Devi Aparadha Kshamapana Stotram In Telugu

॥ Devi Aparadha Kshamapana Stotram Telugu Lyrics ॥

॥ దేవ్యపరాధ క్షమాపణ స్తోత్రం ॥
న మంత్రం నో యంత్రం తదపి చ న జానే స్తుతి మహో
న చాహ్వానం ధ్యానం తదపి చ న జానే స్తుతి కథాః
న జానే ముద్రాస్తే తదపి చ న జానే విలపనం
పరం జానే మాతస్త్వదనుసరణం క్లేశహరణమ్ ॥ ౧ ॥

విధేరజ్ఞానేన ద్రవిణ విరహేణాలసతయా
విధేయా శక్యత్వాత్తవ చరణయోర్యాచ్యుతిరభూత్
తదేతత్ క్షంతవ్యం జనని సకలోద్ధారిణి శివే
కుపుత్రో జాయేత క్వచిదపి కుమాతా న భవతి ॥ ౨ ॥

పృథివ్యాం పుత్రాస్తే జనని బహవః సంతి సరళాః
పరం తేషాం మధ్యే విరల విరలోఽహం తవ సుతః
మదీయోఽయం త్యాగః సముచిత మిదం నో తవ శివే
కుపుత్రో జాయేత క్వచిదపి కుమాతా న భవతి ॥ ౩ ॥

జగన్మాతర్మాతస్తవ చరణ సేవా న రచితా
న వా దత్తం దేవి ద్రవిణమపి భూయస్తవ మయా
తథాపి త్వం స్నేహం మయి నిరుపమం యత్ప్రకురుషే
కుపుత్రో జాయేత క్వచిదపి కుమాతా న భవతి ॥ ౪ ॥

పరిత్యక్తా దేవా వివిధ విధ సేవాకులతయా
మయా పంచాశీతేరధిక మపనీతే తు వయసి
ఇదానీం చేన్మాతస్తవ యది కృపా నాఽపి భవితా
నిరాలంబో లంబోదరజనని కం యామి శరణమ్ ॥ ౫ ॥

శ్వపాకో జల్పాకో భవతి మధుపాకోపమగిరా
నిరాంతంకోరంకో విహరతి చిరం కోటికనకైః
తవాపర్ణే కర్ణే విశతి మను వర్ణే ఫలమిదం
జనః కో జానీతే జనని జపనీయం జప విధౌ ॥ ౬ ॥

See Also  Narayaniyam Pancatrimsadasakam In Telugu – Narayaneyam Dasakam 35

చితాభస్మాలేపో గరళమశనం దిక్పటధరో
జటాధారీ కంఠే భుజగపతిహారీ పశుపతిః
కపాలీ భూతేశో భజతి జగదీశైకపదవీం
భవానీ త్వత్పాణిగ్రహణ పరిపాటీఫలమిదమ్ ॥ ౭ ॥

న మోక్షాస్యాకాంక్షా న చ విభవవాంఛాపి చ న మే
న విజ్ఞానాపేక్షా శశిముఖి! సుఖేచ్ఛాపి న పునః
అత స్త్వాం సంయాచే జనని జననం యాతు మమ వై
మృడానీ రుద్రాణీ శివ శివ భవానీతి జపతః ॥ ౮ ॥

నారాధితాసి విధినా వివిధోపచారైః ।
కిం సూక్ష్మచింతనపరైర్న కృతం వచోభిః ॥
శ్యామే! త్వమేవ యది కించన మయ్యనాథే ।
ధత్సే కృపాముచితమంబ పరం తవైవ ॥ ౯ ॥

ఆపత్సుమగ్నస్స్మరణం త్వదీయం ।
కరోమి దుర్గే కరుణార్ణవే శివే ।
నైతచ్ఛఠత్వం మమ భావయేథాః ।
క్షుధాతృషార్తా జననీం స్మరంతి ॥ ౧౦ ॥

జగదంబ విచిత్ర మత్ర కిం పరిపూర్ణా కరుణాస్తి చే న్మయి ।
అపరాధపరంపరావృతం న హి మాతా సముపేక్షతే సుతమ్ ॥ ౧౧ ॥

మత్సమః పాతకీ నాస్తి పాపఘ్నీ త్వత్సమా న హి ।
ఏవం జ్ఞాత్వా మహాదేవీ యథా యోగ్యం తథా కురు ॥ ౧౨ ॥

– Chant Stotra in Other Languages –

Devi Aparadha Kshamapana Stotram in EnglishSanskritKannada – Telugu – Tamil