॥ Devishatakam Kannada Lyrics ॥
॥ ದೇವೀಶತಕಮ್ ॥
ಶ್ರೀಗಣೇಶಾಯ ನಮಃ ।
ಅನನ್ತಮಹಿಮವ್ಯಾಪ್ತವಿಶ್ವಾಂ ವೇಧಾ ನ ವೇದ ಯಾಮ್ ।
ಯಾ ಚ ಮಾತೇವ ಭಜತೇ ಪ್ರಣತೇ ಮಾನವೇ ದಯಾಮ್ ॥ 1 ॥
ನತಾಪನೀತಕ್ಲೇಶಾಯಾಃ ಸುರಾರಿಜನತಾಪನೀ ।
ನ ತಾಪನೀ ತನುರ್ಯಸ್ಯಾಸ್ತುಲ್ಯಾ ನಾದೀನತಾಪನೀ ॥ 2 ॥
ವಕ್ತ್ರಪದ್ಮಾ ವಿಧೇರ್ಭಾನ್ತಿ ಯಯಾ ಸರ್ಗಲಯೋ ದಯಾ ।
ಯಾ ಸಾಕ್ಷಾದ್ಯಾ ಚ ಜನಿತಸ್ಥಿತಿಸರ್ಗಲಯೋದಯಾ ॥ 3 ॥
ಯಾಶ್ರಿತಾ ಪಾವನತಯಾ ಯಾತನಾಚ್ಛಿದನೀಚಯಾ ।
ಯಾಚನೀಯಾ ಧಿಯಾ ಮಾಯಾಯಾಮಾಯಾಸಂ ಸ್ತುತಾ ಶ್ರಿಯಾ ॥ 4 ॥
ನಮಾಂಸಿ ಧ್ವಂಸಮಾಯಾನ್ತಿ ಅಸ್ಯಾಃ ಸ್ತುತ್ಯಾದರೇಣ ವಃ ।
ತಸ್ಯಾಃ ಸಿದ್ಧ್ಯೈ ಧಿಯಾಂ ಮಾತುಃ ಕಲ್ಪನ್ತಾಂ ಪಾದರೇಣವಃ ॥ 5 ॥
ಋಷೀಣಾಂ ಸಾದಯಾಮಾಸ ಯಾ ತಮಾಂಸಿ ತ್ರಯೀಮಯೀ ।
ಪಾಯಾದ್ವಃ ಸಾ ದಯಾಮಾಧಿಚ್ಛಿದಂ ಜಗತಿ ಬಿಭ್ರತೀ ॥ 6 ॥
ಸ್ಮರದ್ವಿಷಾ ಯಾ ಯಯಾಚೇ ಯಯಾ ಚೇಯಂ ವಿಧೇಃ ಕ್ರಿಯಾ ।
ಯಾಂ ಚಾಚ್ಯುತೋಽಪಿ ತುಷ್ಟಾವ ತುಷ್ಟಾ ವಃ ಸಾಽಸ್ತು ಪಾರ್ವತೀ ॥ 7 ॥
ಯಾ ದಮಾವನಯಾಗೇನ ಸ್ವಾರಾಥಾ ನಯಸಾರಯಾ ।
ಹರಿಕೈತವಹಾಸ್ಯಾಯ ಸಾಯಾಮಾ ವಿಜಿತಾ ಯಯಾ ॥ 8 ॥
ಯಾಯತಾಜಿವಿಮಯಾ ಸಾ ಯಸ್ಯಾ ಹಾ ಬತ ಕೈರಿಹ ।
ಯಾ ರಸಾಯನಧಾರಾ ಸ್ವಾ ನ ಗೇಯಾನವಮಾ ದಯಾ ॥ 9 ॥
ಸಾ ಬುದ್ಧಿರುತ್ತಮಾಲೋಕಃ ಸತಾಮಾರ್ಯಾ ಪುನಾತು ವಃ ।
ಯದ್ಭಕ್ತೇರುತ್ತಮಾ ಲೋಕಃ ಪ್ರಾಪ್ನೋತ್ಯೇಷ ವಿಶುದ್ಧತಾಮ್ ॥ 10 ॥
ಅಯುದ್ಧ ಸಾಧುತ್ರಾಣಾಯ ಸಾಮರಾ ಯಾ ಸಹಾರಿಣಾ ।
ಖಂಗೇನ ದೀಪ್ರಾ ದೇವಾನಾಂ ಸಾಮರಾಯಾಸಹಾರಿಣಾ ॥ 11 ॥
ಚರಣಾಘಾತನಿಹತಕಾಸರಾ ಚ ರಣಾಜಿರೇ ।
ರರಾಜ ಯಾ ನಯಜಯೈರರಾಜಸಜನಾನತಾ ॥ 12 ॥
ಸಾವತಾದ್ವೋಽಮ್ಬಿಕಾಽಭ್ಯರ್ಚ್ಯನಾಮಾ ನ ನ ಯಶೋಭಿತಃ ।
ತನೋತಿ ಪ್ರಣತೋ ಯಸ್ಯಾ ನಾ ಮಾನನಯಶೋಭಿತಃ ॥ 13 ॥
ಸಂಯತಂ ಯಾಚಮಾನೇನ ಯಸ್ಯಾಃ ಪ್ರಾಪಿ ದ್ವಿಷಾ ವಧಃ ।
ಸಂಯತಂ ಯಾ ಚ ಮಾನೇನ ಯುನಕ್ತಿ ಪ್ರಣತಂ ಜನಮ್ ॥ 14 ॥
ಯಾ ದಮಾನವಮಾನನ್ದಪದಮಾನನಮಾನದಾ ।
ದಾನಮಾನಕ್ಷಮಾನಿತ್ಯಧನಮಾನವಮಾನಿತಾ ॥ 15 ॥
ಸಾ ರಕ್ಷತಾದಪಾರಾ ತೇ ರಸಕೃದ್ಗೌರಬಾಧಿಕಾ ।
ಸಾರಕ್ಷತಾದಪಾರಾತೇರಸಕೃದ್ಗೌರವಾಧಿಕಾ ॥ 16 ॥
ಅನುತ್ತಮೋಹರಾಶಯೋ ಭವನ್ತಿ ಯಾಮನಾಶ್ರಿತಾಃ ।
ಅನುತ್ತಮೋ ಹರಾಶಯೋ ಯಯಾ ಚಿರಂ ಚ ರಂಜಿತಃ ॥ 17 ॥
ಅನನ್ತರಾಗತಾಪಾಯಾಸ್ತಾರಯಿತ್ರೀ ಭವಾಪದಃ ।
ಅನನ್ತರಾಗತಾಪಾಯಾಃ ಸಾ ವೋ ಗೌರೀ ಹಿಯಾತ್ಕ್ರಿಯಾಃ ॥ 18 ॥
ಯಾಮಾಯಾಸಜಿದಾಸಕ್ತಶೋಕಜಾಲಸ್ಯ ಪಾತಿನೀ ।
ಯಾ ಮಾತಾ ಸರ್ವದಾ ಭಕ್ತಲೋಕಜಾಲಸ್ಯ ಪಾಲನೀ ॥ 19 ॥
ಸಾಮರಾಗಮನಾಯಾಸಂ ತ್ಯಕ್ತ್ವಾ ಸಾರ್ಧಂ ಸುರಾರಿಭಿಃ ।
ಸಾಮರಾ ಗಮನಾಯಾಸನ್ನುದ್ಯತಾ ಯುಧಿ ಯದ್ಗಣಾಃ ॥ 20 ॥
ಸಾಮೋದಯಾಜಯಾ ಶಾತೈಃ ಶಸ್ತ್ರೈಃ ಶತ್ರೌ ಹತೇ ಯಯಾ ।
ಸಾಮೋದಯಾ ಜಯಾಶಾ ತೈರ್ಗೀರ್ವಾಣೈರ್ಗರ್ವತೋ ಜಹೇ ॥ 21 ॥
ಯಯಾಯಾಯಾಯ್ಯಯಾ ಯೂಯಂ ಯೋ ಯೋಽಯಂ ಯೇಯಯೈಯ ಯಾಮ್ ।
ಯಯುಯಾಯಿಯಯೇಯಾಯ ಯಯೇಽಯಾಯಾಯ ಯಾಯಯುಕ್ ॥ 22 ॥
ಸಾಽವ್ಯಾದ್ಗೌರೀ ಸದಾ ಯುಷ್ಮಾನ್ಸದಾಯುಷ್ಮಾನ್ಸಮೃದ್ಧ್ಯತಿ ।
ಶರಣಂ ಯಾಂ ನರೋ ಗಚ್ಛನ್ನ ರೋಗಚ್ಛನ್ದಮೇತಿ ಚ ॥ 23 ॥
ಕೃತಾಸ್ಪದಾ ಯಥಾ ಸಮ್ಪದಘಾನಿ ಸುರವೈರಿಷು ।
ಹನ್ತಿ ಯಾ ವಾಙ್ಮಯೀ ದೂರಾದಘಾನಿ ಸುರವೈರಿಷುಃ ॥ 24 ॥
ಜಿತಾನಯಾ ಯಾ ನತಾಜಿತಾರಸಾತತಸಾರತಾ ।
ನ ಸಾವನಾ ನಾವಸಾನಯಾತನಾರಿರಿನಾ ತಯಾ ॥ 25 ॥
ಮನೋಭವಾರಾತಿಮನೋಭಿರಾಮಯಾ ಜರಾಮಯಾಪಾಕರಣೈಕದಕ್ಷಯಾ ।
ಮದಕ್ಷಯಾನ್ನಿರ್ಮಲತಾಂ ದದಾನಯಾ ಸದಾ ನಯಾಸ್ಥಾ ಕ್ರಿಯತಾಂ ತವಾರ್ಯಯಾ ॥ 26 ॥
ಸಮಾಯಯಾವಿನ್ದ್ರಹಿತಾಯ ಯಾ ರಣೇ ಸಮಾಯಯಾ ಯಾ ನ ಜಿತಾರಿಸೇನಯಾ ।
ಸ ಮಾ ಯಯಾಚೇ ಹರಮಾಶ್ರಿತಃ ಸ್ಫುಟಂ ಸಮಾ ಯಯಾ ಮುಗ್ಧತಯಾ ಮನೋಜ್ಞತಾಃ ॥ 27 ॥
ಸಾ ಭಾವಕ್ಷಾಲವರ್ಯಾ ನುತವಿಭವಿತನುರ್ಯಾ ವಲಕ್ಷಾವಭಾಸಾ
ಜಾನಾನಸ್ಯಾಶಯಪ್ರಾ ನವನಲಿನವನಪ್ರಾಯಶಸ್ಯಾನನಾಜಾ ।
ಸಾತಂ ವರ್ಮಾನನಸ್ಥಾ ರಹಸಿ ರಸಿಹರಸ್ಥಾನನರ್ಮಾವತಂಸಾ
ಪಾಯಾದಕ್ತಾ ರಣತ್ರಾ ಮತನಮನತಮತ್ರಾಣರಕ್ತಾ ದಯಾಪಾ ॥ 28 ॥
ಉಪಾಸತೇ ಕೃಷ್ಟಿಕೃತೋದಯಾಂ ಯಾಂ ಜನಾ ಸದಾರಾಧನಮೀಹಮಾನಾಃ ।
ಶಮ್ಭೋಃ ಪ್ರಸಿದ್ಧಾ ತನುತಾಂ ವಹನ್ತೀ ಗೌರೀ ಹಿತಂ ಸಾ ಭವತಾಂ ವಿಧೇಯಾತ್ ॥ 29 ॥
ಯಾಂ ಸದ್ಯ ಏವ ತ್ರಿದಶೈಃ ಪುಮಾಂಸಃ ಸಮಾ ನಮಸ್ಯನ್ತಿ ಸದಾನಭೋಗಾಃ ।
ಅಘಾನಿ ಯಸ್ಯ ಪ್ರಣತಾ ವಿಪಕ್ಷೈಃ ಸಮಾನಮಸ್ಯನ್ತಿ ಸದಾ ನಭೋಗಾಃ ॥ 30 ॥
ಯಸ್ಯಾಃ ಪ್ರಭಾವೋ ದ್ಯುಸದಾಂ ವಿಪಕ್ಷಸೇನಾ ವಧಾನನ್ದಯಿತಾಹರಸ್ಯ ।
ಮನೋಮ್ಬುಜಸ್ಯಾವಹತು ಶ್ರಿಯೈ ವಃ ಸೇನಾವಧಾನಂ ದಯಿತಾ ಹರಸ್ಯ ॥ 31 ॥
ಸುರಾ ಜಿತಾ ಭಾವಿತದೇವರಾಜದ್ವಿಪಕ್ಷಮಾ ಯಾತ ರಣಾದಭೀತಮ್ ।
ಸ್ವಾಪಂ ನ ವೋ ಧಾಮ ಹಿತಂ ನ ನಾಮ ಸದೈವಸೇನಾ ಭವತೋಹಿತಾನಾಮ್ ॥ 32 ॥
ಸುರಾಜಿತಾ ಭಾವಿತದೇವರಾಜದ್ವಿಪಕ್ಷಮಾಯಾ ತರಣಾದಭೀತಮ್ ।
ಸ್ವಾಪನ್ನಬೋಧಾಮಹಿತಂ ನನಾಮ ಸದೈವ ಸೇನಾ ಭವತೋ ಹಿತಾನಾಮ್ ॥ 33 ॥
ಸುರಾನಿತಿ ದ್ವೇಷಿಜನೈರಭಿದ್ರುತಾನುದಾಹರದ್ಯಾ ಸ್ವಯಮಾಹವೋದ್ಯತಾ ।
ಶಿವೋಽದ್ಯ ತಾಪಪ್ರಶಮಸ್ತಯಾ ತವ ಪ್ರಶಸ್ತಯಾ ತತ್ತ್ವದೃಶಾ ವಿಧೀಯತಾಮ್ ॥ 34 ॥
ವಕ್ರಂ ಬಿಭ್ರತ್ಯುಪಹಿತಚನ್ದ್ರಾಯಾಸಂ ಯಾ ಸಂಮೋಹಪ್ರಶಮನಸೂರ್ಯಾಕಾರಾ ।
ಕಾರಾನೀತಾಮರಮರಿಮಾಚಿಕ್ಷೇಪ ಕ್ಷೇಪತ್ಯಕ್ತಾ ರಣಭುವಿ ಸಾ ವಃ ಪಾಯಾತ್ ॥ 35 ॥
ಹಿತೇ ಹಿತೇಽಸ್ತು ತೇ ಸ್ತುತೇ ಜಿತಾಜಿತಾಮಿತಾಮಿತಾ ।
ಜಯಾಜಯಾ ಜನೋಽಜನೋ ಯಯಾ ಯಯಾವಲಂ ಬಲಮ್ ॥ 36 ॥
ಸಕ್ತಿಂ ವಃ ಸುಕೃತಾರ್ಜನೇ ವಿದಧತೀ ಸತ್ರಾಂ ಯತಾಂ ತ್ರಾಯತಾಂ
ದುರ್ಗಾ ದುರ್ಗ್ರಹದೂಷಿತೋದ್ಧತಧಿಯಾಮಾಯಾಸದಾ ಯಾ ಸದಾ ।
ಸಾಧೂತ್ಸಾಹವಿಧಾನಸಕ್ತಮನಸಾಂ ಮುಖ್ಯಾ ತತೋ ಖ್ಯಾತತಾಂ
ಸಂಸ್ಮೃತ್ಯೈವ » – ಮತ್ಸರಭರಸ್ಫೀತಾಪದಾಂ ತಾಪದಾಮ್ ॥ 37 ॥
ಯಾ ಮೂರ್ತಿಂ ಕಿಮಪಿ ಸ್ಮರಾರಿವಪುಷಾ ಧತ್ತೇ ಸಮಾಯೋಜಿತಾಂ
ಯಾಂ ದೃಷ್ಟ್ವೈವ ವಿನಾಶಮಾಪ ಸಹಸಾ ಶುಮ್ಭಃ ಸಮಾಯೋಽಜಿತಾಮ್ ।
ಯಾ ನಮ್ರೈಃ ಸುರಸಿದ್ಧಿಕಿಂ‍ನರನರೈಃ ಖೇದಂ ವಿನಾ ಶಸ್ಯತೇ
ಸಾ ಹೇತುರ್ಭವತಾಂ ತ್ರಿಲೋಚನವಧೂರಶ್ರೀವಿನಾಶಸ್ಯ ತೇ ॥ 38 ॥
ಸಾಯಾಸಾಯಾಸ್ತ್ರಿಲೋಕ್ಯಾಃ ಶರಣಮಕರುಣಕ್ಷುಣ್ಣದೈತ್ಯಪ್ರವೀರಾ
ಸ್ವೈರಂ ಸ್ವೈರಂಶಸರ್ಗೈರ್ಗಹನತಮಮಹಾಮೋಹಹಾರ್ದಂ ಹರನ್ತೀ ।
ಶಸ್ಯಾಶಸ್ಯಾದಧಾನಾ ಸಕಲಮಭಿಹಿತಂ ಭಕ್ತಿಭಾಜಃ ಸ್ಮೃತೈವ
ಸ್ತಾದಸ್ತಾದಭ್ರದೋಷಾ ದ್ವಿಷದುಪಶಮನೀ ಸರ್ವತಃ ಪಾರ್ವತೀ ವಃ ॥ 39 ॥
ಸುರಸುರಚಿತಚಿತನವನವಭವಭವನಾನಾದರಾದರಾಯೇಥೇ ।
ಲಯಲಯಚರಣೌ ಚರಣೌ ನ ನ ಮಾಮಿ ನತೇನ ನಮಾಮಿ ನ ತೇ ॥ 40 ॥
ಯಾ ವಿಸ್ಮಯಂ ಸ್ಮರಭಿದಾ ಚಕ್ರೇಽಂಕಾರೋಪಿತಾ ನವಂ ನಾರೀಣಾಮ್ ।
ವಿದಧೇ ಯಚ್ಚಾಪಸ್ಯ ನ ಚ ಕ್ರೇಂಕಾರೋಽಪಿ ತಾನವಂ ನಾರೀಣಾಮ್ ॥ 41 ॥
ಯಾ ಹನ್ತಾಂ ಚ ಪ್ರಯಾತಾ ವಿಹಾಥಸಾ ಕಂಸಮಾಹ ತಾರಾತಿಬಲೇನ ।
ಕೃಷ್ಣಸ್ತವ ಪರಮಾಯಾ ವಿಹಾಯ ಸಾಕಂ ಸಮಾಹತಾರಾತಿಬಲೇನ ॥ 42 ॥
ತಾಂ ನಮತ ಯಾ ಚ ಸಮರೇಷ್ವನೇಕಶೋ ಭಾತಿ ಭದ್ರಕಾಲೀ ನತಯಾ ।
ಖ್ಯಾತಿ ಯಯಾ ಜನತೋಜ್ಜ್ವಲವಿವೇಕಶೋಭಾತಿಭದ್ರಾಕಾಲೀನತಯಾ ॥ 43 ॥
ತಾಂ ಸ್ಮರತ ಥಾ ಸ್ಮೃತೈವ ಹಿ ಮಾನವತಾಮರಸಮಾನತಾ ರಾತಿ ಬಲಾತ್ ।
ಯತ್ಪ್ರಣತಂ ಶ್ರೀಃ ಶ್ರಯತೇ ಮಾನವತಾಮರಸಮಾನ ತಾರಾತಿ ಬಲಾತ್ ॥ 44 ॥
ಅನವರಾಗಸಮುದ್ಭವದೇಹತಾಮುಪಗತಾ ದದೃಶೇ ಗಿರಿಶೇನ ಯಾ ।
ಅನವರಾಗಸಮುದ್ಭವದೇಹ ತಾಮವನತೋಽಸ್ಮಿ ಜಗಾತ್ಪ್ರಿಯತಾಂ ಸತೀಮ್ ॥ 45 ॥
ಮೇನೇ ನೂನಮನೇನ ಮಾನನಮುಮಾನಾಮ್ನಾ ನು ಮೇನೋನ್ಮನಾ
ನುನ್ನೇನೋನಮನೇ ನಿಮಾನಮಮುನಾ ನೋ ನಾಮ ನಾನಾನುಮೇ ।
ಮೌನೇನಾಮಮಮಾನನಿಮ್ನಮನನಾನ್ನಾನಾಮಿನಾನೂನಿಮೇ
ಸುನ್ಮಿನ್ನಾನನಮಾ ನಮೀ ಮುನಿಮನೋಮಾನಾನನೋನ್ನಾಮಿನಿ ॥ 46 ॥
ತಾಂ ವನ್ದೇಽಹಂ ನವಂ ದೇಹಂ ಜ್ಞಾನರೂಪಂ ವಿಧಾಯ ಯಾ ।
ಸುಘೀರಸ್ಯತಿ ಧೀರಸ್ಯ ಮಹಾಮೋಹಮಯೀಂ ತ್ವಚಮ್ ॥ 47 ॥
ಯಾಂ ನುತ್ವಾ ಯಾನ್ತಿ ಹೃದ್ಯಾರ್ಥಸಜ್ಜಾಯಾಂ ಗಿರಿ ಶಸ್ಯತಾಮ್ ।
ನೌಮ್ಯಹಂ ಭಕ್ತಿಮಾಸ್ಥಾಯ ಸಜ್ಜಾಯಾಂ ಗಿರಿಶಸ್ಯ ತಾಮ್ ॥ 48 ॥
ಯದಾನತೋಽಯದಾನತೋ ನ ಯಾತ್ಯಯಂ ನಯಾತ್ಯಯಮ್ ।
ಶಿವೇ ಹಿತಾಂ ಶಿವೇಹಿತಾಂ ಸ್ಮರಾಮಿತಾಂ ಸ್ಮರಾಮಿ ತಾಮ್ ॥ 49 ॥
ಸರಸ್ವತಿಪ್ರಸಾದಂ ಮೇ ಸ್ಥಿತಿ ಚಿತ್ತಸರಸ್ವತಿ ।
ಸರಸ್ವತಿ ಕುರು ಕ್ಷೇತ್ರಕುರುಕ್ಷೇತ್ರಸರಸ್ವತಿ ॥ 50 ॥
ತ್ವದ್ಭಕ್ತಿಭಾವಿತಧಿಯೋ ಜಗತಾಮತ್ರ ಯೇ ತ್ರಯೇ ।
ಜನ್ಮವತ್ತಾಮಹಂ ಮನ್ಯೇ ತೇಷಾಮೇವಾನೃಣಾಂ ನೃಣಾಮ್ ॥ 51 ॥
ಜಗತಃ ಸಾತಿರೇಕಾ ತ್ವಂ ಗತಿರಸ್ಯ ಸ್ಥಿರಾಧಿಕಾ ।
ತರಸ್ಯತ್ರಾಸತಾರಾರೇಃ ಸಾಸ್ಯತ್ರಾಸರಸಸ್ಥಿತಿ ॥ 52 ॥
ತ್ವನ್ನಾಮಸ್ಮರಣಾದೇವ ನ ಲಕ್ಷ್ಮೀಶ್ಚಪಲಾಯತೇ ।
ಸರ್ವತಃ ಪಾರ್ವತಿ ಕ್ಷಿಪ್ರಮಲಕ್ಷ್ಮೀಶ್ಚ ಪಲಾಯತೇ ॥ 53 ॥
ಜಯನ್ತಿ ಭಕ್ತಾ ವಿತ್ತೇಶಸಮರಾಯಸ್ತಬಾಹವೇ ।
ತುಭ್ಯನ್ನಮಸ್ತ್ರಿಲೋಕ್ಯರ್ಥಸಮರಾಯಸ್ತಬಾಹವೇ ॥ 54 ॥
ಸತ್ತ್ವಂ ಸಮ್ಯಕ್ತ್ವಮುನ್ಮೀಲ್ಯ ಹೃದಿ ಭಾಸಿ ವಿರಾಜಸೇ ।
ದ್ವಿಷಾಮರೀಣಾ ತ್ವಂ ಸೇನಾಂ ವಾಹಿನೀಮುದಕಮ್ಪಯಃ ॥ 55 ॥
ದೂರಾಗತರಸಾ ಧನ್ಯಃ ಸೇವತೇಯಸ್ತವ ಸ್ತುತೀಃ ।
ದೂರಾಗತ ರಸಾಧನ್ಯಃ ಕಲ್ಪನ್ತೇ ತಸ್ಯ ಸಿದ್ಧಯಃ ॥ 56 ॥
ಮೋಹಂ ಹತ್ವಾಸ್ಪದಂ ಯಾಸಿ ಸಾತ್ತ್ವಮಮ್ಬರವಾಸಿನಾ ।
ಯಾ ನ ಸಂಸ್ತೂಯಸೇ ಕೇನ ಸಾ ತ್ವಮ್ಬರವಸಿನಾ ॥ 57 ॥
ಪ್ರಕಾಶ್ಯ ಗೃಹ್ಯಪುಂಸಸ್ಯಖೇದಚ್ಛೇದಾಮ್ಬುದಾವಲೀ ।
ಪ್ರಜ್ಞಾತ್ಮನೇನವಿಮಲಾ ಸ್ಮಿತಾ ದೃಶ್ಯಸಿ ವಿದ್ವತಾಮ್ ॥ 58 ॥
ಭವಾನಿ ಯೇ ನಿರನ್ತರಂ ತವ ಪ್ರಣಾಮಲಾಲಸಾಃ ।
ಮನಸ್ತಮೋಮಲಾಲಸಾ ಭವನ್ತಿ ನೈಯ ತು ಕ್ವಚಿತ್ ॥ 59 ॥
ವಿಭಾವನಾಕುಲಾ ತ್ವಯಿ ಕ್ರಮೇಣ ದೇವಿ ಭಾವನಾ ।
ವಪುಷ್ಪತಿಸ್ಥಿರೇತರೇ ನಿತಾನ್ತಮೇವ ಪುಷ್ಯತಿ ॥ 60 ॥
ಮಹೋಽದಯಾನಾಮವಧೀ ರಣೇನ ಮಹೋದಯಾನಾಮವಧೀರಣೇನ ।
ಮಹೋದಯಾನಾಮವ ಧೀರಣೇಜಮಹೋದಯಾನಾಮವಧೀರಣೇನ ॥ 61 ॥
ನ ಮಜ್ಜನೇನ ತೀರ್ಥಾನಾಂ ತದಿಹ ಪ್ರಾಪ್ಯತೇ ಶುಭಮ್ ।
ನಮಜ್ಜನೇನ ತೀರ್ಥಾನಾಂ ಸೇವಯಾ ಯತ್ತವಾಮ್ಬಿಕೇ ॥ 62 ॥
ಪ್ರಯಾತಿ ಮೋಹೇ ನಿಃಸಾರಭಾರತೀವ್ರತಮೇತ್ಯಯಮ್ ।
ತ್ವಾತ್ಪ್ರಾಸಾದಾಜ್ಜನಃ ಸಾರಭಾರತೀವ್ರತಮೇತ್ಯಯಮ್ ॥ 63 ॥
ಶಾಸ್ತ್ರಪ್ರಭಾವಹಸಿತಾಃ ಸತಾಂ ಯಾ ನಿರ್ಮಲಾ ಗಿರಃ ।
ಶಾಸ್ತ್ರಪ್ರಭಾವಹಸಿತಾಸ್ತ್ವಮಮ್ಬತಿಮಿರಚ್ಛಿದಃ ॥ 64 ॥
ಶಮೀಹ ತೇ ಸಮಾನತೋ ವಿಭಾವಿತೋಽತ್ರಸನ್ನ ಯಃ ।
ವಿಭಾವಿತೋಽತ್ರ ಸನ್ನಯಃ ಶಮೀಹತೇ ಸ ಮಾನತಃ ॥ 65 ॥
ಮಾತರಂ ತ್ವಾ ಪದಂ ಸದ್ಯ ಆಶ್ರಿತಾಸ್ತೇ ಕಥಂ ಜನಾಃ ।
ಮಾ ತರನ್ತ್ವಾಪದಂ ಸದ್ಯ ಆದ್ಯಂ ಶ್ರೇಯಃ ಸಮಾಶ್ರಿತಾಃ ॥ 66 ॥
ಭಾತಿ ತ್ವತ್ತನುಸಂಶ್ಲೇಷೇ ಸತ್ಯಮ್ಬ ವಪುರನುತ್ತರಮ್ ।
ಸಂಸಾರಾಬ್ಧೌ ಸದಾಹುಸ್ತೇ ಸತ್ಯಂ ವಪುರನುತ್ತರಮ್ ॥ 67 ॥
ಯಚ್ಛ ಮೇ ನಿತ್ಯಸಂಸಂಗಿ ಯಚ್ಛಮೇ ತದಿದಂ ಮನಃ ।
ಸ್ವಚ್ಛಲೋ ಭಕ್ತಿಯೋಗಸ್ತೇ ಸ್ವಚ್ಛಲೋಕವಿವೇಕಸೂಃ ॥ 68 ॥
ಕೇ ವಲನ್ತೇ ವಿತನ್ವನ್ತಕೃತಸ್ತ್ವತ್ಪ್ರಣತಾ ಭವೇ ।
ಕೇವಲಂ ತೇ ವಿತನ್ವನ್ತ ಆಸತೇ ವಿಮಲಾಂ ಧಿಯಮ್ ॥ 69 ॥
ದೇವಿ ನಿರ್ದಗ್ಧಕಾಮಸ್ಯ ತ್ವಂ ನಿರಾವರಣಾತ್ಮನಃ ।
ಹರಸ್ಯ ಶುಭಸನ್ತಾನಂ ತೇನಾಸೌ ಭ್ರಾಜತೇ ತಥಾ ॥ 70 ॥
ದ್ವಿಷದ್ಭಿಯಾ ಸಪದಿ ವಿಮುಚ್ಯತೇ ಯತಸ್ತವಾನತೋ ಜನನಿ ಜಯಾಶಯಾ ನ ಕಃ ।
ಸ್ತವಾನತೋ ಜನನಿಜಯಾ ಶಯಾನಕಃ ಕರೋತಿ ತೇ ಯುಧಿ ಮಧುಸೂದನಸ್ವಸಃ ॥ 71 ॥
ಜ್ಯಾಯೋನಿಷ್ಠಾರಿವರ್ಯಾಧಿನಿಯಮನವರಸ್ವೈರದತ್ತಾಯತಾಜ್ಞಾ
ಸ್ವಾರಾಧತ್ವಾಸಮಧ್ಯಾನಿಯಜನಜನನಿ ಜ್ಞೇಯಸುಸ್ಥಾವಭಾಸಾ ।
ನಾನಾಪುಣ್ಯಾಗಮಸ್ಥಾ ಜನನಮನಮಯಜ್ಞಾನನನ್ದ್ಯಾ ವರಾ ಧೀ-
ರ್ಯಾತಾ ನವ್ಯಾ ವಿಭುತ್ವಂ ನುತಸರಲಮನಸ್ತಾಮಸಸ್ಯಾವಹಾಸ್ಯೇ ॥ 72 ॥
ಸ್ಯೇಹಾವ ಸ್ಯಾ ಸಮಸ್ತಾನಮಲರಸತನು ತ್ವಂ ಭುವಿ ವ್ಯಾನತಾರ್ಯಾ
ಧೀರಾ ವನ್ದ್ಯಾ ನ ನ ಜ್ಞಾ ಯಮನಮನನಜಸ್ಥಾಮಗಣ್ಯಾ ಪುನಾನಾ ।
ಸಾ ಭಾವಸ್ಥಾ ಸುಯಜ್ಞೇಽನಿನಜನಜಯನಿ ಧ್ಯಾಮಸತ್ತ್ವಾಧರಾಸ್ವಾ
ಜ್ಞಾತಾಯತ್ತಾದರಸ್ವೈರವನಮನಿಧಿರ್ಯಾ ವರಿಷ್ಠಾನಿಯೋಜ್ಯಾ ॥ 73 ॥
ಅಲೋಲಕಮಲೇ ಚಿತ್ತಲಲಾಮಕಮಲಾಲಯೇ ।
ಪಾಹಿ ಚಂಡಿ ಮಹಾಮೋಹಭಂಗಭೀಮಬಲಾಮಲೇ ॥ 74 ॥
ದುರ್ಗಾಪಿ ಮಾತಃ ಸುಲಭಾಸಿ ಭಕ್ತ್ಯಾ ಭವಾನುಕೂಲಾಪಿ ಭವಂ ಕ್ಷಿಣೋಷಿ ।
ಅಧ್ಯೇಯತಾಂ ಯಾಸಿ ಸದೈವ ದೇವಿ ಧ್ಯೇಯಾಸಿ ಚಿತ್ರಂ ಚರಿತಂ ತವೈತತ್ ॥ 75 ॥
ಮಹದೇಸುರಸನ್ಧಮ್ಮೇ ತಮವಸಮಾಸಂಗಮಾಗಮಾಹರಣೇ ।
ಹರಬಹುಸರಣಂ ತಂ ಚಿತ್ತಮೋಹಮವಸರ ಉಮೇ ಸಹಸಾ ॥ 76 ॥
ವನ್ದ್ಯಾ ಪ್ರಭಾತಸನ್ಧ್ಯೇವ ಸೂರ್ಯಾಲೋಕಪ್ರವರ್ತಿನೀ ।
ನಿವರ್ತಯಸಿ ದೇವಿ ತ್ವಂ ಮಹಾಮೋಹಮಯೀಂ ನಿಶಾಮ್ ॥ 77 ॥
ಸಂವಾದಿಸಾರಸಮ್ಪತ್ತೀಸದಾಗೋರಿಜಯೇಸುದೇ ।
ತವಸತ್ತೀರದೇ ಸನ್ತು ಸಂಸಾರೇ ಸುಸಮಾನದೇ ॥ 78 ॥
ಆಗಮಮಣಿಸುದಮಹಿಮಸಮಸಂಮದಕೃದಪರಜಸ್ಸು ।
ಕಿರ ಸವಿಭಯವದಿತೋ ಸಮಯ ಉಜ್ಜಲಭಾವಸಹಸ್ಸು ॥ 79 ॥
ತ್ವಂ ವಾದೇ ಶಾಸ್ತ್ರಸಂಗಿನ್ಯಾಂ ಭಾಸಿ ವಾಚಿ ದಿವೌಕಸಃ ।
ತವಾದೇಶಾಸ್ತ್ರಸಂಸ್ಕಾರಾಜ್ಜಯನ್ತಿ ವರದೇ ದ್ವಿಷಃ ॥ 80 ॥
ಸದಾವ್ಯಾಜವಶಿಧ್ಯಾತಾಃ ಸದಾತ್ತಜಪಶಿಕ್ಷಿತಾಃ ।
ದದಾಸ್ಯಜಸ್ರಂ ಶಿವತಾಃ ಸೂದಾತ್ತಾಜದಿಶಿ ಸ್ಥಿತಾಃ ॥ 81 ॥
ಹರೇಃ ಸ್ವಸಾರಂ ದೇವಿ ತ್ವಾ ಜನತಾಶ್ರಿತ್ಯ ತತ್ತ್ವತಃ ।
ವೇತ್ತಿ ಸ್ವಸಾರಂ ದೇವಿತ್ವಾ ಯೋಗೇನ ಕ್ಷಪಿತಾಶುಭಾ ॥ 82 ॥
ಸದಾಪ್ನೋತಿ ಯತಿರ್ಜ್ಯೋತಿಸ್ತಾದೃಶಂ ಸ್ವತ್ಪ್ರಭಾವತಃ ।
ಪ್ರಭಾವತಃ ಸಮೋ ಯೇನ ಕಲ್ಪತೇ ಮೋಹನುತ್ತಿತಃ ॥ 83 ॥
ತ್ವಂ ಸದ್ಗತಿಃ ಸಿತಾಪಾರಾ ಪರಾ ವಿದ್ಯೋತ್ತಿತೀರ್ಷತಃ ।
ಸಂಸಾರಾದತ್ರ ಚಾಮ್ಬ ತ್ವಂ ಸತ್ತ್ವಂ ಪಾಸಿ ವಿಪತ್ತಿತಃ ॥ 84 ॥
ಪರಮಾ ಯಾ ತಪೋವೃತ್ತಿರಾರ್ಯಾಯಾಸ್ತಂ ಸ್ಮೃತಿಂ ಜನಾಃ ।
ಪರಮಾಯಾತ ಪೋಷಾಯ ಧಿಯಾಂ ಶರಣಮಾದೃತಾಃ ॥ 85 ॥
ಪ್ರವಾದಿಮತಭೇದೇಷು ದೃಶ್ಯಸ್ತೇ ಮಹಿಮಾಶ್ರಯಃ ।
ಭಾನ್ತಿ ತ್ವತ್ತ್ರಿಶಿಖಸ್ಯೇವ ಶಿಖಾನಾಮಸಮಾಶ್ರಯಃ ॥ 86 ॥
ಯಚ್ಚೇಷ್ಟಯಾ ತವ ಸ್ಫೀತಮುದಾರವಸು ಧಾಮತಃ ।
ಯಚ್ಚೇತೋ ಯಾತ್ಯವಹಿತಮುದಾ ರವಸುಧಾಮತಃ ॥ 87 ॥
ಸುರದೇಶಸ್ಯ ತೇ ಕೀರ್ತಿಂ ಮಂಡನತ್ವಂ ನಯನ್ತಿ ಯೈಃ ।
ವರದೇ ಶಸ್ಯತೇ ಧೀರೈರ್ಭವತೀ ಭುವಿ ದೇವತಾ ॥ 88 ॥
ತತ್ತ್ವಂ ವೀತಾವತತತುತ್ತತ್ವಂ ತತವತೀ ತತಃ ।
ವಿತ್ತಂ ವಿತ್ತವ ವಿತ್ತತ್ವಂ ವೀತಾವೀತವತಾಂ ಬತ ॥ 89 ॥
ತಾರೇ ಶರಣಮುದ್ಯನ್ತೀ ಸುರೇಶರಣಮುದ್ಯಮೈಃ ।
ತ್ವಂ ದೋಷಾಪಾಸಿನೋದಗ್ರಸ್ವದೋಷಾ ಪಾಸಿ ನೋದನೇ ॥ 90 ॥
ಸುಮಾತರಕ್ಷಯಾಲೋಕ ರಕ್ಷಯಾತ್ತಮಹಾಮನಾಃ ।
ತ್ವಂ ಧೈರ್ಯಜನನೀ ಪಾಸಿ ಜನನೀತಿಗುಣಸ್ಥಿತೀಃ ॥ 91 ॥
ಖ್ಯಾತಿಕಲ್ಪನದಕ್ಷೈಕಾ ತ್ವಂ ಸಾಮರ್ಗ್ಯಜುಷಾಮಿತಃ ।
ಸದಾ ಸರಕ್ಷಸಾಂಮುಖ್ಯದಾನವಾನಾಮಸುಸ್ಥಿತಿಃ ॥ 92 ॥
ಸಿತಾ ಸಂಸತ್ಸು ಸತ್ತಾಸ್ತೇ ಸ್ತುತೇಸ್ತೇ ಸತತಂ ಸತಃ ।
ತತಾಸ್ತಿತೈತ್ತಿ ತಸ್ತೇತಿ ಸೂತಿಃ ಸೂತಿಸ್ತತೋಽಸಿ ಸಾ ॥ 93 ॥
ತ್ವದಾಜ್ಞಯಾ ಜಗತ್ಸರ್ವಂ ಭಾಸಿತಂ ಮಲನುದ್ಯತಃ ।
ಸದಾ ತ್ವಯಾ ಸಗನ್ಧರ್ವಂ ಸಮಿದ್ಧಮರಿನುತ್ತಿತಃ ॥ 94 ॥
ಯತೋ ಯಾತಿ ತತೋಽತ್ಯೇತಿ ಯಯಾ ತಾಂ ತಾಯತಾಂ ಯತೈಃ ।
ಮಾತಾಮಿತೋತ್ತಮತಮಾ ತಮೋತೀತಾಂ ಮತಿಂ ಮಮ ॥ 95 ॥
ಮಹತ್ತಾಂ ತ್ವಂ ಶ್ರಿತಾ ದಾಸಜನಂ ಮೋಹಚ್ಛಿದಾ ವಸ ।
ಯಚ್ಛದ್ಧತ್ವಂ ಗತಃ ಪಾಪಮನ್ಯಸ್ಯ ಪ್ರಸಭಂ ಜಯ ॥ 96 ॥
ತ್ವಾಂ ಸಾಜ್ಞಾಸು ಜಗನ್ಮಾತಃ ಸ್ಪಷ್ಟಂ ಜ್ಞಾತಾ ಸುವರ್ತ್ಮಸು ।
ಪ್ರಜ್ಞಾ ಮುಖ್ಯಾ ಸಮುದ್ಭಾಸಿ ತತ್ಪೃಥುತ್ವಂ ಪ್ರದರ್ಶಯ ॥ 97 ॥
ಆಜ್ಞಾಸು ಜಗನ್ಮಾತಃ ಸ್ಪಷ್ಟಂ ಜ್ಞಾತಾ ಸುವರ್ತ್ಮಸು ಪ್ರಜ್ಞಾ ।
ಭಾಸಿ ತ್ವಂ ಸಾ ಮುಖ್ಯಾ ಸಮುತ್ಪೃಥುತ್ವಂ ಪ್ರದರ್ಶಯ ತತ್ ॥ 98 ॥
ಹನ್ತ್ರ್ಯೋ ರುಷಃ ಕ್ಷಮಾ ಏತಾ ಸನ್ದಕ್ಷೋಭಾಸ್ತಮುನ್ನತಃ ।
ಸತೇಹಿತಃ ಸೇವತೇ ತಾಃ ಸತತಂ ಯಃ ಸ ತೇ ಹಿತಃ ॥ 99 ॥
ಕರೋಷಿ ತಾತ್ಸ್ತ್ವಮುತ್ಖಾತಮೋಹಸ್ಥಾನೇ ಸ್ಥಿರಾ ಮತೀಃ ।
ಪದಂ ಯತಿಃ ಸುತಪಸಾ ಲಭತೇಽತಃ ಸಶುಕ್ಲಿಮ ॥ 100 ॥
ದೇವ್ಯಾ ಸ್ವಪ್ನೋದ್ಗಮಾದಿಷ್ಟದೇವೀಶತಕಸಂಜ್ಞಯಾ ।
ದೇಶಿತಾನುಪಮಾಮಾಧಾದತೋ ನೋಣಸುತೋ ನುತಿಮ್ ॥ 101 ॥
ಹಾರ್ದಧ್ವಾನ್ತನಿಯನ್ತೃಭಾಸ್ವರವಪುಃ ಸ್ವರ್ವಾಸಿನಾಂ ಸರ್ವತೋ
ದುರ್ವಾರಾರಿಪರಿಕ್ಷಯಂ ವಿದಧತೀ ಧ್ಯಾತೈವ ಲರ್ವಾಣಸೂಃ ।
ದೇಹಾರ್ಧೇ ನಿಹಿತಾ ಭವೇನ ಭುವನತ್ರಾಣೈಕತಾನಾತ್ಮನಾ
ದೇವಿ ತ್ವಂ ತ್ವಮಿವಾಪರಾ ಜಗತಿ ಕಾ ಸತ್ಕೇಸರೀನ್ದ್ರಸ್ಥಿತಿಃ ॥ 102 ॥
ಕ್ಲೇಶೋನ್ಮಾಥಕರೀ ಸತಾಂ ಭವಹರಾನನ್ದೈಕಹೇತೋ ಗುರು-
ರ್ಮಾತಾ ತ್ವಂ ಜಗತಾಂ ಭವನ್ತಿ ವಿಧವಾಃ ಸರ್ವೇ ತವಾನುಗ್ರಹಾತ್ ।
ದುರ್ಗೇ ನ ಕ್ವಚಿದೇವ ಸೀದತಿ ಜನಸ್ತ್ವದ್ಭಕ್ತಿಪೂತಾಶಯಃ
ಸ್ತುತ್ಯಾ ಭರ್ತುರಭಿನ್ನಯೇತಿ ವಿಬುಧೈಸ್ತ್ವಂ ಸ್ತೂಯಸೇ ಶ್ರೀರಿವ ॥ 103 ॥
ಯೇನಾನನ್ದಕಥಾಯಾಂ ತ್ರಿದಶಾನನ್ದೇ ಚ ಲಾಲಿತಾ ವಾಣೀ ।
ತೇನ ಸುದುಷ್ಕರಮೇತತ್ಸ್ತೋತ್ರಂ ದೇವ್ಯಾಃ ಕೃತಂ ಭಕ್ತ್ಯಾ ॥ 104 ॥
ಇತಿ ಶ್ರೀಮದಾನನ್ದವರ್ಧನಾಚಾರ್ಯವಿರಚಿತಂ ದೇವೀಶತಕಂ ಸಮ್ಪೂರ್ಣಮ್ ॥
– Chant Stotra in Other Languages –
Devi Shatakam Lyrics » Sanskrit » English » Bengali » Gujarati » Malayalam » Odia » Telugu » Tamil