॥ Devishatakam Malayalam Lyrics ॥
॥ ദേവീശതകം॥
ശ്രീഗണേശായ നമഃ ।
അനന്തമഹിമവ്യാപ്തവിശ്വാം വേധാ ന വേദ യാം ।
യാ ച മാതേവ ഭജതേ പ്രണതേ മാനവേ ദയാം ॥ 1॥
നതാപനീതക്ലേശായാഃ സുരാരിജനതാപനീ ।
ന താപനീ തനുര്യസ്യാസ്തുല്യാ നാദീനതാപനീ ॥ 2॥
വക്ത്രപദ്മാ വിധേര്‍ഭാന്തി യയാ സര്‍ഗലയോ ദയാ ।
യാ സാക്ഷാദ്യാ ച ജനിതസ്ഥിതിസര്‍ഗലയോദയാ ॥ 3॥
യാശ്രിതാ പാവനതയാ യാതനാച്ഛിദനീചയാ ।
യാചനീയാ ധിയാ മായായാമായാസം സ്തുതാ ശ്രിയാ ॥ 4॥
നമാംസി ധ്വംസമായാന്തി അസ്യാഃ സ്തുത്യാദരേണ വഃ ।
തസ്യാഃ സിദ്ധ്യൈ ധിയാം മാതുഃ കല്‍പന്താം പാദരേണവഃ ॥ 5॥
ഋഷീണാം സാദയാമാസ യാ തമാംസി ത്രയീമയീ ।
പായാദ്വഃ സാ ദയാമാധിച്ഛിദം ജഗതി ബിഭ്രതീ ॥ 6॥
സ്മരദ്വിഷാ യാ യയാചേ യയാ ചേയം വിധേഃ ക്രിയാ ।
യാം ചാച്യുതോഽപി തുഷ്ടാവ തുഷ്ടാ വഃ സാഽസ്തു പാര്‍വതീ ॥ 7॥
യാ ദമാവനയാഗേന സ്വാരാഥാ നയസാരയാ ।
ഹരികൈതവഹാസ്യായ സായാമാ വിജിതാ യയാ ॥ 8॥
യായതാജിവിമയാ സാ യസ്യാ ഹാ ബത കൈരിഹ ।
യാ രസായനധാരാ സ്വാ ന ഗേയാനവമാ ദയാ ॥ 9॥
സാ ബുദ്ധിരുത്തമാലോകഃ സതാമാര്യാ പുനാതു വഃ ।
യദ്ഭക്തേരുത്തമാ ലോകഃ പ്രാപ്നോത്യേഷ വിശുദ്ധതാം ॥ 10॥
അയുദ്ധ സാധുത്രാണായ സാമരാ യാ സഹാരിണാ ।
ഖങ്ഗേന ദീപ്രാ ദേവാനാം സാമരായാസഹാരിണാ ॥ 11॥
ചരണാഘാതനിഹതകാസരാ ച രണാജിരേ ।
രരാജ യാ നയജയൈരരാജസജനാനതാ ॥ 12॥
സാവതാദ്വോഽംബികാഽഭ്യര്‍ച്യനാമാ ന ന യശോഭിതഃ ।
തനോതി പ്രണതോ യസ്യാ നാ മാനനയശോഭിതഃ ॥ 13॥
സംയതം യാചമാനേന യസ്യാഃ പ്രാപി ദ്വിഷാ വധഃ ।
സംയതം യാ ച മാനേന യുനക്തി പ്രണതം ജനം ॥ 14॥
യാ ദമാനവമാനന്ദപദമാനനമാനദാ ।
ദാനമാനക്ഷമാനിത്യധനമാനവമാനിതാ ॥ 15॥
സാ രക്ഷതാദപാരാ തേ രസകൃദ്ഗൌരബാധികാ ।
സാരക്ഷതാദപാരാതേരസകൃദ്ഗൌരവാധികാ ॥ 16॥
അനുത്തമോഹരാശയോ ഭവന്തി യാമനാശ്രിതാഃ ।
അനുത്തമോ ഹരാശയോ യയാ ചിരം ച രഞ്ജിതഃ ॥ 17॥
അനന്തരാഗതാപായാസ്താരയിത്രീ ഭവാപദഃ ।
അനന്തരാഗതാപായാഃ സാ വോ ഗൌരീ ഹിയാത്ക്രിയാഃ ॥ 18॥
യാമായാസജിദാസക്തശോകജാലസ്യ പാതിനീ ।
യാ മാതാ സര്‍വദാ ഭക്തലോകജാലസ്യ പാലനീ ॥ 19॥
സാമരാഗമനായാസം ത്യക്ത്വാ സാര്‍ധം സുരാരിഭിഃ ।
സാമരാ ഗമനായാസന്നുദ്യതാ യുധി യദ്ഗണാഃ ॥ 20॥
സാമോദയാജയാ ശാതൈഃ ശസ്ത്രൈഃ ശത്രൌ ഹതേ യയാ ।
സാമോദയാ ജയാശാ തൈര്‍ഗീര്‍വാണൈര്‍ഗര്‍വതോ ജഹേ ॥ 21॥
യയായായായ്യയാ യൂയം യോ യോഽയം യേയയൈയ യാം ।
യയുയായിയയേയായ യയേഽയായായ യായയുക് ॥ 22॥
സാഽവ്യാദ്ഗൌരീ സദാ യുഷ്മാന്‍സദായുഷ്മാന്‍സമൃദ്ധ്യതി ।
ശരണം യാം നരോ ഗച്ഛന്ന രോഗച്ഛന്ദമേതി ച ॥ 23॥
കൃതാസ്പദാ യഥാ സമ്പദഘാനി സുരവൈരിഷു ।
ഹന്തി യാ വാങ്മയീ ദൂരാദഘാനി സുരവൈരിഷുഃ ॥ 24॥
ജിതാനയാ യാ നതാജിതാരസാതതസാരതാ ।
ന സാവനാ നാവസാനയാതനാരിരിനാ തയാ ॥ 25॥
മനോഭവാരാതിമനോഭിരാമയാ ജരാമയാപാകരണൈകദക്ഷയാ ।
മദക്ഷയാന്നിര്‍മലതാം ദദാനയാ സദാ നയാസ്ഥാ ക്രിയതാം തവാര്യയാ ॥ 26॥
സമായയാവിന്ദ്രഹിതായ യാ രണേ സമായയാ യാ ന ജിതാരിസേനയാ ।
സ മാ യയാചേ ഹരമാശ്രിതഃ സ്ഫുടം സമാ യയാ മുഗ്ധതയാ മനോജ്ഞതാഃ ॥ 27॥
സാ ഭാവക്ഷാലവര്യാ നുതവിഭവിതനുര്യാ വലക്ഷാവഭാസാ
ജാനാനസ്യാശയപ്രാ നവനലിനവനപ്രായശസ്യാനനാജാ ।
സാതം വര്‍മാനനസ്ഥാ രഹസി രസിഹരസ്ഥാനനര്‍മാവതംസാ
പായാദക്താ രണത്രാ മതനമനതമത്രാണരക്താ ദയാപാ ॥ 28॥
ഉപാസതേ കൃഷ്ടികൃതോദയാം യാം ജനാ സദാരാധനമീഹമാനാഃ ।
ശംഭോഃ പ്രസിദ്ധാ തനുതാം വഹന്തീ ഗൌരീ ഹിതം സാ ഭവതാം വിധേയാത് ॥ 29॥
യാം സദ്യ ഏവ ത്രിദശൈഃ പുമാംസഃ സമാ നമസ്യന്തി സദാനഭോഗാഃ ।
അഘാനി യസ്യ പ്രണതാ വിപക്ഷൈഃ സമാനമസ്യന്തി സദാ നഭോഗാഃ ॥ 30॥
യസ്യാഃ പ്രഭാവോ ദ്യുസദാം വിപക്ഷസേനാ വധാനന്ദയിതാഹരസ്യ ।
മനോംബുജസ്യാവഹതു ശ്രിയൈ വഃ സേനാവധാനം ദയിതാ ഹരസ്യ ॥ 31॥
സുരാ ജിതാ ഭാവിതദേവരാജദ്വിപക്ഷമാ യാത രണാദഭീതം ।
സ്വാപം ന വോ ധാമ ഹിതം ന നാമ സദൈവസേനാ ഭവതോഹിതാനാം ॥ 32॥
സുരാജിതാ ഭാവിതദേവരാജദ്വിപക്ഷമായാ തരണാദഭീതം ।
സ്വാപന്നബോധാമഹിതം നനാമ സദൈവ സേനാ ഭവതോ ഹിതാനാം ॥ 33॥
സുരാനിതി ദ്വേഷിജനൈരഭിദ്രുതാനുദാഹരദ്യാ സ്വയമാഹവോദ്യതാ ।
ശിവോഽദ്യ താപപ്രശമസ്തയാ തവ പ്രശസ്തയാ തത്ത്വദൃശാ വിധീയതാം ॥ 34॥
വക്രം ബിഭ്രത്യുപഹിതചന്ദ്രായാസം യാ സമ്മോഹപ്രശമനസൂര്യാകാരാ ।
കാരാനീതാമരമരിമാചിക്ഷേപ ക്ഷേപത്യക്താ രണഭുവി സാ വഃ പായാത് ॥ 35॥
ഹിതേ ഹിതേഽസ്തു തേ സ്തുതേ ജിതാജിതാമിതാമിതാ ।
ജയാജയാ ജനോഽജനോ യയാ യയാവലം ബലം ॥ 36॥
സക്തിം വഃ സുകൃതാര്‍ജനേ വിദധതീ സത്രാം യതാം ത്രായതാം
ദുര്‍ഗാ ദുര്‍ഗ്രഹദൂഷിതോദ്ധതധിയാമായാസദാ യാ സദാ ।
സാധൂത്സാഹവിധാനസക്തമനസാം മുഖ്യാ തതോ ഖ്യാതതാം
സംസ്മൃത്യൈവ » – മത്സരഭരസ്ഫീതാപദാം താപദാം ॥ 37॥
യാ മൂര്‍തിം കിമപി സ്മരാരിവപുഷാ ധത്തേ സമായോജിതാം
യാം ദൃഷ്ട്വൈവ വിനാശമാപ സഹസാ ശുംഭഃ സമായോഽജിതാം ।
യാ നംരൈഃ സുരസിദ്ധികിം‍നരനരൈഃ ഖേദം വിനാ ശസ്യതേ
സാ ഹേതുര്‍ഭവതാം ത്രിലോചനവധൂരശ്രീവിനാശസ്യ തേ ॥ 38॥
സായാസായാസ്ത്രിലോക്യാഃ ശരണമകരുണക്ഷുണ്ണദൈത്യപ്രവീരാ
സ്വൈരം സ്വൈരംശസര്‍ഗൈര്‍ഗഹനതമമഹാമോഹഹാര്‍ദം ഹരന്തീ ।
ശസ്യാശസ്യാദധാനാ സകലമഭിഹിതം ഭക്തിഭാജഃ സ്മൃതൈവ
സ്താദസ്താദഭ്രദോഷാ ദ്വിഷദുപശമനീ സര്‍വതഃ പാര്‍വതീ വഃ ॥ 39॥
സുരസുരചിതചിതനവനവഭവഭവനാനാദരാദരായേഥേ ।
ലയലയചരണൌ ചരണൌ ന ന മാമി നതേന നമാമി ന തേ ॥ 40॥
യാ വിസ്മയം സ്മരഭിദാ ചക്രേഽങ്കാരോപിതാ നവം നാരീണാം ।
വിദധേ യച്ചാപസ്യ ന ച ക്രേങ്കാരോഽപി താനവം നാരീണാം ॥ 41॥
യാ ഹന്താം ച പ്രയാതാ വിഹാഥസാ കംസമാഹ താരാതിബലേന ।
കൃഷ്ണസ്തവ പരമായാ വിഹായ സാകം സമാഹതാരാതിബലേന ॥ 42॥
താം നമത യാ ച സമരേഷ്വനേകശോ ഭാതി ഭദ്രകാലീ നതയാ ।
ഖ്യാതി യയാ ജനതോജ്ജ്വലവിവേകശോഭാതിഭദ്രാകാലീനതയാ ॥ 43॥
താം സ്മരത ഥാ സ്മൃതൈവ ഹി മാനവതാമരസമാനതാ രാതി ബലാത് ।
യത്പ്രണതം ശ്രീഃ ശ്രയതേ മാനവതാമരസമാന താരാതി ബലാത് ॥ 44॥
അനവരാഗസമുദ്ഭവദേഹതാമുപഗതാ ദദൃശേ ഗിരിശേന യാ ।
അനവരാഗസമുദ്ഭവദേഹ താമവനതോഽസ്മി ജഗാത്പ്രിയതാം സതീം ॥ 45॥
മേനേ നൂനമനേന മാനനമുമാനാംനാ നു മേനോന്‍മനാ
നുന്നേനോനമനേ നിമാനമമുനാ നോ നാമ നാനാനുമേ ।
മൌനേനാമമമാനനിംനമനനാന്നാനാമിനാനൂനിമേ
സുന്‍മിന്നാനനമാ നമീ മുനിമനോമാനാനനോന്നാമിനി ॥ 46॥
താം വന്ദേഽഹം നവം ദേഹം ജ്ഞാനരൂപം വിധായ യാ ।
സുഘീരസ്യതി ധീരസ്യ മഹാമോഹമയീം ത്വചം ॥ 47॥
യാം നുത്വാ യാന്തി ഹൃദ്യാര്‍ഥസജ്ജായാം ഗിരി ശസ്യതാം ।
നൌംയഹം ഭക്തിമാസ്ഥായ സജ്ജായാം ഗിരിശസ്യ താം ॥ 48॥
യദാനതോഽയദാനതോ ന യാത്യയം നയാത്യയം ।
ശിവേ ഹിതാം ശിവേഹിതാം സ്മരാമിതാം സ്മരാമി താം ॥ 49॥
സരസ്വതിപ്രസാദം മേ സ്ഥിതി ചിത്തസരസ്വതി ।
സരസ്വതി കുരു ക്ഷേത്രകുരുക്ഷേത്രസരസ്വതി ॥ 50॥
ത്വദ്ഭക്തിഭാവിതധിയോ ജഗതാമത്ര യേ ത്രയേ ।
ജന്‍മവത്താമഹം മന്യേ തേഷാമേവാനൃണാം നൃണാം ॥ 51॥
ജഗതഃ സാതിരേകാ ത്വം ഗതിരസ്യ സ്ഥിരാധികാ ।
തരസ്യത്രാസതാരാരേഃ സാസ്യത്രാസരസസ്ഥിതി ॥ 52॥
ത്വന്നാമസ്മരണാദേവ ന ലക്ഷ്മീശ്ചപലായതേ ।
സര്‍വതഃ പാര്‍വതി ക്ഷിപ്രമലക്ഷ്മീശ്ച പലായതേ ॥ 53॥
ജയന്തി ഭക്താ വിത്തേശസമരായസ്തബാഹവേ ।
തുഭ്യന്നമസ്ത്രിലോക്യര്‍ഥസമരായസ്തബാഹവേ ॥ 54॥
സത്ത്വം സംയക്ത്വമുന്‍മീല്യ ഹൃദി ഭാസി വിരാജസേ ।
ദ്വിഷാമരീണാ ത്വം സേനാം വാഹിനീമുദകമ്പയഃ ॥ 55॥
ദൂരാഗതരസാ ധന്യഃ സേവതേയസ്തവ സ്തുതീഃ ।
ദൂരാഗത രസാധന്യഃ കല്‍പന്തേ തസ്യ സിദ്ധയഃ ॥ 56॥
മോഹം ഹത്വാസ്പദം യാസി സാത്ത്വമംബരവാസിനാ ।
യാ ന സംസ്തൂയസേ കേന സാ ത്വംബരവസിനാ ॥ 57॥
പ്രകാശ്യ ഗൃഹ്യപുംസസ്യഖേദച്ഛേദാംബുദാവലീ ।
പ്രജ്ഞാത്മനേനവിമലാ സ്മിതാ ദൃശ്യസി വിദ്വതാം ॥ 58॥
ഭവാനി യേ നിരന്തരം തവ പ്രണാമലാലസാഃ ।
മനസ്തമോമലാലസാ ഭവന്തി നൈയ തു ക്വചിത് ॥ 59॥
വിഭാവനാകുലാ ത്വയി ക്രമേണ ദേവി ഭാവനാ ।
വപുഷ്പതിസ്ഥിരേതരേ നിതാന്തമേവ പുഷ്യതി ॥ 60॥
മഹോഽദയാനാമവധീ രണേന മഹോദയാനാമവധീരണേന ।
മഹോദയാനാമവ ധീരണേജമഹോദയാനാമവധീരണേന ॥ 61॥
ന മജ്ജനേന തീര്‍ഥാനാം തദിഹ പ്രാപ്യതേ ശുഭം ।
നമജ്ജനേന തീര്‍ഥാനാം സേവയാ യത്തവാംബികേ ॥ 62॥
പ്രയാതി മോഹേ നിഃസാരഭാരതീവ്രതമേത്യയം ।
ത്വാത്പ്രാസാദാജ്ജനഃ സാരഭാരതീവ്രതമേത്യയം ॥ 63॥
ശാസ്ത്രപ്രഭാവഹസിതാഃ സതാം യാ നിര്‍മലാ ഗിരഃ ।
ശാസ്ത്രപ്രഭാവഹസിതാസ്ത്വമംബതിമിരച്ഛിദഃ ॥ 64॥
ശമീഹ തേ സമാനതോ വിഭാവിതോഽത്രസന്ന യഃ ।
വിഭാവിതോഽത്ര സന്നയഃ ശമീഹതേ സ മാനതഃ ॥ 65॥
മാതരം ത്വാ പദം സദ്യ ആശ്രിതാസ്തേ കഥം ജനാഃ ।
മാ തരന്ത്വാപദം സദ്യ ആദ്യം ശ്രേയഃ സമാശ്രിതാഃ ॥ 66॥
ഭാതി ത്വത്തനുസംശ്ലേഷേ സത്യംബ വപുരനുത്തരം ।
സംസാരാബ്ധൌ സദാഹുസ്തേ സത്യം വപുരനുത്തരം ॥ 67॥
യച്ഛ മേ നിത്യസംസങ്ഗി യച്ഛമേ തദിദം മനഃ ।
സ്വച്ഛലോ ഭക്തിയോഗസ്തേ സ്വച്ഛലോകവിവേകസൂഃ ॥ 68॥
കേ വലന്തേ വിതന്വന്തകൃതസ്ത്വത്പ്രണതാ ഭവേ ।
കേവലം തേ വിതന്വന്ത ആസതേ വിമലാം ധിയം ॥ 69॥
ദേവി നിര്‍ദഗ്ധകാമസ്യ ത്വം നിരാവരണാത്മനഃ ।
ഹരസ്യ ശുഭസന്താനം തേനാസൌ ഭ്രാജതേ തഥാ ॥ 70॥
ദ്വിഷദ്ഭിയാ സപദി വിമുച്യതേ യതസ്തവാനതോ ജനനി ജയാശയാ ന കഃ ।
സ്തവാനതോ ജനനിജയാ ശയാനകഃ കരോതി തേ യുധി മധുസൂദനസ്വസഃ ॥ 71॥
ജ്യായോനിഷ്ഠാരിവര്യാധിനിയമനവരസ്വൈരദത്തായതാജ്ഞാ
സ്വാരാധത്വാസമധ്യാനിയജനജനനി ജ്ഞേയസുസ്ഥാവഭാസാ ।
നാനാപുണ്യാഗമസ്ഥാ ജനനമനമയജ്ഞാനനന്ദ്യാ വരാ ധീ-
ര്യാതാ നവ്യാ വിഭുത്വം നുതസരലമനസ്താമസസ്യാവഹാസ്യേ ॥ 72॥
സ്യേഹാവ സ്യാ സമസ്താനമലരസതനു ത്വം ഭുവി വ്യാനതാര്യാ
ധീരാ വന്ദ്യാ ന ന ജ്ഞാ യമനമനനജസ്ഥാമഗണ്യാ പുനാനാ ।
സാ ഭാവസ്ഥാ സുയജ്ഞേഽനിനജനജയനി ധ്യാമസത്ത്വാധരാസ്വാ
ജ്ഞാതായത്താദരസ്വൈരവനമനിധിര്യാ വരിഷ്ഠാനിയോജ്യാ ॥ 73॥
അലോലകമലേ ചിത്തലലാമകമലാലയേ ।
പാഹി ചണ്ഡി മഹാമോഹഭങ്ഗഭീമബലാമലേ ॥ 74॥
ദുര്‍ഗാപി മാതഃ സുലഭാസി ഭക്ത്യാ ഭവാനുകൂലാപി ഭവം ക്ഷിണോഷി ।
അധ്യേയതാം യാസി സദൈവ ദേവി ധ്യേയാസി ചിത്രം ചരിതം തവൈതത് ॥ 75॥
മഹദേസുരസന്ധമ്മേ തമവസമാസങ്ഗമാഗമാഹരണേ ।
ഹരബഹുസരണം തം ചിത്തമോഹമവസര ഉമേ സഹസാ ॥ 76॥
വന്ദ്യാ പ്രഭാതസന്ധ്യേവ സൂര്യാലോകപ്രവര്‍തിനീ ।
നിവര്‍തയസി ദേവി ത്വം മഹാമോഹമയീം നിശാം ॥ 77॥
സംവാദിസാരസമ്പത്തീസദാഗോരിജയേസുദേ ।
തവസത്തീരദേ സന്തു സംസാരേ സുസമാനദേ ॥ 78॥
ആഗമമണിസുദമഹിമസമസമ്മദകൃദപരജസ്സു ।
കിര സവിഭയവദിതോ സമയ ഉജ്ജലഭാവസഹസ്സു ॥ 79॥
ത്വം വാദേ ശാസ്ത്രസങ്ഗിന്യാം ഭാസി വാചി ദിവൌകസഃ ।
തവാദേശാസ്ത്രസംസ്കാരാജ്ജയന്തി വരദേ ദ്വിഷഃ ॥ 80॥
സദാവ്യാജവശിധ്യാതാഃ സദാത്തജപശിക്ഷിതാഃ ।
ദദാസ്യജസ്രം ശിവതാഃ സൂദാത്താജദിശി സ്ഥിതാഃ ॥ 81॥
ഹരേഃ സ്വസാരം ദേവി ത്വാ ജനതാശ്രിത്യ തത്ത്വതഃ ।
വേത്തി സ്വസാരം ദേവിത്വാ യോഗേന ക്ഷപിതാശുഭാ ॥ 82॥
സദാപ്നോതി യതിര്‍ജ്യോതിസ്താദൃശം സ്വത്പ്രഭാവതഃ ।
പ്രഭാവതഃ സമോ യേന കല്‍പതേ മോഹനുത്തിതഃ ॥ 83॥
ത്വം സദ്ഗതിഃ സിതാപാരാ പരാ വിദ്യോത്തിതീര്‍ഷതഃ ।
സംസാരാദത്ര ചാംബ ത്വം സത്ത്വം പാസി വിപത്തിതഃ ॥ 84॥
പരമാ യാ തപോവൃത്തിരാര്യായാസ്തം സ്മൃതിം ജനാഃ ।
പരമായാത പോഷായ ധിയാം ശരണമാദൃതാഃ ॥ 85॥
പ്രവാദിമതഭേദേഷു ദൃശ്യസ്തേ മഹിമാശ്രയഃ ।
ഭാന്തി ത്വത്ത്രിശിഖസ്യേവ ശിഖാനാമസമാശ്രയഃ ॥ 86॥
യച്ചേഷ്ടയാ തവ സ്ഫീതമുദാരവസു ധാമതഃ ।
യച്ചേതോ യാത്യവഹിതമുദാ രവസുധാമതഃ ॥ 87॥
സുരദേശസ്യ തേ കീര്‍തിം മണ്ഡനത്വം നയന്തി യൈഃ ।
വരദേ ശസ്യതേ ധീരൈര്‍ഭവതീ ഭുവി ദേവതാ ॥ 88॥
തത്ത്വം വീതാവതതതുത്തത്വം തതവതീ തതഃ ।
വിത്തം വിത്തവ വിത്തത്വം വീതാവീതവതാം ബത ॥ 89॥
താരേ ശരണമുദ്യന്തീ സുരേശരണമുദ്യമൈഃ ।
ത്വം ദോഷാപാസിനോദഗ്രസ്വദോഷാ പാസി നോദനേ ॥ 90॥
സുമാതരക്ഷയാലോക രക്ഷയാത്തമഹാമനാഃ ।
ത്വം ധൈര്യജനനീ പാസി ജനനീതിഗുണസ്ഥിതീഃ ॥ 91॥
ഖ്യാതികല്‍പനദക്ഷൈകാ ത്വം സാമര്‍ഗ്യജുഷാമിതഃ ।
സദാ സരക്ഷസാമ്മുഖ്യദാനവാനാമസുസ്ഥിതിഃ ॥ 92॥
സിതാ സംസത്സു സത്താസ്തേ സ്തുതേസ്തേ സതതം സതഃ ।
തതാസ്തിതൈത്തി തസ്തേതി സൂതിഃ സൂതിസ്തതോഽസി സാ ॥ 93॥
ത്വദാജ്ഞയാ ജഗത്സര്‍വം ഭാസിതം മലനുദ്യതഃ ।
സദാ ത്വയാ സഗന്ധര്‍വം സമിദ്ധമരിനുത്തിതഃ ॥ 94॥
യതോ യാതി തതോഽത്യേതി യയാ താം തായതാം യതൈഃ ।
മാതാമിതോത്തമതമാ തമോതീതാം മതിം മമ ॥ 95॥
മഹത്താം ത്വം ശ്രിതാ ദാസജനം മോഹച്ഛിദാ വസ ।
യച്ഛദ്ധത്വം ഗതഃ പാപമന്യസ്യ പ്രസഭം ജയ ॥ 96॥
ത്വാം സാജ്ഞാസു ജഗന്‍മാതഃ സ്പഷ്ടം ജ്ഞാതാ സുവര്‍ത്മസു ।
പ്രജ്ഞാ മുഖ്യാ സമുദ്ഭാസി തത്പൃഥുത്വം പ്രദര്‍ശയ ॥ 97॥
ആജ്ഞാസു ജഗന്‍മാതഃ സ്പഷ്ടം ജ്ഞാതാ സുവര്‍ത്മസു പ്രജ്ഞാ ।
ഭാസി ത്വം സാ മുഖ്യാ സമുത്പൃഥുത്വം പ്രദര്‍ശയ തത് ॥ 98॥
ഹന്ത്ര്യോ രുഷഃ ക്ഷമാ ഏതാ സന്ദക്ഷോഭാസ്തമുന്നതഃ ।
സതേഹിതഃ സേവതേ താഃ സതതം യഃ സ തേ ഹിതഃ ॥ 99॥
കരോഷി താത്സ്ത്വമുത്ഖാതമോഹസ്ഥാനേ സ്ഥിരാ മതീഃ ।
പദം യതിഃ സുതപസാ ലഭതേഽതഃ സശുക്ലിമ ॥ 100॥
ദേവ്യാ സ്വപ്നോദ്ഗമാദിഷ്ടദേവീശതകസംജ്ഞയാ ।
ദേശിതാനുപമാമാധാദതോ നോണസുതോ നുതിം ॥ 101॥
ഹാര്‍ദധ്വാന്തനിയന്തൃഭാസ്വരവപുഃ സ്വര്‍വാസിനാം സര്‍വതോ
ദുര്‍വാരാരിപരിക്ഷയം വിദധതീ ധ്യാതൈവ ലര്‍വാണസൂഃ ।
ദേഹാര്‍ധേ നിഹിതാ ഭവേന ഭുവനത്രാണൈകതാനാത്മനാ
ദേവി ത്വം ത്വമിവാപരാ ജഗതി കാ സത്കേസരീന്ദ്രസ്ഥിതിഃ ॥ 102॥
ക്ലേശോന്‍മാഥകരീ സതാം ഭവഹരാനന്ദൈകഹേതോ ഗുരു-
ര്‍മാതാ ത്വം ജഗതാം ഭവന്തി വിധവാഃ സര്‍വേ തവാനുഗ്രഹാത് ।
ദുര്‍ഗേ ന ക്വചിദേവ സീദതി ജനസ്ത്വദ്ഭക്തിപൂതാശയഃ
സ്തുത്യാ ഭര്‍തുരഭിന്നയേതി വിബുധൈസ്ത്വം സ്തൂയസേ ശ്രീരിവ ॥ 103॥
യേനാനന്ദകഥായാം ത്രിദശാനന്ദേ ച ലാലിതാ വാണീ ।
തേന സുദുഷ്കരമേതത്സ്തോത്രം ദേവ്യാഃ കൃതം ഭക്ത്യാ ॥ 104॥
ഇതി ശ്രീമദാനന്ദവര്‍ധനാചാര്യവിരചിതം ദേവീശതകം സമ്പൂര്‍ണം ॥
– Chant Stotra in Other Languages –
Devi Shatakam Lyrics » Sanskrit » English » Bengali » Gujarati » Kannada » Odia » Telugu » Tamil