॥ Devidhamashtakam Gujarati Lyrics ॥
॥ દેવીધામાષ્ટકમ્ ॥
કસ્મૈચિદઙ્ઘ્રિપ્રણતાખિલેષ્ટવિશ્રાણનવ્રીડિતકૌસ્તુભાય ।
કામારિવામાઙ્કજુષે કિરીટકનચ્છશાઙ્કાય નમોઽસ્તુ ધામ્ને ॥ ૧ ॥
કસ્મૈચિદુદ્યદ્રવિકોટિભાસે કલ્પદ્રુમાણામપિ ગર્વહર્ત્રે ।
પુણ્ડ્રેક્ષુપાશાઙ્કુશપુષ્પબાણહસ્તાય શસ્તાય નમોઽસ્તુ ધામ્ને ॥ ૨ ॥
કસ્મૈચિદાદ્યાય નમોઽસ્તુ ધામ્ને બન્ધૂકપુષ્પાભકલેબરાય ।
કુલાદ્રિવંશામ્બુધિકૌસ્તુભાય મત્તેભકુમ્ભસ્તનબન્ધુરાય ॥
કસ્મૈચિદાદ્યાય નમોઽસ્તુ ધામ્ને ભણ્ડાસુરામ્ભોનિધિબાડવાય ।
ભક્તૌઘસંરક્ષણદક્ષિણાય ભાધીશનીકાશમુખામ્બુજાય ॥ ૪ ॥
કસ્મૈચિદસ્તુ પ્રણતિઃ કરામ્બુજાતમ્રદિમ્ના હસતે પ્રવાલમ્ ।
કારુણ્યજન્માવનયે કાપર્દિમોદાબ્ધિરાકારજનીકરાય ॥ ૫ ॥
કલ્યાણશૈલાધિપમધ્યશૃઙ્ગનિકેતનાય પ્રણતાર્તિહન્ત્રે ।
ક્રવ્યાદવૈરિપ્રમુખેડિતાય કુર્મઃ પ્રણામં કુતુકાય શમ્ભૌ ॥ ૬ ॥
કચપ્રભાનિર્જિતનીરદાય કસ્તુરિકાકુઙ્કુમલેપનાય ।
બિમ્બાધરાય શ્રુતિબોધિતાય બન્ધાપનોદાય નમોઽસ્તુ ધામ્ને ॥ ૭ ॥
કટાક્ષકાઙ્ક્ષિપ્રવરામરાય કાલારિચિત્તામ્બુજભાસ્કરાય ।
પટીયસે પાપસમૂહભેદે નમોઽસ્તુ કસ્મૈચિદમોઘધામ્ને ॥ ૮ ॥
ઇતિ શૃઙ્ગેરિ શ્રીજગદ્ગુરુ શ્રીસચ્ચિદાનન્દશિવાભિનવનૃસિંહ-
ભારતીસ્વામિભિઃ વિરચિતં શ્રીદેવીધામાષ્ટકં સમ્પૂર્ણમ્ ।
– Chant Stotra in Other Languages –
Devidhamashtakam Lyrics in Sanskrit » English » Bengali » Kannada » Malayalam » Odia » Telugu » Tamil