॥ Chandramoulisha Stotram Telugu Lyrics ॥
॥ చన్ద్రమౌలీశ స్తోత్రమ్ ॥
ఓఁకారజపరతానామోఙ్కారార్థం ముదా వివృణ్వానమ్ ।
ఓజఃప్రదం నతేభ్యస్తమహం ప్రణమామి చన్ద్రమౌలీశమ్ ॥ ౧ ॥
నమ్రసురాసురనికరం నళినాహఙ్కారహారిపదయుగళమ్ ।
నమదిష్టదానధీరం సతతం ప్రణమామి చన్ద్రమౌలీశమ్ ॥ ౨ ॥
మననాద్యత్పదయోః ఖలు మహతీం సిద్ధిం జవాత్ప్రపద్యన్తే ।
మన్దేతరలక్ష్మీప్రదమనిశం ప్రణమామి చన్ద్రమౌలీశమ్ ॥ ౩ ॥
శితికణ్ఠమిన్దుదినకరశుచిలోచనమమ్బుజాక్షవిధిసేవ్యమ్ ।
నతమతిదానధురీణం సతతం ప్రణమామి చన్ద్రమౌలీశమ్ ॥ ౪ ॥
వాచో వినివర్తన్తే యస్మాదప్రాప్య సహ హృదైవేతి ।
గీయన్తే శ్రుతితతిభిస్తమహం ప్రణమామి చన్ద్రమౌలీశమ్ ॥ ౫ ॥
యచ్ఛన్తి యత్పదాంబుజభక్తాః కుతుకాత్స్వభక్తేభ్యః ।
సర్వానపి పురుషార్థాంస్తమహం ప్రణమామి చన్ద్రమౌలీశమ్ ॥ ౬ ॥
పఞ్చాక్షరమనువర్ణైరాదౌ క్లృప్తాం స్తుతిం పఠన్నేనామ్ ।
ప్రాప్య దృఢాం శివభక్తిం భుక్త్వా భోగాఁల్లభేత ముక్తిమపి ॥ ౭ ॥
ఇతి చన్ద్రమౌలీశస్తోత్రం సంపూర్ణమ్ ॥
– Chant Stotra in Other Languages –
Chandramoulisha Stotram in Marathi – Gujarati । Bengali – Kannada – Malayalam – Telugu