॥ Attala Sundara Ashtakam Gujarati Lyrics ॥
॥ અટ્ટાલસુન્દરાષ્ટકમ્ ॥
વિક્રમપાણ્ડ્ય ઉવાચ-
કલ્યાણાચલકોદણ્ડકાન્તદોર્દણ્ડમણ્ડિતમ્ ।
કબલીકૃતસંસારં કલયેઽટ્ટાલસુન્દરમ્ ॥ ૧ ॥
કાલકૂટપ્રભાજાલકળઙ્કીકૃતકન્ધરમ્ ।
કલાધરં કલામૌળિં કલયેઽટ્ટાલસુન્દરમ્ ॥ ૨ ॥
કાલકાલં કલાતીતં કલાવન્તં ચ નિષ્કળમ્ ।
કમલાપતિસંસ્તુત્યં કલયેઽટ્ટાલસુન્દરમ્ ॥ ૩ ॥
કાન્તાર્ધં કમનીયાઙ્ગં કરુણામૃતસાગરમ્ ।
કલિકલ્મષદોષઘ્નં કલયેઽટ્ટાલસુન્દરમ્ ॥ ૪ ॥
કદમ્બકાનનાધીશં કાંક્ષિતાર્થસુરદ્રુમમ્ ।
કામશાસનમીશાનં કલયેઽટ્ટાલસુન્દરમ્ ॥ ૫ ॥
સૃષ્ટાનિ માયયા યેન બ્રહ્માણ્ડાનિ બહૂનિ ચ ।
રક્ષિતાનિ હતાન્યન્તે કલયેઽટ્ટાલસુન્દરમ્ ॥ ૬ ॥
સ્વભક્તજનસંતાપ પાપાપદ્મઙ્ગતત્પરમ્ ।
કારણં સર્વજગતાં કલયેઽટ્ટાલસુન્દરમ્ ॥ ૭ ॥
કુલશેખરવંશોત્થભૂપાનાં કુલદૈવતમ્ ।
પરિપૂર્ણં ચિદાનન્દં કલયેઽટ્ટાલસુન્દરમ્ ॥ ૮ ॥
અટ્ટાલવીરશ્રીશંભોરષ્ટકં વરમિષ્ટદમ્ ।
પઠતાં શૃણ્વતાં સદ્યસ્તનોતુ પરમાં શ્રિયમ્ ॥ ૯ ॥
॥ ઇતિ શ્રીહાલાસ્યમાહાત્મ્યે વિક્રમપાણ્ડ્યકૃતં અટ્ટાલસુન્દરાષ્ટકમ્ ॥
– Chant Stotra in Other Languages –
Lord Shiva Slokam » Attala Sundara Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil