॥ Apaduddharaka Hanumath Stotram Malayalam Lyrics ॥
॥ ആപദുദ്ധാരക ശ്രീഹനൂമത്സ്തോത്രം ॥
വിഭീഷണകൃതം
ശ്രീഹനുമതേ നമഃ । അസ്യ ശ്രീഹനുമത്സ്തോത്രമഹാമന്ത്രസ്യ, വിഭീഷണ
ഋഷിഃ, അനുഷ്ടുപ് ഛന്ദഃ, ഹനുമാന്‍ ദേവതാ । മമ ശത്രുമുഖസ്തംഭനാര്‍ഥേ
സര്‍വകാര്യസിദ്ധ്യര്‍ഥേ ച ജപേ വിനിയോഗഃ ।
ധ്യാനം
ചന്ദ്രാഭം ചരണാരവിന്ദയുഗലം കൌപീനമൌഞ്ജീധരം
നാഭ്യാം വൈ കടിസൂത്രയുക്തവസനം യജ്ഞോപവീതാവൃതം ।
ഹസ്താഭ്യാമവലംബ്യ ചാഞ്ജലിമഥോ ഹാരാവലീകുണ്ഡലം
ബിഭ്രദ്ദീര്‍ഘശിഖം പ്രസന്നവദനം ദിവ്യാഞ്ജനേയം ഭജേ ॥
മന്ത്രഃ-ഓം നമോ ഹനുമതേ രുദ്രായ ।
മമ സര്‍വദുഷ്ടജനമുഖസ്തംഭനം കുരു കുരു ॥
മമ സര്‍വകാര്യസിദ്ധിം കുരു കുരു । ഐം ഹ്രാം ഹ്രീം ഹ്രൂം ഫട് സ്വാഹാ ।
note അഷ്ടവാരം ജപേത് ।
ആപന്നാഖിലലോകാര്‍തിഹാരിണേ ശ്രീഹനൂമതേ ।
അകസ്മാദാഗതോത്പാതനാശനായ നമോഽസ്തു തേ ॥ 1 ॥
സീതാവിയുക്തശ്രീരാമശോകദുഃഖഭയാപഹ ।
താപത്രയസ്യ സംഹാരിന്നാഞ്ജനേയ നമോഽസ്തു തേ ॥ 2 ॥
ആധിവ്യാധിമഹാമാരിഗ്രഹപീഡാപഹാരിണേ ।
പ്രാണാപഹന്ത്രേ ദൈത്യാനാം രാമപ്രാണാത്മനേ നമഃ ॥ 3 ॥
സംസാരസാഗരാവര്‍താഗതസംഭ്രാന്തചേതസാം ।
ശരണാഗതമര്‍ത്യാനാം ശരണ്യായ നമോഽസ്തു തേ ॥ 4 ॥
രാജദ്വാരേ ബിലദ്വാരേ പ്രവേശേ ഭൂതസങ്കുലേ ।
ഗജസിംഹമഹാവ്യാഘ്രചോരഭീഷണകാനനേ ॥ 5 ॥
മഹാഭയേഽഗ്നിസംസ്ഥാനേ ശത്രുസങ്ഗസമാശ്രിതേ ।
ശരണാഗതമര്‍ത്യാനാം ശരണ്യായ നമോ നമഃ ॥ 6 ॥
പ്രദോഷേ വാ പ്രഭാതേ വാ യേ സ്മരന്ത്യഞ്ജനാസുതം ।
അര്‍ഥസിദ്ധിയശഃകാമാന്‍ പ്രാപ്നുവന്തി ന സംശയഃ ॥ 7 ॥
കാരാഗൃഹേ പ്രയാണേ ച സങ്ഗ്രാമേ ദേശവിപ്ലവേ ।
യേ സ്മരന്തി ഹനൂമന്തം തേഷാം സന്തി ന ആപദഃ ॥ 8 ॥ നാസ്തി വിപത്തയഃ
വജ്രദേഹായ കാലാഗ്നിരുദ്രായാമിതതേജസേ ।
നമഃ പ്ലവഗസൈന്യാനാം പ്രാണഭൂതാത്മനേ നമഃ ॥ 9 ॥
ദുഷ്ടദൈത്യമഹാദര്‍പദലനായ മഹാത്മനേ ।
ബ്രഹ്മാസ്ത്രസ്തംഭനായാസ്മൈ നമഃ ശ്രീരുദ്രമൂര്‍തയേ ॥ 10 ॥
ജപ്ത്വാ സ്തോത്രമിദം പുണ്യം വസുവാരം പഠേന്നരഃ ।
രാജസ്ഥാനേ സഭാസ്ഥാനേ വാദേ പ്രാപ്തേ ജപേദ്ധ്രുവം ॥ 11 ॥
വിഭീഷണകൃതം സ്തോത്രം യഃ പഠേത് പ്രയതോ നരഃ ।
സര്‍വാപദ്ഭ്യോ വിമുച്യേത നാത്ര കാര്യാ വിചാരണാ ॥ 12 ॥
– Chant Stotras in other Languages –
Sri Anjaneya Stotram » Apad Udharaka Hanuman Stotram Lyrics in Sanskrit » English » Bengali » Kannada » Telugu » Tamil