॥ Anamaya Stotra Malayalam Lyrics ॥
॥ അനാമയസ്തോത്രം ॥
തൃഷ്ണാതന്ത്രേ മനസി തമസാ ദുർദിനേ ബന്ധുവർതീ
മാദൃഗ്ജന്തുഃ കഥമധികരോത്യൈശ്വരം ജ്യോതിരഗ്ര്യം ।
വാചഃ സ്ഫീതാ ഭഗവതി ഹരേസ്സന്നികൃഷ്ടാത്മരൂപാ-
സ്സ്തുത്യാത്മാനസ്സ്വയമിവമുഖാദസ്യ മേ നിഷ്പതന്തി ॥ 1 ॥
വേധാ വിഷ്ണുർവരുണധനദൗ വാസവോ ജീവിതേശ-
ശ്ചന്ദ്രാദിത്യേ വസവ ഇതി യാ ദേവതാ ഭിന്നകക്ഷ്യാ ।
മന്യേ താസാമപി ന ഭജതേ ഭാരതീ തേ സ്വരൂപം
സ്ഥൂലേ ത്വംശേ സ്പൃശതി സദൃശം തത്പുനർമാദൃശോഽപി ॥ 2 ॥
തന്നസ്ഥാണോസ്സ്തുതിരതിഭരാ ഭക്തിരുച്ചൈർമുഖീ ചേദ്
ഗ്രാമ്യസ്തോതാ ഭവതി പുരുഷഃ കശ്ചിദാരണ്യകോ വാ ।
നോ ചേദ്ഭക്തിസ്ത്വയി ച യദി വാ ബ്രഹ്മവിദ്യാത്വധീതേ
നാനുധ്യേയസ്തവ പശുരസാവാത്മകർമാനഭിജ്ഞഃ ॥ 3 ॥
വിശ്വം പ്രാദുർഭവതി ലഭതേ ത്വാമധിഷ്ഠായകം ചേത്
നേഹോത്പത്തിര്യദി ജനയിതാ നാസ്തി ചൈതന്യയുക്തഃ ।
ക്ഷിത്യാദീനാം ഭവ നിജകലാവത്തയാ ജന്മവത്താ
സിധ്യത്യേവം സതി ഭഗവതസ്സർവലോകാധിപത്യം ॥ 4 ॥
ഭോഗ്യാമാഹുഃ പ്രകൃതിമൃഷയശ്ചേതനാശക്തിശൂന്യാം
ഭോക്താ ചൈനാം പരിണമയിതും ബുദ്ധിവർതീ സമർഥഃ ।
ഭോഗോപ്യസ്മിൻ ഭവതി മിഥുനേ പുഷ്കലസ്തത്ര ഹേതുഃ
നീലഗ്രീവ ത്വമസി ഭുവനസ്ഥാപനാസൂത്രധാരഃ ॥ 5 ॥
ഭിന്നാവസ്ഥം ജഗതി ബഹുനാ ദേശകാലപ്രഭേദാദ്
ദ്വാഭ്യാം പാപാന്യഭിഗിരി ഹരൻ യോനവദ്യ ക്രമാഭ്യാം ।
പ്രേക്ഷ്യാരൂഢസ്സൃജതി നിയമാദസ്യ സർവം ഹി യത്തത്
സർവജ്ഞത്വം ത്രിഭുവന സൃജാ യത്ര സൂത്രം ന കിഞ്ചിത് ॥ 6 ॥
ചാരൂദ്രേകേ രജസി ജഗതാം ജന്മസത്വേ പ്രകൃഷ്ടേ
യാത്രാം ഭൂയസ്തമസി ബഹുലേ ബിഭ്രതസ്സംഹൃതിം ച ।
ബ്രഹ്മാദ്യൈതത്പ്രകൃതിഗഹനം സ്തംഭപര്യന്തമാസീത്
ക്രീഡാവസ്തു ത്രിനയന മനോവൃത്തിമാത്രാനുഗം തേ ॥ 7 ॥
കൃത്തിശ്ചിത്രാ നിവസനപദേ കൽപിതാ പൗണ്ഡരീകോ
വാസാഗാരം പിതൃവനഭുവം വാഹനം കശ്ചിദുക്ഷാ ।
ഏവം പ്രാഹുഃ പ്രലഘുഹൃദയാ യദ്യപി സ്വാർഥപോഷം
ത്വാം പ്രത്യേകം ധ്വനതി ഭഗവന്നീശ ഇത്യേഷ ശബ്ദഃ ॥ 8 ॥
ക്ലൃപ്താകൽപഃ കിമയമശിവൈരസ്ഥിമുഖ്യൈഃ പദാർഥൈഃ
കസ്സ്യാദസ്യ സ്തനകലശയോർഭാരനമ്രാ ഭവാനീ ।
ബാണൗ ഖഡ്ഗഃ പരശുരിദമപ്യക്ഷസൂത്രം കിമസ്യേത്
യാ ചക്ഷാണോ ഹര കൃതവിയാമസ്തു ഹാസ്യൈകവേദ്യഃ ॥ 9 ॥
യത്കാപാലവ്രതമപി മഹദ് പൃഷ്ടമേകാന്തഘോരം
മുക്തേരധ്വാ സ പുനരമലഃ പാവനഃ കിം ന ജാതഃ ।
ദാക്ഷായണ്യാം പ്രിയതമതയാ വർതതേ യോഗമായാ
സാ സ്യാദ്ധത്തേ മിഥുനചരിതം വൃദ്ധിമൂലം പ്രജാനാം ॥ 10 ॥
കശ്ചിന്മർത്യഃ ക്രതുകൃശതനുർനീലകണ്ഠ ത്വയാ ചേദ്
ദൃഷ്ടിസ്നിഗ്ധസ്സ പുനരമരസ്ത്രീഭുജഗ്രാഹ്യകണ്ഠഃ ।
അപ്യാരൂഢസ്സുപരിവൃതം സ്ഥാനമാഖണ്ഡലീയം
ത്വം ചേത്ക്രുദ്ധസ്സ പതതി നിരാലംബനോ ധ്വാന്തജാലേ ॥ 11 ॥
ശശ്വദ്ബാല്യം ശരവണഭവം ഷൺമുഖം ദ്വാദശാക്ഷം
തേജോ യത്തേ കനകനലിനീപദ്മപത്രാവദാതം ।
വിസ്മാര്യന്തേ സുരയുവതയസ്തേന സേന്ദ്രാവരോധാ
ദൈത്യേന്ദ്രാണാമസുരജയിനാം ബന്ധനാഗാരവാസം ॥ 12 ॥
വേഗാകൃഷ്ടഗ്രഹരവിശശിവ്യശ്നുവാനം ദിഗന്താത്
ന്യക്കുർവാണം പ്രലയപയസാമൂർമിഭംഗാവലേപം ।
മുക്താകാരം ഹര തവ ജടാബദ്ധസംസ്പർശി സദ്യോ
ജജ്ഞേ ചൂഡാ കുസുമസുഭഗം വാരി ഭാഗീരഥീയം ॥ 13 ॥
കൽമാഷസ്തേ മരകതശിലാഭംഗകാന്തിർന കണ്ഠേ
ന വ്യാചഷ്ടേ ഭുവനവിഷയീം ത്വത്പ്രസാദപ്രവൃത്തിം ।
വാരാം ഗർഭസ്യ ഹി വിഷമയോ മന്ദരക്ഷോഭജന്മാ
നൈവം രുദ്ധോ യദി ന ഭവതി സ്ഥാവരം ജംഗമം വാ ॥ 14 ॥
സന്ധായാസ്ത്രം ധനുഷി നിയമോന്മായി സമ്മോഹനാഖ്യം
പാർശ്വേ തിഷ്ഠൻ ഗിരിശസദൃശേ പഞ്ചബാണോ മുഹൂർതം ।
തസ്മാദൂർധ്വം ദഹനപരിധൗ രാഷദൃഷ്ടിപ്രസൂതേ
രക്താശോകസ്തവകിത ഇവ പ്രാന്തധൂമദ്വിരേഫഃ ॥ 15 ॥
ലങ്കാനാഥം ലവണജലധിസ്ഥൂലവേലോർമിദീർഘൈഃ
കൈലാസം തേ നിലയനഗരീം ബാഹുഭിഃ കമ്പയന്തം ।
ആക്രോശദ്ഭിർവമിതരുധിരൈരാനനൈരാപ്ലുതാക്ഷൈ-
രാപാതാലാനയദലസാബദ്ധമംഗുഷ്ഠകർമ ॥ 16 ॥
ഐശ്വര്യം തേഽപ്യനൃണതപതന്നേകമൂർധാവശേഷഃ
പാദദ്വന്ദ്വം ദശമുഖശിരഃ പുണ്ഡരീകോപഹാരഃ ।
യേനൈവാസാവധിഗതഫലോ രാക്ഷസശ്രീവിധേയ-
ശ്ചക്രേ ദേവാസുരപരിഷദോ ലോകപാലൈകശത്രുഃ ॥ 17 ॥
ഭക്തിർബാണാസുരമപി ഭയത്പാദപദ്യ സ്പൃശന്തം
സ്ഥാനം ചന്ദ്രാഭരണ ഗമയാമാസ ലോകസ്യ മൂർധ്നി ।
നഹ്യസ്യാപി ഭ്രുകുടിനയനാദഗ്നിദംഷ്ട്രാകരാലം
ദ്രഷ്ടും കശ്ചിദ്വദനമശകദ്ദേവദൈത്യേശ്വരേഷു ॥ 18 ॥
പാദന്യാസാന്നമതി വസുധാ പന്നഗസ്കന്ധലഗ്നാ
ബാഹുക്ഷേപാദ് ഗ്രഹഗണയുതം ഘൂർണതേ മേഘവൃന്ദം ।
ഉത്സാദ്യന്തേ ക്ഷണമിവ ദിശോ ഹുങ്കൃതേനാതിമാത്രം
ഭിന്നാവസ്ഥം ഭവതി ഭുവനം ത്വയ്യുപക്രാന്തവൃത്തേ ॥ 19 ॥
നോർധ്വം ഗമ്യം സരസിജഭുവോ നാപ്യധശ്ശാർങ്ഗപാണേ-
രാസീദന്യസ്തവ ഹുതവഹസ്തംഭമൂർത്യാ സ്ഥിതസ്യ ।
ഭൂയസ്താഭ്യാമുപരി ലഘുനാ വിസ്മയേന സ്തുവദ്ഭ്യാം
കണ്ഠേ കാലം കപിലനയനം രൂപമാവിർബഭൂവ ॥ 20 ॥
ശ്ലാധ്യാം ദൃഷ്ടിം ദുഹിതരി ഗിരേർന്യസ്യ ചാപോർധ്വകോട്യാം
കൃത്വാ ബാഹും ത്രിപുരവിജയാനന്തരം തേ സ്ഥിതസ്യ ।
മന്ദാരാണാം മധുരസുരഭയോ വൃഷ്ടയഃ പേതുരാർദ്രാഃ
സ്വർഗോദ്യാനഭ്രമരവനിതാദത്തദീർഘാനുയാതാഃ ॥ 21 ॥
ഉദ്ധൃത്യൈകം നയനമരുണം സ്നിഗ്ധതാരാപരാഗം
പൂർണേധാദ്യഃ പരമസുലഭേ ദുഷ്കരാണാം സഹസ്രേ ।
ചക്രം ഭേജേ ദഹനജടിലം ദക്ഷിണം തസ്യ ഹസ്തം
ബാലസ്യേവ ദ്യൂതിവലയിതം മണ്ഡലം ഭാസ്കരസ്യ ॥ 22 ॥
വിഷ്ണുശ്ചക്രേ കരതലഗതേ വിഷ്ടപാനാം ത്രയാണാം
ദത്താശ്വാസോ ദനുസുതശിരശ്ഛേദദീക്ഷാം ബബന്ധ ।
പ്രത്യാസന്നം തദപി നയനം പുണ്ഡരീകാതുകാരി
ശ്ലാഘ്യാ ഭക്തിസ്ത്രിനയന ഭവത്യർപിതാ കിം ന സൂതേ ॥ 23 ॥
സവ്യേ ശൂലം ത്രിശിഖരമപരേ ദോഷ്ണി ഭിക്ഷാകപാലം
സോമോ മുഗ്ധശ്ശിരസി ഭുജഗഃ കശ്ചിദംശോത്തരീയഃ ।
കോഽയം വേഷസ്ത്രിനയന കുതോ ദൃഷ്ട ഇത്യദ്രികന്യാ
പ്രായേണ ത്വാം ഹസതി ഭഗവൻ പ്രേമനിര്യന്ത്രിതാത്മാ ॥ 24 ॥
ആർദ്രം നാഗാജിനമവയവഗ്രന്ഥിമദ്ബിഭ്രദംസേ
രൂപം പ്രാവൃഡ്ഘനരുചിമഹാഭൈരവം ദർശയിത്വാ ।
പശ്യൻ ഗൗരീം ഭയചലകരാലംബിതസ്കന്ധഹസ്താം
മന്യേ പ്രീത്യാ ദൃഢ ഇതി ഭവാൻ വജ്രദേഹേഽപി ജാതഃ ॥ 25 ॥
വ്യാലാകൽപാ വിഷമനയനാ വിദ്രുമാതാമ്രഭാസോ
ജായാമിശ്രാ ജടിലശിരശ്ചന്ദ്രരേഖാവതംസാഃ ।
നിത്യാനന്ദാ നിയതലലിതാഃ സ്നിഗ്ധകൽമാഷകണ്ഠാഃ
ദേവാ രുദ്രാ ധൃതപരശവസ്തേ ഭവിഷ്യന്തി ഭക്താഃ ॥ 26 ॥
മന്ത്രാഭ്യാസോ നിയമവിധയസ്തീർഥയാത്രാനുരോധോ
ഗ്രാമേ ഭിക്ഷാചരണമുടജേ ബീജവൃത്തിർവനേ വാ
ഇത്യായാസേ മഹതി രമതാമപ്രഗൽഭഃ ഫലാർഥേ
സ്മൃത്യേവാഹം തവചരണയോർനിർവൃതിം സാധയാമി ॥ 27 ॥
ആസ്താം താവത്സ്നപനമുപരിക്ഷീരധാരാപ്രവാഹൈഃ
സ്നേഹാഭ്യംഗോ ഭവനകരണം ഗന്ധപുഷ്പാർപണം വാ ।
യസ്തേ കശ്ചിത്കിരതി കുസുമാന്യുദ്ദിശൻ പാദപീഠം
ഭൂയോ നൈവ ഭ്രമതി ജനനീഗർഭകാരാഗൃഹേഷു ॥ 28 ॥
ശുക്താകാരം മുനിഭിരനിശം ചേതസി ധ്യായമാനം
മുക്താഗീരം ശിരസിജടിലേ ജാഹ്നവീമുദ്വഹന്തം ।
നാനാകാരം നവശശികലാശേഖരം നാഗഹാരം
നാരീമിശ്രം ധൃതനരശിരോമാല്യമീശം നമാമി ॥ 29 ॥
തിര്യഗ്യോനൗ ത്രിദശനിലയേ മാനുഷേ രാക്ഷസേ വാ
യക്ഷാവാസേ വിഷധരപുരേ ദേവ വിദ്യാധരേ വാ ।
യസ്മിൻ കസ്മിൻസുകൃതനിലയേ ജന്മനി ശ്രേയസോ വാ
ഭൂയാദ്യുഷ്മച്ചരണകമലധ്യായിനീ ചിത്തവൃത്തിഃ ॥ 30 ॥
വന്ദേ രുദ്രം വരദമമലം ദണ്ഡിനം മുണ്ഡധാരിം
ദിവ്യജ്ഞാനം ത്രിപുരദഹനം ശങ്കരം ശൂലപാണിം ।
തേജോരാശിം ത്രിഭുവനഗുരും തീർഥമൗലിം ത്രിനേത്രം
കൈലാസസ്ഥം ധനപതിസഖം പാർവതീനാഥമീശം ॥ 31 ॥
യോഗീ ഭോഗീ വിഷഭുഗമൃതഭൃക് ശസ്ത്രപാണിസ്തപസ്വീ
ശാന്തഃ ക്രൂരഃ ശമിതവിഷയഃ ശൈലകന്യാസഹായഃ ।
ഭിക്ഷാവൃത്തിസ്ത്രിഭുവനപതിഃ ശുദ്ധിമാനസ്ഥിമാലീ
ശക്യോ ജ്ഞാതും കഥമിവ ശിവ ത്വം വിരുദ്ധസ്വഭാവഃ ॥ 32 ॥
ഉപദിശതി യദുച്ചൈർജ്യോതിരാമ്നായവിദ്യാം
പരമ പരമദൂരം ദൂരമാദ്യന്തശൂന്യാം ।
ത്രിപുരജയിനീ തസ്മിൻ ദേവദേവേ നിവിഷ്ടാം
ഭഗവതി പരിവർതോന്മാദിനീ ഭക്തിരസ്തു ॥ 33 ॥
ഇതി വിരചിതമേതച്ചാരുചന്ദ്രാർധമൗലേ-
ര്ലലിതപദമുദാരം ദണ്ഡിനാ പണ്ഡിതേന ।
സ്തവനമവനകാമേനാത്മനോഽനാമയാഖ്യം
ഭവതി വിഗതരോഗീ ജന്തുരേതജ്ജപേന ॥ 34 ॥
സ്തോത്രം സമ്യക്പരമവിദുഷാ ദണ്ഡിനാം വാച്യവൃത്താൻ
മന്ദാക്രാന്താൻ ത്രിഭുവനഗുരോഃ പാർവതീവല്ലഭസ്യ ।
കൃത്വാ സ്തോത്രം യദി സുഭഗമാപ്നോതി നിത്യം ഹി പുണ്യം
തേന വ്യാധിം ഹര ഹര നൃണാം സ്തോത്രപാഠേന സത്യം ॥ 35 ॥
ഇതി ദണ്ഡിവിരചിതമനാമയസ്തോത്രം സമ്പൂർണം ॥
– Chant Stotra in Other Languages –
Anamaya Stotram in Sanskrit – English – Bengali – Gujarati – Kannada – Malayalam – Odia – Telugu – Tamil