॥ Dosha Parihara Ashtakam Gujarati Lyrics ॥
॥ દોષપરિહારાષ્ટકમ્ સાર્થમ્ ॥
અન્યસ્ય દોષગણનાકુતુકં મમૈતદાવિષ્કરોતિ નિયતં મયિ દોષવત્ત્વમ્ ।
દોષઃ પુનર્મયિ ન ચેદખિલે સતીશે દોષગ્રહઃ કથમુદેતુ મમેશ તસ્મિન્ ॥ ૧ ॥
એષા વ્યથેતિરકૃતેતિ મમેશ તસ્મિન્ કોપો યદિ સ્વપરકામમુખપ્રસૂતા ।
સેયં વ્યથેતિ મયિ મે ન કથન્નુ કોપઃ સ્વસ્ય વ્યથા સ્વદુરિતપ્રભવા હિ સર્વા ॥ ૨ ॥
કામભૃત્યખિલદોષનિધેર્મમૈષ મય્યાહ દોષમિતિ કો નુ દુરાગ્રહોંઽસ્મિન્ ।
હેયત્વમાલપતિ યોઽયમલં ન કેન વાર્યોઽથ સત્વવતિ સોઽયમસત્કિમાહ ॥ ૩ ॥
યઃ સંશ્રિતઃ સ્વહિત ધીર્વ્યસનાતુરસ્તદ્દોષસ્ય તં પ્રતિ વચોઽસ્તુ તદન્યદોષં ।
યદ્વચ્મિ તન્મમ ન કિં ક્ષતયે સ્વદોષચિન્તૈવ મે તદપનોદફલોચિતાતઃ ॥ ૪ ॥
દોષં પરસ્ય નનુ ગૃહ્ણતિ મય્યનૈન સ્વાત્મૈષ એવ પરગાત્રસમાહૃતેન
દુર્વસ્તુનેવ મલિનીક્રિયતે તદન્યદોષગ્રહાદહહ કિં ન નિવર્તિતવ્યમ્ ॥ ૫ ॥
નિર્દોષભાવમિતરસ્ય સદોષભાવં સ્વસ્યાપિ સંવિદધતી પરદોષધીર્મે ।
આસ્તામિયં તદિતરા તુ પરાર્તિમાત્રહેતુર્વ્યનક્તુ ન કથં મમ તુચ્છભાવમ્ ॥ ૬ ॥
પદ્માદિસૌરભ ઇવ ભ્રમરસ્ય હર્ષં હિત્વાન્યદીયસુગુણે પુનરન્યદોષે ।
હર્ષો દુરર્થ ઇવ ગેહકિટેઃ કિમાસ્તે હા મે કદેશ કૃપયા વિગલેત્સ એષઃ ॥ ૭ ॥
દોષે સ્વભાજિ મતિકૌશલમન્યભાજિ મૌઢ્યં ગણેઽન્યજુષિ હર્ષભરઃ સ્વભાજિ ।
અસ્તપ્રસક્તિરખિલેષુ દયાત્યુદારવૃત્યોર્જિતો મમ કદાઽસ્તુ હરાનુરાગઃ ॥ ૮ ॥
॥ ઇતિ શ્રીશ્રીધર અય્યાવાલકૃત દોષપરિહારાષ્ટકં સમ્પૂર્ણમ્ ॥
– Chant Stotra in Other Languages –
Dosha Parihara Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil