॥ Bodhya Geetaa Telugu Lyrics ॥
॥ బోధ్యగీతా ॥
భీమ ఉవాచ ।
అత్రాప్యుదాహరంతీమమితిహాసం పురాతనం ।
గీతం విదేహరాజేన జనకేన ప్రశామ్యతా ॥ 1 ॥
అనంతం బత మే విత్తం యస్య మే నాస్తి కిం చన ।
మిథిలాయాం ప్రదీప్తాయాం న మే దహ్యతి కిం చన ॥ 2 ॥
అత్రైవోదాహరంతీమం బోధ్యస్య పదసంచయం ।
నిర్వేదం ప్రతి విన్యస్తం ప్రతిబోధ యుధిష్ఠిర ॥ 3 ॥
బోధ్యం దాంతమృషిం రాజా నహుషః పర్యపృచ్ఛత ।
నిర్వేదాచ్ఛాంతిమాపన్నం శాంతం ప్రజ్ఞాన తర్పితం ॥ 4 ॥
ఉపదేశం మహాప్రాజ్ఞ శమస్యోపదిశస్వ మే ।
కాం బుద్ధిం సమనుధ్యాయ శాంతశ్చరసి నిర్వృతః ॥ 5 ॥
బోధ్య ఉవాచ ।
ఉపదేశేన వర్తామి నానుశాస్మీహ కంచన ।
లక్షణం తస్య వక్ష్యేఽహం తత్స్వయం పరిమృశ్యతాం ॥ 6 ॥
పింగలా కురరః సర్పః సారంగాన్వేషణం వనే ।
ఇషుకారః కుమారీ చ షడేతే గురవో మమ ॥ 7 ॥
భీమ ఉవాచ ।
ఆశా బలవతీ రాజన్నైరాశ్యం పరమం సుఖం ।
ఆశాం నిరాశాం కృత్వా తు సుఖం స్వపితి పింగలా ॥ 8 ॥
సామిషం కురరం దృష్ట్వా వధ్యమానం నిరామిషైః ।
ఆమిషస్య పరిత్యాగాత్ కురరః సుఖమేధతే ॥ 9 ॥
గృహారంభో హి దుఃఖాయ న సుఖాయ కదాచన ।
సర్పః పరకృతం వేశ్మ ప్రవిశ్య సుఖమేధతే ॥ 10 ॥
సుఖం జీవంతి మునయో భైక్ష్యవృత్తిం సమాశ్రితాః ।
అద్రోహేనైవ భూతానాం సారంగా ఇవ పక్షిణః ॥ 11 ॥
ఇషుకారో నరః కశ్చిదిషావాసక్తమానసః ।
సమీపేనాపి గచ్ఛంతం రాజానం నావబుద్ధవాన్ ॥ 12 ॥
బహూనాం కలహో నిత్యం ద్వయోః సంకథనం భవేత్ ।
ఏకాకీ విచరిష్యామి కుమారీశంఖకో యథా ॥ 13 ॥
ఇతి బోద్ధ్యగీతా సమాప్తా ॥
– Chant Stotra in Other Languages –
Bodhya Gita in Sanskrit – English – Bengali – Gujarati – Kannada – Malayalam – Odia – Telugu – Tamil