॥ Asitha Krita Shiva Stotram Malayalam Lyrics ॥
॥ ശ്രീശിവസ്തോത്രം അസിതകൃത ॥
ശ്രീഗണേശായ നമഃ ॥
അസിത ഉവാച ।
ജഗദ്ഗുരോ നമസ്തുഭ്യം ശിവായ ശിവദായ ച ।
യോഗീന്ദ്രാണാം ച യോഗീന്ദ്ര ഗുരൂണാം ഗുരവേ നമഃ ॥ 1 ॥
മൃത്യോർമൃത്യുസ്വരൂപേണ മൃത്യുസംസാരഖണ്ഡന
മൃത്യോരീശ മൃത്യുബീജ മൃത്യുഞ്ജയ നമോസ്തു തേ ॥ 2 ॥
കാലരൂപം കലയതാം കാലകാലേശ കാരണ ।
കാലാദതീത കാലസ്ഥ കാലകാല നമോസ്തു തേ ॥ 3 ॥
ഗുണാതീത ഗുണാധാര ഗുണബീജ ഗുണാത്മക ।
ഗുണീശ ഗുണിനാം ബീജ ഗുണിനാം ഗുരവേ നമഃ ॥ 4 ॥
ബ്രഹ്മസ്വരൂപ ബ്രഹ്മജ്ഞ ബ്രഹ്മഭാവേ ച തത്പരഃ ।
ബ്രഹ്മബീജസ്വരൂപേണ ബ്രഹ്മബീജ നമോസ്തു തേ ॥ 5 ॥
ഇതി സ്തുത്വാ ശിവം നത്വാ പുരസ്തസ്ഥൗ മുനീശ്വരഃ ।
ദീനവത്സാശ്രുനേത്രശ്ച പുലകാഞ്ചിതവിഗ്രഹഃ ॥ 6 ॥
അസിതേന കൃതം സ്തോത്രം ഭക്തിയുക്തശ്ച യഃ പഠേത് ।
വർഷമേകം ഹവിഷ്യാശീ ശങ്കരസ്യ മഹാത്മനഃ ॥ 7 ॥
സ ലഭേദ്വൈഷ്ണവം പുത്രം ജ്ഞാനിനം ചിരജീവിനം ।
ഭവേദ്ധനാഢ്യോ ദുഃഖീ ച മൂകോ ഭവതി പണ്ഡിതഃ ॥ 8 ॥
അഭാര്യോ ലഭതേ ഭാര്യാം സുശീലാം ച പതിവ്രതാം ।
ഇഹ ലോകേ സുഖം ഭുക്ത്വാ യാത്യന്തേ ശിവസന്നിധിം ॥ 9 ॥
ഇദം സ്തോത്രം പുരാ ദത്തം ബ്രഹ്മണാ ച പ്രചേതസേ ।
പ്രചേതസാ സ്വപുത്രായാസിതായ ദത്തമുത്തമം ॥ 10 ॥
ഇതി ശ്രീബ്രഹ്മവൈവർതേ മഹാപുരാണേ ശ്രീകൃഷ്ണജന്മഖണ്ഡേ
അസിതകൃതശിവസ്തോത്രം സമ്പൂർണം ॥
– Chant Stotra in Other Languages –
Asitha Krutha Shiva Stotram in Sanskrit – English – Bengali – Gujarati – Kannada – Malayalam – Odia – Telugu – Tamil