॥ Champakapuri Srinivasa Ashtakam Malayalam Lyrics ॥
ശൌഭ്ര-രാജ രാജ-രാജ കഞ്ജയോനി-വന്ദിതം
നിത്യ-ഭക്ത-പൂജിതം സുധന്വ-പൂജകാഞ്ചിതം ।
കഞ്ജ-ചക്ര-കൌസ്തുഭാസി-രാജിതം ഗദാധരം
ചമ്പകാപുരീ-നിവാസ-മാനിവാസമാശ്രയേ ॥ 1 ॥
പന്നഗാരി-യായിനം സുപന്നഗേശ-ശായിനം
പങ്കജാരി-പങ്കജേഷ്ട-ലോചനം ചതുര്‍ഭുജം ।
പങ്കജാത-ശോഷകം വിപങ്കജാത-പോഷകം
ചമ്പകാപുരീ-നിവാസ-മാനിവാസമാശ്രയേ ॥ 2 ॥
സര്‍വലോക-നായകം സുവാഞ്ഛിതാര്‍ഥ-ദായകം
ശര്‍വചാപ-ഭഞ്ജകം സഗര്‍വ-രാവണാന്തകം ।
പീത-ചേല-ധാരകം കുചേല-രിക്ത-ദായകം
ചമ്പകാപുരീ-നിവാസ-മാനിവാസമാശ്രയേ ॥ 3 ॥
നാരദാദി-വന്ദിതം നൄനാര-ശൈല-ഭഞ്ജിതം
നാര-സദ്മ-വാസ-ജാത-നാര-പൂര്‍വകായനം ।
നാര-തല്ലജാലയം കുനാരകാന്തകാലയം
ചമ്പകാപുരീ-നിവാസ-മാനിവാസമാശ്രയേ ॥ 4 ॥
കാല-മേഘ-വര്‍ണകം പ്രകാമ-മുക്തി-ദായകം
കാല-കാല-കാരകം കുകാല-പാശ-ദൂരകം ।
രത്ന-വര്‍മ-രാജ-വര്‍ഷ്മ-ഭാനു-വൃന്ദ-ഭാസ്കരം
ചമ്പകാപുരീ-നിവാസ-മാനിവാസമാശ്രയേ ॥ 5 ॥
ദക്ഷ-ശിക്ഷക-ച്ഛിദം കുഹാടകാക്ഷ-സംഭിദം
യക്ഷ-ഗീത-സേവിതം സുരക്ഷണൈക-ദീക്ഷിതം ।
അക്ഷ-ജാത-മാരകം കടാക്ഷ-ദൃഷ്ടി-താരകം
ചമ്പകാപുരീ-നിവാസ-മാനിവാസമാശ്രയേ ॥ 6 ॥
സ്വര്‍ണ-സൂത്ര-ഗുംഫിതോരു-സാലികാശ്മ-മാലികം
രത്ന-രത്ന-രഞ്ജിതം ഗദാഞ്ചിതം കൃപാകരം ।
പ്രജ്വലത്കിരീടിനം പ്രവിസ്ഫുരത്-ത്രിപുണ്ഡ്രകം
ചമ്പകാപുരീ-നിവാസ-മാനിവാസമാശ്രയേ ॥ 7 ॥
വക്ത്ര-കാന്തി-വഞ്ചിതോരു-ശാരദേന്ദുമണ്ഡലം
കുന്ദ-ദന്ത-മിന്ദിരേശമക്ഷരം നിരാമയം ।
മന്ദഹാസ-ശുഭ്രിതാശ-കിങ്കിണീ-ലസത്-കടം
ചമ്പകാപുരീ-നിവാസ-മാനിവാസമാശ്രയേ ॥ 8 ॥
ശ്രീനിവാസമഷ്ടകം ഭവാബ്ധി-ശോക-ശോഷകം
സര്‍വപാപ-നാശകം സുപുത്ര-പൌത്ര-ദായകം ।
യേ പഠന്തി ഭക്തിതഃ പ്രയാന്തി തേ തു സര്‍വദാ
ചമ്പകാപുരീ-നിവാസ-മാനിവാസ-സന്നിധിം ॥
ഇതി ശ്രീ കംഭം-ചോക്കണ്ണ-വിരചിതം
ചമ്പകാപുരീ-ശ്രീനിവാസാഷ്ടകം സമ്പൂര്‍ണം ।
– Chant Stotra in Other Languages –
Champakapuri Srinivasa Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil