॥ Deva Krita Shiva Stuti Kannada Lyrics ॥
॥ ಶ್ರೀ ಶಿವ ಸ್ತುತಿಃ (ದೇವ ಕೃತಂ) ॥
ದೇವಾ ಊಚುಃ –
ನಮಸ್ಸಹಸ್ರನೇತ್ರಾಯ ನಮಸ್ತೇ ಶೂಲಪಾಣಿನೇ ।
ನಮಃ ಖಟ್ವಾಂಗಹಸ್ತಾಯ ನಮಸ್ತೇ ದಂಡಧಾರಿಣೇ ॥ ೧ ॥
ತ್ವಂ ದೇವಹುತಭುಗ್ಜ್ವಾಲಾ ಕೋಟಿಭಾನುಸಮಪ್ರಭಃ ।
ಅದರ್ಶನೇ ವಯಂ ದೇವ ಮೂಢವಿಜ್ಞಾನತೋಧುನಾ ॥ ೨ ॥
ನಮಸ್ತ್ರಿನೇತ್ರಾರ್ತಿಹರಾಯ ಶಂಭೋ
ತ್ರಿಶೂಲಪಾಣೇ ವಿಕೃತಾಸ್ಯರೂಪ ।
ಸಮಸ್ತ ದೇವೇಶ್ವರ ಶುದ್ಧಭಾವ
ಪ್ರಸೀದ ರುದ್ರಾಽಚ್ಯುತ ಸರ್ವಭಾವ ॥ ೩ ॥
ಭಗಾಸ್ಯ ದಂತಾಂತಕ ಭೀಮರೂಪ
ಪ್ರಲಂಬ ಭೋಗೀಂದ್ರ ಲುಲುಂತಕಂಠ ।
ವಿಶಾಲದೇಹಾಚ್ಯುತ ನೀಲಕಂಠ
ಪ್ರಸೀದ ವಿಶ್ವೇಶ್ವರ ವಿಶ್ವಮೂರ್ತೇ ॥ ೪ ॥
ಭಗಾಕ್ಷಿ ಸಂಸ್ಫೋಟನ ದಕ್ಷಕರ್ಮಾ
ಗೃಹಾಣ ಭಾಗಂ ಮಖತಃ ಪ್ರಧಾನಮ್ ।
ಪ್ರಸೀದ ದೇವೇಶ್ವರ ನೀಲಕಂಠ
ಪ್ರಪಾಹಿ ನಸ್ಸರ್ವಗುಣೋಪಪನ್ನ ॥ ೫ ॥
ಸೀತಾಂಗರಾಗಾ ಪ್ರತಿಪನ್ನಮೂರ್ತೇ
ಕಪಾಲಧಾರಿಂ-ಸ್ತ್ರಿಪುರಘ್ನದೇವ ।
ಪ್ರಪಾಹಿ ನಸ್ಸರ್ವಭಯೇಷು ಚೈಕಂ
ಉಮಾಪತೇ ಪುಷ್ಕರನಾಳಜನ್ಮ ॥ ೬ ॥
ಪಶ್ಯಾಮಿ ತೇ ದೇಹಗತಾಂ-ತ್ಸುರೇಶ
ಸರ್ಗಾರಯೋವೇದವರಾನನಂತ ।
ಸಾಂಗನ್ಸವಿದ್ಯಾನ್ ಸಪದಕ್ರಮಾಂಶ್ಚ
ಸರ್ವಾನ್ನಿಲೀನಾಂ-ಸ್ತ್ವಯಿ ದೇವದೇವ ॥ ೭ ॥
ಭವ ಶರ್ವ ಮಹಾದೇವ ಪಿನಾಕಿನ್ ರುದ್ರ ತೇ ಹರ ।
ನತಾಸ್ಸ್ಮ ಸರ್ವೇ ವಿಶ್ವೇಶ ತ್ರಾಹಿನಃ ಪರಮೇಶ್ವರ ॥ ೮ ॥
ಇತ್ಥಂ ಸ್ತುತಸ್ತದಾ ದೇವೈರ್ದೇವದೇವೋ ಮಹೇಶ್ವರಃ ।
ಸಂತೋಷಸ್ಸರ್ವದೇವಾನಾಂ ವಾಕ್ಯಂ ಚೇದಮುವಾಚಹ ॥ ೯ ॥
ಇತಿ ಶ್ರೀವರಾಹಪುರಾಣಾನ್ತರ್ಗತ ದೇವಕೃತ ಶಿವಸ್ತುತಿಃ ।
– Chant Stotra in Other Languages –
Deva Krita Shiva Stuti in Sanskrit – English – Kannada – Telugu – Tamil