॥ శ్రీ భృగుపఞ్చకస్తోత్రమ్ Telugu Lyrics ॥
ద్విజేన్ద్రవంశతారకం సమస్తదుఃఖహారకం
దరిద్రతావిదారకం స్వధర్మసేతుధారకమ్ ।
సదైవ దేవనన్దితం సమస్త శాస్త్రపణ్డితం
భజామి భస్మభూషితం స్వభర్గభాసితం భృగుమ్ ॥ ౧॥
విరాగరాగనిర్ఝరం నమామి వై విదామ్వరం
పరమ్పరారవిన్దరేణుషట్పదం సితామ్బారమ్ ।
సదైవ సాధనాపరం సమాధినిష్ఠభూసురం
భజామి భస్మభూషితం స్వభర్గభాసితం భృగుమ్ ॥ ౨॥
సనాతనం చ శాశ్వతం సమష్టిసౌఖ్యసర్జకం
సమున్నతం సుమానసం శివాదిసఙ్గసాధకమ్ ।
సమర్ధకం సమర్పితం సదైవ శాన్తిశోధకం
నమామి భస్మభూషితం స్వభర్గభాసితం భృగుమ్ ॥ ౩॥
పఠామి భార్గవోత్తమం లిఖామి తం భృగుం విభు
భజామి తం మహాగురుం స్పృశామి తం మహాప్రభుమ్ ।
స్మరామి తం మహామునిం వదామి తం స్వయమ్భువం
నమామి భస్మభూషితం స్వభర్గభాసితం భృగుమ్ ॥ ౪॥
అబోధతాం వినాశితుం దరిద్రతాం విదారితుం
ప్రబోధతాం ప్రవాహితు సుమేధతాం సుసాధితుమ్ ।
వికాసవీథి భాసితుం భజామి వై భృగుం శివం
నమామి భస్మభూషితం స్వభర్గభాసితం భృగుమ్ ॥ ౫॥
॥ ఇతి శ్రీ భృగుపఞ్చకస్తోత్రమ్ ॥