॥ Apaduddharaka Hanumath Stotram Kannada Lyrics ॥
॥ ಆಪದುದ್ಧಾರಕ ಶ್ರೀಹನೂಮತ್ಸ್ತೋತ್ರಮ್ ॥
ವಿಭೀಷಣಕೃತಮ್
ಶ್ರೀಹನುಮತೇ ನಮಃ । ಅಸ್ಯ ಶ್ರೀಹನುಮತ್ಸ್ತೋತ್ರಮಹಾಮಂತ್ರಸ್ಯ, ವಿಭೀಷಣ
ಋಷಿಃ, ಅನುಷ್ಟುಪ್ ಛಂದಃ, ಹನುಮಾನ್ ದೇವತಾ । ಮಮ ಶತ್ರುಮುಖಸ್ತಂಭನಾರ್ಥೇ
ಸರ್ವಕಾರ್ಯಸಿದ್ಧ್ಯರ್ಥೇ ಚ ಜಪೇ ವಿನಿಯೋಗಃ ।
ಧ್ಯಾನಮ್
ಚಂದ್ರಾಭಂ ಚರಣಾರವಿಂದಯುಗಲಂ ಕೌಪೀನಮೌಂಜೀಧರಂ
ನಾಭ್ಯಾಂ ವೈ ಕಟಿಸೂತ್ರಯುಕ್ತವಸನಂ ಯಜ್ಞೋಪವೀತಾವೃತಮ್ ।
ಹಸ್ತಾಭ್ಯಾಮವಲಂಬ್ಯ ಚಾಂಜಲಿಮಥೋ ಹಾರಾವಲೀಕುಂಡಲಂ
ಬಿಭ್ರದ್ದೀರ್ಘಶಿಖಂ ಪ್ರಸನ್ನವದನಂ ದಿವ್ಯಾಂಜನೇಯಂ ಭಜೇ ॥
ಮಂತ್ರಃ-ಓಂ ನಮೋ ಹನುಮತೇ ರುದ್ರಾಯ ।
ಮಮ ಸರ್ವದುಷ್ಟಜನಮುಖಸ್ತಂಭನಂ ಕುರು ಕುರು ॥
ಮಮ ಸರ್ವಕಾರ್ಯಸಿದ್ಧಿಂ ಕುರು ಕುರು । ಐಂ ಹ್ರಾಂ ಹ್ರೀಂ ಹ್ರೂಂ ಫಟ್ ಸ್ವಾಹಾ ।
note ಅಷ್ಟವಾರಂ ಜಪೇತ್ ।
ಆಪನ್ನಾಖಿಲಲೋಕಾರ್ತಿಹಾರಿಣೇ ಶ್ರೀಹನೂಮತೇ ।
ಅಕಸ್ಮಾದಾಗತೋತ್ಪಾತನಾಶನಾಯ ನಮೋಽಸ್ತು ತೇ ॥ 1 ॥
ಸೀತಾವಿಯುಕ್ತಶ್ರೀರಾಮಶೋಕದುಃಖಭಯಾಪಹ ।
ತಾಪತ್ರಯಸ್ಯ ಸಂಹಾರಿನ್ನಾಂಜನೇಯ ನಮೋಽಸ್ತು ತೇ ॥ 2 ॥
ಆಧಿವ್ಯಾಧಿಮಹಾಮಾರಿಗ್ರಹಪೀಡಾಪಹಾರಿಣೇ ।
ಪ್ರಾಣಾಪಹಂತ್ರೇ ದೈತ್ಯಾನಾಂ ರಾಮಪ್ರಾಣಾತ್ಮನೇ ನಮಃ ॥ 3 ॥
ಸಂಸಾರಸಾಗರಾವರ್ತಾಗತಸಂಭ್ರಾಂತಚೇತಸಾಮ್ ।
ಶರಣಾಗತಮರ್ತ್ಯಾನಾಂ ಶರಣ್ಯಾಯ ನಮೋಽಸ್ತು ತೇ ॥ 4 ॥
ರಾಜದ್ವಾರೇ ಬಿಲದ್ವಾರೇ ಪ್ರವೇಶೇ ಭೂತಸಂಕುಲೇ ।
ಗಜಸಿಂಹಮಹಾವ್ಯಾಘ್ರಚೋರಭೀಷಣಕಾನನೇ ॥ 5 ॥
ಮಹಾಭಯೇಽಗ್ನಿಸಂಸ್ಥಾನೇ ಶತ್ರುಸಂಗಸಮಾಶ್ರಿತೇ ।
ಶರಣಾಗತಮರ್ತ್ಯಾನಾಂ ಶರಣ್ಯಾಯ ನಮೋ ನಮಃ ॥ 6 ॥
ಪ್ರದೋಷೇ ವಾ ಪ್ರಭಾತೇ ವಾ ಯೇ ಸ್ಮರಂತ್ಯಂಜನಾಸುತಮ್ ।
ಅರ್ಥಸಿದ್ಧಿಯಶಃಕಾಮಾನ್ ಪ್ರಾಪ್ನುವಂತಿ ನ ಸಂಶಯಃ ॥ 7 ॥
ಕಾರಾಗೃಹೇ ಪ್ರಯಾಣೇ ಚ ಸಂಗ್ರಾಮೇ ದೇಶವಿಪ್ಲವೇ ।
ಯೇ ಸ್ಮರಂತಿ ಹನೂಮಂತಂ ತೇಷಾಂ ಸಂತಿ ನ ಆಪದಃ ॥ 8 ॥ ನಾಸ್ತಿ ವಿಪತ್ತಯಃ
ವಜ್ರದೇಹಾಯ ಕಾಲಾಗ್ನಿರುದ್ರಾಯಾಮಿತತೇಜಸೇ ।
ನಮಃ ಪ್ಲವಗಸೈನ್ಯಾನಾಂ ಪ್ರಾಣಭೂತಾತ್ಮನೇ ನಮಃ ॥ 9 ॥
ದುಷ್ಟದೈತ್ಯಮಹಾದರ್ಪದಲನಾಯ ಮಹಾತ್ಮನೇ ।
ಬ್ರಹ್ಮಾಸ್ತ್ರಸ್ತಂಭನಾಯಾಸ್ಮೈ ನಮಃ ಶ್ರೀರುದ್ರಮೂರ್ತಯೇ ॥ 10 ॥
ಜಪ್ತ್ವಾ ಸ್ತೋತ್ರಮಿದಂ ಪುಣ್ಯಂ ವಸುವಾರಂ ಪಠೇನ್ನರಃ ।
ರಾಜಸ್ಥಾನೇ ಸಭಾಸ್ಥಾನೇ ವಾದೇ ಪ್ರಾಪ್ತೇ ಜಪೇದ್ಧ್ರುವಮ್ ॥ 11 ॥
ವಿಭೀಷಣಕೃತಂ ಸ್ತೋತ್ರಂ ಯಃ ಪಠೇತ್ ಪ್ರಯತೋ ನರಃ ।
ಸರ್ವಾಪದ್ಭ್ಯೋ ವಿಮುಚ್ಯೇತ ನಾತ್ರ ಕಾರ್ಯಾ ವಿಚಾರಣಾ ॥ 12 ॥
– Chant Stotras in other Languages –
Sri Anjaneya Stotram » Apad Udharaka Hanuman Stotram Lyrics in Sanskrit » English » Bengali » Malayalam » Telugu » Tamil