥ 96 ॥
അനാധാരോഽപ്യനാകാരോ ധാതാ ച വിശ്വതോമുഖഃ ।
അപ്രതര്‍ക്യവപുഃ സ്കന്ദാനുജോ ഭാനുര്‍മഹാപ്രഭഃ ॥ 97 ॥
യജ്ഞഹര്‍താ യജ്ഞകര്‍താ യജ്ഞാനാം ഫലദായകഃ ।
യജ്ഞഗോപ്താ യജ്ഞമയോ ദക്ഷയജ്ഞവിനാശകൃത് ॥ 98 ॥
വക്രതുണ്ഡോ മഹാകായഃ കോടിസൂര്യസമപ്രഭഃ ।
ഏകദംഷ്ട്രഃ കൃഷ്ണപിങ്ഗോ വികടോ ധൂംരവര്‍ണകഃ ॥ 99 ॥
ടങ്കധാരീ ജംബുകശ്ച നായകഃ ശൂര്‍പകര്‍ണകഃ ।
സുവര്‍ണഗര്‍ഭഃ സുമുഖഃ ശ്രീകരഃ സര്‍വസിദ്ധിദഃ ॥ 100 ॥
സുവര്‍ണവര്‍ണോ ഹേമാങ്ഗോ മഹാത്മാ ചന്ദനച്ഛവിഃ ।
സ്വങ്ഗഃ സ്വക്ഷഃ (800) ശതാനന്ദോ ലോകവില്ലോകവിഗ്രഹഃ ॥ 101 ॥
ഇന്ദ്രോ ജിഷ്ണുര്‍ധൂമകേതുര്‍വഹ്നിഃ പൂജ്യോ ദവാന്തകഃ ।
പൂര്‍ണാനന്ദഃ പരാനന്ദഃ പുരാണപുരുഷോത്തമഃ ॥ 102 ॥
കുംഭഭൃത് കലശീ കുബ്ജോ മീനമാംസസുതര്‍പിതഃ ।
രാശിതാരാഗ്രഹമയസ്തിഥിരൂപോ ജഗദ്വിഭുഃ ॥ 103 ॥
പ്രതാപീ പ്രതിപതപ്രേയാന്‍ ദ്വിതീയോഽദ്വൈതനിശ്ചിതഃ ।
ത്രിരൂപശ്ച തൃതീയാഗ്നിസ്ത്രയീരൂപസ്ത്രയീതനുഃ ॥ 104 ॥
ചതുര്‍ഥീവല്ലഭോ ദേവോ പാരഗഃ പഞ്ചമീരവഃ ।
ഷഡ്രസാസ്വാദകോഽജാതഃ ഷഷ്ഠീ ഷഷ്ടികവത്സരഃ ॥ 105 ॥
സപ്താര്‍ണവഗതിഃ സാരഃ സപ്തമീശ്വര ഈഹിതഃ ।
അഷ്ടമീനന്ദനോഽനാര്‍തോ നവമീഭക്തിഭാവിതഃ ॥ 106 ॥
ദശദിക്പതിപൂജ്യശ്ച ദശമീ ദ്രുഹിണോ ദ്രുതഃ ।
ഏകാദശാത്മാ ഗണപോ ദ്വാദശീയുഗചര്‍ചിതഃ ॥ 107 ॥
ത്രയോദശമനുസ്തുത്യശ്ചതുര്‍ദശസുരപ്രിയഃ ।
ചതുര്‍ദശേന്ദ്രസംസ്തുത്യഃ പൂര്‍ണിമാനന്ദവിഗ്രഹഃ ॥ 108 ॥
ദര്‍ശാദര്‍ശോ ദര്‍ശനശ്ച വാനപ്രസ്ഥോ മുനീശ്വരഃ ।
മൌനീ മധുരവാങ്മൂലം മൂര്‍തിമാന്‍ മേഘവാഹനഃ ॥ 109 ॥
മഹാഗജോ ജിതക്രോധോ ജിതശത്രുര്‍ജയാശ്രയഃ ।
രൌദ്രോ രുദ്രപ്രിയോ രുക്മോ രുദ്രപുത്രോഽഘതാപനഃ ॥ 110 ॥
ഭവപ്രിയോ ഭവാനീഷ്ടോ ഭാരഭൃദ് ഭൂതഭാവനഃ ।
ഗാന്ധര്‍വകുശലോഽകുണ്ഠോ വൈകുണ്ഠോ വിഷ്ണുസേവിതഃ ॥ 111 ॥
വൃത്രഹാ വിഘ്നഹാ സീരഃ സമസ്തദുരിതാപഹഃ ।
മഞ്ജുലോ മാര്‍ജനോ മത്തോ ദുര്‍ഗാപുത്രോ ദുരാലസഃ ॥ 112 ॥
അനന്തചിത്സുധാധാരോ വീരോ വീര്യൈകസാധകഃ ।
ഭാസ്വന്‍മുകുടമാണിക്യഃ കൂജത്കിങ്കിണിജാലകഃ ॥ 113 ॥
ശുണ്ഡാധാരീ തുണ്ഡചലഃ കുണ്ഡലീ മുണ്ഡമാലകഃ ।
പദ്മാക്ഷഃ പദ്മഹസ്തശ്ച (900) പദ്മനാഭസമര്‍ചിതഃ ॥ 114 ॥
ഉദ്ഗീഥോ നരദന്താഢ്യമാലാഭൂഷണഭൂഷിതഃ ।
നാരദോ വാരണോ ലോലശ്രവണഃ ശൂര്‍പകശ്രവാഃ ॥ 115 ॥
ബൃഹദുല്ലാസനാസാഢ്യവ്യാപ്തത്രൈലോക്യമണ്ഡലഃ ।
ഇലാമണ്ഡലസംഭ്രാന്തകൃതാനുഗ്രഹജീവകഃ ॥ 116 ॥
ബൃഹത്കര്‍ണാഞ്ചലോദ്ഭൂതവായുവീജിതദിക്തടഃ ।
ബൃഹദാസ്യരവാക്രാന്തഭീമബ്രഹ്മാണ്ഡഭാണ്ഡകഃ ॥ 117 ॥
ബൃഹത്പാദസമാക്രാന്തസപ്തപാതാലവേപിതഃ ।
ബൃഹദ്ദന്തകൃതാത്യുഗ്രരണാനന്ദരസാലസഃ ॥ 118 ॥
ബൃഹദ്ധസ്തധൃതാശേഷായുധനിര്‍ജിതദാനവഃ ।
സ്ഫുരത്സിന്ദൂരവദനഃ സ്ഫുരത്തേജോഽഗ്നിലോചനഃ ॥ 119 ॥
ഉദ്ദീപിതമണിസ്ഫൂര്‍ജന്നൂപുരധ്വനിനാദിതഃ ।
ചലത്തോയപ്രവാഹാഢ്യനദീജലകണാകുലഃ ॥ 120 ॥
ഭ്രമത്കുഞ്ജരസങ്ഘാതവന്ദിതാങ്ഘ്രിസരോരുഹഃ ।
ബ്രഹ്മാച്യുതമഹാരുദ്രപുരഃസരസുരാര്‍ചിതഃ ॥ 121 ॥
അശേഷശേഷപ്രഭൃതിവ്യാലജാലോപസേവിതഃ ।
ഗൂര്‍ജത്പഞ്ചാനനാരാവപ്രാപ്താകാശധരാതലഃ ॥ 122 ॥
ഹാഹാഹൂഹൂകൃതാത്യുഗ്രസുരവിഭ്രാന്തമാനസഃ ।
പഞ്ചാശദ്വര്‍ണബീജാഢ്യമന്ത്രമന്ത്രിതവിഗ്രഹഃ ॥ 123 ॥
വേദാന്തശാസ്ത്രപീയൂഷധാരാപ്ലാവിതഭൂതലഃ ।
ശങ്ഖധ്വനിസമാക്രാന്തപാതാലാദിനഭസ്തലഃ ॥ 124 ॥
ചിന്താമണിര്‍മഹാമല്ലോ ഭല്ലഹസ്തോ ബലിഃ കലിഃ ।
കൃതത്രേതായുഗോല്ലാസഭാസമാനജഗത്ത്രയഃ ॥ 125 ॥
ദ്വാപരഃ പരലോകൈകകര്‍മധ്വാന്തസുധാകരഃ ।
സുധാസിക്തവപുര്‍വ്യാപ്തബ്രഹ്മാണ്ഡാദികടാഹകഃ ॥ 126 ॥
അകാരാദിക്ഷകാരാന്തവര്‍ണപങ്ക്തിസമുജ്ജ്വലഃ ।
അകാരാകാരപ്രോദ്ഗീതതാരനാദനിനാദിതഃ ॥ 127 ॥
ഇകാരേകാരമന്ത്രാഢ്യമാലാഭ്രമണലാലസഃ ।
ഉകാരോകാരപ്രോദ്ഗാരിഘോരനാഗോപവീതകഃ ॥ 128 ॥
ഋവര്‍ണാങ്കിതൠകാരപദ്മദ്വയസമുജ്ജ്വലഃ ।
ലൃകാരയുതലൄകാരശങ്ഖപൂര്‍ണദിഗന്തരഃ ॥ 129 ॥
ഏകാരൈകാരഗിരിജാസ്തനപാനവിചക്ഷണഃ ।
ഓകാരൌകാരവിശ്വാദികൃതസൃഷ്ടിക്രമാലസഃ ॥ 130 ॥
അംഅഃവര്‍ണാവലീവ്യാപ്തപാദാദിശീര്‍ഷമണ്ഡലഃ ।
കര്‍ണതാലകൃതാത്യുച്ചൈര്‍വായുവീജിതനിര്‍ജരഃ ॥ 131 ॥
ഖഗേശധ്വജരത്നാങ്കകിരീടാരുണപാദകഃ ।
ഗര്‍വിതാശേഷഗന്ധര്‍വഗീതതത്പരശ്രോത്രകഃ ॥ 132 ॥
ഘനവാഹനവാഗീശപുരഃസരസുരാര്‍ചിതഃ ।
ങവര്‍ണാമൃതധാരാഢ്യശോഭമാനൈകദന്തകഃ ॥ 133 ॥
ചന്ദ്രകുങ്കുമജംബാലലിപ്തസുന്ദരവിഗ്രഹഃ ।
ഛത്രചാമരരത്നാഢ്യമുകുടാലങ്കൃതാനനഃ ॥ 134 ॥
ജടാബദ്ധമഹാനര്‍ഘമണിപങ്ക്തിവിരാജിതഃ ।
ഝാങ്കാരിമധുപവ്രാതഗാനനാദനിനാദിതഃ ॥ 135 ॥
ഞവര്‍ണകൃതസംഹാരദൈത്യാസൃക്പൂര്‍ണമുദ്ഗരഃ ।
ടങ്കാരുകഫലാസ്വാദവേപിതാശേഷമൂര്‍ധജഃ ॥ 136 ॥
ഠകാരാഢ്യഡകാരാങ്കഢകാരാനന്ദതോഷിതഃ ।
ണവര്‍ണാമൃതപീയൂഷധാരാധരസുധാധരഃ ॥ 137 ॥
താംരസിന്ദൂരപുഞ്ജാഢ്യലലാടഫലകച്ഛവിഃ ।
ഥകാരധനപങ്ക്ത്യാഢ്യസന്തോഷിതദ്വിജവ്രജഃ ॥ 18 ॥
ദയാമയഹൃദംഭോജധൃതത്രൈലോക്യമണ്ഡലഃ ।
ധനദാദിമഹായക്ഷസംസേവിതപദാംബുജഃ ॥ 139 ॥
നമിതാശേഷദേവൌഘകിരീടമണിരഞ്ജിതഃ ।
പരവര്‍ഗാപവര്‍ഗാദിമാര്‍ഗച്ഛേദനദക്ഷകഃ ॥ 140 ॥
ഫണിചക്രസമാക്രാന്തഗലമണ്ഡലമണ്ഡിതഃ ।
ബദ്ധഭ്രൂയുഗഭീമോഗ്രസന്തര്‍ജിതസുരാസുരഃ ॥ 141 ॥
ഭവാനീഹൃദയാനന്ദവര്‍ധനൈകനിശാകരഃ ।
മദിരാകലശസ്ഫീതകരാലൈകകരാംബുജഃ ॥ 142 ॥
യജ്ഞാന്തരായസങ്ഘാതഘാതസജ്ജീകൃതായുധഃ ।
രത്നാകരസുതാകാന്തകാന്തികീര്‍തിവിവര്‍ധനഃ ॥ 143 ॥
ലംബോദരമഹാഭീമവപുര്‍ദീനീകൃതാസുരഃ ।
വരുണാദിദിഗീശാനരചിതാര്‍ചനചര്‍ചിതഃ ॥ 144 ॥
ശങ്കരൈകപ്രിയപ്രേമനയനാനന്ദവര്‍ധനഃ ।
ഷോഡശസ്വരിതാലാപഗീതഗാനവിചക്ഷണഃ ॥ 145 ॥
സമസ്തദുര്‍ഗതിസരിന്നാഥോത്താരണകോഡുപഃ ।
ഹരാദിബ്രഹ്മവൈകുണ്ഠബ്രഹ്മഗീതാദിപാഠകഃ ॥ 146 ॥
ക്ഷമാപൂരിതഹൃത്പദ്മസംരക്ഷിതചരാചരഃ ।
താരാങ്കമന്ത്രവര്‍ണൈകവിഗ്രഹോജ്ജ്വലവിഗ്രഹഃ ॥ 147 ॥
അകാരാദിക്ഷകാരാന്തവിദ്യാഭൂഷിതവിഗ്രഹഃ ।
ഓംശ്രീംവിനായകോ ഓംഹ്രീംവിഘ്നാധ്യക്ഷോ ഗണാധിപഃ ॥ 148 ॥
ഹേരംബോ മോദകാഹാരോ വക്ത്രതുണ്ഡോ വിധിസ്മൃതഃ ।
വേദാന്തഗീതോ വിദ്യാര്‍ഥീ ശുദ്ധമന്ത്രഃ ഷഡക്ഷരഃ ॥ 149 ॥
ഗണേശോ വരദോ ദേവോ ദ്വാദശാക്ഷരമന്ത്രിതഃ ।
സപ്തകോടിമഹാമന്ത്രമന്ത്രിതാശേഷവിഗ്രഹഃ ॥ 150 ॥
ഗാങ്ഗേയോ ഗണസേവ്യശ്ച ഓംശ്രീന്ദ്വൈമാതുരഃ ശിവഃ ।
ഓംഹ്രീംശ്രീംക്ലീംഗ്ലൌംഗംദേവോ മഹാഗണപതിഃ പ്രഭുഃ (1000) ॥ 151 ॥
ഇദം നാംനാം സഹസ്രം തേ മഹാഗണപതേഃ സ്മൃതം ।
ഗുഹ്യം ഗോപ്യതമം ഗുപ്തം സര്‍വതന്ത്രേഷു ഗോപിതം ॥ 152 ॥
സര്‍വമന്ത്രനിധിം ദിവ്യം സര്‍വവിഘ്നവിനാശനം ।
ഗ്രഹതാരാമയം രാശിവര്‍ണപങ്ക്തിസമന്വിതം ॥ 153 ॥
സര്‍വവിദ്യാമയം ബ്രഹ്മസാധനം സാധകപ്രിയം ।
ഗണേശസ്യ ച സര്‍വസ്വം രഹസ്യം ത്രിദിവൌകസാം ॥ 154 ॥
യഥേഷ്ടഫലദം ലോകേ മനോരഥപ്രപൂരണം ।
അഷ്ടസിദ്ധിമയം സാധ്യം സാധകാനാം ജയപ്രദം ॥ 155 ॥
വിനാര്‍ചനം വിനാ ഹോമം വിനാ ന്യാസം വിനാ ജപം ।
അണിമാദ്യഷ്ടസിദ്ധീനാം സാധനം സ്മൃതിമാത്രതഃ ॥ 156 ॥
ചതുര്‍ഥ്യാമര്‍ധരാത്രേ തു പഠേന്‍മന്ത്രീ ചതുഷ്പഥേ ।
ലിഖേദ്ഭൂര്‍ജേ രവൌ ദേവി പുണ്യം നാംനാം സഹസ്രകം ॥ 157 ॥
ധാരയേത്തു ചതുര്‍ദശ്യാം മധ്യാഹ്നേ മൂര്‍ധ്നി വാ ഭുജേ ।
യോഷിദ്വാമകരേ ബദ്ധ്വാ പുരുഷോ ദക്ഷിണേ ഭുജേ ॥ 158 ॥
സ്തംഭയേദപി ബ്രഹ്മാണം മോഹയേദപി ശങ്കരം ।
വശയേദപി ത്രൈലോക്യം മാരയേദഖിലാന്‍ രിപൂന്‍ ॥ 159 ॥
ഉച്ചാടയേച്ച ഗീര്‍വാണാന്‍ ശമയേച്ച ധനഞ്ജയം ।
വന്ധ്യാ പുത്രാംല്ലഭേച്ഛീഘ്രം നിര്‍ധനോ ധനമാപ്നുയാത് ॥ 160 ॥
ത്രിവാരം യഃ പഠേദ്രാത്രൌ ഗണേശസ്യ പുരഃ ശിവേ ।
നഗ്നഃ ശക്തിയുതോ ദേവി ഭുക്ത്വാ ഭോഗാന്‍ യഥേപ്സിതാന്‍ ॥ 161 ॥
പ്രത്യക്ഷം വരദം പശ്യേദ്ഗണേശം സാധകോത്തമഃ ।
യ ഏനം പഠതേ നാംനാം സഹസ്രം ഭക്തിപൂര്‍വകം ॥ 162 ॥
തസ്യ വിത്താദിവിഭവോ ദാരായുഃസമ്പദഃ സദാ ।
രണേ രാജഭയേ ദ്യൂതേ പഠേന്നാംനാം സഹസ്രകം ॥ 163 ॥
സര്‍വത്ര ജയമാപ്നോതി ഗണേശസ്യ പ്രസാദതഃ ।
ഇതീദം പുണ്യസര്‍വസ്വം മന്ത്രനാമസഹസ്രകം ॥ 164 ॥
മഹാഗണപതേര്‍ഗുഹ്യം ഗോപനീയം സ്വയോനിവത് ।
॥ ഇതി ശ്രീരുദ്രയാമലേ തന്ത്രേ ശ്രീദേവീരഹസ്യേ
മഹാഗണപതിസഹസ്രനാമസ്തോത്രം സമ്പൂര്‍ണം ॥