॥ Baka Geetaa Bengali Lyrics ॥
॥ বকগীতা ॥
॥ অথ বকগীতা ॥
বৈশম্পায়ন উবাচ –
মার্কণ্ডেয়মৃষয়ো ব্রাহ্মণা যুধিষ্ঠিরশ্চ পর্যপৃচ্ছন্নৃষিঃ ।
কেন দীর্ঘায়ুরাসীদ্বকো মার্কণ্ডেয়স্তু তান্সর্বানুবাচ ॥ ১ ॥
মহাতপা দীর্ঘায়ুশ্চ বকো রাজর্ষির্নাত্রকার্যা বিচারণা ॥ ২ ॥
এতচ্ছৃৎবা তু কৌন্তেয়ো ভ্রাতৃভিঃ সহ ভারত ।
মার্কণ্ডেয়ং পর্যপৃচ্ছদ্ধর্মরাজো যুধিষ্ঠিরঃ ॥ ৩ ॥
বকদাল্ভ্যৌ মহাত্মানৌ শ্রূয়েতে চিরজীবিনৌ ।
সখায়ৌ দেবরাজস্য তাবৃষী লোকসংমিতৌ ॥ ৪ ॥
এতদিচ্ছামি ভগবন্ বকশক্রসমাগমম্ ।
সুখদুঃখসমায়ুক্তং তত্ত্বেন কথয়স্ব মে ॥ ৫ ॥
মার্কণ্ডেয় উবাচ –
বৃত্তে দেবাসুরে রাজন্সংগ্রামে লোমহর্ষণে ।
ত্রয়াণামপি লোকানামিন্দ্রো লোকাধিপো ভবৎ ॥ ৬ ॥
সম্যগ্বর্ষতি পর্জন্যে সুখসম্পদ উত্তমাঃ ।
নিরাময়াস্তু ধর্মিষ্ঠাঃ প্রজা ধর্মপরায়ণাঃ ॥ ৭ ॥
মুদিতশ্চ জনঃ সর্বঃ স্বধর্মে সুব্যবস্থিতঃ ।
তাঃ প্রজা মুদিতাঃ সর্বা দৃষ্টাবলনিষূদনঃ ॥ ৮ ॥
ততস্তু মুদিতো রাজন্ দেবরাজঃ শতক্রতুঃ ।
ঐরাবতং সমাস্থায় তাঃ পশ্যন্মুদিতাঃ প্রজাঃ ॥ ৯ ॥
আশ্রমাংশ্চ বিচিত্রাংশ্চ নদীশ্চ বিবিধাঃ শুভাঃ ।
নগরাণি সমৃদ্ধানি খেটাঞ্জনপদাংস্তথা ॥ ১০ ॥
প্রজাপালনদক্ষাংশ্চ নরেন্দ্রান্ধর্মচারিণঃ ।
উদপানপ্রপাবাপীতডাগানিসরাংসিচ ॥ ১১ ॥
নানাব্রহ্মসমাচারৈঃ সেবিতানি দ্বিজোত্তমৈঃ ।
ততোবতীর্য রম্যায়াং পৃথ্ব্যাং রাজঞ্ছতক্রতুঃ ॥ ১২ ॥
তত্র রম্যে শিবে দেশে বহুবৃক্ষসমাকুলে ।
পূর্বস্যাং দিশি রম্যায়াং সমুদ্রাভ্যাশতো নৃপ ॥ ১৩ ॥
তত্রাশ্রমপদং রম্যং মৃগদ্বিজনিষেবিতম্ ।
তত্রাশ্রমপদে রম্যে বকং পশ্যতি দেবরাট্ ॥ ১৪ ॥
বকস্তু দৃষ্ট্বা দেবেন্দ্রং দৃঢং প্রীতমনাভবৎ ।
পাদ্যাসনার্ঘদানেন ফলমূলৈরথার্চয়ৎ ॥ ১৫ ॥
সুখোপবিষ্টো বরদস্ততস্তু বলসূদনঃ ।
ততঃ প্রশ্নং বকং দেব উবাচ-ত্রিদশেশ্বরঃ ॥ ১৬ ॥
শতং বর্ষসহস্রাণি মুনে জাতস্য তেনঘ ।
সমাখ্যাহি মম ব্রহ্মন্ কিং দুঃখং চিরজীবিনাম্ ॥ ১৭ ॥
বক উবাচ –
অপ্রিয়ৈঃ সহ সংবাসঃ প্রিয়ৈশ্চাপি বিনাভবঃ ।
অসদ্ভিঃ সম্প্রয়োগশ্চ তদ্দুঃখং চির্জীবিনাম্ ॥ ১৮ ॥
পুত্রদারবিনাশোত্র জ্ঞাতীনাং সুহৃদামপি ।
পরেষ্বাপততে কৃছ্রং কিংনু দুঃখতরং ততঃ ॥ ১৯ ॥
নান্যদ্দুঃখতরং কিংচিল্লোকেষু প্রতিভাতি মে ।
অর্থৈর্বিহীনঃ পুরুষঃ পরৈঃ সম্পরিভূয়তে ॥ ২০ ॥
অকুলানাং কুলে ভাবং কুলীনানাং কুলক্ষয়ম্ ।
সংয়োগং বিপ্রয়োগং চ পশ্যন্তি চিরজীবিনঃ ॥ ২১ ॥
অপি প্রত্যক্ষমেবৈতদ্দেবদেব শতক্রতো ।
অকুলানাং সমৃদ্ধানাং কথং কুলবিপর্যযঃ ॥ ২২ ॥
দেবদানবগন্ধর্বমনুষ্যোরগরাক্ষসাঃ ।
প্রাপ্নুবন্তি বিপর্যাসং কিংনু দুঃখতরং ততঃ ॥ ২৩ ॥
কুলে জাতাশ্চ ক্লিশ্যন্তে দৌষ্কুলে যবশানুগাঃ ।
আঢ্যৈর্দরিদ্রাবমতাঃ কিংনু দুঃখতরং ততঃ ॥ ২৪ ॥
লোকে বৈধর্ম্যমেতত্তু দৃশ্যতে বহুবিস্তরম্ ।
হীনজ্ঞানাশ্চ দৃশ্যন্তে ক্লিশ্যন্তে প্রাজ্ঞকোবিদাঃ ॥ ২৫ ॥
বহুদুঃখপরিক্লেশং মানুষ্যমিহ দৃশ্যতে ।
ইন্দ্র উবাচ –
পুনরেব মহাভাগ দেবর্ষিগণসেবিত ॥ ২৬ ॥
সমাখ্যাহি মম ব্রহ্মন্ কিং সুখং চিরজীবিনাম্ ।
বক উবাচ –
অষ্টমে দ্বাদশে বাপি শাকং যঃ পচতে গৃহে ॥ ২৭ ॥
কুমিত্রাণ্যনপাশ্রিত্য কিং বৈ সুখতরং ততঃ ।
যত্রাহানি ন গণ্যন্তে নৈনমাহুর্মহাশনম্ ॥ ২৮ ॥
অপি শাকংপচানস্য সুখং বৈ মঘবন্ গৃহে ।
অর্জিতং স্বেন বীর্যেণ নাপ্যপাশ্রিত্য কঞ্চন ॥ ২৯ ॥
ফলশাকমপি শ্রেয়ো ভোক্তুং হ্যকৃপণে গৃহে ।
পরস্য তু গৃহে ভোক্তুঃ পরিভূতস্য নিত্যশঃ ॥ ৩০ ॥
সুমৃষ্টমপি নে শ্রেয়ো বিকল্পোয়মতঃ সতাম্ ।
শ্ববৎকীলালপো যস্তু পরান্নং ভোক্তুমিচ্ছতি ॥ ৩১ ॥
ধিগস্তু তস্যতদ্ভুক্তং কৃপণস্য দুরাত্মনঃ ।
যো দত্ত্বাতিথিভূতেভ্যঃ পিতৃভ্যশ্চ দ্বিজোত্তমঃ ॥ ৩২ ॥
শিষ্টান্যনানি যো ভুঙ্ক্তে কিংবৈ সুখতরং ততঃ ।
অতো মৃষ্টতরং নান্যৎপূতং কিঞ্চিচ্ছ্তক্রতো ॥ ৩৩ ॥
দৎবা যস্ত্বতিথিভ্যো বৈ ভুঙ্ক্তে তেনৈব নিত্যশঃ ।
যাবতোহ্যংধসঃ পিণ্ডানশ্নাতি সততং দ্বিজঃ ॥ ৩৪ ॥
তাবতাং গোসহস্রাণাং ফলং প্রাপ্নোতি দায়কঃ ।
যদেনো যৌবনকৃতং তৎসর্ব নশ্যতে ধ্রুবম্ ॥ ৩৫ ॥
সদক্ষিণস্য ভুক্তস্য দ্বিজস্য তু করে গতম্ ।
যদ্বারি বারিণা সিংচেত্তদ্ধ্যেনস্তরতে ক্ষণাৎ ॥ ৩৬ ॥
এতশ্চান্যাশ্চবৈ বহ্বীঃ কথয়িৎবা কথাঃ শুভাঃ ।
বকেন সহ দেবেন্দ্র আপৃচ্ছ্য ত্রিদিবং গতঃ ॥ ৩৭ ॥
॥ ইতি বক শক্র সংবাদ এবং বকগীতা সমাপ্তা ॥
– Chant Stotra in Other Languages –
Baka Gita in Sanskrit – English – Bengali – Gujarati – Kannada – Malayalam – Odia – Telugu – Tamil