॥ Brihadambaryashatakam Gujarati Lyrics ॥
॥ બૃહદમ્બાર્યાશતકમ્ ॥
શ્રીગોકર્ણનિકેતા શ્રીવિદ્યાદિવ્યશુક્તિકામુક્તા ।
શ્રીકણ્ઠનિત્યમિલિતા શ્રીચક્રેશી પુરોઽસ્તુ મે માતા ॥ ૧ ॥
કલ્યાણં કલયેન્નઃ કલ્યાનસ્માન્ કરોતુ શતમબ્દાન્ ।
કલ્યાતઙ્કમપાસ્યેત્ કલ્યાણી નઃ સદૈવ બૃહદમ્બા ॥ ૨ ॥
તરુણારુણપ્રકાશં તરુણા વકુલેન ભાસુરનિવેશમ્ ।
ગુરુણા સ્તનેન નમિતં ગુરુણા સદયેન વસ્તુઃ ન કથિતમ્ ॥ ૩ ॥
વકુલદ્રુમૂલસદનાં વનજસહાધ્યાયિપરિલસદ્વદનામ્ ।
વલ્ગુસ્મિતેક્ષ્યરદનાં વન્દે દૃક્તર્જિતામ્બુજચ્છદનામ્ ॥ ૪ ॥
એકા દ્વિલોકસુખદા ત્ર્યક્ષર્યાખ્યાપિતા ચતુઃપીઠા ।
પઞ્ચામ્નાયશિરઃસ્થા બૃહદમ્બ ત્વં ષડધ્વજનયિત્રી ॥ ૫ ॥
નાસાભાસા ચમ્પકશોભાક્ષોભાવહાસ્તુ બૃહદમ્બા ।
પારાવારાત્મજયા સેવ્યા દેવ્યા ગિરાં ચ ભવ્યાય ॥ ૬ ॥
કમ્બુલસત્કંધરયા કૈશ્યવિનિર્ધૂતનીલકંધરયા ।
પાલ્યે શોણાધરયા પાવિતવકુલદ્રુમૂલસદ્ધરયા ॥ ૭ ॥
પીનસ્તનાવનમ્રે પાદનતામ્ભોજવાસિનીકમ્રે ।
વાણીજિતસરસામ્રે વાચો વલ્ગન્તુ ધામ્નિ મે તામ્રે ॥ ૮ ॥
વકુલવનીવાસિન્યા વિદ્રુમસચ્છાયચેલવાસિન્યા ।
હૃદ્રાજીવાસિન્યા હૃદયં શંભોર્હૃતં સુવાસિન્યા ॥ ૯ ॥
વન્દે શ્રીબૃહદમ્બાં વલ્ગુગતાપાસ્તરાજકાદમ્બામ્ ।
આશ્રિતજનાવલમ્બામાસેવે કૈશ્યધૂતલોલમ્બામ્ ॥ ૧૦ ॥
કેસરસરભાસુરયા કેવલદાસીભવત્સુરાસુરયા ।
કલિતા વાણી સુરયા કયાપિ મે ભક્તિનમ્રભૂસુરયા ॥ ૧૧ ॥
શિરસા ધૃતસોમાયાઃ શ્રીગોકર્ણૈકદિવ્યધામાયાઃ ।
પદનમ્રાણાં માયાઃ પાપવિધાત્ર્યઃ કદાપિ નોમાયાઃ ॥ ૧૨ ॥
આનન્દસારસીમામાનઙ્ગોત્કર્ષપોષકાપાઙ્ગામ્ ।
આનન્તું બૃહદમ્બામાનન્ત્યં મૂર્ધ્નિ વાઞ્છામિ ॥ ૧૩ ॥
વકુલાટવીનિવિષ્ટાં વન્દકસંરક્ષણાત્યભિનિવિષ્ટામ્ ।
નિરવધિકરુણાવિષ્ટાં નિત્યં સેવેમહીષ્ટશિપિવિષ્ટામ્ ॥ ૧૪ ॥
અભિધાયિતહૃલ્લેખામતીતવિદ્વત્સુકવિજનોલ્લેખામ્ ।
પદપદ્મનમલ્લેખાં પશ્યામઃ શાશ્વતીં તટિલ્લેખામ્ ॥ ૧૫ ॥
કરુણામૃતવર્ષિણ્યાઃ સેવકસર્વાપરાધમર્ષિણ્યાઃ ।
વકુલવિપિનહર્ષિણ્યા વશ્યાઃ સ્મઃ શંભુચિત્તકર્ષિણ્યાઃ ॥ ૧૬ ॥
કરુણાઝરસરસાક્ષીમરુણાધરશોભિસુન્દરસુહાસામ્ ।
તરુનાર્ધઘટિતદેહાં વરુણાલયજેડિતાં શિવાં વૃણુમઃ ॥ ૧૭ ॥
ધન્યાઃ કે નુ મદન્યા વલયેઽવન્યા યતો વકુલવન્યાઃ ।
મૂલે મોક્ષવદાન્યા માન્યા કન્યા ગિરોર્હિતમાન્યા મે ॥ ૧૮ ॥
કેચિત્ ત્વાં કુલમૂલે સાક્ષાત્કુર્વન્ત્યહં વકુલમૂલે ।
અર્ધેશ્વરાં કતિપયે માતઃ સર્વેશ્વરામહં કલયે ॥ ૧૯ ॥
વાઞ્છિતસિદ્ધ્યૈ ભવિતા લાઞ્છિતચિકુરા ચકોરવૃત્તિકૃતા ।
કાઙ્ક્ષિતચરણા સદ્ભિઃ કાં ક્ષિપ્રં નાતનોતિ સંસિદ્ધિમ્ ॥ ૨૦ ॥
અરુણિમસારસમષ્ટિઃ સંસૃતિકૂપોત્તરણયષ્ટિઃ ।
કલિતામૃતૌઘવૃષ્ટિર્બૃહદમ્બા ભાતુ મે કૃપાદૃષ્ટિઃ ॥ ૨૧ ॥
સામજસમાનગમના સામસમાજોપગાનતુષ્ટમનાઃ ।
સમજાનુપેતચરણા સમરસતાપન્નપન્નગાભરણા ॥ ૨૨ ॥
વિશ્વપતિવશ્યહૃદયા નશ્વરવિશ્વાસપશ્વનાશાસ્યા ।
અશ્વમુખસ્તવશસ્યા નિઃશ્વસિતાનુશ્રવાસ્તિ બૃહદમ્બા ॥ ૨૩ ॥
લઘુ તવ ચરણં શરણં તરણં મૃત્યોર્ભજામિ બૃહદમ્બ ।
યાવત્ તરસા જરસા પરસાદઙ્ગાનિ ન કૃતાનિ ॥ ૨૪ ॥
પ્રભવતિ યત્ર ન ગૌર્વા નોર્મીણાં સંકથા ન વા જડતા ।
કોઽપિ વકુલાલવાલે જયતિ ચિરાનન્દસાગરોઽપાર ॥ ૨૫ ॥
સ્થાવરરાજતનૂજા ભાવરસસ્ફીતવૈખરી જનની ।
પીવરવક્ષોજનતા ધીવરદૌહિત્રસૂક્તિપરિચિન્ત્યા ॥ ૨૬ ॥
સર્વાનન્દનિવાસા શક્રશતાનન્દમુખ્યસુરસેવ્યા ।
ધૃતનન્દસૂનુદેહા ભૂમનિજાનન્દમેદુરા જયતિ ॥ ૨૭ ॥
અપહૃત્ય ચિત્તશલ્યં ભક્તિમતામાતનોષિ કૈવલ્યમ્ ।
બૃહદમ્બ કો ન્વકલ્યં દેવાન્તરં ત્વ્યા પાલ્યમ્ ॥ ૨૮ ॥
ભવનીકૃતગોકર્ણં ભાસ્વન્મણિકુણ્ડલસ્ફુરત્કર્ણમ્ ।
ધ્યાયામિ શોણવર્ણં ધામ પરં ભક્તમાનસાભ્યર્ણમ્ ॥ ૨૯ ॥
કલિતા લલિતા કલિતાપહરા દહરાન્તરવિચિન્ત્યા ।
વકુલે મુકુલેડ્યકુલે સદયાભ્યુદયા કિમન્યદેવૈર્મે ॥ ૩૦ ॥
વારાણસીનિષેવાં વારાશ્યવગાહનાનિ ચ ન તન્યાઃ ।
વારાન્ બહૂનથાઙ્ઘ્ર્યોર્વારા પૂયસ્વ વકુલમૂલેશ્યાઃ ॥ ૩૧ ॥
શ્રેયશ્ચ યા વિધત્તે શ્રીબૃહદમ્બાપદામ્બુરુહચિન્તા ।
કલિકલુષણિ વિભિન્તે મદમપિ કાર્તાન્તમાહન્તા ॥ ૩૨ ॥
નીવી નવાન્યવચસાં સા વીણા વાણ્યભિપણાર્યા ।
ભાવી ભવાર્તિહરણી દેવી દયતાં સદૈવ બૃહદમ્બા ॥ ૩૩ ॥
માતા સારસનેત્રા માન્યા વારાશિકન્યકાનેત્રા ।
મૃગચક્રવર્તિપત્રા મનસિ મમ સ્તાત્ સ્તનોલ્લસત્પત્રા ॥ ૩૪ ॥
વેલતિગાનુકમ્પા વકુલવનામ્ભોદમઞ્જુતરશમ્પા ।
ભવતપ્તામૃતઝમ્પા ભવતુ હૃદિસ્થા કૃતદ્વિષત્કમ્પા ॥ ૩૫ ॥
પદ્યાયામાદ્ યાયામાદ્યાયામમ્બ તાવકજનાનામ્ ।
વિદ્યાં તે નિરવદ્યાં વિદ્યાં ગોકર્ણરાજ્ઞિ દયયા તે ॥ ૩૬ ॥
તરણિં તમશ્છટાનામરણિં જ્ઞાનાનલસ્ય કલયામિ ।
તરણિં ભવામ્બુરાશેઃ સરણિં વેદ્યાગમસ્ય બૃહદમ્બામ્ ॥ ૩૭ ॥
વક્ષોજભારનમિતા લક્ષોત્તરવેદગીઃપ્રમિતા ।
ઇક્ષોર્મધુરોક્તિમિતા ન ક્ષોભ્યા ત્વં દયાધુની સ્તિમિતા ॥ ૩૮ ॥
હૃદયં પુરાણવચસાં સદયં દીનાવને પરં તેજઃ ।
મદયન્નધરં શંભોસ્તદયં યાતો જનઃ શરણમ્ ॥ ૩૯ ॥
માઙ્કણતીરકુટીરા મેદુરવક્ષોજલિપ્તપાટીરા ।
પતિધૃતચન્દ્રાણ્ડીરા ધ્યેયામ્બા મુક્તિદાનશૌણ્ડીરા ॥ ૪૦ ॥
આપન્નરક્ષણાર્થે ચાપં પુણ્ડ્રેક્ષુમાદધાના સા ।
રોપં ચ પૌષ્પમમ્બા પાપં પ્રોત્સારયેન્મમાશેષમ્ ॥ ૪૧ ॥
દક્ષા નિરર્ગલા સા દાતું સ્વર્ગં ત્રિવર્ગમપવર્ગમ્ ।
બૃહદમ્બા મહદન્તર્વાસા ભાસારુણા જયતિ ॥ ૪૨ ॥
વારિદસોદરચિકુરાં વદનપરાભૂતવિસ્ફુરન્મુકુરામ્ ।
સુન્દરહાસાઙ્કૂરાં સેવેઽમ્બાં વાગ્જિતામૃતાસારામ્ ॥ ૪૩ ॥
બિન્દુત્રયાત્મકતયા કલયન્તિ ત્વામપારકરુણાબ્ધિમ્ ।
યે બૃહદમ્બ ભવાબ્ધિર્વિદુષાં તેષાં કતિ પૃષન્તિ ॥ ૪૪ ॥
નીવારશૂકશાતા નીહારાંશુચ્છટાશીતા ।
બાલાદિત્યશતાભા મૂલાધારાત્ સમુદ્યતા ભાસિ ॥ ૪૫ ॥
વિશ્વપ્રથાનિદાનં વેદશિરઃસ્ફૂર્જદપદાનમ્ ।
બૃહદમ્બિકાભિધાનં બહુશઃ સેવેય મઙ્ગલવિધાનમ્ ॥ ૪૬ ॥
આલોલનીલવેણી ફાલોત્સઙ્ગાનુષઙ્ગિદિવ્યમણી ।
કાલોન્મિષત્કુવલયચ્છાયાદાયાદલોચનદ્વિતયા ॥ ૪૭ ॥
મણિતાટઙ્કસમુદ્યદ્ઘૃણિગણનીરાજિતકપોલમ્ ।
નાસાગ્રલમ્બિમુક્તાભાસા સંપૃક્તમન્દહાસરુચિઃ ॥ ૪૮ ॥
અરુણાધરજિતબિમ્બા વક્ત્રપરાભૂતશીતકરબિમ્બા ।
પીનોન્નતસ્તનભરા પાશસૃણીષ્વિક્ષુચાપકરા ॥ ૪૯ ॥
શિઞ્જિતમઞ્જીરલસન્મઞ્જુલચરણાબ્જનમ્રસુરલોકા ।
બૃહદમ્બા મમ હૃદયે નિવસતુ વાત્સલ્યશીતલાલોકા ॥ ૫૦ ॥
ભાનવ્યા યા નવ્યા માનવ્યાઘાતભીતયા દીપ્ત્યા ।
આતન્વીત સુતન્વી સા તન્વીડ્યા શ્રિયં તવામ્બ તનૂઃ ॥ ૫૧ ॥
ઇચ્છાત્તવિશ્વશિલ્પાં પઞ્ચબ્રહ્મપ્રકલ્પિતસુતલ્પામ્ ।
વન્દીકૃતાદિજલ્પાં વન્દે દેવીં દયોદયાનલ્પામ્ ॥ ૫૨ ॥
કેચિન્મદાલસાક્ષં કાલોન્મીલત્કુવાલજયદક્ષમ્ ।
ગાત્રં તવાપરોક્ષં કુર્યુર્બૃહદમ્બ દુષ્કૃતવિપક્ષમ્ ॥ ૫૩ ॥
શયધૃતચારુવિપઞ્ચી શ્રોણીબિમ્બાવલમ્બિમણિકાઞ્ચી ।
ગોકર્ણેશ્યઘવઞ્ચી દૃષ્ટા ચેત્ કો ન ભક્તિરોમાઞ્ચી ॥ ૫૪ ॥
કાલં પ્રયાપ્ય મેઽલં ભારૈર્દુઃસ્થૈરચારુકુચભારૈઃ ।
ક્ષામૈરશુકશ્યામૈરન્યૈર્દેવૈરધૂતનતદૈન્યૈઃ ॥ ૫૫ ॥
સોમાર્ધસલ્લલામા સા મામવ્યાત્ સુવકુલવનદામા ।
કામારિદિવ્યરામા પરમા સંવિદ્ ઘનશ્યામા ॥ ૫૬ ॥
કોમલવાકુલમૂલા સ્તોમલસત્કુન્તલાધિગોકર્ણમ્ ।
યામલવર્ણ્યા કાપિ શ્યામલવર્ણા વિભાતિ ગુરુમૂર્તિઃ ॥ ૫૭ ॥
પ્રવહત્કરુણાપાઙ્ગં પ્રત્યગ્રામ્ભોદમેચકશ્યામમ્ ।
વિશ્વાધિકાન્તરઙ્ગં વકુલવને ભાતિ પાલિતપાઙ્ગમ્ ॥ ૫૮ ॥
શિખિપિઞ્છં તાપિઞ્છં સભયં ધમ્મિલ્લશોભયા સ્વભયા ।
આદધતી દધતીન્દું માઙ્કણરોધોઽઙ્કણે જયત્યમ્બા ॥ ૫૯ ॥
વામકુચચુમ્બિવીણામર્ધોન્મીલન્મનોજ્ઞટ્ટક્કોણામ્ ।
વિશ્વાવનપ્રવીણાં વકુલાટવ્યાં નમામિ રમમાણામ્ ॥ ૬૦ ॥
અંસાનુષઙ્ગિચૂલી સંસારાપારવારિધેરાલી ।
શં સા દદાતુ કાલી કંસારીડ્યા સદાત્તવકુલાલી ॥ ૬૧ ॥
વીણાવાદિનિ શર્માસ્વાદિનિ કર્માદ્રિભેદિનિ સ્યાન્મે ।
વિશ્વાકારિણિ ચન્દ્રાલંકારિણિ બોધકારિણિ પ્રેમ ॥ ૬૨ ॥
અરુણાંશુકામુપાસે નિગમં શુકરૂપિણં દધતીમ્ ।
દદતીમાશુકવિત્વં સ્વાંશુકદર્થીકૃતાતસીં જનનીમ્ ॥ ૬૩ ॥
સજ્જનકૃતવરિવસ્યં સારસપરિહાસસાદરનિજાસ્યમ્ ।
ગાન્ધર્વસ્ય રહસ્યં કિંચન કુર્યાન્મદાશાસ્યમ્ ॥ ૬૪ ॥
દૂર્વાશ્યામલકાયે દુર્વાસોમુખ્યમૌનિગણસેવ્યે ।
અર્વાસ્યવર્ણિતગુણે કુર્વાશાપૂર્તિમદ્ય બૃહદમ્બ ॥ ૬૫ ॥
લીલાલોલા વકુલાટવ્યામવ્યાચ્છુકાભિરામકરા ।
વીણાક્કાણાભિરતા માતા ભૂતાધિપસ્ય દયિતા નઃ ॥ ૬૬ ॥
દુરિતેભ્યો ન કૃતેભ્યો નાપિ કૃતાન્તાદ્ બિભેમિ દુર્દાન્તાત્ ।
દૃષ્ટા દયાસમષ્ટિર્વકુલવને શ્યામલાકૃતિર્યેન ॥ ૬૭ ॥
ધન્યોઽહં ધન્યોઽહં વંશદ્વિતયી મદીક્ષિતા ધન્યા ।
પરિપણમામ્નાયાનાં શ્યામલમાલોકિ વકુલમૂલે યત્ ॥ ૬૮ ॥
વિત્તાદિભિર્નરાણાં મત્તાનાં દુર્લભા વિના ભક્તિમ્ ।
તત્તાદૃશાનુભાવા સત્તા કાચિદ્ વિભાતિ ગોકર્ણે ॥ ૬૯ ॥
પરિહૃતસર્વવિકલ્પા પરિધૃતશીતાંશુકોરકાકલ્પા ।
બાલદિવાકરકલ્પા બૃહદમ્બા પાતુ સત્યસંકલ્પા ॥ ૭૦ ॥
ચમ્પકનીપરસાલાઃ સન્ત્યેવાન્યે રસાસ્થલે સાલાઃ ।
વકુલે તુ મેઽસ્તિ ભક્તિર્યસ્મિન્ દૃષ્ટે સ્મૃતા ભવત્યમ્બા ॥ ૭૧ ॥
ભ્રમરીવિભ્રમકબરીં ભ્રૂભ્રમણેનૈવ પઞ્ચકૃત્યકરીમ્ ।
સંવિત્સુખામૃતઝરીં સંસેવેઽમ્બાં ભવામ્બુરાશિતરીમ્ ॥ ૭૨ ॥
કુમુદેશપાકચૂડં કલિતસુરોદ્યાનમાલિકાપીડમ્ ।
અઞ્ચિતવકુલાક્રીડં કિંચિદુપાસે દયાનિવહનીડમ્ ॥ ૭૩ ॥
સરલે સરલે વિરલે તરલે હૃન્નેત્રકુચસીમ્નિ ।
વસ્તુનિ મેઽસ્તુ નિવાસ્તુનિ કરુણાયાશ્ચિત્તવૃત્તિરપતન્દ્રા ॥ ૭૪ ॥
કં ગણયેઽન્યમુપાસ્યં મઙ્કણકાસારતીરકૌતુકિનઃ ।
અઙ્ગણવાકુલસુમનોરિઙ્ખણસૌરભ્યનિર્ભરાદ્ધામ્નઃ ॥ ૭૫ ॥
વેશન્તતુલ્યનાભી વાસન્તસ્ફારપુષ્પશુભવેણી ।
સીમન્તભાસિવુસૃણા સા હન્ત પ્રેક્ષિતાદ્ય બૃહદમ્બા ॥ ૭૬ ॥
શ્રુતિલાસિકાલિરઙ્ગાયિતસ્વમહિમાક્ષિનિર્જિતકુરઙ્ગા ।
પ્રોદ્યત્કૃપાતરઙ્ગા પાયાદમ્બા મૃગેશ્વરતુરઙ્ગા ॥ ૭૭ ॥
નિબિડઘનસ્તનકુમ્ભા નિજવેણીન્યસ્તશીતકરડિમ્ભા ।
નિવસિતવરકૌસુમ્ભા નિવસતુ ચિત્તે જગદ્ધિતારમ્ભા ॥ ૭૮ ॥
ગમ્ભીરનાભિકુહરાં કુમ્ભીન્દ્રસ્પર્ધિમુગ્ધસંચારામ્ ।
તાં ભીમસ્ય ન ભામાં કુમ્ભીપાકેચ્છવો ભજન્ત્યજ્ઞાઃ ॥ ૭૯ ॥
વાહ્યાપિ નો પુરાણ્યા તત્ત્વવિપણ્યા યદુચ્ચતાગણ્યા ।
સા વર્ણ્યાસ્તુ શરણ્યા કસ્ય ધરણ્યામુમાખિલવરેણ્યા ॥ ૮૦ ॥
ગોકર્ણેશયસેવ્યાં ગોકર્ણેશપ્રિયાં પ્રણમન્ ।
ગોકર્ણે વસ તૂષ્ણીં ગોકર્ણે ભ્રામકાંસ્તુ જપ મન્ત્રાન્ ॥ ૮૧ ॥
ક્ષુદ્રાર્થદાનશીલા ન દ્રાગારાધિતાઃ પ્રસીદન્તિ ।
નિદ્રાલસાસ્ત્વદન્યે તદ્રાજ્ઞિ ત્વાં ભજે વકુલવન્યાઃ ॥ ૮૨ ॥
આગમકોટિનિરુક્તામાબ્રહ્મસ્તમ્બરક્ષણાસક્તામ્ ।
આર્યામનાદિમુક્તામાલોકે કેસરાટવીસક્તામ્ ॥ ૮૩ ॥
સેવે કિંચન દિવ્યં ભાવે તેજઃ સમસ્તસંસેવ્યમ્ ।
ધીવેદિમેત્ય હૃદ્યં સંવેદ્યાખ્યં દહેન્મમાભવ્યમ્ ॥ ૮૪ ॥
વાણી ચામ્બુધિકન્યા સા વૃણુતે તં બલાદિવાનન્યા ।
કિંચિત્ ત્વયા જનન્યા કટાક્ષિતો યઃ કિયત્યથ સ્ત્ર્યન્યા ॥ ૮૫ ॥
શક્તઃ કોઽપિ યદીયાં લઙ્ઘિતુમાજ્ઞાં ન લોકેષુ ।
યસ્યાજ્ઞાં બૃહદમ્બા સાધ્યાસ્તે કસ્તતો હ્યધિકઃ ॥ ૮૬ ॥
અષ્ટાપદાદિ સર્વં લોષ્ટાભિન્નં સદાભિપશ્યન્તઃ ।
અષ્ટાત્મનઃ પ્રણયિનીં શિષ્ટાઃ પશ્યન્ત્યનન્યતયા ॥ ૮૭ ॥
દાહં ભવાનલોત્થં વ્યાહન્તું વાકુલાટવીં દેવીમ્ ।
સોઽહં ભજામિ ભક્ત્યા યાહંતારૂપિનીતિ ગુરુણોક્તા ॥ ૮૮ ॥
કુલદૈવતં મદીયં કુલકુણ્ડાભ્યન્તરૈકવાસ્તવ્યમ્ ।
કુલપર્વતેશભાગ્યં કુલાયમીક્ષેઽનુપાધિકરુણાયાઃ ॥ ૮૯ ॥
અગ્નાવિષ્ણુમુખેડ્યા ભગ્નાશેષાર્તિરાત્મભક્તાનામ્ ।
ભુગ્નાલકા મદીયે લગ્ના ચિત્તે ચકાસ્તુ બૃહદમ્બા ॥ ૯૦ ॥
અવ્યાજભૂતકરુણા ભવ્યાપાઙ્ગપ્રકલ્પિતત્રાણા ।
અવ્યાદ્વિલિપ્તઘુસૃણા સ્તવ્યા શ્રુત્યા સદાપ્તગોકર્ણા ॥ ૯૧ ॥
અમ્ભોજતુલ્યનયનામઙ્કાલંકારિણીં ત્રિનેત્રસ્ય ।
અઙ્ગીકૃતાદિમરસામ્બાં ગોકર્ણનાયિકાં સેવે ॥ ૯૨ ॥
ભાર્યામનાદિયૂનોઽહાર્યાધીશાન્વવાયમણિભૂષામ્ ।
આર્યામુપાધ્વમનિશં કાર્યાકાર્યાવમર્શનિષ્ણાતાઃ ॥ ૯૩ ॥
વરદે સુરદેશિકવાઙ્નિકરાસુકરાનુવર્ણને ધામ્નિ ।
કરવૈ મુરવૈરિમુખૈઃ શિરસા સુરસાર્થકૈર્નતે ચેતઃ ॥ ૯૪ ॥
મઙ્કણકાસારઝરીસમીરધારામનોહરોદારે ।
મિલદલિલોલન્મુકુલે વકુલવને લાલસીતિ સકલેશી ॥ ૯૫ ॥
પશ્યલ્લલાટદારાન્ પરિપૂર્ણાનન્દસંવિદાકારાન્ ।
કઠિનઘનસ્તનભારાન્ કલયે ગોકર્ણપાવનાગારાન્ ॥ ૯૬ ॥
ગોકર્ણેશમહિષ્યા વ્યાકર્તું કો ગુણાન્ ભવેદીશઃ ।
સ્વીકર્તું હૃદિ વા તાન્ શ્રીકર્કાસ્યં તમેકમપહાય ॥ ૯૭ ॥
તુષ્ટા શ્રીબૃહદમ્બા કષ્ટાનુન્મૂલયેત્ કૃપાદૃષ્ટ્યા ।
ઇષ્ટાનિ ચ પ્રદદ્યાન્મૃષ્ટાં પ્રતિભાં પરત્ર ચ શ્રેયઃ ॥ ૯૮ ॥
વન્દે વિશ્વવિધાત્રીં વન્દે વિદ્યાચિમુક્તિફલદાત્રીમ્ ।
વન્દે વકુલવનેશીં વન્દે ગોકર્ણવલ્લભસુકેશીમ્ ॥ ૯૯ ॥
જયતિ સ્ફારદયાર્દ્રા ગોકર્ણાધીશવલ્લભા જયતિ ।
જયતિ પ્રસાદસુમુખી શ્રીરઘુનાથેન્દ્રપૂજિતા જયતિ ॥ ૧૦૦ ॥
આખ્યાં સકૃદ્ યદીયામાખ્યાયાશેષવાઞ્છિતં લભતે ।
તસ્યાઃ સ્તુતિપ્રિયાયાઃ યઃ સ્યાત્ સ્તોત્રં પઠન્ સ પૂર્ણાર્થઃ ॥ ૧૦૧ ॥
॥ ઇતિ શ્રીબૃહદમ્બાશતકં સંપૂર્ણમ્ ॥