॥ Achyutashtakam by Shridhara Venkatesha Kannada Lyrics ॥
॥ ಅಚ್ಯುತಾಷ್ಟಕಂ ಶ್ರೀಧರವೇಂಕಟೇಶವಿರಚಿತಮ್ ॥
ಅಥ ಅಚ್ಯುತಾಷ್ಟಕಮ್ ॥
ಅಭಿಲಪನನಿಸರ್ಗಾದಚ್ಯುತಾಖ್ಯೇ ಭಜೇ ತ್ವಾಂ
ಹರಸಿ ಮದಘಬೃನ್ದಂ ತ್ವದ್ಭುಬುಕ್ಷಾವಶಾತ್ ತ್ವಮ್ ।
ಅಘಹೃದಿತಿ ತವಾಂಬ ಪ್ರತ್ಯುತ ಖ್ಯಾತಿದೋಽಹಂ
ತ್ವಯಿ ಮಮ ವದ ಕಾ ವಾ ಸಂಗತಿರ್ದೈನ್ಯವಾಚಾಮ್ ॥ 1 ॥
ಚಿರಾತೀತಾ ಸಾನ್ದೀಪನಿತನುಭುವಃ ಕಾಲಭವನ-
ಪ್ರಪತ್ತಿಸ್ತಂ ಪಿತ್ರೋಃ ಪುನರಗಮಯತ್ ಸನ್ನಿಧಿಮಿತಿ ।
ಯಶಃ ಕೃಷ್ಣಸ್ಯೇದಂ ಕಥಮಹಹ ನ ತ್ವಾಂ ರಸನಯಾ
ಯದಿ ಶ್ರೀಕೃಷ್ಣಾಖ್ಯೇ ಭಜತಿ ಸ ತಾದನೀಂ ಮುನಿಸುತಃ ॥ 2 ॥
ಹರೇರ್ಯಚ್ಚೋರತ್ವಂ ಯದಪಿ ಚ ತಥಾ ಜಾರಚರಿತಂ
ತದೇತತ್ ಸರ್ವಾಂಹಸ್ತತಿಕೃತೇ ಸಂಕಥನತಃ ।
ಇತೀದಂ ಮಾಹಾತ್ಮ್ಯಂ ಮಧುಮಥನ ತೇ ದೀಪಿತಮಿದಂ
ವದನ್ತ್ಯಾಃ ಕೃಷ್ಣಾಖ್ಯೇ ತವಹಿ ವಿಚರನ್ತ್ಯಾ ವಿಲಸಿತಮ್ ॥ 3 ॥
ಸಭಾಯಾಂ ದ್ರೌಪತ್ಯಾಽಂಶುಕಸೃತಿಭಿಯಾ ತದ್ರಸನಯಾ
ಧೃತಾ ತಸ್ಯಾಶ್ಚೇಲಂ ಪ್ರತನು ತದವಸ್ಥಂ ವಿದಧತೀ ।
ವ್ಯತಾನೀಶ್ಶೈಲಾಭಂ ವಸನವಿಸರಂ ಚಾಂಬ ಹರತಾ-
ಮಿಯಾನ್ ಗೋವಿನ್ದಾಖ್ಯೇ ವದ ವಸನರಾಶಿಸ್ತವ ಕುತಃ ॥ 4 ॥
ಅಧಿರಸನಮಯಿ ತ್ವಾಮಚ್ಯುತಾಖ್ಯೇ ದಧಾನಂ
ವನಜಭವಮುಖಾನಾಂ ವನ್ದ್ಯಮಾಹುರ್ಮಹಾನ್ತಃ ।
ಸತು ವಿನಮತಿ ಮಾತಶ್ಚಾಶ್ವಗೋಶ್ವಾದನಾದೀನ್
ಭವತಿ ನನು ವಿಚಿತ್ರಾ ಪದ್ಧತಿಸ್ತಾವಕಾನಾಮ್ ॥ 5 ॥
ಜನನಿ ಮುರಭಿದಾಖ್ಯೇ ಜಾಹ್ನವೀನಿಮ್ನಗೈಕಾ
ಸಮಜನಿ ಪದಪದ್ಮಾಚ್ಚಕ್ರಿಣಸ್ತ್ವಾಶ್ರಿತಾನಾಮ್ ।
ಪರಿಣಮತಿ ಸಮಸ್ತಾಃ ಪಾದವಾರ್ಘಿನ್ದುರೇಕೋ
ಜಗತಿ ನನು ತಟಿನ್ಯೋ ಜಾಹ್ನವೀಸಹ್ಯಜಾದ್ಯಾಃ ॥ 6 ॥
ಸಮವಹಿತಮಪಶ್ಯನ್ ಸನ್ನಿಧೌ ವೈನತೇಯಂ
ಪ್ರಸಭವಿಧುತಪದ್ಮಾಪಾಣಿರೀಶೋಽಚ್ಯುತಾಖ್ಯೇ ।
ಸಮವಿತುಮುಪನೀತಃ ಸಾಗಜೇನ್ದ್ರಂ ತ್ವಯಾ ದ್ರಾಕ್
ವದ ಜನನಿ ವಿನಾ ತ್ವಾಂ ಕೇನ ವಾ ಕಿಂ ತದಾಭೂತ್ ॥ 7 ॥
ಯದೇಷ ಸ್ತೌಮಿ ತ್ವಾಂ ತ್ರಿಯುಗಚರಣತ್ರಾಯಿಣಿ ತತೋ
ಮಹಿಮ್ನಃ ಕಾ ಹಾನಿಸ್ತವತು ಮಮ ಸಂಪನ್ನಿರವಧಿಃ ।
ಶುನಾ ಲೀಲಾಕಾಮಂ ಭವತಿ ಸುರಸಿನ್ಧುರ್ಭಗವತೀ
ತದೇಷಾ ಕಿಂಭೂತಾ ಸತು ಸಪದಿ ಸನ್ತಾಪಭರಿತಃ ॥ 8 ॥
ಇತಿ ಶ್ರೀಶ್ರೀಧರವೇಂಕಟೇಶಾರ್ಯಕೃತೌ ಅಚ್ಯುತಾಷ್ಟಕಂ ಸಂಪೂರ್ಣಮ್ ॥
– Chant Stotra in Other Languages –
Maha Vishnu Slokam » Achyutashtakam by Shridhara Venkatesha Lyrics in Sanskrit » English » Bengali » Gujarati » Malayalam » Odia » Telugu » Tamil