This stotra is unique in several respects. In the history of religious literature, Vedanta Desika is the first poet-devotee to sing a whole hymn in praise of the Lord’s Daya (mercy, grace, sympathy and compassion are some of the meanings which that term connotes). In fact, Daya has been personified as Daya Devi and made a Consort of the Lord. The other Consorts, Lakshmi, Bhu Devi and Nila Devi are all dear to the Lord because they are reflections of Daya Devi. (36). Among all the auspicious attributes (kalyana-gunas) of the Lord, Daya is the Empress (30, 101). But for Daya’s presence, all the other gunas will virtually be dosha-s (faults) in the Lord so far as we are concerned (15), as they will all help Him only to punish us for our sins. The Lord Himself dons Daya as a protecting armour against our sins which assail Him. (28). The two chief aspects of the Lord’s supreme glory, jagat-vyaapaara and releasing souls from samsara, for which He is praised by the Vedas, are really Daya Devi’s achievements (68). Daya is defined as the Lord’s wish (iccha) to protect those in distress (71).
Slokas 1 to 100 are seen to consist of ten distinct topics from the way each set of 10 slokas is couched in a different metre (vrittam). On closer scrutiny, the ten decads (units of 10 slokas) are seen to deal with the ten topics of the ten hundreds of Nammalwar’s Tiruvaymoli as demonstrated by Desika in his Dramidopanishad Saram and Ratnavali (sevaa-yogya etc.). Those very words are used in several places in the stotra. Thus Daya Satakam is the essence of Bhagavad-vishayam, as Tiruvaymoli is called. The word Daya, or one of its synonyms such as Kripa, Anukampa or Karuna, occurs in every one of the 108 slokas except two (8 and 46).
Lord Srinivasa of the Seven Hills (Tirumalai-Tirupati) — the God of millions of men and women of Bharat who call Him Venkatesa, Govinda, Balaji and so on — is the Lord to whom this stotram is dedicated in the sense that it is His Daya that is eulogised here. For Himself, however, He has only one sloka in His praise (9) and that too in terms of His Daya as an Ocean of Mercy. Lord Srinivasa having Himself come down as Vedanta Desika, it is in the fitness of things that He does not sing about Himself. Daya is placed above the Lord in several slokas — 11, 13, 63 and 64. The Lord Himself is all admiration for the way Daya functions. It is at the command of Daya Devi that the Lord takes the several incarnations (35). The part that Daya Devi played in the several incarnations is dealt with in detail in the ninth decad of the stotra (81 to 90). Daya is but an alter ego of Sri or Lakshmi (6 and 72).
Daya Satakam is said to be the outcome of the Lord’s own Sankalpa or Will. In a happy mood the Lord gave it out through Desika, like an expert musician playing on the Veena for his own delectation (104).
॥ Dayasatakam Bengali Lyrics ॥
॥ দয়াশতকম্ ॥
শ্রীমান্বেঙ্কটনাথার্যঃ কবিতার্কিককেসরী ।
বেদান্তাচার্যবর্যো মে সন্নিধত্তাং সদা হৃদি ॥
শ্রীঃ ।
প্রপদ্যে তং গিরিং প্রায়ঃ শ্রীনিবাসানুকম্পয়া ।
ইক্ষুসারস্রবন্ত্যেব য়ন্মূর্ত্যা শর্করায়িতম্ ॥ ১ ॥
বিগাহে তীর্থবহুলাং শীতলাং গুরুসন্ততিম্ ।
শ্রীনিবাসদয়াম্ভোধিপরীবাহপরম্পরাম্ ॥ ২ ॥
কৃতিনঃ কমলাবাসকারুণ্যৈকান্তিনো ভজে ।
ধত্তে য়ত্সূক্তিরূপেণ ত্রিবেদী সর্বয়োগ্যতাম্ ॥ ৩ ॥
পরাশরমুখান্বন্দে ভগীরথনয়ে স্থিতান্ ।
কমলাকান্তকারুণ্যগঙ্গাপ্লাবিতমদ্বিধান্ ॥ ৪ ॥
অশেষবিঘ্নশমনমনীকেশ্বরমাশ্রয়ে ।
শ্রীমতঃ করুণাম্ভোধৌ শিক্ষাস্রোত ইবোত্থিতম্ ॥ ৫ ॥
সমস্তজননীং বন্দে চৈতন্যস্তন্যদায়িনীম্ ।
শ্রেয়সীং শ্রীনিবাসস্য করুণামিব রূপিণীম্ ॥ ৬ ॥
বন্দে বৃষগিরীশস্য মহিষীং বিশ্বধারিণীম্ ।
তত্কৃপাপ্রতিঘাতানাং ক্ষময়া বারণং য়য়া ॥ ৭ ॥
নিশাময়তু মাং নীলা য়দ্ভোগপটলৈর্ধ্রুবম্ ।
ভাবিতং শ্রীনিবাসস্য ভক্তদোষেষ্বদর্শনম্ ॥ ৮ ॥
কমপ্যনবধিং বন্দে করুণাবরুণালয়ম্ ।
বৃষশৈলতটস্থানাং স্বয়ং ব্যক্তিমুপাগতম্ ॥ ৯ ॥
অকিঞ্চননিধিং সূতিমপবর্গত্রিবর্গয়োঃ ।
অঞ্জনাদ্রীশ্বরদয়ামভিষ্টৌমি নিরঞ্জনাম্ ॥ ১০ ॥
অনুচরশক্ত্যাদিগুণামগ্রেসরবোধবিরচিতালোকাম্ ।
স্বাধীনবৃষগিরীশাং স্বয়ং প্রভূতাং প্রমাণয়ামি দয়াম্ ॥ ১১ ॥
অপি নিখিললোকসুচরিতমুষ্টিন্ধয়দুরিতমূর্চ্ছনাজুষ্টম্ ।
সঞ্জীবয়তু দয়ে মামঞ্জনগিরিনাথরঞ্জনী ভবতী ॥ ১২ ॥
ভগবতি দয়ে ভবত্যা বৃষগিরিনাথে সমাপ্লুতে তুঙ্গে ।
অপ্রতিঘমজ্জনানাং হস্তালম্বো মদাগসাং মৃগ্যঃ ॥ ১৩ ॥
কৃপণজনকল্পলতিকাং কৃতাপরাধস্য নিষ্ক্রিয়ামাদ্যাম্ ।
বৃষগিরিনাথদয়ে ত্বাং বিদন্তি সংসারতারিণীং বিবুধাঃ ॥ ১৪ ॥
বৃষগিরিগৃহমেধিগুণা বোধবলৈশ্বর্যবীর্যশক্তিমুখাঃ ।
দোষা ভবেয়ুরেতে য়দি নাম দয়ে ত্বয়া বিনাভূতাঃ ॥ ১৫ ॥
আসৃষ্টি সন্ততানামপরাধানাং নিরোধিনীং জগতঃ ।
পদ্মাসহায়করুণে প্রতিসঞ্চরকেলিমাচরসি ॥ ১৬ ॥
অচিদবিশিষ্টান্প্রলয়ে জন্তূনবলোক্য জাতনির্বেদা ।
করণকলেবরয়োগং বিতরসি বৃষশৈলনাথকরুণে ত্বম্ ॥ ১৭ ॥
অনুগুণদশার্পিতেন শ্রীধরকরুণে সমাহিতস্নেহা ।
শময়সি তমঃ প্রজানাং শাস্ত্রময়েন স্থিরপ্রদীপেন ॥ ১৮ ॥
রুঢা বৃষাচলপতেঃ পাদে মুখকান্তিপত্রলচ্ছায়া ।
করুণে সুখয়সি বিনতান্কটাক্ষবিটপৈঃ করাপচেয়ফলৈঃ ॥ ১৯ ॥
নয়নে বৃষাচলেন্দোস্তারামৈত্রীং দধানয়া করুণে ।
দৃষ্টস্ত্বয়ৈব জনিমানপবর্গমকৃষ্টপচ্যমনুভবতি ॥ ২০ ॥
সময়োপনতৈস্তব প্রবাহৈরনুকম্পে কৃতসম্প্লবা ধরিত্রী ।
শরণাগতসস্যমালিনীয়ং বৃষশৈলেশকৃষীবলং ধিনোতি ॥ ২১ ॥
কলশোদধিসম্পদো ভবত্যাঃ করুণে সন্মতিমন্থসংস্কৃতায়াঃ ।
অমৃতাংশমবৈমি দিব্যদেহং মৃতসঞ্জীবনমঞ্জনাচলেন্দোঃ ॥ ২২ ॥
জলধেরিব শীততা দয়ে ত্বং বৃষশৈলাধিপতেস্স্বভাবভূতা ।
প্রলয়ারভটীনটীং তদীক্ষাং প্রসভং গ্রাহয়সি প্রসত্তিলাস্যম্ ॥ ২৩ ॥
প্রণতপ্রতিকূলমূলঘাতী প্রতিঘঃ কোঽপি বৃষাচলেশ্বরস্য ।
কলমে য়বসাপচায়নীত্যা করুণে কিঙ্করতাং তবোপয়াতি ॥ ২৪ ॥
অবহিষ্কৃতনিগ্রহান্বিদন্তঃ কমলাকান্তগুণান্স্বতন্ত্রতাদীন্ ।
অবিকল্পমনুগ্রহং দুহানাং ভবতীমেব দয়ে ভজন্তি সন্তঃ ॥ ২৫ ॥
কমলানিলয়স্ত্বয়া দয়ালুঃ করুণে নিষ্করুণা নিরূপণে ত্বম্ ।
অত এব হি তাবকাশ্রিতানাং দুরিতানাং ভবতি ত্বদেব ভীতিঃ ॥ ২৬ ॥
অতিলঙ্ঘিতশাসনেষ্বভীক্ষ্ণং বৃষশৈলাধিপতির্বিজৃম্ভিতোষ্মা ।
পুনরেব দয়ে ক্ষমানিদানৈর্ভবতীমাদ্রিয়তে ভবত্যধীনৈঃ ॥ ২৭ ॥
করুণে দুরিতেষু মামকেষু প্রতিকারান্তরদুর্জয়েষু খিন্নঃ ।
কবচায়িতয়া ত্বয়ৈব শার্ঙ্গী বিজয়স্থানমুপাশ্রিতো বৃষাদ্রিম্ ॥ ২৮ ॥
ময়ি তিষ্ঠতি দুষ্কৃতাং প্রধানে মিতদোষানিতরান্বিচিন্বতী ত্বম্ ।
অপরাধগণৈরপূর্ণকুক্ষিঃ কমলাকান্তদয়ে কথং ভবিত্রী ॥ ২৯ ॥
অহমস্ম্যপরাধচক্রবর্তী করুণে ত্বং চ গুণেষু সার্বভৌমী ।
বিদুষী স্থিতিমীদৃশীং স্বয়ং মাং বৃষশৈলেশ্বরপাদসাত্কুরু ত্বম্ ॥ ৩০ ॥
অশিথিলকরণেঽস্মিন্নক্ষতশ্বাসবৃত্তৌ
বপুষি গমনয়োগ্যে বাসমাসাদয়েয়ম্ ।
বৃষগিরিকটকেষু ব্যঞ্জয়ত্সু প্রতীতৈ-
র্মধুমথনদয়ে ত্বাং বারিধারাবিশেষৈঃ ॥ ৩১ ॥
অবিদিতনিজয়োগক্ষেমমাত্মানভিজ্ঞং
গুণলবরহিতং মাং গোপ্তুকামা দয়ে ত্বম্ ।
পরবতি চতুরৈস্তে বিভ্রমৈঃ শ্রীনিবাসে
বহুমতিমনপায়াং বিন্দসি শ্রীধরণ্যোঃ ॥ ৩২ ॥
ফলবিতরণদক্ষং পক্ষপাতানভিজ্ঞং
প্রগুণমনুবিধেয়ং প্রাপ্য পদ্মাসহায়ম্ ।
মহতি গুণসমাজে মানপূর্বং দয়ে ত্বং
প্রতিবদসি য়থার্হং পাপ্মনাং মামকানাম্ ॥ ৩৩ ॥
অনুভবিতুমঘৌঘং নালমাগামিকালঃ
প্রশময়িতুমশেষং নিষ্ক্রিয়াভির্ন শক্যম্ ।
স্বয়মিতি হি দয়ে ত্বং স্বীকৃতশ্রীনিবাসা
শিথিলিতভবভীতিঃ শ্রেয়সে জায়সে নঃ ॥ ৩৪ ॥
অবতরণবিশেষৈরাত্মলীলাপদেশৈ-
রবমতিমনুকম্পে মন্দচিত্তেষু বিন্দন্ ।
বৃষভশিখরিনাথস্ত্বন্নিদেশেন নূনং
ভজতি শরণভাজাং ভাবিনো জন্মভেদান্ ॥ ৩৫ ॥
পরহিতমনুকম্পে ভাবয়ন্ত্যাং ভবত্যাং
স্থিরমনুপধি হার্দং শ্রীনিবাসো দধানঃ ।
ললিতরুচিষু লক্ষ্মীভূমিনীলাসু নূনং
প্রথয়তি বহুমানং ত্বত্প্রতিচ্ছন্দবুদ্ধ্যা ॥ ৩৬ ॥
বৃষগিরিসবিধেষু ব্যাজতো বাসভাজাং
দুরিতকলুষিতানাং দূয়মানা দয়ে ত্বম্ ।
করণবিলয়কালে কান্দিশীকস্মৃতীনাং
স্মরয়সি বহুলীলং মাধবং সাবধানা ॥ ৩৭ ॥
দিশি দিশি গতিবিদ্ভির্দেশিকৈর্নীয়মানা
স্থিরতরমনুকম্পে স্ত্যানলগ্রা গুণৈস্ত্বম্ ।
পরিগতবৃষশৈলং পারমারোপয়ন্তী
ভবজলধিগতানাং পোতপাত্রী ভবিত্রী ॥ ৩৮ ॥
পরিমিতফলসঙ্গাত্প্রাণিনঃ কিম্পচানা
নিগমবিপণিমধ্যে নিত্যমুক্তানুষক্তম্ ।
প্রসদনমনুকম্পে প্রাপ্তবত্যা ভবত্যা
বৃষগিরিহরিনীলং ব্যঞ্জিতং নির্বিশন্তি ॥ ৩৯ ॥
ত্বয়ি বহুমতিহীনঃ শ্রীনিবাসানুকম্পে
জগতি গতিমিহান্যাং দেবি সংমন্যতে য়ঃ ।
স খলু বিবুধসিন্ধৌ সন্নিকর্ষে বহন্ত্যাং
শময়তি মৃগতৃষ্ণাবীচিকাভিঃ পিপাসাম্ ॥ ৪০ ॥
আজ্ঞাং খ্যাতিং ধনমনুচরানাধিরাজ্যাদিকং বা
কালে দৃষ্ট্বা কমলবসতেরপ্যকিঞ্চিত্করাণি ।
পদ্মাকান্তং প্রণিহিতবতীং পালনেঽনন্যসাধ্যে
সারাভিজ্ঞা জগতি কৃতিনস্সংশ্রয়ন্তে দয়ে ত্বাম্ ॥ ৪১ ॥
প্রাজাপত্যপ্রভৃতিবিভবং প্রেক্ষ্য পর্যায়দুঃখং
জন্মাকাঙ্ক্ষন্বৃষগিরিবনে জগ্মুষাং তস্থুষাং বা ।
আশাসানাঃ কতিচন বিভোস্ত্বত্পরিষ্বঙ্গধন্যৈ-
রঙ্গীকারং ক্ষণমপি দয়ে হার্দতুঙ্গৈরপাঙ্গৈঃ ॥ ৪২ ॥
নাভীপদ্মস্ফুরণসুভগা নব্যনীলোত্পলাভা
ক্রীডাশৈলং কমপি করুণে বৃণ্বতী বেঙ্কটাখ্যম্ ।
শীতা নিত্যং প্রসদনবতী শ্রদ্ধধানাবগাহ্যা
দিব্যা কাচিজ্জয়তি মহতী দীর্ঘিকা তাবকীনা ॥ ৪৩ ॥
য়স্মিন্দৃষ্টে তদিতরসুখৈর্গম্যতে গোষ্পদত্বং
সত্যং জ্ঞানং ত্রিভিরবধিভির্মুক্তমানন্দসিন্ধুম্ ।
ত্বত্স্বীকারাত্তমিহ কৃতিনস্সূরিবৃন্দানুভাব্যং
নিত্যাপূর্বং নিধিমিব দয়ে নির্বিশন্ত্যঞ্জনাদ্রৌ ॥ ৪৪ ॥
সারং লব্ধ্বা কমপি মহতঃ শ্রীনিবাসাম্বুরাশেঃ
কালে কালে ঘনরসবতী কালিকেবানুকম্পে ।
ব্যক্তোন্মেষা মৃগপতিগিরৌ বিশ্বমাপ্যায়য়ন্তী
শীলোপজ্ঞং ক্ষরতি ভবতী শীতলং সদ্গুণৌঘম্ ॥ ৪৫ ॥
ভীমে নিত্যং ভবজলনিধৌ মজ্জতাং মানবানা-
মালম্বার্থং বৃষগিরিপতিস্ত্বন্নিদেশাত্প্রয়ুংক্তে ।
প্রজ্ঞাসারং প্রকৃতিমহতা মূলভাগেন জুষ্টং
শাখাভেদৈস্সুভগমনঘং শাশ্বতং শাস্ত্রপাণিম্ ॥ ৪৬ ॥
বিদ্বত্সেবাকতকনিকষৈর্বীতপঙ্কাশয়ানাং
পদ্মাকান্তঃ প্রণয়তি দয়ে দর্পণং তে স্বশাস্ত্রম্ ।
লীলাদক্ষাং ত্বদনবসরে লালয়ন্বিপ্রলিপ্সাং
মায়াশাস্ত্রাণ্যপি শময়িতুং ত্বত্প্রপন্নপ্রতীপান্ ॥ ৪৭ ॥
দৈবাত্প্রাপ্তে বৃষগিরিতটং দেহিনি ত্বন্নিদানাত্
স্বামিন্পাহীত্যবশবচনে বিন্দতি স্বাপমন্ত্যম্ ।
দেবঃ শ্রীমান্ দিশতি করুণে দৃষ্টিমিচ্ছংস্ত্বদীয়া-
মুদ্ঘাতেন শ্রুতিপরিষদামুত্তরেণাভিমুখ্যম্ ॥ ৪৮ ॥
শ্রেয়ঃসূতিং সকৃদপি দয়ে সম্মতাং য়স্সখীং তে
শীতোদারামলভত জনঃ শ্রীনিবাসস্য দৃষ্টিম্ ।
দেবাদীনাময়মনৃণতাং দেহবত্ত্বেঽপি বিন্দন্
বন্ধান্মুক্তো বলিভিরনঘৈঃ পূর্যতে তত্প্রয়ুক্তৈঃ ॥ ৪৯ ॥
দিব্যাপাঙ্গং দিশসি করুণে য়েষু সদ্দেশিকাত্মা
ক্ষিপ্রং প্রাপ্তা বৃষগিরিপতিং ক্ষত্রবন্ধ্বাদয়স্তে ।
বিশ্বাচার্যা বিধিশিবমুখাস্স্বাধিকারোপরুদ্ধা
মন্যে মাতা জড ইব সুতে বত্সলা মাদৃশে ত্বম্ ॥ ৫০ ॥
অতিকৃপণোঽপি জন্তুরধিগম্য দয়ে ভবতী-
মশিথিলধর্মসেতুপদবীং রুচিরামচিরাত্ ।
অমিতমহোর্মিজালমতিলঙ্ঘ্য ভবাম্বুনিধিং
ভবতি বৃষাচলেশপদপত্তননিত্যধনী ॥ ৫১ ॥
অভিমুখভাবসম্পদভিসম্ভবিনাং ভবিনাং
ক্বচিদুপলক্ষিতা ক্বচিদভঙ্গুরগূঢগতিঃ ।
বিমলরসাবহা বৃষগিরীশদয়ে ভবতী
সপদি সরস্বতীব শময়ত্যঘমপ্রতিঘম্ ॥ ৫২ ॥
অপি করুণে জনস্য তরুণেন্দুবিভূষণতা-
মপি কমলাসনত্বমপি ধাম বৃষাদ্রিপতেঃ ।
তরতমতাবশেন তনুতে ননু তে বিততিঃ
পরহিতবর্ষ্মণা পরিপচেলিমকেলিমতী ॥ ৫৩ ॥
ধৃতভুবনা দয়ে ত্রিবিধগত্যনুকূলতরা
বৃষগিরিনাথপাদপরিরম্ভবতী ভবতী ।
অবিদিতবৈভবাঽপি সুরসিন্ধুরিবাতনুতে
সকৃদবগাহমানমপতাপমপাপমপি ॥ ৫৪ ॥
নিগমসমাশ্রিতা নিখিললোকসমৃদ্ধিকরী
ভজদঘকূলমুদ্রুজগতিঃ পরিতপ্তহিতা ।
প্রকটিতহংসমত্স্যকমঠাদ্যবতারশতা
বিবুধসরিচ্ছ্রিয়ং বৃষগিরীশদয়ে বহসি ॥ ৫৫ ॥
জগতি মিতম্পচা ত্বদিতরা তু দয়ে তরলা
ফলনিয়মোজ্ঝিতা ভবতি সন্তপনায় পুনঃ ।
ত্বমিহ নিরঙ্কুশপ্রশকনাদিবিভূতিমতী
বিতরসি দেহিনাং নিরবধিং বৃষশৈলনিধিম্ ॥ ৫৬ ॥
সকরুণলৌকিকপ্রভুপরিগ্রহনিগ্রহয়ো-
র্নিয়তিমুপাধিচক্রপরিবৃত্তিপরম্পরয়া ।
বৃষভমহীধরেশকরুণে বিতরঙ্গয়তাং
শ্রুতিমিতসম্পদি ত্বয়ি কথং ভবিতা বিশয়ঃ ॥ ৫৭ ॥
বৃষগিরিকৃষ্ণমেঘজনিতাং জনিতাপহরাং
ত্বদভিমতিং সুবৃত্তিমুপজীব্য নিবৃত্ততৃষঃ ।
বহুষু জলাশয়েষু বহুমানমপোহ্য দয়ে
ন জহতি সত্পথং জগতি চাতকবত্কৃতিনঃ ॥ ৫৮ ॥
ত্বদুদয়তূলিকাভিরমুনা বৃষশৈলজুষা
স্থিরচরশিল্পিনৈব পরিকল্পিতচিত্রধিয়ঃ ।
য়তিপতিয়ামুনপ্রভৃতয়ঃ প্রথয়ন্তি দয়ে
জগতি হিতং ন নস্ত্বয়ি ভরন্যসনাদধিকম্ ॥ ৫৯ ॥
মৃদুহৃদয়ে দয়ে মৃদিতকামহিতে মহিতে
ধৃতবিবুধে বুধেষু বিততাত্মধুরে মধুরে ।
বৃষগিরিসার্বভৌমদয়িতে ময়ি তে মহতীং
ভবুকনিধে নিধেহি ভবমূলহরাং লহরীম্ ॥ ৬০ ॥
অকূপারৈরেকোদকসময়বৈতণ্ডিকজবৈ-
রনির্বাপ্যাং ক্ষিপ্রং ক্ষপয়িতুমবিদ্যাখ্যবডবাম্ ।
কৃপে ত্বং তত্তাদৃক্প্রথিমবৃষপৃথ্বীধরপতি-
স্বরূপদ্বৈগুণ্যদ্বিগুণনিজবিন্দুঃ প্রবহসি ॥ ৬১ ॥
বিবিত্সাবেতালীবিগমপরিশুদ্ধেঽপি হৃদয়ে
পটুপ্রত্যাহারপ্রভৃতিপুটপাকপ্রচকিতাঃ ।
নমন্তস্ত্বাং নারায়ণশিখরিকূটস্থকরুণে
নিরুদ্ধত্বদ্দোহা নৃপতিসুতনীতিং ন জহতি ॥ ৬২ ॥
অনন্যাধীনস্সন্ভবতি পরতন্ত্রঃ প্রণমতাং
কৃপে সর্বদ্রষ্টা ন গণয়তি তেষামপকৃতিম্ ।
পতিস্ত্বত্পারার্থ্যং প্রথয়তি বৃষক্ষ্মাধরপতি-
র্ব্যবস্থাং বৈয়াত্যাদিতি বিঘটয়ন্তী বিহরসি ॥ ৬৩ ॥
অপাং পত্যুশ্শত্রূনসহনমুনের্ধর্মনিগলং
কৃপে কাকস্যৈকং হিতমিতি হিনস্তি স্ম নয়নম্ ।
বিলীনস্বাতন্ত্র্যো বৃষগিরিপতিস্ত্বদ্বিহৃতিভি-
র্দিশত্যেবং দেবো জনিতসুগতিং দণ্ডনগতিম্ ॥ ৬৪ ॥
নিষাদানাং নেতা কপিকুলপতিঃ কাপি শবরী
কুচেলঃ কুব্জা সা ব্রজয়ুবতয়ো মাল্যকৃদিতি ।
অমীষাং নিম্নত্বং বৃষগিরিপতেরুন্নতিমপি
প্রভূতৈঃ স্রোতোভিঃ প্রসভমনুকম্পে সময়সি ॥ ৬৫ ॥
ত্বয়া দৃষ্টস্তুষ্টিং ভজতি পরমেষ্ঠী নিজপদে
বহন্মূর্তিরষ্টৌ বিহরতি মৃডানীপরিবৃঢঃ ।
বিভর্তি স্বারাজ্যং বৃষশিখরিশৃঙ্গারিকরুণে
শুনাসীরো দেবাসুরসমরনাসীরসুভটঃ ॥ ৬৬ ॥
দয়ে দুগ্ধোদন্বদ্ব্যতিয়ুতসুধাসিন্ধুনয়ত-
স্ত্বদাশ্লেষান্নিত্যং জনিতমৃতসংজীবনদশাঃ ।
স্বদন্তে দান্তেভ্যঃ শ্রুতিবদনকর্পূরগুলিকা
বিষুণ্বন্তশ্চিত্তং বৃষশিখরিবিশ্বম্ভরগুণাঃ ॥ ৬৭ ॥
জগজ্জন্মস্থেমপ্রলয়রচনাকেলিরসিকো
বিমুক্ত্যেকদ্বারং বিঘটিতকবাটং প্রণয়িনাম্ ।
ইতি ত্বয়্যায়ত্তং দ্বিতয়মুপধীকৃত্য করুণে
বিশুদ্ধানাং বাচাং বৃষশিখরিনাথঃ স্তুতিপদম্ ॥ ৬৮ ॥
কলিক্ষোভোন্মীলত্ক্ষিতিকলুষকূলঙ্কষজবৈ-
রনুচ্ছেদৈ রেতৈরবটতটবৈষম্যরহিতৈঃ ।
প্রবাহৈস্তে পদ্মাসহচরপরিষ্কারিণি কৃপে
বিকল্পন্তেঽনল্পা বৃষশিখরিণো নির্ঝরগুণাঃ ॥ ৬৯ ॥ বিকল্প্যন্তে
খিলং চেতোবৃত্তেঃ কিমিদমিতি বিস্মেরভুবনং
কৃপে সিংহক্ষ্মাভৃত্কৃতমুখচমত্কারকরণম্ ।
ভরন্যাসচ্ছন্নপ্রবলবৃজিনপ্রাভৃতভৃতাং
প্রতিপ্রস্থানং তে শ্রুতিনগরশৃঙ্গাটকজুষঃ ॥ ৭০ ॥
ত্রিবিধচিদচিত্সত্তাস্থেমপ্রবৃত্তিনিয়ামিকা
বৃষগিরিবিভোরিচ্ছা সা ত্বং পরৈরপরাহতা ।
কৃপণভরভৃত্কিঙ্কুর্বাণপ্রভূতগুণান্তরা
বহসি করুণে বৈচক্ষণ্যং মদীক্ষণসাহসে ॥ ৭১ ॥
বৃষগিরিপতের্হৃদ্যা বিশ্বাবতারসহায়িনী
ক্ষপিতনিখিলাবদ্যা দেবি ক্ষমাদিনিষেবিতা ।
ভুবনজননী পুংসাং ভোগাপবর্গবিধায়িনী
বিতমসি পদে ব্যক্তিং নিত্যাং বিভর্ষি দয়ে স্বয়ম্ ॥ ৭২ ॥
স্বয়মুদয়িনস্সিদ্ধাদ্যাবিষ্কৃতাশ্চ শুভালয়া
বিবিধবিভবব্যূহাবাসাঃ পরং চ পদং বিভোঃ ।
বৃষগিরিমুখেষ্বেতেষ্বিচ্ছাবধি প্রতিলব্ধয়ে
দৃঢবিনিহিতা নিশ্রেণিস্ত্বং দয়ে নিজপর্বভিঃ ॥ ৭৩ ॥
হিতমিতি জগদ্দৃষ্ট্যা কৢপ্তৈরকৢপ্তফলান্তরৈ-
রমতিবিহিতৈরন্যৈর্ধর্মায়িতৈশ্চ য়দৃচ্ছয়া ।
পরিণতবহুচ্ছদ্মা পদ্মাসহায়দয়ে স্বয়ং
প্রদিশসি নিজাভিপ্রেতং নঃ প্রশাম্যদপত্রপা ॥ ৭৪ ॥
অতিবিধিশিবৈরৈশ্বর্যাত্মানুভূতিরসৈর্জনান্-
অহৃদয়মিহোপচ্ছন্দ্যৈষামসঙ্গদশার্থিনী ।
তৃষিতজনতাতীর্থস্নানক্রমক্ষপিতৈনসাং
বিতরসি দয়ে বীতাতঙ্কা বৃষাদ্রিপতেঃ পদম্ ॥ ৭৫ ॥
বৃষগিরিসুধাসিন্ধৌ জন্তুর্দয়ে নিহিতস্ত্বয়া
ভবভয়পরীতাপচ্ছিত্ত্যৈ ভজন্নঘমর্ষণম্ ।
মুষিতকলুষো মুক্তেরগ্রেসরৈরভিপূর্যতে
স্বয়মুপনতৈস্স্বাত্মানন্দপ্রভৃত্যনুবন্ধিভিঃ ॥ ৭৬ ॥
অনিতরজুষামন্তর্মূলেঽপ্যপায়পরিপ্লবে
কৃতবিদনঘা বিচ্ছিদ্যৈষাং কৃপে য়মবশ্যতাম্ ।
প্রপদনফলপ্রত্যাদেশপ্রসঙ্গবিবর্জিতং
প্রতিবিধিমুপাধত্সে সার্ধং বৃষাদ্রিহিতৈষিণা ॥ ৭৭ ॥
ক্ষণবিলয়িনাং শাস্ত্রার্থানাং ফলায় নিবেশিতে
পিতৃসুরগণে নির্বেশাত্প্রাগপি প্রলয়ং গতে । সুরপিতৃগণে
অধিগতবৃষক্ষ্মাভৃন্নাথামকালবশংবদাং
প্রতিভুবমিহ ব্যাচখ্যুস্ত্বাং কৃপে নিরুপপ্লবাম্ ॥ ৭৮ ॥
ত্বদুপসদনাদদ্য শ্বো বা মহাপ্রলয়েঽপি বা
বিতরতি নিজং পাদাম্ভোজং বৃষাচলশেখরঃ ।
তদিহ করুণে তত্তত্ক্রীডাতরঙ্গপরম্পরা-
তরতমতয়া জুষ্টায়াস্তে দুরত্যয়তাং বিদুঃ ॥ ৭৯ ॥
প্রণিহিতধিয়াং ত্বত্সম্পৃক্তে বৃষাদ্রিশিখামণৌ
প্রসৃমরসুধাধারাকারা প্রসীদতি ভাবনা ।
দৃঢমিতি দয়ে দত্তাস্বাদং বিমুক্তিবলাহকং
নিভৃতগরুতো নিধ্যায়ন্তি স্থিরাশয়চাতকাঃ ॥ ৮০ ॥
কৃপে বিগতবেলয়া কৃতসমগ্রপোষৈস্ত্বয়া
কলিজ্বলনদুর্গতে জগতি কালমেঘায়িতম্ ।
বৃষক্ষিতিধরাদিষু স্থিতিপদেষু সানুপ্লবৈ-
র্বৃষাদ্রিপতিবিগ্রহৈর্ব্যপগতাখিলাবগ্রহৈঃ ॥ ৮১ ॥
প্রসূয় বিবিধং জগত্তদভিবৃদ্ধয়ে ত্বং দয়ে
সমীক্ষণবিচিন্তনপ্রভৃতিভিস্স্বয়ং তাদৃশৈঃ ।
বিচিত্রগুণচিত্রিতাং বিবিধদোষবৈদেশিকীং
বৃষাচলপতেস্তনুং বিশসি মত্স্যকূর্মাদিকাম্ ॥ ৮২ ॥
য়ুগান্তসময়োচিতং ভজতি য়োগনিদ্রারসং
বৃষক্ষিতিভৃদীশ্বরে বিহরণক্রমাজ্জাগ্রতি ।
উদীর্ণচতুরর্ণবীকদনবেদিনীং মেদিনীং
সমুদ্ধৃতবতী দয়ে ত্বদভিজুষ্টয়া দংষ্ট্রয়া ॥ ৮৩ ॥
সটাপটলভীষণে সরভসাট্টহাসোদ্ভটে
স্ফুরত্কুধি পরিস্ফুটদ্ভ্রুকুটিকেঽপি বক্ত্রে কৃতে ।
দয়ে বৃষগিরীশিতুর্দনুজডিম্ভদত্তস্তনা
সরোজসদৃশা দৃশা সমুদিতাকৃতির্দৃশ্যসে ॥ ৮৪ ॥
প্রসক্তমধুনা বিধিপ্রণিহিতৈঃ সপর্যোদকৈঃ
সমস্তদুরিতচ্ছিদা নিগমগন্ধিনা ত্বং দয়ে ।
অশেষমবিশেষতস্ত্রিজগদঞ্জনাদ্রীশিতু-
শ্চরাচরমচীকরশ্চরণপঙ্কজেনাঙ্কিতম্ ॥ ৮৫ ॥
পরশ্বধতপোধনপ্রথনসত্ক্রতূপাকৃত-
ক্ষিতীশ্বরপশুক্ষরত্ক্ষতজকুঙ্কুমস্থাসকৈঃ ।
বৃষাচলদয়ালুনা ননু বিহর্তুমালিপ্যথাঃ
নিধায় হৃদয়ে দয়ে নিহতরক্ষিতানাং হিতম্ ॥ ৮৬ ॥
কৃপে কৃতজগদ্ধিতে কৃপণজন্তুচিন্তামণে
রমাসহচরং ক্ষিতৌ রঘুধুরীণয়ন্ত্যা ত্বয়া ।
ব্যভজ্যত সরিত্পতিস্সকৃদবেক্ষণাত্তত্ক্ষণাত্-
প্রকৃষ্টবহুপাতকপ্রশমহেতুনা সেতুনা ॥ ৮৭ ॥
কৃপে পরবতস্ত্বয়া বৃষগিরীশিতুঃ ক্রীডিতং
জগদ্ধিতমশেষতস্তদিদমিত্থমর্থাপ্যতে ।
মদচ্ছলপরিচ্যুতপ্রণতদুষ্কৃতপ্রেক্ষিতৈ-
র্হতপ্রবলদানবৈর্হলধরস্য হেলাশতৈঃ ॥ ৮৮ ॥
প্রভূতবিবুধদ্বিষদ্ভরণখিন্নবিশ্বম্ভরা-
ভরাপনয়নচ্ছলাত্ত্বমবতার্য লক্ষ্মীধরম্ ।
নিরাকৃতবতী দয়ে নিগমসৌধদীপশ্রিয়া
বিপশ্চিদবিগীতয়া জগতি গীতয়াঽন্ধং তমঃ ॥ ৮৯ ॥
বৃষাদ্রিহয়সাদিনঃ প্রবলদোর্মরুত্প্রেঙ্খিত-
স্ত্বিষা স্ফুটতটিদ্গুণস্ত্বদবসেকসংস্কারবান্ ।
করিষ্যতি দয়ে কলিপ্রবলঘর্মনির্মূলনঃ
পুনঃ কৃতয়ুগাঙ্কুরং ভুবি কৃপাণধারাধরঃ ॥ ৯০ ॥
বিশ্বোপকারমিতি নাম সদা দুহানা-
মদ্যাপি দেবি ভবতীমবধীরয়ন্তম্ ।
নাথে নিবেশয় বৃষাদ্রিপতৌ দয়ে ত্বং var পতের্দয়ে
ন্যস্তস্বরক্ষণভরং ত্বয়ি মাং ত্বয়ৈব ॥ ৯১ ॥
নৈসর্গিকেণ তরসা করুণে নিয়ুক্তা
নিম্নেতরেঽপি ময়ি তে বিততির্যদি স্যাত্ ।
বিস্মাপয়েদ্বৃষগিরীশ্বরমপ্যবার্যা
বেলাতিলঙ্ঘনদশেব মহাম্বুরাশেঃ ॥ ৯২ ॥
বিজ্ঞাতশাসনগতির্বিপরীতবৃত্ত্যা
বৃত্রাদিভিঃ পরিচিতাং পদবীং ভজামি ।
এবং বিধে বৃষগিরীশদয়ে ময়ি ত্বং
দীনে বিভোশ্শময় দণ্ডধরত্বলীলাম্ ॥ ৯৩ ॥
মাসাহসোক্তিঘনকঞ্চুকবঞ্চিতান্যঃ
পশ্যত্সু তেষু বিদধাম্যতিসাহসানি ।
পদ্মাসহায়করুণে ন রুণত্সি কিং ত্বং
ঘোরং কুলিঙ্গশকুনেরিব চেষ্টিতং মে ॥ ৯৪ ॥
বিক্ষেপমর্হসি দয়ে বিপলায়িতেঽপি
ব্যাজং বিভাব্য বৃষশৈলপতের্বিহারম্ ।
স্বাধীনসত্বসরণিস্স্বয়মত্র জন্তৌ
দ্রাঘীয়সী দৃঢতরা গুণবাগুরা ত্বম্ ॥ ৯৫ ॥
সন্তন্যমানমপরাধগণং বিচিন্ত্য
ত্রস্যামি হন্ত ভবতীং চ বিভাবয়ামি ।
অহ্নায় মে বৃষগিরীশদয়ে জহীমা-
মাশীবিষগ্রহণকেলিনিভামবস্থাম্ ॥ ৯৬ ॥
ঔত্সুক্যপূর্বমুপহৃত্য মহাপরাধান্
মাতঃ প্রসাদয়িতুমিচ্ছতি মে মনস্ত্বাম্ ।
আলিহ্য তান্নিরবশেষমলব্ধতৃপ্তি-
স্তাম্যস্যহো বৃষগিরীশধৃতা দয়ে ত্বম্ ॥ ৯৭ ॥
জহ্যাদ্বৃষাচলপতিঃ প্রতিঘেঽপি ন ত্বাং
ঘর্মোপতপ্ত ইব শীতলতামুদন্বান্ ।
সা মামরুন্তুদভরন্যসনানুবৃত্তি-
স্তদ্বীক্ষণৈঃ স্পৃশ দয়ে তব কেলিপদ্মৈঃ ॥ ৯৮ ॥
দৃষ্টেঽপি দুর্বলধিয়ং দমনেঽপি দৃপ্তং
স্নাত্বাঽপি ধূলিরসিকং ভজনেঽপি ভীমম্ ।
বদ্ধ্বা গৃহাণ বৃষশৈলপতের্দয়ে মাং
ত্বদ্বারণং স্বয়মনুগ্রহশৃঙ্খলাভিঃ ॥ ৯৯ ॥
নাতঃ পরং কিমপি মে ত্বয়ি নাথনীয়ং
মাতর্দয়ে ময়ি কুরুষ্ব তথা প্রসাদম্ ।
বদ্ধাদরো বৃষগিরিপ্রণয়ী য়থাঽসৌ
মুক্তানুভূতিমিহ দাস্যতি মে মুকুন্দঃ ॥ ১০০ ॥
নিস্সীমবৈভবজুষাং মিষতাং গুণানাং
স্তোতুর্দয়ে বৃষগিরীশগুণেশ্বরীং ত্বাম্ ।
তৈরেব নূনমবশৈরভিনন্দিতং মে
সত্যাপিতং তব বলাদকুতোভয়ত্বম্ ॥ ১০১ ॥
অদ্যাপি তদ্বৃষগিরীশদয়ে ভবত্যা-
মারম্ভমাত্রমনিদং প্রথমস্তুতীনাম্ ।
সন্দর্শিতস্বপরনির্বহণা সহেথা
মন্দস্য সাহসমিদং ত্বয়ি বন্দিনো মে ॥ ১০২ ॥
প্রায়ো দয়ে ত্বদনুভাবমহাম্বুরাশৌ
প্রাচেতসপ্রভৃতয়োঽপি পরং তটস্থাঃ ।
তত্রাবতীর্ণমতলস্পৃশমাপ্লুতং মাং
পদ্মাপতেঃ প্রহসনোচিতমাদ্রিয়েথাঃ ॥ ১০৩ ॥
বেদান্তদেশিকপদে বিনিবেশ্য বালং
দেবো দয়াশতকমেতদবাদয়ন্মাম্ ।
বৈহারিকেণ বিধিনা সময়ে গৃহীতং
বীণাবিশেষমিব বেঙ্কটশৈলনাথঃ ॥ ১০৪ ॥
অনবধিমধিকৃত্য শ্রীনিবাসানুকম্পা-
মবিতথবিষয়ত্বাদ্বিশ্বমব্রীডয়ন্তী ।
বিবিধকুশলনীবী বেঙ্কটেশপ্রসূতা
স্তুতিরিয়মনবদ্যা শোভতে সত্বভাজাম্ ॥ ১০৫ ॥
শতকমিদমুদারং সম্যগভ্যস্যমানান্
বৃষগিরিমধিরুহ্য ব্যক্তমালোকয়ন্তী ।
অনিতরশরণানামাধিরাজ্যেঽভিষিঞ্চে-
চ্ছমিতবিমতপক্ষা শার্ঙ্গধন্বানুকম্পা ॥ ১০৬ ॥
বিশ্বানুগ্রহমাতরং ব্যতিষজত্স্বর্গাপবর্গাং সুধা-
সধ্রীচীমিতি বেঙ্কটেশ্বরকবির্ভক্ত্যা দয়ামস্তুত ।
পদ্মানামিহ য়দ্বিধেয়ভগবত্সঙ্কল্পকল্পদ্রুমাত্ var পদ্যানামিহ
ঝংঝামারুতধূতচূতনয়তস্সাম্পাতিকোঽয়ং ক্রমঃ ॥ ১০৭ ॥
কামং সন্তু মিথঃ করম্বিতগুণাবদ্যানি পদ্যানি নঃ
কস্যাস্মিঞ্ছতকে সদম্বুকতকে দোষশ্রুতিং ক্ষাম্যতি ।
নিষ্প্রত্যূহবৃষাদ্রিনির্ঝরঝরত্কারচ্ছলেনোচ্চলন্ var নোঞ্চলন্
দীনালম্বনদিব্যদম্পতিদয়াকল্লোলকোলাহলঃ ॥ ১০৮ ॥
॥ ইতি কবিতার্কিকসিংহস্য সর্বতন্ত্রস্বতন্ত্রস্য শ্রীমদ্বেঙ্কটনাথস্য
বেদান্তাচার্যস্য কৃতিষু দয়াশতকং সম্পূর্ণম্ ॥
কবিতার্কিকসিংহায় কল্যাণগুণশালিনে ।
শ্রীমতে বেঙ্কটেশায় বেদান্তগুরবে নমঃ ॥
॥ শ্রীরস্তু ॥