॥ Siva Mahima Ashtakam Malayalam Lyrics ॥
॥ ശ്രീശിവമങ്ഗലാഷ്ടകം ॥
ഭവായ ചന്ദ്രചൂഡായ നിര്‍ഗുണായ ഗുണാത്മനേ ।
കാലകാലായ രുദ്രായ നീലഗ്രീവായ മങ്ഗലം ॥ 1 ॥
വൃഷാരൂഢായ ഭീമായ വ്യാഘ്രചര്‍മാംബരായ ച ।
പശൂനാം പതയേ തുഭ്യം ഗൌരീകാന്തായ മങ്ഗലം ॥ 2 ॥
ഭസ്മോദ്ധൂലിതദേഹായ വ്യാലയജ്ഞോപവീതിനേ ।
രുദ്രാക്ഷമാലാഭൂഷായ വ്യോമകേശായ മങ്ഗലം ॥ 3 ॥
സൂര്യചന്ദ്രാഗ്നിനേത്രായ നമഃ കൈലാസവാസിനേ ।
സച്ചിദാനന്ദരൂപായ പ്രമഥേശായ മങ്ഗലം ॥ 4 ॥
മൃത്യുംജയായ സാംബായ സൃഷ്ടിസ്ഥിത്യന്തകാരിണേ ।
ത്ര്യംബകായ സുശാന്തായ ത്രിലോകേശായ മങ്ഗലം ॥ 5 ॥
ഗംഗാധരായ സോമായ നമോ ഹരിഹരാത്മനേ ।
ഉഗ്രായ ത്രിപുരഘ്നായ വാമദേവായ മങ്ഗലം ॥ 6 ॥
സദ്യോജാതായ ശര്‍വായ ദിവ്യജ്ഞാനപ്രദായിനേ ।
ഈശാനായ നമസ്തുഭ്യം പഞ്ചവക്ത്രായ മങ്ഗലം ॥ 7 ॥
സദാശിവസ്വരൂപായ നമസ്തത്പുരുഷായ ച ।
അഘോരായച ഘോരായ മഹാദേവായ മങ്ഗലം ॥ 8 ॥
മങ്ഗലാഷ്ടകമേതദ്വൈ ശംഭോര്യഃ കീര്‍തയേദ്ദിനേ ।
തസ്യ മൃത്യുഭയം നാസ്തി രോഗപീഡാഭയം തഥാ ॥ 9 ॥
– Chant Stotra in Other Languages –
Lord Shiva Slokam » Sri Shiva Mahima Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil