Ashtamurti Ashtakam In Telugu

॥ Ashtamurti Ashtakam Telugu Lyrics ॥

॥ అష్టమూర్త్యష్టకమ్ ॥
తుష్టావాష్టతనుం హృష్టః ప్రఫుల్లనయనాంచలః ।
మౌళావంజలిమాధాయ వదన్ జయ జయేతి చ ॥ ౧ ॥

భార్గవ ఉవాచ –
త్వం భాభిరాభిరభిభూయ తమస్సమస్త-
మస్తంనయస్యభిమతం చ నిశాచరాణామ్ ।
దేదీప్యసే దినమణే గగనేహితాయ
లోకత్రయస్య జగదీశ్వర తన్నమస్తే ॥ ౨ ॥

లోకేతివేలమతివేల మహామహోభి-
ర్నిర్మాసి కౌముద ముదం చ సముత్సముద్రమ్ ।
విద్రావితాఖిల తమాస్సుతమోహిమాంశో
పీయూషపూర పరిపూరిత తన్నమస్తే ॥ ౩ ॥

త్వం పావనేపథి-సదాగతిరప్యుపాస్యః
కస్త్వాం వినా భువన జీవన జీవతీహ ।
స్తబ్ధప్రభంజన వివర్ధిత సర్వజంతో
సంతోషితాహికుల సర్వగతన్నమస్తే ॥ ౪ ॥

విశ్వైక పావకనతావక పావకైక
శక్తే ఋతే మృతబతామృతదివ్యకార్యమ్ ।
ప్రాణిత్యదో జగదహో జగదంతరాత్మన్
తత్పావక ప్రతిపదం శమదం నమస్తే ॥ ౫ ॥

పానీయరూప పరమేశ జగత్పవిత్ర
చిత్రం విచిత్ర సుచరిత్ర కరోషినూనమ్ ।
విశ్వం పవిత్రమమలం కిల విశ్వనాథ
పానావగాహనత ఏతదతో నతోఽస్మి ॥ ౬ ॥

ఆకాశరూప బహిరంతరితావకాశ
దానాద్విక స్వర మహేశ్వర విశ్వమేతత్ ।
త్వత్తస్సదా సదయ సంశ్వసితి స్వభావా-
త్సంకోచమేతి భవతోస్మి నతస్తతస్త్వామ్ ॥ ౭ ॥

విశ్వంభరాత్మక బిభర్తి విభోత్రవిశ్వం
కో విశ్వనాథ భవతోన్యతమస్తమోఽరే ।
తత్త్వాం వినా నశమినాహి ఫణాహి భూష-
స్తవ్యోపరః పరతర ప్రణతస్తతస్త్వామ్ ॥ ౮ ॥

ఆత్మస్వరూప తవరూప పరంపరాభి-
రాభిస్తతం హర చరాచరరూపమేతత్ ।
సర్వాంతరాత్మనిలయ ప్రతిరూపరూప
నిత్యం నతోఽస్మి పరమాత్మతనోష్టమూర్తే ॥ ౯ ॥

ఇత్యష్టమూర్తిభిరిమాభిరుమాభినంద్య-
వంద్యాతివంద్య తవ విశ్వజనీనమూర్తే ।
ఏతత్తతం నువితతం ప్రణత ప్రణీత
సర్వార్థ సార్థ పరమార్థ తనో నతోఽస్మి ॥ ౧౦ ॥

అష్టమూర్త్యష్టకేనేష్టం పరిష్టుత్యేతి భార్గవః ।
భర్గం భూమిమిళన్మౌళిః ప్రణమామ పునః పునః ॥ ౧౧ ॥

ఇతి శుక్రాచార్యకృతం అష్టమూర్త్యష్టకమ్ ।

– Chant Stotra in Other Languages –

Shiva Stotram » Ashtamurti Ashtakam Lyrics in Sanskrit » English » Kannada » Tamil