॥ Avadhutashtakam Kannada Lyrics ॥
॥ ಅವಧೂತಾಷ್ಟಕಂ ಸ್ವಾಮೀಶುಕದೇವಸ್ತುತಿಃ ಚ ॥
ಶ್ರೀ ಪರಮಾತ್ಮನೇ ನಮಃ ॥
ಅಥ ಪರಮಹಂಸ ಶಿರೋಮಣಿ-ಅವಧೂತ-ಶ್ರೀಸ್ವಾಮೀಶುಕದೇವಸ್ತುತಿಃ
ನಿರ್ವಾಸನಂ ನಿರಾಕಾಂಕ್ಷಂ ಸರ್ವದೋಷವಿವರ್ಜಿತಮ್ ।
ನಿರಾಲಮ್ಬಂ ನಿರಾತಂಕಂ ಹ್ಯವಧೂತಂ ನಮಾಮ್ಯಹಮ್ ॥ 1 ॥
ನಿರ್ಮಮಂ ನಿರಹಂಕಾರಂ ಸಮಲೋಷ್ಟಾಶ್ಮಕಾಂಚನಮ್ ।
ಸಮದುಃಖಸುಖಂ ಧೀರಂ ಹ್ಯವಧೂತಂ ನಮಾಮ್ಯಹಮ್ ॥ 2 ॥
ಅವಿನಾಶಿನಮಾತ್ಮಾನಂ ಹ್ಯೇಕಂ ವಿಜ್ಞಾಯ ತತ್ವತಃ ।
ವೀತರಾಗಭಯಕ್ರೋಧಂ ಹ್ಯವಧೂತಂ ನಮಾಮ್ಯಹಮ್ ॥ 3 ॥
ನಾಹಂ ದೇಹೋ ನ ಮೇ ದೇಹೋ ಜೀವೋ ನಾಹಮಹಂ ಹಿ ಚಿತ್ ।
ಏವಂ ವಿಜ್ಞಾಯ ಸನ್ತುಷ್ಟಮ್ ಹ್ಯವಧೂತಂ ನಮಾಮ್ಯಹಮ್ ॥ 4 ॥
ಸಮಸ್ತಂ ಕಲ್ಪನಾಮಾತ್ರಂ ಹ್ಯಾತ್ಮಾ ಮುಕ್ತಃ ಸನಾತನಃ ।
ಇತಿ ವಿಜ್ಞಾಯ ಸನ್ತುಷ್ಟಂ ಹ್ಯವಧೂತಂ ನಮಾಮ್ಯಹಮ್ ॥ 5 ॥
ಜ್ಞಾನಾಗ್ನಿದಗ್ಧಕರ್ಮಾಣಂ ಕಾಮಸಂಕಲ್ಪವರ್ಜಿತಮ್ ।
ಹೇಯೋಪಾದೇಯಹೀನಂ ತಂ ಹ್ಯವಧೂತಂ ನಮಾಮ್ಯಹಮ್ ॥ 6 ॥
ವ್ಯಾಮೋಹಮಾತ್ರವಿರತೌ ಸ್ವರೂಪಾದಾನಮಾತ್ರತಃ ।
ವೀತಶೋಕಂ ನಿರಾಯಾಸಂ ಹ್ಯವಧೂತಂ ನಮಾಮ್ಯಹಮ್ ॥ 7 ॥
ಆತ್ಮಾ ಬ್ರಹ್ಮೇತಿ ನಿಶ್ಚಿತ್ಯ ಭಾವಾಭಾವೌ ಚ ಕಲ್ಪಿತೌ ।
ಉದಾಸೀನಂ ಸುಖಾಸೀನಂ ಹ್ಯವಧೂತಂ ನಮಾಮ್ಯಹಮ್ ॥ 8 ॥
ಸ್ವಭಾವೇನೈವ ಯೋ ಯೋಗೀ ಸುಖಂ ಭೋಗಂ ನ ವಾಂಛತಿ ।
ಯದೃಚ್ಛಾಲಾಭಸನ್ತುಷ್ಟಂ ಹ್ಯವಧೂತಂ ನಮಾಮ್ಯಹಮ್ ॥ 9 ॥
ನೈವ ನಿನ್ದಾಪ್ರಶಂಸಾಭ್ಯಾಂ ಯಸ್ಯ ವಿಕ್ರಿಯತೇ ಮನಃ ।
ಆತ್ಮಕ್ರೀಡಂ ಮಹಾತ್ಮಾನಂ ಹ್ಯವಧೂತಂ ನಮಾಮ್ಯಹಮ್ ॥ 10 ॥
ನಿತ್ಯಂ ಜಾಗ್ರದವಸ್ಥಾಯಾಂ ಸ್ವಪ್ನವದ್ಯೋಽವತಿಷ್ಠತೇ ।
ನಿಶ್ಚಿನ್ತಂ ಚಿನ್ಮಯಾತ್ಮಾನಂ ಹ್ಯವಧೂತಂ ನಮಾಮ್ಯಹಮ್ ॥ 11 ॥
ದ್ವೇಷ್ಯಂ ನಾಸ್ತಿ ಪ್ರಿಯಂ ನಾಸ್ತಿ ನಾಸ್ತಿ ಯಸ್ಯ ಶುಭಾಶುಭಮ್ ।
ಭೇದಜ್ಞಾನವಿಹೀನಂ ತಂ ಹ್ಯವಧೂತಂ ನಮಾಮ್ಯಹಮ್ ॥ 12 ॥
ಜಡಂ ಪಶ್ಯತಿ ನೋ ಯಸ್ತು ಜಗತ್ ಪಶ್ಯತಿ ಚಿನ್ಮಯಮ್ ।
ನಿತ್ಯಯುಕ್ತಂ ಗುಣಾತೀತಂ ಹ್ಯವಧೂತಂ ನಮಾಮ್ಯಹಮ್ ॥ 13 ॥
ಯೋ ಹಿ ದರ್ಶನಮಾತ್ರೇಣ ಪವತೇ ಭುವನತ್ರಯಮ್ ।
ಪಾವನಂ ಜಂಗಮಂ ತೀರ್ಥಂ ಹ್ಯವಧೂತಂ ನಮಾಮ್ಯಹಮ್ ॥ 14 ॥
ನಿಷ್ಕಲಂ ನಿಷ್ಕ್ರಿಯಂ ಶಾನ್ತಂ ನಿರ್ಮಲಂ ಪರಮಾಮೃತಮ್ ।
ಅನನ್ತಂ ಜಗದಾಧಾರಂ ಹ್ಯವಧೂತಂ ನಮಾಮ್ಯಹಮ್ ॥ 15 ॥
॥ ಇತಿ ಅವಧೂತಾಷ್ಟಕಂ ಸಮಾಪ್ತಮ್ ॥
– Chant Stotra in Other Languages –
Avadhutashtakam Lyrics in Sanskrit » English » Bengali » Gujarati » Malayalam » Odia » Telugu » Tamil