॥ Ardhanari Nateshwara Stotram Telugu Lyrics ॥
॥ అర్ధనారీ నటేశ్వర స్తోత్రమ్ ॥
శివాయ నమః ॥
అర్ధనారీనటేశ్వరస్తోత్రమ్ ।
చాంపేయగౌరార్ధశరీరకాయై కర్పూరగౌరార్ధశరీరకాయ ।
ధమ్మిల్లకాయై చ జటాధరాయ నమః శివయై చ నమః శివాయ ॥ ౧ ॥
కస్తూరికాకుఙ్కుమచర్చితాయై చితారజఃపుఞ్జవిచర్చితాయ ।
కౄతస్మరాయై వికౄతస్మరాయ నమః శివాయై చ నమః శివాయ ॥ ౨ ॥
చలత్క్వణత్కఙ్కణనూపురాయై పాదాబ్జరాజత్ఫణినూపురాయ ।
హేమాఙ్గదాయై భుజగాఙ్గాదాయ నమః శివాయై చ నమః శివాయ ॥ ౩ ॥
విశాలనీలోత్పలలోచనాయై వికాసిపఙ్కేరుహలోచనాయ ।
సమేక్షణాయై విషమేక్షణాయ నమః శివాయై చ నమః శివాయ ॥ ౪ ॥
మన్దారమాలాకలితాలకాయై కపాలమాలాఙ్కితకన్ధరాయ ।
దివ్యాంబరాయై చ దిగంబరాయ నమః శివాయై చ నమః శివాయ ।౫ ॥
అంభోధరశ్యామళకున్తళాయై తడిత్ప్రభాతామ్రజటాధరాయ ।
నిరీశ్వరాయై నిఖిలేశ్వరాయ నమః శివాయై చ నమః శివాయ ॥ ౬ ॥
ప్రపఞ్చసృష్ట్యున్ముఖలాస్యకాయై సమస్తసంహారకతాణ్డవాయ ।
జగజ్జనన్యై జగదేకపిత్రే నమః శివాయై చ నమః శివాయ ॥ ౭ ॥
ప్రదీప్తరత్నోజ్జ్వలకుణ్డలాయై స్ఫురన్మహాపన్నగభూషణాయ ।
శివాన్వితాయై చ శివాన్వితాయ నమః శివాయై చ నమః శివాయ ॥ ౮ ॥
ఏతత్పఠేదష్టకమిష్టదం యో భక్త్యా స మాన్యో భువి దీర్ఘజీవీ ।
ప్రాప్నోతి సౌభాగ్యమనన్తకాలం భూయాత్సదా తస్య సమస్తసిద్ధిః ॥ ౯ ॥
ఇతి శ్రీమత్పరమహంసపరివ్రాజకాచార్యశ్రీగోవిన్దభగవత్పూజ్యపాదశిష్య
శ్రీమచ్ఛఙ్కరభగవత్ప్రణీతమర్ధనారీనటేశ్వరస్తోత్రం సంపూర్ణమ్ ॥
– Chant Stotra in Other Languages –
Ardhanari Nateshvara Stotram in English – Marathi – Gujarati । Bengali – Kannada – Malayalam – Telugu